ᓂᕼᐃᒤᐊᐅᑉ ᐊᒡᓚᖏᑦ 4:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓴᓐᐸᓛᑎᓕ, ᑐᐱᐊᓗ ᐃᓄᐃᓪᓗ ᐋᕋᑉᒥᐅᑦ, ᐊᒧᓁᑎᒥᐅᑦ ᐋᔅᑖᑦᒥᐅᓪᓗ ᑐᓴᕋᒥᒃ ᐱᕙᓪᓕᐊᓂᑦᑎᓐᓂᒃ ᐊᕙᓗᕐᔪᐊᓪᓗ ᐱᔭᕇᕐᐸᓪᓕᐊᓂᖓᓂᒃ ᔨᕉᓴᓕᐅᑉ ᐊᕙᓗᕐᔪᐊᖓᑕ, ᓯᖁᒥᓯᒪᓂᖏᓪᓗ ᐊᕙᓗᕐᔪᐊᒦᑦᑐᑦ ᒪᑐᔭᐅᕙᓪᓕᐊᓂᖏᓐᓂᒃ, ᑖᒃᑯᐊ ᓂᓐᖓᐅᒪᒻᒪᕆᓕᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 4:7 Iomraidhean Croise

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᐊᑕᓃᑦ ᐂᑉᐸᖏᑦ 24:2

ᐊᑕᓂᕐᓗ ᑲᐅᓪᑎᐊᒥᐅᑦ ᐅᓇᑕᕐᑎᒐᓴᒡᔪᐊᖏᓐᓂᒃ ᐅᓇᑕᕆᐊᕐᑎᑦᓯᕗᖅ ᔨᕼᐅᐃᐊᑭᒻᒧᑦ, ᓯᕆᐊᒥᐅᓂᑦ, ᒧᐊᐱᒥᐅᓂᑦ ᐊᒧᓁᑎᓂᑦ, ᑲᑐᑦᔭᐅᓪᓗᓂ ᑖᒃᑯᓇᓐᖓ ᔫᑕ ᐊᓯᕈᕐᑕᐅᖁᓪᓗᒍ, ᐊᑕᓂᐅᑉ ᐅᖃᐅᓯᕆᓯᒪᔭᖓ ᐅᖃᕐᑎᒥᒍᑦ ᒪᓕᒡᓗᒍ ᑍᒤᑦᓱᒫᕐᓂᕋᕐᓗᒍ ᐅᖃᕐᓯᒪᓚᐅᕋᒥ.

ᑯᕉᓂᑲ ᐂᑉᐸᖏᑦ 20:1

ᑕᒪᑐᒪ ᑭᖑᕐᖓᒍᑦ ᒧᐊᐱᒥᐅᑦ ᐊᒧᓁᑎᒥᐅᓪᓗ, ᐃᓚᖃᕐᓗᑎᒃ ᒥ-ᔪᓁᑎᓂᒃ, ᑲᑎᑉᐳᑦ ᐅᓇᑕᕆᐊᕐᓗᑎᒃ ᔨᕼᐆᓴᐸᑦᒥᒃ.

ᐄᓱᕋᐅᑉ ᐊᒡᓚᖏᑦ 5:8

ᐊᖓᔪᖅᑳᕐᔪᐊᖅ ᖃᐅᔨᒪᔪᒃᓴᐅᕗᑎᑦ ᔫᑕᐅᑉ ᓄᓇᖓᓄᐊᓚᐅᕋᑦᑕ, ᑕᑯᓚᐅᕐᐳᒍᓪᓗ ᒎᑎᐅᑉ ᐱᓯᑎᒻᒪᕆᐊᓘᑉ ᑐᒃᓯᐊᕐᕕᖓ ᓴᓇᒋᐊᓪᓚᒃᑕᐅᓕᕐᒥᖕᒪᑦ ᐅᔭᕋᒡᔪᐊᓄᑦ ᑭᒃᐹᕆᒃᑐᓄᑦ, ᕿᔪᖕᓂᒡᓗ ᕿᒥᕐᓗᖃᕐᓗᑎᒃ ᐊᑭᓐᓇᒨᓕᖓᔪᓂᒃ, ᐱᓇᓱᐊᕐᑐᑦ ᐱᑦᓯᐊᒻᒪᕆᒐᓱᐊᕐᓱᑎᒃ ᑲᔪᓯᒐᓱᑦᓯᐊᕐᑐᑦ.

ᓂᕼᐃᒤᐊᐅᑉ ᐊᒡᓚᖏᑦ 2:10

ᓴᓐᐸᓛᑎᓕ ᕼᐅᕈᓁᑎᒥᐅᑕᖅ ᑐᐱᐊᓗ ᑖᑦᓱᒪ ᐱᔨᖓ, ᐊᒧᓁᑎᒥᐅᑕᖅ ᑕᒪᑐᒥᖓ ᑐᓴᕋᒥᒃ ᐊᖏᔪᒥᒃ ᖁᕕᐊᓱᒍᓐᓁᓚᐅᕐᐴᒃ; ᐃᓴᕆᐊᓕᒃᑯᑦ ᒪᑭᑦᔪᑎᒃᓴᖓᓂ ᓴᓇᔭᕐᑐᕋᓱᒋᒃᓯᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 2:19

ᓴᓐᐸᓛᑎᓕ ᕼᐅᕈᓁᑎᒥᐅᖅ ᑐᐱᐊᓗ ᑖᑦᓱᒪ ᐱᔨᖓ, ᐊᒧᓁᑎᒥᐅᖅ ᒋᓯᒥᓗ ᐋᕋᑉᒥᐅᑕᖅ ᑕᒪᑐᒥᖓ ᑐᓴᕋᒥᒃ, ᐃᔪᓚᐅᕐᐳᑦ ᓱᓕᔪᕐᓴᖏᒻᒪᕆᒃᓗᑎᒡᓗ ᐅᖃᕐᓗᑎᒃ, “ᖃᓄᐃᓕᐅᕋᓱᓕᕐᐱᓰ? ᐊᖓᔪᖅᑳᕐᔪᐊᕐᒥᒃ ᐊᑭᕋᕐᑐᕋᓱᐊᓕᕐᐱᓰ?”

ᓂᕼᐃᒤᐊᐅᑉ ᐊᒡᓚᖏᑦ 4:1

ᓴᓐᐸᓛᑎᓕ ᑐᓴᕋᒥ ᔫᑎᐅᔪᒍᑦ ᓴᓇᓕᕐᓂᑦᑎᓐᓂᒃ ᐊᕙᓗᕐᔪᐊᒥᒃ, ᓂᓐᖓᐅᒪᓕᓚᐅᕐᐳᖅ ᐱᐅᒃᓴᕈᓐᓁᕐᓗᓂᓗ ᐅᕙᑦᑎᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 4:6

ᑲᔪᓯᓚᐅᕐᐳᒍᓪᓕ ᓴᓇᔭᑦᑎᓐᓂᒃ ᐊᕙᓗᕐᔪᐊᕐᒥᒃ, ᐊᑯᓂᐅᓗᐊᖏᑦᑐᕐᓗ ᐊᕝᕙᕈᓚᐅᕐᐹᑦ ᐳᕐᑐᓂᖓ, ᐃᓄᐃᑦ ᑲᑦᓱᖎᒻᒪᕆᓚᐅᕐᒪᑕ ᓴᓇᔭᒥᖕᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 4:8

ᐊᓱᐃᓛᒃ ᐃᓱᒪᖃᑎᒌᓚᐅᕐᐳᑦ ᑲᑎᓪᓗᑎᒡᓗ ᔨᕉᓴᓕᒥᒃ ᐅᓇᑕᕆᐊᕈᒪᓪᓗᑎᒃ ᓇᓗᓕᕐᑎᑦᓯᔪᒪᓪᓗᑎᒡᓗ,

ᓂᕼᐃᒤᐊᐅᑉ ᐊᒡᓚᖏᑦ 6:16

ᐊᑭᕋᕐᑐᕐᑎᕗᑦ ᖃᓂᒋᔭᑦᑎᓐᓃᑦᑐᑦ ᑐᓴᕋᒥᒃ ᑕᒪᑐᒥᖓ, ᐃᓅᖃᑎᒌᒡᔪᐊᓕᒫᓪᓗ ᖃᓂᒋᔮᓃᑦᑐᑦ ᑲᑉᐱᐊᓱᓕᓚᐅᕐᐳᑦ ᐃᒻᒥᖕᓂᒡᓗ ᐃᒃᐱᒋᐅᒻᒥᓕᕐᓗᑎᒃ, ᐃᓘᓐᓇᑎᒃ ᖃᐅᔨᓚᐅᕐᒪᑕ ᐱᓇᓱᐊᕐᑕᑦᑎᓐᓂᒃ ᐱᔭᕇᓚᐅᕋᑦᑕ ᒎᑎᐅᑉ ᐃᑲᔪᕐᓂᖓᒍᑦ.

ᔨᕆᒤᐊᐅᑉ ᐊᒡᓚᖏᑦ 25:20

ᓄᓇᓕᑐᖃᐅᖏᑦᑐᓪᓗ ᑍᑲᓃᑦᑐᑦ; ᐊᖓᔪᖅᑳᕐᔪᐊᓕᒫᓪᓗ ᓄᓇᒥ ᐅᔾᒥ; ᐊᖓᔪᖅᑳᕐᔪᐊᓕᒫᑦ ᐱᓕᔅᑍᓂᒥ ᐅᑯᓇᓂ, (ᐊᓯᑭᓗᓂᒥ, ᒑᓴᒥ, ᐃᑯᕋᓂ, ᐃᓄᐃᓪᓗ ᐊᒥᐊᒃᑰᓯᒪᔪᑦ ᐋᔅᑖᑦᒥ.)

ᔨᕆᒤᐊᐅᑉ ᐊᒡᓚᖏᑦ 41:10

ᐊᖓᔪᖅᑳᕐᔪᐊᓪᓗ ᐸᓂᖏᑦ ᑎᒍᔭᐅᑎᑉᐰᑦ ᐃᓄᑐᐃᓐᓁᓪᓗ ᒥᔅᐸᒦᑦᑐᑦ, ᓂᐳᔭᕋᑕᐅᑉ ᑲᒪᒋᔭᐅᑎᓕᓚᐅᕐᑕᖏᑦ ᐊᖓᔪᖅᑳᒧᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ, ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᑎᒍᔭᐅᑎᓪᓗᓂᒋᑦ ᐊᐅᓪᓚᕈᑎᓕᕐᐰᑦ ᓄᓇᐅᑉ ᐊᒧᓁᑎᐅᑉ ᓇᓛᓄᑦ.

ᐂᒨᓯᐅᑉ ᐊᒡᓚᖏᑦ 1:13

ᐊᑕᓂᖅ ᐅᖃᕐᐳᖅ, “ᐊᒧᓁᒥᐅᑦ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐊᕐᓇᓂᒃ ᕿᑐᕐᖓᒃᓴᓕᖕᓂᒃ ᐱᓚᒃᓯᓚᐅᕐᒪᑕ ᐊᖕᒪᕐᓗᒋᑦ ᒋᓕᐊᑎᒥ, ᓄᓇᖁᑎᑎᒃ ᐊᖏᒡᓕᒋᐊᕈᒪᓪᓗᒍ.

ᐂᒨᓯᐅᑉ ᐊᒡᓚᖏᑦ 1:8

ᓄᓇᖃᕐᑐᓪᓗ ᐋᔅᑖᑦᒥ ᓄᖑᑎᓐᓂᐊᕐᐸᒃᑲ, ᐊᖓᔪᖅᑳᕐᔪᐊᓪᓗ ᑎᒃᑯᐊᕐᓯᑦᔪᑎᖓᓂᒃ ᑎᒍᒥᐊᕐᑐᖅ ᐊᓯᑭᓗᓂᒥ; ᐊᒡᒐᒃᑲᓗ ᓵᑎᓐᓂᐊᕐᐸᒃᑲ ᐃᑯᕋᓂᒧᑦ, ᐱᓕᔅᑍᓂᒥᐅᓪᓗ ᐊᒥᐊᒃᑯᖏᑦ ᓄᖑᓐᓂᐊᕐᐳᑦ,” ᐊᑕᓂᖅ ᒎᑎ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 3:9

ᐅᖃᕆᐊᕐᑐᕆᑦ ᕿᒫᕕᖕᓄᑦ ᐋᔅᑖᑦᒧᑦ, ᐄᑦᔨᑉᑎᐅᓪᓗ ᕿᒫᕕᖏᓐᓄᑦ, ᐃᒫᒃ ᐅᖃᕐᓗᑎᑦ, “ᑲᑎᓕᕆᑦᓯ ᓴᒥᐊᕆᐊᑉ ᖃᖅᑲᖓᓄᑦ; ᑕᑯᓕᕆᑦᓯᓗ ᑕᕝᕙᓂ ᐅᐃᒪᔮᕐᑐᓂᒃ, ᐱᑦᓯᐊᕐᑕᐅᖏᑦᑐᓂᒡᓗ ᐃᓄᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:33

ᑕᒪᓐᓇ ᑐᓴᕋᒥᑦᔪᒃ ᓂᓐᖓᕕᒡᔪᐊᕐᐳᑦ ᑐᖁᑦᓯᔪᒪᓕᕐᓗᑎᒃ ᑖᒃᑯᓂᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:17

ᑐᕌᒎᓂᓗ ᓂᓐᖓᒃᐳᖅ ᐊᕐᓇᒧᑦ, ᐊᕐᓇᐅᓪᓗ ᑭᖑᕚᖏᑕ ᐊᒥᐊᒃᑯᖏᓐᓂᒃ ᐅᓇᑕᕆᐊᕐᐳᖅ, ᑕᒤᓐᓂᒃ ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᓂᒃ ᓱᓕᓂᕐᒥᒡᓗ ᔩᓱᓯᐅᑉ ᓴᖅᑭᑎᓚᐅᕐᑕᖓᓂᒃ ᒪᓕᒃᑐᓂᒃ.

ᓴᒧᐃᓕ ᓯᕗᓪᓖᑦ 11:2

ᓇᕼᐊᓴᐅᓪᓕ ᐊᒧᓁᑎᒥᐅᑉ ᑭᐅᕔᑦ, “ᐊᖏᖃᑎᒋᓂᐊᕐᐸᑦᓯ ᐊᑕᐅᓯᕐᒥᒃ ᐱᑦᔪᑎᖃᕐᑐᒥᒃ: ᐃᔨᓕᒫᓯ ᑕᓕᕐᐱᓯ ᐃᑎᕐᓴᓕᐅᕈᒻᒧᑦ ᑲᐅᓗᒋᑦ ᐊᒨᕋᕐᓂᐊᕐᐸᒃᑲ, ᑕᒪᑐᒧᖓ ᐃᓴᕆᐊᓕᒥᐅᓕᒫᑦ ᑲᓐᖑᓇᕐᑐᒦᑎᑕᐅᖁᓪᓗᒋᑦ.”