ᓂᕼᐃᒤᐊᐅᑉ ᐊᒡᓚᖏᑦ 4:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᓐᓄᕌᒃᑲᓘᓐᓃᑦ ᐅᓐᓄᒃᑯᑦ ᐲᖃᑦᑕᕈᓐᓁᓚᐅᕐᐸᒃᑲ, ᐃᓚᒋᔭᒃᑲᓗ, ᐱᔨᒋᔭᒃᑲᓘᓐᓃᑦ ᖃᐅᔨᓴᕐᑎᖁᑎᒃᑲᓘᓐᓃᑦ ᐅᕙᓐᓂᒃ ᒪᓕᑐᐃᓐᓇᓚᐅᕐᐳᑦ, ᑭᓯᐊᓂ ᐅᐊᓴᕆᐊᖃᓕᕌᖓᑕ ᐲᖃᑦᑕᕋᓗᐊᕐᓗᑎᒍ, ᐅᓇᑕᐅᑎᓂᒃ ᓇᔪᕐᑎᕾᓐᓇᓕᓚᐅᕋᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 4:23 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 4:22

ᑍᑦᓱᒪᓂᐅᑎᓪᓗᒍ ᐊᖑᑎᑦ ᑲᒪᔨᐅᔪᑦ ᐃᑲᔪᕐᑎᓕᒫᖏᓪᓗ ᔨᕉᓴᓕᒦᖏᓐᓇᖁᓪᓗᒋᑦ ᐅᓐᓄᒃᑯᑦ ᐅᖃᐅᑎᓚᐅᕆᕙᒃᑲ, ᐃᒡᓗᒐᓮᓪᓗ ᖃᐅᔨᓴᕐᑎᕾᓐᓇᑯᓪᓗᒋᑦ ᐅᓐᓄᒃᑯᑦ ᐅᓪᓗᒃᑯᓪᓗ ᐱᓇᓱᐊᕈᓐᓇᖁᓪᓗᒋᑦ ᑍᒤᓚᐅᕐᐳᒍᑦ.

ᓂᕼᐃᒤᐊᐅᑉ ᐊᒡᓚᖏᑦ 5:1

ᑕᒪᑐᒪ ᑭᖑᓂᐊᒍᑦ ᐃᓄᐃᑦ ᐅᓄᕐᑐᑦ, ᐊᖑᑎᓪᓗ ᐊᕐᓁᓪᓗ ᓈᒻᒪᒃᓴᓐᖏᕙᓪᓛᓕᓚᐅᕐᐳᑦ ᔫᑎᐅᖃᑎᒥᖕᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 5:16

ᐱᔪᓐᓇᕐᓂᓕᒫᓐᓄᑦ ᐱᓇᓱᐊᓚᐅᕐᐳᖓ ᐋᖅᑮᕙᓪᓕᐊᓪᓗᑕ ᐊᕙᓗᕐᔪᐊᒥᒃ, ᓄᓇᒥᒡᓗ ᓇᖕᒥᓂᕐᑖᓚᐅᓐᖏᓚᒍᑦ, ᐃᓘᓐᓇᑎᒡᓗ ᐅᕙᓐᓄᑦ ᐱᓇᓱᒃᑐᑦ ᓴᓇᖃᑕᐅᓚᐅᕐᐳᑦ ᐊᕙᓗᕐᔪᐊᒥᒃ.

ᓂᕼᐃᒤᐊᐅᑉ ᐊᒡᓚᖏᑦ 7:2

ᐊᖑᑏᖕᓂᒃ ᒪᕐᕉᖕᓂᒃ ᑎᓕᓯᓚᐅᕐᐳᖓ ᐊᐅᓚᑦᓯᔨᐅᓂᐊᕐᑑᖕᓂᒃ ᔨᕉᓴᓕᐅᑉ ᐃᒡᓗᒐᓴᖏᓐᓂᒃ: ᓄᑲᕋᓗ ᕼᐊᓇᓁ ᐊᒻᒪᓗ ᕼᐊᓇᓁᐊ, ᐊᖓᔪᖅᑳᖅ ᐅᓇᑕᕐᑐᒃᓴᓄᑦ. ᕼᐊᓇᓁᐊᓕ ᐱᔪᓐᓇᑦᓯᐊᓚᐅᕐᐳᖅ ᒎᑎᒥᒡᓗ ᓯᕘᕋᓪᓗᓂ ᑍᒤᓪᓗᐊᕐᑕᖃᓚᐅᓐᖏᓚᕐᓗ ᐊᖑᑕᐅᖃᑎᒥᓂᒃ.

ᔪᐃᓕᐅᑉ ᐊᒡᓚᖏᑦ 2:8

ᐃᒻᒥᖕᓄᑦ ᐱᖑᔭᐅᑎᓐᖏᓚᑦ, ᐱᓱᒃᐳᑦ ᐃᒻᒥᖕᓂᒃ ᐊᑐᕆᐊᓕᑎᒃ ᐊᑐᕐᓗᒍ, ᐅᓇᑕᐅᑎᓄᑦ ᐱᒋᐊᕐᑕᐅᒐᓗᐊᕈᑎᒃ ᓄᖅᑲᕐᑎᑕᐅᓂᐊᓐᖏᓚᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 5:11

ᓈᓚᒋᑦᓯ! ᓂᑦᔭᐅᓯᔭᕐᑐᑦ ᓂᐱᖏᓐᓂᒃ ᐃᒥᕐᑎᑦᓯᔭᕐᑐᕐᕕᖕᓂ, ᑍᑲᓂ ᐅᖃᐅᓯᖃᓕᖅᑭᒃᑖᖏᒻᒪᑕ ᐊᑕᓂᐅᑉ ᓵᓚᖃᕐᓂᖓᓂᒃ ᓵᓚᖃᕈᑦᔨᓂᖓᓂᒃ ᐃᓴᕆᐊᓕᒥᒃ ᖁᕕᐊᒋᔭᖃᕐᓂᕐᒥᓄᑦ. ᐃᑎᕐᑕᕐᕕᖕᓄᑦ ᑕᐅᓄᖓ ᐱᓱᒃᐳᑦ ᐊᑕᓂᐅᑉ ᐃᓄᖁᑎᖏᑦ.

ᐃᓗᐊᕐᓮᔩᑦ ᐊᒡᓚᖏᑦ 9:48

ᑕᕝᕙ ᐊᐱᒥᓕᒃ ᒪᔪᕋᕐᐳᖅ ᖃᖅᑲᐅᑉ ᔭᓪᒧᓐᒧᑦ, ᐅᓇᑕᕐᑐᒃᓴᖁᑎᓂ ᓇᔪᕐᑎᒋᔭᓂ ᐃᓚᒋᓪᓗᒋᑦ; ᐊᐱᒥᓕᒃᓗ ᐅᓕᒪᐅᒻᒥᒃ ᑎᒍᓯᓪᓗᓂ ᓇᐹᕐᑑᑉ ᐊᕙᓚᖓᔪᖏᓐᓂᒃ ᓇᑲᑦᓯᕗᖅ, ᑎᒍᓪᓗᒋᑦ ᐃᕐᓱᓕᕐᐰᑦ. ᐅᓇᑕᕐᑐᒃᓴᖁᑎᓂ ᐃᓚᒋᔭᓂ ᐅᖃᐅᑎᕔᑦ, “ᐅᕙᓐᓂᒃ ᑕᑯᓐᓇᕋᑦᓯ, ᑍᒫᑦᓮᓐᓇᖅ ᑐᐊᕕᕐᓗᓯ ᐱᒋᑦᓯ.”