ᓂᕼᐃᒤᐊᐅᑉ ᐊᒡᓚᖏᑦ 4:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑐᒃᓯᐊᓚᐅᕐᐳᖓ, “ᑐᓵᓚᐅᕆᑦ ᐅᕙᑦᑎᓐᓂᒃ ᒥᑕᐅᑎᖃᕐᑎᓪᓗᒋᑦ, ᒎᑏᒃ! ᐱᑦᓯᐊᖏᓐᓂᖏᑦ ᐃᒻᒥᖕᓄᑦ ᑲᑕᓚᐅᕐᓕ ᓂᐊᖁᖏᓐᓄᑦ, ᑎᒡᓕᒡᕕᐅᓚᐅᕐᓕᓪᓗ ᐱᖁᑎᖏᓐᓂᒃ ᐃᓘᓐᓇᖏᓐᓂᒃ, ᑎᒍᔭᐅᒪᔪᑎᑐᓪᓗ ᑎᒍᔭᐅᓚᐅᕐᓕ ᓄᓇᒋᓐᖏᑕᒥᖕᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 4:4 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 5:9

ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.

ᐃᓐᖏᕈᑎᑦ 79:12

ᐃᓅᖃᑎᕗᑦ ᐊᑭᓂᐊᕐᕕᒋᒃᑭᑦ 7ᐃᕐᑐᓪᓗᐊᕐᑐᒥᒃ ᐅᑎᕐᑎᑦᓯᕕᒋᓗᒋᑦ, ᐃᓕᖕᓂᒃ ᐊᑕᓃᖅ ᒥᑕᐅᑎᒃᓴᕐᓂᕆᓚᐅᕐᑕᖏᓐᓄᑦ ᒥᑕᐅᑎᒋᓗᒋᑦ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:34

ᓇᕐᕈᔪᓂᒃ ᓇᕐᕈᒋᔭᖃᕐᐳᖅ, ᒥᑭᒡᓕᑎᕐᓯᒪᔪᓪᓕ ᖁᕕᐊᒋᕔᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:22

ᐊᔪᕐᑐᓕᓂᖏᑦ ᓵᖕᓄᑦ ᓴᖅᑭᑎᒃᑭᑦ ᐱᓇᓱᐊᕈᑎᒋᓗᒋᓪᓗ, ᑍᒫᒃᑕᐅᖅ ᐊᔪᕐᑐᓕᓂᒃᑲ ᐱᓪᓗᒋᑦ ᐱᓂᐊᕐᕕᒋᓚᐊᕋᕕᖓ, ᐅᖁᒤᒃᓴᕈᑎᒋᔭᒃᑲ ᐅᓄᕐᒪᑕ ᐆᒻᒪᑎᒐᓗ ᓄᑭᖏᕈᑎᓕᕐᐳᖅ.

ᕼᐆᓯᐊᑉ ᐊᒡᓚᖏᑦ 12:14

ᐃᕗᕅᒻ ᓂᓐᖓᒃᓴᕐᓗᓂᐅᒃ ᓂᓐᖓᒃᑎᓚᐅᕐᐹ; ᑍᒤᒻᒪᑦ ᐊᑕᓂᐅᑉ ᐸᓯᔭᒃᓴᐅᓂᖏᑦ ᐊᐅᓈᕐᑎᑦᓯᓂᒃᑯᑦ ᑖᑦᓱᒧᖓ ᐱᑎᑦᓱᒫᕐᐰᑦ, ᐊᑭᓂᐊᕈᒫᕐᐹᓗ ᐋᖅᑭᒋᐊᕐᑕᐅᔭᕆᐊᖃᕐᓂᖓ ᒪᓕᒡᓗᒍ.

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”