ᓂᕼᐃᒤᐊᐅᑉ ᐊᒡᓚᖏᑦ 3:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᒎᓗᓕᕆᔩᑦ ᓂᐅᕕᕐᓂᐊᕐᑎᑦᓯᔩᓪᓗ ᓴᓇᓚᐅᕐᐳᑦ ᑭᖑᓪᓕᕐᐸᐅᓕᕐᑐᒥᒃ, ᐃᒡᓗᕈᓯᕐᒥᑦ ᑎᕆᖅᑯᐊᑕ ᖄᖓᓃᑦᑐᒥᑦ ᐱᒋᕐᐊᓗᑎᒃ ᓰᐲᑦ ᐃᑎᕐᑕᕐᕕᐊ ᑎᑭᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 3:32 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 12:39

ᐃᑎᕐᑕᕐᕕᐅᑉ ᐃᕗᕅᒥᐅᑉ ᖄᖓᒍᕐᓗᑕ, ᐃᑎᕐᑕᕐᕕᐅᓪᓗ ᓄᑕᐅᖏᑦᑑᑉ ᖄᖓᒎᕆᓪᓗᑕ, ᐃᑎᕐᑕᕐᕕᒡᓗ ᐃᖃᓗᒃ ᖄᖏᕆᓪᓗᒍ ᕼᐊᓇᓂᐅᓗ ᐳᕐᑐᔪᖅ ᓇᐸᔪᕐᔪᐊᖅ ᐊᖅᑯᓵᕐᓗᒍ 100ᐃᓪᓗ ᓇᐸᔪᕐᔪᐊᖓ ᐊᖅᑯᓵᕐᓗᒍ, ᓰᐲᑦ ᐃᑎᕐᑕᕐᕕᖓ ᑎᑭᓪᓗᒍ; ᓄᖅᑲᓚᐅᕐᐳᑦ ᖃᐅᔨᓴᕐᑏᑦ ᑐᒃᓯᐊᕐᕕᒡᔪᐊᑉ ᓴᓂᐊᓃᑦᑑᑉ ᐃᑎᕐᑕᕐᕕᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 3:1

ᐃᒫᒃ ᑕᕝᕙ ᐃᒡᓗᒐᓮᑦ ᐊᕙᓗᕐᔪᐊᖓᑕ ᐋᖅᑭᒋᐊᕐᑕᐅᓂᖏᑦ ᐃᒤᓕᐅᓚᐅᕐᐳᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓ ᐃᓔᐊᓯᑉ ᑐᓂᕐᕈᓯᕐᑎᑦᓯᔨᖁᑎᖏᓪᓗ ᐋᖅᑮᒋᐊᓚᐅᕐᐳᑦ ᓰᐲᑦ ᐃᑎᕐᑕᕐᕕᖓᓂᒃ, ᑐᓂᕐᕈᑎᒋᓪᓗᒍᓗ, ᐃᑎᕐᑕᕐᕕᐅᓪᓗ ᐅᒃᑯᐊᖓ ᒪᓕᒡᓗᒍ ᐊᕙᓗᐊᓗ ᑐᓂᕐᕈᑎᒋᓚᐅᕐᐹᑦ 100ᐃᓪᓗ ᓇᐸᔪᕐᔪᐊᖓ ᕼᐊᓇᓂᐅᓪᓗ ᓇᐸᔪᕐᔪᐊᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 3:31

ᑖᒃᑯᐊ ᐅᖓᑖᓂ ᒪᓪᑬᔭ, ᒎᓗᓕᕆᔨ ᓴᓇᓚᐅᕐᐳᖅ ᓴᓂᑦᓯᐊᒥᓃᑦᑐᒥᒃ, ᐃᒡᓗ ᑐᒃᓯᐊᕐᕕᒡᔪᐊᑉ ᓴᓇᔨᖏᓐᓂᑦ ᓂᐅᕕᕐᓂᐊᕐᑎᑦᓯᔨᓂᓪᓗ ᐊᑐᕐᑕᐅᔪᖅ ᐃᒡᓗ ᑎᑭᓪᓗᒍ, ᑖᓐᓇ ᒥᐱᑲᑦ ᐃᑎᕐᑕᕐᕕᖓ ᑐᒃᓯᐊᕐᕕᒡᔪᐊᒧᐊᕆᐊᖅ, ᐅᓐᓄᐊᓪᓗᐊᑉ ᓯᕿᓂᐅᓪᓗ ᓇᓛᓃᑦᑐᖅ ᐊᑭᓐᓇᐅᑉ ᑎᕆᖅᑯᐊᓂ ᐃᒡᓗᕈᓯᖅ ᖄᖓᓃᑦᑐᖅ ᑎᑭᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 3:8

ᐊᑦᔧᐅᓪ ᕼᐊᕋᕼᐂᐊᐅᑉ ᐃᕐᓂᖓ, ᒎᓗᓕᕆᔨ ᓴᓇᓚᐅᕐᐳᖅ ᓴᓂᐊᓃᑦᑐᒥᒃ. ᕼᐊᓇᓁᐊ, ᑎᐱᑦᓯᐊᕆᒃᓴᐅᑎᓂᒃ ᓴᓇᔨ, ᓴᓇᓚᐅᕐᐳᖅ ᓴᓂᐊᓃᑦᑐᒥᒃ, ᔨᕉᓴᓕᒻ ᐋᖅᑭᒃᓱᕐᑕᐅᒃᑲᓐᓂᕐᓗᓂ ᐳᕈᐊᑦ ᐊᑭᓐᓇᖓ ᑎᑭᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 5:2

ᔨᕉᓴᓕᐅᓪᓕ ᐃᑎᕐᑕᕐᕕᖓᓂ ᑍᔭᐅᔪᒥ “ᓰᐲᑦ ᐃᑎᕐᑕᕐᕕᖓᓂᒃ” ᖃᓂᒋᔮᓂ ᑕᓯᑯᓗᒃᑕᖃᕐᐳᖅ, ᑕᓪᓕᒪᓂᒃ ᐃᒡᓗᕈᓯᓕᖕᒥᒃ; ᐄᑉᕉᑎᑐᑦ ᑍᔭᐅᔪᖅ ᐱᑎᔅᑕᒥᒃ.