ᓂᕼᐃᒤᐊᐅᑉ ᐊᒡᓚᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕝᕙ ᐊᖓᔪᖅᑳᕐᔪᐊᖅ ᐅᖃᐅᑎᕙᕋ, “ᑕᕝᕙᑐᖅ ᐊᖓᔪᖅᑳᕐᔪᐊᖅ ᐃᓅᓂᐊᕐᐳᑎᑦ ᐃᓱᖃᖏᑦᑐᒧᑦ! ᖃᓄᕐᓕ ᑮᓇᕋ ᖁᕕᐊᓱᖕᓂᕐᒥᒃ ᓴᖅᑭᔮᕐᑎᑦᓯᔪᓐᓇᕋᔭᕐᐸ, ᐃᒡᓗᒐᓴᒡᔪᐊᑦ, ᓯᕗᓕᕕᓂᕐᒪ ᐃᓗᕕᖃᕐᕕᒋᔭᖏᑦ, ᓯᖁᑦᑎᕐᑕᐅᓯᒪᑎᓪᓗᒋᑦ, ᐃᑎᕐᑕᕐᕕᒃᔪᐊᖏᓪᓗ ᐃᑯᒪᒧᑦ ᓄᖑᑕᐅᓯᒪᑎᓪᓗᒋᑦ?”

ᓂᕼᐃᒤᐊᐅᑉ ᐊᒡᓚᖏᑦ 2:3 Iomraidhean Croise

ᐊᑕᓃᑦ ᓯᕗᓪᓖᑦ 1:31

ᑕᕝᕙ ᐹᓯᐸ ᐅᑯᓪᓗᓂ ᑮᓇᓂ ᒪᓂᖅᑲᒧᑦ ᐊᒃᑐᕐᓱᒍ, ᐅᐱᒍᓱᖕᓂᕐᒧᑦ ᐊᖓᔪᖅᑳᕐᔪᐊᕐᒥᒃ, ᐅᖃᓕᕐᐳᖅ, “ᐊᑕᓂᕋ ᐊᖓᔪᖅᑳᕐᔪᐊᖅ ᑍᕕᑎ ᐃᓅᓕ ᐃᓱᖃᖏᑦᑐᒧᑦ!”

ᐊᑕᓃᑦ ᐂᑉᐸᖏᑦ 25:8

ᑕᖅᑮᑦ ᑕᓪᓕᒪᖓᑦᑕ ᐅᓪᓗᖏᑕ 7ᖓᓐᓂ ᐊᕐᕌᒍᐃᑦ 19ᒋᓕᕐᑕᖓᓐᓂ ᓂᐱᑯᓁᓴᐅᑉ ᐊᖓᔪᖅᑳᕐᔪᐊᖑᕕᒋᔭᖏᓐᓂ ᐹᐱᓘᓂᒥᐅᓄᑦ, ᓂᐳᔭᕋᑕᓐ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᔨᕉᓴᓕᒧᐊᕐᐳᖅ.

ᑯᕉᓂᑲ ᐂᑉᐸᖏᑦ 21:20

32ᓂᒃ ᐊᕐᕌᒍᖃᓕᕐᓗᓂ ᐊᖓᔪᖅᑳᕐᔪᐊᓐᖑᓚᐅᐳᖅ, ᔨᕉᓴᓕᒥ ᐊᐅᓚᑦᓯᓚᐅᕐᐳᖅ ᐊᕐᕌᒍᓂᒃ ᓯᑕᒪᐅᔪᕐᑐᓂᒃ; ᑐᖁᓚᐅᕐᐳᖅ ᓇᓪᓕᐊᓐᓄᓪᓘᓐᓃᑦ ᐅᒡᒍᐊᕆᔭᐅᓇᓂ. ᐃᓗᕕᕐᐹᑦ ᑍᕕᑎᐅᑉ ᐃᒡᓗᒐᓴᖏᓐᓂ, ᐊᖓᔪᖅᑳᕐᔪᐊᑦ ᐃᓗᕕᕐᑕᐅᕕᖏᑦᑕ ᐊᓯᐊᓄᑦ.

ᑯᕉᓂᑲ ᐂᑉᐸᖏᑦ 28:27

ᐂᕼᐊᔅᓗ ᑐᖁᖕᒪᑦ ᓯᕗᓕᒥᓄᐊᓚᐅᕐᐳᖅ, ᐃᓗᕕᕐᐹᓪᓗ ᐃᒡᓗᒐᓴᖕᓂ, ᔨᕉᓴᓕᒥ, ᐊᖓᔪᖅᑳᕐᔪᐊᓪᓕ ᐃᓴᕆᐊᓕᒥᐅᑦ ᐃᓗᕕᖏᓐᓄᐊᓚᐅᓐᖏᓛᑦ. ᐃᕐᓂᖓᓕ ᕼᐃᓯᑬᐊ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ.

ᑯᕉᓂᑲ ᐂᑉᐸᖏᑦ 32:33

ᕼᐃᓯᑬᐊᓗ ᑕᕾᕐᓯᓕᕐᐳᖅ ᓯᕗᓕᖏᑕ ᐃᓂᖏᓐᓂ, ᐃᓗᕕᕐᐹᓪᓗ ᐃᓗᕕᕐᓂ ᖁᑦᑎᖕᓂᕐᓴᓂ ᑍᕕᑎᐅᑉ ᐃᕐᓂᖏᑕ ᐃᓂᖏᓐᓂ; ᔫᑕᒥ ᔨᕉᓴᓕᒥᓗ ᓄᓇᖃᕐᑐᓕᒫᑦ ᐅᐱᓐᓇᕐᑎᓚᐅᕐᐹᑦ ᑐᖁᑎᓪᓗᒍ. ᐃᕐᓂᖓᓗ ᒫᓇᓯ ᐊᖓᔪᖅᑳᓐᖑᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ.

ᑯᕉᓂᑲ ᐂᑉᐸᖏᑦ 36:19

ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 1:3

ᑖᒃᑯᐊ ᐅᖃᐅᑎᕚᖓ, “ᑖᒃᑯᐊ ᐅᑎᕐᓯᒪᓕᕐᑐᑦ ᑕᕝᕗᖓ ᐊᐅᓪᓚᕈᑦᔭᐅᓯᒪᓚᐅᕐᑐᓂᑦ ᐅᑯᒤᒃᓴᕐᑐᒻᒪᕆᐊᓘᕗᑦ ᑲᓐᖑᓇᕐᑐᒦᓪᓗᑎᒡᓗ; ᔨᕉᓴᓕᐅᓪᓗ ᐊᕙᓗᕐᔪᐊᖓ ᓱᕋᒃᓯᒪᓪᓗᓂ, ᐃᑎᕐᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᕗᑦ.”

ᓂᕼᐃᒤᐊᐅᑉ ᐊᒡᓚᖏᑦ 2:13

ᐅᓐᓄᐊᒃᑯᑦ ᐊᓂᒐᒪ ᓇᕐᓴᐅᑉ ᐃᑎᕐᑕᕐᕕᖓᒍᑦ ᔮᑯᐃᑦ ᕿᒻᒥᐅᔮᕐᑐᖅ ᐃᒥᕆᐊᕐᑐᕐᕕᖓᓄᐊᕐᐳᖓ ᐊᒻᒪ ᓴᓂᒃᑯᕕᓕᐊᕆᐊᑉ ᐃᑎᕐᑕᕐᕕᖓᓄᑦ ᑎᑭᓪᓗᖓ, ᔨᕉᓴᓕᐅᑉ ᐊᕙᓗᕐᔪᐊᖓ ᖃᐅᔨᓴᓚᐅᕐᐸᕋ ᓯᖁᑦᑎᕐᑕᐅᓯᒪᓚᐅᕐᒪᑦ ᐃᑎᕐᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᓪᓗᑎᒃ.

ᐃᔅᑕᐅᑉ ᐊᒡᓚᖏᑦ 8:6

ᖃᓄᖅ ᕿᓄᐃᓵᕈᓐᓇᕋᔭᕐᐳᖓ ᑕᑯᓐᓇᕐᓗᖓ ᐃᓅᖃᑎᒃᑲ ᐱᐅᖏᑦᑐᐊᓗᖕᒥᒃ ᑎᑭᑕᐅᓂᐊᕐᑎᓪᓗᒋᑦ? ᐅᕝᕙᓗ ᖃᓄᖅ ᕿᓄᐃᓵᕈᓐᓇᕋᔭᕐᐳᖓ ᑕᑯᓐᓇᕐᓗᖓ ᐃᓚᒃᑲ ᑐᖁᕋᕐᑕᐅᑎᓪᓗᒋᑦ?”

ᐃᓐᖏᕈᑎᑦ 102:14

ᐱᔨᑎᑦ ᐱᓪᓚᕆᐊᓘᑎᑦᓯᕗᑦ ᔨᕉᓴᓕᐅᑉ ᐅᔭᕋᖏᓐᓂᒃ, ᓯᖁᑦᑎᕐᑕᐅᓯᒪᒐᓗᐊᕐᑎᓪᓗᒋᑦ ᓇᒡᓕᒍᓱᒻᒪᕆᒃᐳᑦ.

ᐃᓐᖏᕈᑎᑦ 102:15

ᑕᕝᕙ ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᑎᖓᓂᒃ ᓯᕘᕋᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓄᓇᒦᑦᑐᓕᒫᑦ ᐃᓕᖕᓂᒃ ᓂᕐᑐᕐᓇᕐᑎᑦᓯᔪᒫᕐᐳᑦ;

ᐃᓐᖏᕈᑎᑦ 137:6

ᐃᓕᖕᓂᒃ ᐃᖅᑲᐅᒪᔪᓐᓁᓪᓕᓐᓂᕈᒪ, ᑕᕝᕙ ᐅᖃᕋ ᕿᓚᓐᓄᑦ ᓂᐱᓐᖓᓕᕐᓕ; ᔨᕉᓴᓕᒻ ᖁᕕᐊᓲᑎᒋᓂᕐᐹᕆᓗᒍ ᑍᒤᑦᑐᓐᓃᕐᓂᕈᒪ!

ᐃᓐᖏᕈᑎᑦ 38:7

ᕿᑎᕋᓗ ᐊᖏᔪᒥᒃ ᐋᓂᐊᔪᐊᓘᕗᖅ; ᐅᕕᓂᒐᓗ ᖃᓄᐃᖏᑦᑑᓂᖃᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 52:12

ᓂᐱᑯᓁᓴᐅᑉ ᐊᖓᔪᖅᑲᐅᓂᖓᑕ ᐹᐱᓘᓂᒥ ᐊᕐᕌᒍᖏᑕ 19ᖓᓐᓂ ᑕᖅᑮᑦ ᑕᓪᓕᒪᖓᓐᓂ, ᐅᓪᓗᖏᑕ ᖁᓕᖓᓐᓂ, ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐱᔨᑦᓯᕐᓗᓂ ᐊᖓᔪᖅᑳᕐᔪᐊᒥᓂᒃ ᔨᕉᓴᓕᒧᑦ ᐃᑎᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9

ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:4

ᑳᓪᑎᐊᒥᐅᓪᓗ ᓯᓚᑐᔪᖁᑎᖏᑦ ᐊᖓᔪᖅᑳᕐᔪᐊᒧᑦ ᐊᕋᒥᐊᒃᑎᑐᑦ ᑭᐅᕗᑦ, “ᐊᖓᔪᖅᑳᕐᔪᐊᖅ ᐃᓅᒋᑦ ᐃᓱᖃᖏᑦᑐᒧᑦ! ᐅᖃᐅᑎᓚᐅᕐᑎᒍ ᓯᓐᓇᒃᑐᕐᓂᒃ, ᑕᕝᕙ ᑐᑭᖓᓂᒃ ᐅᖃᐅᑎᓂᐊᕐᐸᑦᑎᒋᑦ.”

ᑖᓂᐊᓕᐅᑉ ᐊᒡᓚᖏᑦ 3:9

ᐊᖓᔪᖅᑳᕐᔪᐊᒧᓪᓗ ᓂᐱᑯᓁᓴᒧᑦ ᐅᖃᕐᐳᑦ, “ᐊᖓᔪᖅᑳᕐᔪᐊᖅ, ᐃᓅᒋᑦ ᐃᓱᖃᖏᑦᑐᒧᑦ!

ᑖᓂᐊᓕᐅᑉ ᐊᒡᓚᖏᑦ 5:10

ᑯᐃᓐᓕ ᐊᖓᔪᖅᑳᕐᔪᐊᑉ ᓄᓕᐊᖓ ᑐᓴᕋᒥ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᓂᐱᖏᓐᓂᒃ, ᓂᕆᕕᒡᔪᐊᕐᕕᖕᒧᑦ ᐃᑎᕐᐳᖅ ᐅᖃᕐᓗᓂ, “ᐊᖓᔪᖅᑳᕐᔪᐊᖅ ᐃᓅᒋᑦ ᐃᓱᖃᖏᑦᑐᒧᑦ! ᑕᑕᒥᓐᓂᐊᖏᓪᓗᑎᑦ ᑮᓇᕐᓕᕐᓯᒪᖏᓪᓗᑎᓪᓗ!

ᑖᓂᐊᓕᐅᑉ ᐊᒡᓚᖏᑦ 6:21

ᑖᓂᐊᓕᐅᑉ ᑭᐅᕚ, “ᐊᖓᔪᖅᑳᕐᔪᐊᖅ, ᐃᓅᒋᑦ ᐃᓱᖃᖏᑦᑐᒧᑦ!

ᑖᓂᐊᓕᐅᑉ ᐊᒡᓚᖏᑦ 6:6

ᐊᖓᔪᖅᑳᖑᖃᑎᖏᑦ, ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᖏᑦ ᐊᖓᔪᖅᑳᕐᔪᐊᕐᒧᑦ ᐂᓚᐅᕐᐳᑦ ᐅᖃᕐᓗᑎᒃ, “ᐊᖓᔪᖅᑳᕐᔪᐊᖅ ᑍᕉᓯ, ᐃᓅᒋᑦ ᐃᓱᖃᖏᑦᑐᒧᑦ!

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.