ᓂᕼᐃᒤᐊᐅᑉ ᐊᒡᓚᖏᑦ 5:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᓚᖏᑦ ᐅᖃᓚᐅᕐᒪᑕ, “ᐃᓚᒌᑎᒍᑦ ᐃᓄᒋᐊᒻᒪᕆᐊᓘᒐᑦᑕ, ᓂᐊᖂᔭᒃᓴᖃᕆᐊᖃᕐᐳᒍᑦ ᓂᕆᖃᑦᑕᕐᓗᑕ ᑭᓯᐊᓂ ᐃᓅᔪᓐᓇᕋᑦᑕ.”

ᓂᕼᐃᒤᐊᐅᑉ ᐊᒡᓚᖏᑦ 5:2 Iomraidhean Croise

ᒨᓯᓯ ᓯᕗᓪᓖᑦ 41:57

ᓱᓕᑦᑕᐅᖅ, ᓄᓇᕐᔪᐊᕐᒥᐅᓕᒫᑦ ᐄᑦᔨᑉᑎᒧᐊᖃᑦᑕᓕᓚᐅᕐᐳᑦ ᔫᓯᐱᒧᐊᕐᓗᑎᒃ ᓂᐊᖂᔭᒃᓴᒥᒃ ᓂᐅᕕᕆᐊᕐᓗᑎᒃ, ᓄᓇᕐᔪᐊᓕᒫᒥ ᑳᖕᓇᕐᑐᕐᔪᐊᖃᓕᓚᐅᕐᒪᑦ ᓇᓂᑐᐃᓐᓇᓕᒫᖅ.

ᒨᓯᓯ ᓯᕗᓪᓖᑦ 42:2

ᐅᖃᐅᑎᒃᑲᓂᕐᐰᑦ, “ᑕᑯᒋᑦ, ᑐᓴᕐᓯᒪᕗᖓ ᐄᑦᔨᑉᑎᒥᒎᖅ ᓂᐊᖂᔭᒃᓴᕐᑕᖃᕐᒪᑦ; ᑕᐅᓄᖓ ᐂᓚᐅᕆᑦᓯ ᓂᐅᕕᕆᐊᕐᓗᓯ ᓂᐊᖂᔭᒃᓴᒥᒃ ᓂᕿᒃᓴᑦᑎᓐᓂᒃ, ᐱᕐᓕᕐᓂᕐᒧᑦ ᑐᖁᖁᓇᑕ.”

ᒨᓯᓯ ᓯᕗᓪᓖᑦ 43:8

ᔫᑕᓗ ᐅᖃᕐᐳᖅ ᐃᓴᕆᐊᓕᒧᑦ ᐊᑖᑕᒥᓄᑦ, “ᑖᓐᓇ ᓄᑲᑉᐱᐊᖅ ᐅᕙᓐᓄᑦ ᑲᒪᒋᔭᐅᑎᓚᐅᕈᒃ, ᑕᕝᕙ ᐸᕐᓇᒡᓗᑕ ᐊᐅᓪᓚᕐᓂᐊᕐᐳᒍᑦ, ᐱᕐᓕᖁᓇᑕ, ᑕᒪᑦᑕ ᐅᕙᒍᑦ ᐃᕝᕕᓪᓗ ᕿᑐᕐᖓᓕᒫᕗᓪᓗ.

ᒨᓯᓯ ᓯᕗᓪᓖᑦ 47:19

ᖃᓄᐃᒻᒪᑦ ᑕᑯᓐᓇᕐᑎᓪᓗᑎᑦ ᓵᖕᓂ ᐱᕐᓕᕐᑐᒃᓴᐅᕕᑖ, ᑕᒪᑦᑕ ᐅᕙᒍᑦ ᓄᓇᕗᓪᓗ? ᓂᐅᕕᐊᕆᓚᐅᕐᑎᒍᑦ ᓄᓇᕗᓪᓗ ᓂᕿᒃᓴᖃᖁᓪᓗᑕ, ᑕᒪᑦᑕ ᐅᕙᒍᑦ ᓄᓇᕗᓪᓗ ᓯᐊᓛᖑᓗᑕ ᐱᔨᑖᕆᔭᐅᓂᐊᕋᑦᑕ ᐰᕉᒧᑦ; ᑲᓐᖓᕐᓲᑎᒃᓴᓂᒃ ᑐᓂᓯᕕᒋᓚᐅᕐᑎᒍᑦ ᐃᓅᖁᓪᓗᑕ ᐱᕐᓕᖁᓇᑕᓗ, ᐱᕈᕐᓰᕕᖁᑎᕗᓪᓗ ᐱᕈᕐᕕᐅᔪᓐᓁᓪᓕᖁᓇᒋᑦ.”

ᐊᑕᓃᑦ ᐂᑉᐸᖏᑦ 4:1

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐃᓚᒋᔭᐅᔪᒥᒃ ᐅᐃᒡᒐᕐᓂᑯᒥᒃ ᐃᓔᓴ ᐅᐸᒃᑕᐅᕗᖅ ᐅᖃᕐᓗᓂᓗ, “ᐅᐃᒐ ᑐᖁᓚᐅᕐᒪᑦ ᖃᐅᔨᒪᔪᑎᑦ ᒎᑎᒥᒃ ᓯᕘᕋᒋᔭᖃᕐᓗᓂ ᐃᓅᓚᐅᕐᑐᖅ, ᑭᓯᐊᓂ ᐊᖑᒻᒥᒃ ᐊᑭᓕᒃᓴᖃᕐᕕᖃᕐᓂᕐᒪᑦ, ᑖᑦᓱᒪ ᐃᕐᓃᒃᑲᒃ ᐱᑖᕆᔪᒪᓕᕐᒪᒋᒃ ᐊᑭᓕᒃᓴᖏᓐᓄᑦ ᐊᑭᓕᐅᑎᒋᔭᐅᖁᓪᓗᓂᒋᒃ.”

ᓂᕼᐃᒤᐊᐅᑉ ᐊᒡᓚᖏᑦ 5:3

ᐊᓯᖏᑦᑕᐅᖅ ᐅᖃᕐᐳᑦ, “ᐊᑐᕐᑐᐊᕐᑎᑦᓯᔭᕆᐊᖃᓕᕐᐳᒍᑦ ᐱᕈᕐᓰᕕᑦᑎᓐᓂᒃ ᕔᓂᓕᐅᕐᕕᑦᑎᓐᓂᒡᓗ, ᐃᒡᓗᑦᑎᓐᓂᒡᓗ ᓂᐊᖂᔭᒃᓴᕐᑖᕈᓐᓇᖁᓪᓗᑕ ᐱᕐᓕᖁᓇᑕᓗ.”

ᕼᐊᒊᑉ ᐊᒡᓚᖏᑦ 1:6

ᑲᓐᖓᕐᓱᐃᓚᐅᕐᐳᓯ ᐊᖏᔪᓂᒃ, ᑲᑎᕐᓱᕐᑕᓯ ᒥᑭᔫᑎᓪᓗᒋᑦ; ᓂᕆᕗᓯ, ᐊᕿᐊᑦᑐᕈᓐᓇᕋᓯ; ᐃᒥᕐᐳᓯ, ᐃᒥᕈᐃᕈᓐᓇᕋᓯ, ᐊᓐᓄᕌᕋᓗᐊᕐᐳᓯ ᐅᖅᑰᓯᓇᓯᓕ, ᑮᓇᐅᔭᓕᐅᕐᑐᕐᓗ, ᐴᖅᑬᕗᖅ ᑮᓇᐅᔭᒥᓂᒃ ᐃᒃᐱᐊᕐᔪᖕᒧᑦ ᐊᖕᒪᔪᓕᖕᒧᑦ.’

ᒪᓚᑬᑉ ᐊᒡᓚᖏᑦ 2:2

ᑐᓴᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᓪᓗ ᐱᔪᒥᒃ ᐊᑎᕋ ᐱᓐᓇᕐᓇᕐᓯᑎᓐᓂᐊᖏᒃᑯᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᕝᕙ ᓱᒋᐊᕐᑕᐅᓂᕐᒧᑦ ᑎᑭᑕᐅᑎᑦᓱᒫᕐᐸᑦᓯ, ᓮᒻᒪᕐᑕᐅᓂᒃᓴᓯᓗ ᓱᒋᐊᕐᑕᐅᓂᓐᖑᕐᑎᓪᓗᒋᑦ; ᐃᓛᒃ ᓱᒋᐊᕐᓯᒪᓕᕇᕐᐸᒃᑲ, ᐆᒻᒪᑎᑦᓯᓐᓂ ᐃᓂᖃᕐᑎᖏᓐᓇᑦᓯᐅᒃ.

ᒨᓯᓯ ᑕᓪᓕᒪᖏᑦ 23:19

ᑮᓇᐅᔭᒥᒃ ᐊᑐᕐᑎᑦᓯᒍᕕᑦ ᓂᕿᒥᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓴᕆᐊᓕᒥᐅᖑᖃᑎᖕᓄᑦ, ᐊᑐᕐᑐᐊᕐᓯᒪᔭᖏᓐᓂᒃ ᐃᓚᒃᑲᓐᓂᕐᑎᑦᓯᔪᒃᓴᐅᓐᖏᓚᑎᑦ.