ᓂᕼᐃᒤᐊᐅᑉ ᐊᒡᓚᖏᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᓴᐸᒧᓪᓗ ᑎᑎᕋᖁᒋᕙᒋᑦ, ᐊᖓᔪᖅᑳᕐᔪᐊᑉ ᓇᐹᕐᑐᓕᕆᔨᖁᑎᖓᓄᑦ, ᑖᑦᓱᒧᖓ ᕿᔪᖕᓂᒃ ᐃᑎᕐᑕᕐᕕᐅᑉ ᓴᐅᓂᒃᓴᖏᓐᓂᒃ ᑐᓂᓯᕕᐅᔪᓐᓇᖁᓪᓗᖓ ᑐᒃᓯᐊᕐᕕᒃᔪᐊᑉ ᐊᕙᓗᕐᔪᐊᖓᑕ ᑲᒪᔨᖃᕐᕕᒃᓴᖏᓐᓄᑦ, ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᓴᐅᓂᒃᓴᖏᓐᓂᒃ, ᐃᒡᓗᒋᒐᔭᕐᑕᒪᓗ ᓴᐅᓂᒃᓴᖏᓐᓂᒃ.” ᐊᖓᔪᖅᑳᕐᔪᐊᓪᓗ ᐱᔪᒪᔭᓐᓂᒃ ᑐᓂᓯᕕᒋᓚᐅᕐᐹᖓ, ᒎᑎᒪ ᐱᔪᓐᓇᕐᓂᖓᑕ ᓇᔪᓚᐅᕐᒪᖓ.

ᓂᕼᐃᒤᐊᐅᑉ ᐊᒡᓚᖏᑦ 2:8 Iomraidhean Croise

ᒨᓯᓯ ᓯᕗᓪᓖᑦ 32:28

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᐄᓱᕋᐅᑉ ᐊᒡᓚᖏᑦ 5:5

ᒎᑎᐅᓪᓕ ᐅᐊᑦᓯᓚᐅᕐᐰᑦ ᔫᑎᑦ ᓯᕗᓕᕐᑎᖏᑦ, ᐴᕐᓯᐊᒥᐅᓪᓗ ᑲᒪᔨᖏᑦ ᓱᒋᐊᓚᐅᓐᖏᓚᑦ ᑎᑎᕋᓚᐅᖅᑳᖏᓐᓂᕐᒥᖕᓂ ᑭᐅᔭᐅᓚᐅᖅᑳᖏᓐᓂᕐᒥᖕᓂᓗ ᐊᖓᔪᖅᑳᕐᔪᐊᒧᑦ ᑍᕉᓯᒧᑦ. ᑕᕝᕙ ᑎᑎᕋᕐᓯᒪᔪᓂᒃ ᑭᐅᔭᐅᓚᐅᕐᐳᑦ.

ᐄᓱᕋᐅᑉ ᐊᒡᓚᖏᑦ 6:22

ᓇᓪᓕᐅᓐᓂᕐᓯᐅᓚᐅᕐᐳᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᑰᔭᓂᒃ ᓇᓪᓕᐅᓐᓂᕐᓯᐅᕈᑎᒥᒃ ᐅᓪᓗᓂᒃ 7ᓂᒃ ᖁᕕᐊᓱᒡᓗᑎᒃ; ᐊᖓᔪᖅᑳᕐᔪᐊᖅ ᐊᓯᕆᐊᒥᐅᑕᖅ ᐊᑕᓂᐅᑉ ᐱᐅᒃᓴᕐᑎᓚᐅᕐᒪᒍ ᑖᒃᑯᓂᖓ, ᑖᑦᓱᒪ ᐃᑲᔪᕐᑐᓚᐅᕐᒪᒋᑦ ᐱᓇᓱᐊᕐᑎᓪᓗᒋᑦ ᐃᓴᕆᐊᓕᒥᐅᑦ ᒎᑎᖓᑕ ᑐᒃᓯᐊᕐᕕᒡᔪᐊᖓᓂᒃ ᓴᓇᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 6:8

ᓱᓕᓗ ᑎᓕᓕᕐᐸᑦᓯ ᐃᒤᓕᐅᖁᓪᓗᓯ ᔫᑎᓄᑦ ᓯᕗᓕᕐᑎᐅᔪᓂᒃ ᐃᑲᔪᖁᓪᓗᓯ ᑐᒃᓯᐊᕐᕕᒡᔪᐊᒥ ᓴᓇᔪᓂᒃ: ᐊᑭᓕᕆᐊᓕᖏᓪᓗ ᐊᑭᓕᕐᑕᐅᑦᓴᐅᑎᒋᔭᕆᐊᖃᕐᐳᑦ ᐊᖓᔪᖅᑳᕐᔪᐊᑉ ᑮᓇᐅᔭᖁᑎᖏᓐᓂᑦ ᑖᒃᓯᔭᕐᓂᒃᑯᒃ ᑐᓂᔭᐅᕙᒃᑐᓂᑦ ᐃᐅᐸᕅᑎᐅᑉ ᓴᐅᒥᖔᖓᓂᒥᐅᓂᑦ; ᑖᒃᑯᐊ ᐃᓄᖕᓄᑦ ᓴᓇᔪᓄᑦ ᑐᓂᔭᐅᑦᔭᐅᑎᒋᔭᕆᐊᖃᕐᐳᑦ, ᐱᓇᓱᐊᕐᑐᑦ ᐊᒡᕕᐊᕐᑕᐅᖁᓇᒋᑦ.

ᐄᓱᕋᐅᑉ ᐊᒡᓚᖏᑦ 7:6

ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᐄᓱᕋᐅᑉ ᐊᒡᓚᖏᑦ 7:9

ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᓪᓗ ᓯᕗᓪᓕᕐᐹᖓᓂ ᐹᐱᓘᓂᒥᑦ ᐊᐅᓪᓚᓚᐅᕐᐳᑦ, ᑕᖅᑮᑦ ᑕᓪᓕᒪᖓᑦᑕ ᐅᓪᓗᖏᑕ ᓯᕗᓪᓕᕐᐹᖓᓂ ᔨᕉᓴᓕᒧᑦ ᑎᑭᓚᐅᕐᐳᑦ, ᒎᑎᖓᑕ ᐃᑲᔪᑦᓯᐊᕐᓂᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 7:2

ᐊᖑᑏᖕᓂᒃ ᒪᕐᕉᖕᓂᒃ ᑎᓕᓯᓚᐅᕐᐳᖓ ᐊᐅᓚᑦᓯᔨᐅᓂᐊᕐᑑᖕᓂᒃ ᔨᕉᓴᓕᐅᑉ ᐃᒡᓗᒐᓴᖏᓐᓂᒃ: ᓄᑲᕋᓗ ᕼᐊᓇᓁ ᐊᒻᒪᓗ ᕼᐊᓇᓁᐊ, ᐊᖓᔪᖅᑳᖅ ᐅᓇᑕᕐᑐᒃᓴᓄᑦ. ᕼᐊᓇᓁᐊᓕ ᐱᔪᓐᓇᑦᓯᐊᓚᐅᕐᐳᖅ ᒎᑎᒥᒡᓗ ᓯᕘᕋᓪᓗᓂ ᑍᒤᓪᓗᐊᕐᑕᖃᓚᐅᓐᖏᓚᕐᓗ ᐊᖑᑕᐅᖃᑎᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:5

ᐱᕈᕐᓰᕕᖕᓂᒃ ᓇᐹᕐᑐᓂᒡᓗ ᐸᐅᕐᖓᓕᒃᓴᓂᒃ ᐱᕈᕐᓰᓚᐅᕐᐳᖓ, ᐱᕈᕐᓰᓚᐅᕐᐳᖓ ᓇᐹᕐᑐᓂᒃ ᖃᓄᐃᑦᑐᑐᐃᓐᓇᕐᓂᒃ ᐸᐅᕐᖓᓕᖕᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:6

ᐃᒥᕐᑕᕐᕕᓕᐅᓚᐅᕐᐳᖓ ᐅᓄᕐᑐᓂᒃ, ᓇᐹᕐᑐᐃᑦ ᐅᓄᕐᑐᑦ ᐸᐅᕐᖓᓕᒃᓮᑦ ᐃᒻᒥᑑᑎᒃᓴᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 1:9

ᒎᑎᐅᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᓈᒃᑭᒍᓱᒃᑎᑉᐹ ᑖᓂᐊᓕᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:22

ᒎᑎᐅᓪᓕ ᐃᑲᔪᐃᓐᓇᕐᐹᖓ ᐅᓪᓗᒥᒧᑦ ᑎᑭᓪᓗᒍ, ᒫᓐᓇᓗ ᓇᖏᕐᐳᖓ ᓇᓗᓁᕐᓯᔪᓐᓇᕐᓗᖓ ᐊᑦᔨᒌᒃᑐᒥᒃ ᐃᓄᖕᓄᑦ ᐊᑦᔨᒌᖏᑦᑐᓄᑦ, ᐅᖃᐅᓯᖃᕐᐳᖓ ᓇᓚᐅᑦᑍᔪᑦ ᒨᓯᓯᐅᓪᓗ ᓇᓪᓕᐅᑎᓂᐊᕐᓂᕋᕐᓯᒪᔭᖏᑕ ᐊᓯᐊᒎᖏᑦᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:10

ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:16

ᒎᑎ ᖁᔭᒋᔭᐅᓕ ᑍᑑᓯ ᐅᕙᑦᑎᑐᑦ ᐃᓗᖏᕐᓱᕐᓗᓂ ᐃᑲᔪᕈᒪᓂᕐᑖᕐᑎᓚᐅᕐᒪᒍ ᐃᓕᑦᓯᓐᓂᒃ.