ᓂᕼᐃᒤᐊᐅᑉ ᐊᒡᓚᖏᑦ 5:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᖃᐅᑎᓕᓚᐅᕐᐸᒃᑲᓗ, “ᐱᔪᓐᓇᕐᓂᓕᒫᑦᑎᓐᓄᑦ, ᔫᑎᐅᖃᑎᕗᑦ ᐅᑎᕐᑎᓐᓇᓱᓚᐅᕐᐸᕗᑦ ᓂᐅᕕᐊᕆᓪᓗᒋᑦ ᐃᓅᖃᑎᒌᒡᔪᐊᓂᑦ, ᐃᒻᒥᖕᓂᒃ ᓂᐅᕐᕈᑎᒋᕙᓕᕐᓂᕐᒪᑕ ᔫᑎᐅᖏᑦᑐᓄᑦ, ᒫᓐᓇᓗ ᖃᑕᓐᖑᑎᓯ ᓇᖕᒥᓂᖅ ᓂᐅᕐᕈᑎᒋᓕᕆᕗᑦ ᐃᓕᑦᓯᓐᓄᑦ, ᔫᑎᐅᖃᑎᓯ!” ᓯᕗᓕᕐᑏᑦ ᓂᓪᓕᕐᑐᖃᓚᐅᓐᖏᓚᑦ ᐅᖃᐅᓯᒃᓴᖃᕋᑎᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 5:8 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 5:9

ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.

ᔫᐱᐅᑉ ᐊᒡᓚᖏᑦ 29:10

ᐊᖑᑎᑦ ᐱᓪᓚᕆᖁᑕᐅᔪᑦ ᓂᐸᖏᕐᐸᓚᐅᕐᐳᑦ, ᐅᖃᖏᑦ ᐊᒡᓛᑦ ᕿᓚᖏᓐᓄᑦ ᓂᐱᓪᓗᑎᒃ.

ᔫᐱᐅᑉ ᐊᒡᓚᖏᑦ 32:15

ᐃᓕᖕᓄᑦ ᐅᖃᐅᓯᒃᓴᖃᕈᓐᓁᕐᐳᑦ, ᑭᒡᒍᓯᒃᓴᖃᕈᓐᓁᕐᓗᑎᒡᓗ.

ᒨᓯᓯ ᐂᑉᐸᖏᑦ 21:16

“ᓇᓪᓕᐊᑦ ᐃᓅᖃᑎᒥᓂᒃ ᐃᓱᒪᓯᐅᕆᖏᓪᓗᓂ ᑎᒍᓯᑐᐃᓐᓇᕐᐸᑦ, ᓂᐅᕐᕈᑎᖃᕋᓱᐊᕐᓂᕐᒧᑦ ᐅᕝᕙᓗ ᓯᐊᓛᕐᑖᕆᔪᒪᓗᓂᐅᒃ, ᑖᓐᓇ ᑐᖁᑕᐅᔪᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 22:12

ᐊᖓᔪᖅᑳᕐᔪᐊᑉ ᐊᐱᕆᕚ, ‘ᐃᓚᓐᓈᒃ, ᖃᓄᖅ ᑕᕝᕗᓐᖓᕐᐲᑦ ᑲᑎᑎᑕᐅᔪᕐᓯᐅᑎᓂᒃ ᐊᓄᕌᕐᓯᒪᓇᑎᑦ?’ ᑖᓐᓇᓕ ᓂᓪᓕᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 25:15

ᐊᑐᓂ ᐱᔪᓐᓇᕐᑕᖏᓐᓂᒃ ᐱᔭᒃᓴᕐᑖᕐᑎᑉᐰᑦ; ᐃᓚᖓᑦ ᑮᓇᐅᔭᓂᒃ 5,000ᓂᒃ ᑐᓂᓯᕕᒋᕚ, ᐃᓚᖓᓪᓗ 2,000ᓂᒃ, ᐃᓚᖓᓪᓗ 1,000ᓂᒃ ᑐᓂᓯᕕᒋᕚ. ᑕᕝᕙ ᐅᖓᓯᒃᑐᒧᑦ ᐊᐅᓪᓚᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 25:29

ᐱᖃᕐᑐᑦ ᑐᓂᓯᕕᐅᒃᑲᓐᓂᕐᓂᐊᕐᐳᑦ, ᐱᖃᓗᐊᓕᖁᓪᓗᒋᑦ; ᐱᖃᖏᑦᑐᓪᓕ, ᐊᕐᓵᕐᑕᐅᓂᐊᕐᐳᑦ ᒥᑭᔪᒥᒃ ᐱᓯᒪᒐᓗᐊᕐᐸᑕ.

ᕉᒪᒥᐅᓄᑦ 14:15

ᐅᒃᐱᕐᑑᖃᑏᓪᓕ ᓂᕆᔭᕐᓄᑦ ᖁᕕᐊᓱᒍᓐᓃᕐᑎᒃᑯᕕᐅᒃ, ᑕᕝᕙ ᓇᒡᓕᖕᓂᒃᑰᖏᑦᑐᒥᒃ ᐱᓂᐊᕐᓂᖃᓕᕐᐳᑎᑦ. ᓂᕆᓂᕐᓄᑦ ᐅᒃᐱᕐᑑᖃᑏᑦ ᐊᓯᕈᕐᑎᓐᓂᐊᕐᓇᒍ ᙭ᔅᑑᓯᐅᑉ ᑐᖁᑦᔪᑎᒋᓯᒪᔭᖓ.

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:11

ᑍᒤᒻᒪᑦ ᐅᒃᐱᕐᑑᖃᑏᑦ ᓴᓐᖐᑦᑐᖅ, ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᑕᖓ, ᐊᓯᕈᕐᑕᐅᓕᕐᐳᖅ ᖃᐅᔨᑎᑕᐅᓯᒪᓂᕐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᒐᓔᑎᐊᒥᐅᓄᑦ 6:10

ᑍᒤᒻᒪᑦ, ᐱᕕᒃᓴᖃᕐᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᕐᑐᒃᓴᐅᕗᒍᑦ, ᐅᒃᐱᕐᑑᖃᑎᕗᓪᓕ ᐱᓗᐊᕐᓗᒋᑦ.

ᒨᓯᓯ ᑕᓪᓕᒪᖏᑦ 24:7

“ᓇᓪᓕᐊᑦ ᐃᓴᕆᐊᓕᒥᐅᖑᖃᑎᒥᓂᒃ ᐃᔨᕋᕐᑐᕐᓗᓂ ᑎᒍᓯᒃᐸᑦ ᑖᓐᓇᓗ ᓯᐊᓛᕐᑖᕆᓗᓂᐅᒃ ᐅᕝᕙᓗ ᓯᐊᓛᕐᑕᕆᔭᐅᖁᓪᓗᒍ ᓂᐅᕐᕈᑎᒋᒃᐸᒍ ᑖᓐᓇ ᑍᒤᓕᐅᕐᑐᖅ ᑐᖁᑕᐅᔪᒃᓴᐅᕗᖅ; ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐊᔪᕐᑐᓕᓂᖅ ᓄᖅᑲᕐᑎᒃᑲᔭᕐᐸᓯ.