ᓂᕼᐃᒤᐊᐅᑉ ᐊᒡᓚᖏᑦ 5:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.

ᓂᕼᐃᒤᐊᐅᑉ ᐊᒡᓚᖏᑦ 5:9 Iomraidhean Croise

ᒨᓯᓯ ᓯᕗᓪᓖᑦ 20:11

ᐂᑉᕋᕼᐋᒻ ᑭᐅᕚ, “ᑍᒤᓕᐅᓚᐅᕐᐳᖓ ᐃᓱᒪᖃᓚᐅᕋᒪ, ᐅᕙᓂ ᓄᓇᒥ ᒎᑎᒥᒃ ᓯᕘᕋᔪᖃᕋᓱᒋᓇᒍ, ᑐᖁᑕᐅᓂᐊᕋᓱᒋᓚᐅᕋᒪ ᓄᓕᐊᓐᓂᒃ ᐱᔪᒪᔪᓄᑦ.

ᒨᓯᓯ ᓯᕗᓪᓖᑦ 42:18

ᐅᓪᓗᐃᑦ ᐱᖓᔪᖓᓐᓂ ᔫᓯᐱᐅᑉ ᐅᖃᐅᑎᕔᑦ, “ᐃᓅᔪᒪᒍᑦᓯ ᐃᒤᓕᐅᕐᑐᒃᓴᐅᕗᓯ, ᒎᑎ ᓯᕘᕋᒋᒐᒃᑯ:

ᓴᒧᐃᓕ ᐂᑉᐸᖏᑦ 12:14

ᑭᓯᐊᓂᓕ, ᑍᒤᓕᐅᕐᑎᓪᓗᑎᑦ ᐊᑕᓂᕐᒧᑦ ᐱᐅᖏᑦᑐᒥᒃ ᐱᓂᐊᕐᓂᕆᓚᐅᕐᑍᑦ ᐱᓪᓗᒍ, ᕿᑐᕐᖓᕐᑖᕆᓚᐅᕐᑍᑦ ᑐᖁᓂᐊᕐᐳᖅ.”

ᓂᕼᐃᒤᐊᐅᑉ ᐊᒡᓚᖏᑦ 4:4

ᑐᒃᓯᐊᓚᐅᕐᐳᖓ, “ᑐᓵᓚᐅᕆᑦ ᐅᕙᑦᑎᓐᓂᒃ ᒥᑕᐅᑎᖃᕐᑎᓪᓗᒋᑦ, ᒎᑏᒃ! ᐱᑦᓯᐊᖏᓐᓂᖏᑦ ᐃᒻᒥᖕᓄᑦ ᑲᑕᓚᐅᕐᓕ ᓂᐊᖁᖏᓐᓄᑦ, ᑎᒡᓕᒡᕕᐅᓚᐅᕐᓕᓪᓗ ᐱᖁᑎᖏᓐᓂᒃ ᐃᓘᓐᓇᖏᓐᓂᒃ, ᑎᒍᔭᐅᒪᔪᑎᑐᓪᓗ ᑎᒍᔭᐅᓚᐅᕐᓕ ᓄᓇᒋᓐᖏᑕᒥᖕᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 5:10

ᐃᓄᐃᑦ ᑮᓇᐅᔭᓂᒃ ᐊᑐᕐᑐᐊᕐᑎᓚᐅᕐᐸᒃᑲ ᓂᐊᖂᔭᒃᓴᓂᒡᓗ, ᐱᖃᑎᒋᔭᒃᑲᓗ ᐱᓇᓱᐊᖃᑎᒋᔭᒃᑲᓗ ᑍᒫᑦᓮᓐᓇᖅ ᐱᓇᓱᐊᕆᕗᑦ, ᒫᓐᓇᓕ ᐊᑭᓕᒃᓴᖃᕐᕕᐅᓂᕗᑦ ᐊᑭᓖᒋᐊᓖᓪᓗ ᓄᖅᑲᕐᑎᓕᕐᓚᕗᑦ.

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᐃᓐᖏᕈᑎᑦ 90:11

ᑭᓇ ᓂᓐᖓᖕᓂᕕᑦ ᓲᖑᓂᖓᓂᒃ ᖃᐅᔨᔪᓐᓇᕐᐸ? ᑭᓇᓗ ᓂᓐᖓᐅᒪᓂᕐᓂᒃ ᓯᕘᕋᒋᔭᖃᕈᓐᓇᕐᐹ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:29

ᑲᑉᐱᐊᓵᕆᔩᑦ ᐃᓚᓐᓇᕆᔭᒥᖕᓂᒃ ᑕᐱᒃᓴᕐᑖᕋᓱᐊᕐᐸᒃᐳᑦ ᓯᓔᕐᕆᒃᓯᓂᒃᑯᑦ, ᑕᓯᐅᕐᓗᒋᓪᓗ ᐊᖅᑯᒻᒧᑦ ᐱᐅᖏᑦᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:26

ᐃᓱᐊᕐᑐᒥᒃ ᐃᓕᖅᑯᓯᖃᕐᑐᖅ ᐊᑭᓕᒐᒃᓴᓕᐅᕐᓗᒍ ᐱᐅᓐᖏᓚᖅ, ᑍᒫᒃᑕᐅᖅ ᐊᖓᔪᖅᑳᕐᔪᐊᑉ ᐃᕐᓂᖓ ᐃᓱᐊᕐᑑᓂᖓ ᐱᓪᓗᒍ ᑏᒐᕐᑐᕐᑕᐅᑎᓪᓗᒍ ᐱᐅᖏᓐᓂᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:5

ᐱᐅᖏᑦᑐᓂᒃ ᐊᑦᔨᒌᓐᖏᑎᑦᓯᓂᖅ ᐱᐅᓐᖏᓚᖅ, ᐃᓱᐊᕐᑐᕐᓗ ᐊᑦᔨᒌᒃᑎᑦᓯᑦᑍᓕᑎᓪᓗᒍ ᐱᐅᖏᓐᓂᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:2

ᐱᐅᓐᖏᓚᖅ ᐃᓄᒃ ᖃᐅᔨᑎᑕᐅᓂᕐᒥᒃ ᐱᖃᖏᑦᑐᖅ, ᐅᐃᒪᓗᐊᒧᓪᓗ ᐊᖅᑯᑎᒥᒃ ᐊᓯᐅᔨᔪᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:23

ᒪᑯᐊᑦᑕᐅᖅ ᓯᓚᑐᔫᑉ ᐱᒋᒋᕔᑦ: ᐃᓔᓐᓇᕐᓯᐅᕐᓂᖅ ᐊᑦᔨᒌᒃᑎᑦᓯᓂᐅᖏᓐᓇᒥ ᐱᐅᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 36:20

ᐃᓅᖃᑎᒌᒡᔪᐊᓄᓪᓕ ᑎᑭᑦᓴᕌᖓᑕ, ᓇᑭᑐᐃᓐᓈᕋᓗᐊᕐᐸᑕ, ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᓚᐅᕐᐹᑦ, ᐃᓄᖕᓄᑦ ᐅᖃᐅᓯᐅᕙᓚᐅᕐᒪᑕ, ‘ᐅᑯᐊ ᐊᑕᓂᐅᑉ ᐃᓄᖁᑎᖏᑦ, ᓄᓇᖁᑎᖓᓂᓪᓕ ᐊᐅᓪᓚᕐᑎᑕᐅᔭᕆᐊᖃᓕᓚᐅᕐᐳᑦ.’

ᒨᓯᓯ ᐱᖓᔪᖏᑦ 25:36

ᐊᑭᓕᒃᓮᑦ ᕿᑐᕐᖏᐅᕈᑎᖏᓐᓂᒃ ᐊᑭᓕᒃᓴᖃᕐᑎᓐᓂᐊᕐᓇᒍ, ᒎᑎᓯ ᓯᕘᕋᒋᓯᐅᒃ, ᐃᓴᕆᐊᓕᒥᐅᖑᖃᑎᓯ ᐃᓕᑦᓯᓐᓂ ᐃᓂᖃᑦᓯᐊᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᕉᒪᒥᐅᓄᑦ 2:24

ᑎᑎᕋᕐᓯᒪᖕᒪᑦ, “ᒎᑎᐅᑉ ᐊᑎᖓ ᓇᕐᕈᓇᕐᓯᑎᑕᐅᕗᖅ ᔫᑎᐅᖏᑦᑐᓂᑦ ᔫᑎᐅᔪᓯ ᑍᒤᑎᑦᓯᑎᓪᓗᓯ.”

ᑎᒧᑎᒧᑦ ᓯᕗᓪᓖᑦ 5:14

ᑍᒤᒻᒪᑦ ᐅᐃᒡᒐᕐᓃᑦ ᐃᓅᓱᖕᓂᕐᓮᑦ ᐅᐃᓂᖁᒐᔭᕐᐸᒃᑲ, ᕿᑐᕐᖏᐅᕐᓗᑎᒃ, ᐊᖏᕐᕋᒥᖕᓂᒃ ᑲᒪᖁᓪᓗᒋᑦ, ᐊᑭᕋᕐᑐᕐᑎᕗᑦ ᐱᐅᖏᑦᑐᒥᒃ ᐅᖃᐅᓯᒃᓴᖃᖁᓇᒋᑦ.

ᑍᑑᓯᒧᑦ 2:5

ᐃᒻᒥᖕᓂᒃ ᐱᓯᒪᑦᓯᐊᕈᓐᓇᕐᓗᑎᒃ, ᐃᑦᔪᕐᓁᓪᓗᑎᒃ, ᐃᒡᓗᒥᐅᖃᑎᒥᖕᓂᒃ ᑲᒪᑦᓯᐊᕐᓗᑎᒃ, ᐱᑦᓯᐊᕐᓗᑎᒃ, ᐃᒻᒥᖕᓂᒡᓗ ᑐᓂᓯᒪᑦᓯᐊᖁᓪᓗᒋᑦ ᐅᐃᒥᖕᓄᑦ, ᒎᑎᐅᑉ ᐅᖃᐅᓯᖏᑦ ᐅᖃᕐᓂᕐᓘᑕᐅᖁᓇᒋᑦ.

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᓴᒧᐃᓕ ᓯᕗᓪᓖᑦ 2:24

ᑍᒤᓕᐅᕈᓐᓃᕆᑦᑎᒃ ᐃᕐᓂᒃᑳᒃ; ᑕᒪᓐᓇ ᐱᐅᖏᑦᑐᒻᒪᕆᐊᓗᒃ ᐊᑕᓂᐅᑉ ᐃᓄᖁᑎᖏᑕ ᐅᖃᐅᓯᕆᖃᑦᑕᓕᕐᒪᑦᔪᒃ.