ᓂᕼᐃᒤᐊᐅᑉ ᐊᒡᓚᖏᑦ 4:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑍᒤᒻᒪᑦ ᖃᐅᑕᒫᑦ, ᐅᓪᓛᒻᒪᕆᖕᒥᑦ ᐱᒋᐊᕐᓗᑕ ᐅᓐᓄᒧᑦ ᐅᓪᓗᕆᐊᑦ ᓄᐃᖕᒪᑕ ᑭᓯᐊᓂ ᓄᖅᑲᕐᐸᒃᓗᑕ ᐱᓇᓱᐊᖃᑦᑕᓚᐅᕐᐳᒍᑦ, ᐊᕝᕙᖏᑦ ᐱᓇᓱᐊᕐᐳᑦ ᐊᕙᓗᕐᔪᐊᓕᕆᓪᓗᑎᒃ, ᐊᕝᕙᖏᑕ ᐂᑉᐸᖏᑦ ᖃᐅᔨᓴᕐᑎᐅᑎᓪᓗᒋᑦ ᖃᓗᒋᐊᖃᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 4:21 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 4:20

ᖃᖓᑐᐃᓐᓇᑦᓯᐊᖅ ᑎᑦᑐᓚᐅᒻᒥᒃ ᑐᓴᑐᐊᕈᑦᓯ ᕾᓛᕐᐳᓯ, ᒎᑎᕗᑦ ᐅᓇᑕᕐᓂᐊᕐᒪᑦ ᐅᕙᒍᑦ ᐱᓪᓗᑕ.”

ᓂᕼᐃᒤᐊᐅᑉ ᐊᒡᓚᖏᑦ 4:22

ᑍᑦᓱᒪᓂᐅᑎᓪᓗᒍ ᐊᖑᑎᑦ ᑲᒪᔨᐅᔪᑦ ᐃᑲᔪᕐᑎᓕᒫᖏᓪᓗ ᔨᕉᓴᓕᒦᖏᓐᓇᖁᓪᓗᒋᑦ ᐅᓐᓄᒃᑯᑦ ᐅᖃᐅᑎᓚᐅᕆᕙᒃᑲ, ᐃᒡᓗᒐᓮᓪᓗ ᖃᐅᔨᓴᕐᑎᕾᓐᓇᑯᓪᓗᒋᑦ ᐅᓐᓄᒃᑯᑦ ᐅᓪᓗᒃᑯᓪᓗ ᐱᓇᓱᐊᕈᓐᓇᖁᓪᓗᒋᑦ ᑍᒤᓚᐅᕐᐳᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᒐᓔᑎᐊᒥᐅᓄᑦ 6:9

ᑍᒤᒻᒪᑦ ᐱᐅᔪᒥᒃ ᐱᓇᓱᐊᕐᓂᕆᔭᕗᑦ ᐃᕿᐊᓐᖒᑎᑦᑍᓕᓚᕗᑦ; ᓄᖅᑲᐅᑎᖏᒃᑯᑦᑎᒍ, ᑕᕝᕙ ᑲᑎᕐᓱᓕᕈᒫᕐᐸᕗᑦ ᑲᓐᖓᕐᓲᑎᒋᓯᒪᔭᕗᑦ.

ᑯᓘᓯᐊᒥᐅᓄᑦ 1:29

ᑕᒪᓐᓇ ᐱᔭᕇᕈᒪᓪᓗᒍ ᐊᒃᓱᕉᑎᒋᕙᕋ ᐃᓗᖏᕐᑐᕐᓗᖓ, ᐱᔪᓐᓇᕐᓂᕐᒥᒃ ᐊᖏᔪᒥᒃ ᐊᑐᕐᑎᑕᐅᓪᓗᖓ ᑖᑦᓱᒪ ᐅᕙᓐᓄᑦ ᕾᓯᒪᔭᖓᓂᒃ.