ᓂᕼᐃᒤᐊᐅᑉ ᐊᒡᓚᖏᑦ 2:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓴᓐᐸᓛᑎᓕ ᕼᐅᕈᓁᑎᒥᐅᖅ ᑐᐱᐊᓗ ᑖᑦᓱᒪ ᐱᔨᖓ, ᐊᒧᓁᑎᒥᐅᖅ ᒋᓯᒥᓗ ᐋᕋᑉᒥᐅᑕᖅ ᑕᒪᑐᒥᖓ ᑐᓴᕋᒥᒃ, ᐃᔪᓚᐅᕐᐳᑦ ᓱᓕᔪᕐᓴᖏᒻᒪᕆᒃᓗᑎᒡᓗ ᐅᖃᕐᓗᑎᒃ, “ᖃᓄᐃᓕᐅᕋᓱᓕᕐᐱᓰ? ᐊᖓᔪᖅᑳᕐᔪᐊᕐᒥᒃ ᐊᑭᕋᕐᑐᕋᓱᐊᓕᕐᐱᓰ?”

ᓂᕼᐃᒤᐊᐅᑉ ᐊᒡᓚᖏᑦ 2:19 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 13:28

ᐃᓔᐊᓯᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᑕ ᐃᓚᖓᑦ, ᔨᕼᐅᐃᐊᑕ ᓴᓐᐸᓪᓛᑎᐅᑉ ᕼᐅᕈᓁᑎᐅᑉ ᓂᖓᐅᒋᓚᐅᕐᒪᒍ; ᑍᒤᒻᒪᑦ ᑕᕝᕙᓐᖓᑦ ᐊᐅᓪᓚᕐᑎᓚᐅᕐᐸᕋ.

ᓂᕼᐃᒤᐊᐅᑉ ᐊᒡᓚᖏᑦ 2:10

ᓴᓐᐸᓛᑎᓕ ᕼᐅᕈᓁᑎᒥᐅᑕᖅ ᑐᐱᐊᓗ ᑖᑦᓱᒪ ᐱᔨᖓ, ᐊᒧᓁᑎᒥᐅᑕᖅ ᑕᒪᑐᒥᖓ ᑐᓴᕋᒥᒃ ᐊᖏᔪᒥᒃ ᖁᕕᐊᓱᒍᓐᓁᓚᐅᕐᐴᒃ; ᐃᓴᕆᐊᓕᒃᑯᑦ ᒪᑭᑦᔪᑎᒃᓴᖓᓂ ᓴᓇᔭᕐᑐᕋᓱᒋᒃᓯᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 4:1

ᓴᓐᐸᓛᑎᓕ ᑐᓴᕋᒥ ᔫᑎᐅᔪᒍᑦ ᓴᓇᓕᕐᓂᑦᑎᓐᓂᒃ ᐊᕙᓗᕐᔪᐊᒥᒃ, ᓂᓐᖓᐅᒪᓕᓚᐅᕐᐳᖅ ᐱᐅᒃᓴᕈᓐᓁᕐᓗᓂᓗ ᐅᕙᑦᑎᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 6:6

ᐃᒤᓕᐅᕐᑐᓂᒃ: “ᒋᓯᒥᐅᑉ ᐅᖃᐅᑎᓚᐅᕐᒪᖓ ᑐᓴᐅᒪᔭᐅᓕᕋᑦᓯᒎᖅ ᐃᓅᖃᑎᒌᒡᔪᐊᓄᑦ ᖃᓂᑦᑐᓃᑦᑐᓂᑦ, ᐃᓕᑦᓯ ᔫᑎᐅᔪᓯ ᒐᕙᒪᑦᓯᓐᓂᒃ ᐊᑭᕋᕐᑐᕐᓂᐅᓴᒐᑦᓯ, ᑍᒤᓐᓂᑯᖓᓄᑦ ᐊᕙᓗᕐᔪᐊᒥᒃ ᓴᓇᕗᓯ, ᐅᖃᒃᑲᓐᓂᓚᐅᕐᒪᓪᓗ ᐃᓕᖕᓂᒃ ᓇᖕᒥᓂᖅ ᐊᖓᔪᖅᑳᕐᔪᐊᓐᖑᕐᑎᓐᓂᐊᓕᕐᑐᑎᒡᒎᖅ

ᓂᕼᐃᒤᐊᐅᑉ ᐊᒡᓚᖏᑦ 6:9

ᑍᒃᑯᐊ ᑲᑉᐱᐊᓱᒃᑎᑦᓯᓇᓱᐊᓚᐅᕐᒪᑕ ᐅᕙᑦᑎᓐᓂᒃ ᐱᓇᓱᐊᕐᑕᑦᑎᓐᓂᒃ ᓄᖅᑲᕐᑎᑦᓯᓇᓱᐊᕐᓗᑎᒃ, ᑍᒤᒻᒪᑦ ᑐᒃᓯᐊᓕᓚᐅᕐᐳᖓ, “ᒫᓐᓇ ᒎᑏᒃ, ᓲᖑᓂᖃᕐᑎᓚᐅᓐᖓ!”

ᔫᐱᐅᑉ ᐊᒡᓚᖏᑦ 30:1

“ᒫᓐᓇᓕ ᐅᕙᓐᓂᑦ ᓄᑲᕐᓯᕐᓄᑦ ᒥᑕᐅᑎᒋᔭᐅᕙᓕᕐᐳᖓ, ᑖᒃᑯᐊ ᐊᑖᑕᒋᓚᐅᕐᑕᖏᑦ ᓱᓇᐅᓐᖏᓗᐊᕐᓂᖏᓐᓄᑦ ᓰᐱᖁᑎᓐᓄᑦ ᕿᒻᒥᓄᑦ ᑲᒪᔨᐅᖃᑕᐅᑎᑐᐃᓐᓇᕋᔭᓚᐅᕐᐸᒃᑲ.

ᐃᓐᖏᕈᑎᑦ 123:4

ᐊᑯᓂᐅᓗᐊᕐᑐᖅ ᐱᐅᔪᕆᔪᓄᑦ ᒥᑕᐅᑎᒋᔭᐅᕐᔪᐊᕐᓯᒪᓕᕋᑦᑕ, ᓇᕐᕈᓇᕐᓯᑎᑕᐅᓯᒪᒻᒪᕆᒃᓗᑕᓗ.

ᐃᓐᖏᕈᑎᑦ 79:4

ᐃᓅᖃᑎᑦᑎᓐᓄᑦ ᐅᐱᓐᓇᕈᓐᓃᕐᐳᒍᑦ; ᐃᔪᕿᑕᐅᑎᒋᔭᐅᓪᓗᑕ ᒥᑕᐅᑎᒋᔭᐅᓕᕐᐳᒍᑦ ᖃᓂᒋᔭᑦᑎᓐᓃᑦᑐᓄᑦ.

ᐃᓐᖏᕈᑎᑦ 80:6

ᖁᕕᐊᓱᖏᑦᔪᑕᐅᓕᕐᑎᑉᐸᑦᑎᒍᑦ ᐃᓅᖃᑎᑦᑎᓐᓄᑦ; ᐊᑭᕋᕐᑐᕐᑎᑦᑕᓗ ᒥᑕᐅᑎᒋᓕᕐᐹᑎᒍᑦ.

ᐃᓐᖏᕈᑎᑦ 80:7

ᐋᖅᑭᓚᐅᕐᒥᑎᒍᑦ, ᒎᑏ ᖁᑦᓯᒃᑐᒦᑦᑐᑎᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!

ᐂᓮᐊᓯᐅᑉ ᐊᒡᓚᖏᑦ 36:5

ᐅᖃᐅᓯᑐᐃᓐᓁᑦ ᐱᔪᓐᓇᕐᓂᕐᓴᐅᓇᓱᒋᕕᒋᑦ ᐅᓇᑕᕐᑐᒃᓮᑦ ᐱᔪᓐᓇᕐᓂᖏᓐᓂᑦ? ᑭᓇᒧᑦ ᑕᑉᐱᕐᑕᐅᓂᐊᕋᓱᒋᒐᕕᑦ ᐅᕙᓐᓂᒃ ᐊᑭᕋᕐᑐᕈᕕᑦ?

ᔨᕆᒤᐊᐅᑉ ᐊᒡᓚᖏᑦ 20:8

ᐅᖃᓪᓚᒋᐊᕋᒪ ᑍᒪᓐᖓᑦ ᕾᒐᓛᕐᐳᖓ ᑲᑉᐱᐊᓇᕐᑐᓂᒃ ᐊᓯᕈᕐᑕᐅᓂᕐᒥᒡᓗ, ᐅᖃᐅᓯᕆᖁᔭᑎᑦ ᐱᐅᒋᔭᐅᖏᑦᔪᑎᒋᕙᒃᑲ ᐅᖃᕐᓂᕐᓗᒡᕕᐅᑦᔪᑎᒋᓪᓗᒋᓪᓗ ᐅᓪᓗᓕᒪᖅ.

ᔨᕆᒤᐊᐅᑉ ᐊᒡᓚᖏᑦ 41:10

ᐊᖓᔪᖅᑳᕐᔪᐊᓪᓗ ᐸᓂᖏᑦ ᑎᒍᔭᐅᑎᑉᐰᑦ ᐃᓄᑐᐃᓐᓁᓪᓗ ᒥᔅᐸᒦᑦᑐᑦ, ᓂᐳᔭᕋᑕᐅᑉ ᑲᒪᒋᔭᐅᑎᓕᓚᐅᕐᑕᖏᑦ ᐊᖓᔪᖅᑳᒧᑦ ᒋᑕᓔᐊᒧᑦ ᐊᕼᐂᑲᐅᑉ ᐃᕐᓂᖓᓄᑦ, ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᑎᒍᔭᐅᑎᓪᓗᓂᒋᑦ ᐊᐅᓪᓚᕈᑎᓕᕐᐰᑦ ᓄᓇᐅᑉ ᐊᒧᓁᑎᐅᑉ ᓇᓛᓄᑦ.

ᒫᑎᐅᓯᐅᑉ ᐊᒡᓚᖏᑦ 9:24

ᐅᖃᕐᐳᖅ, “ᐊᓂᓚᐅᕆᑦᓯ! ᐅᓇ ᓂᕕᐊᕐᓵᖅ ᑐᖁᖏᒻᒪᑦ ᓯᓂᑐᐃᓐᓇᕐᐳᕐᓕ!” ᑖᒃᑯᐊᓗ ᒥᑕᐅᑎᒋᓕᕐᐹᑦ.

ᒫᑯᓯᐅᑉ ᐊᒡᓚᖏᑦ 5:40

ᑖᒃᑯᐊ ᔩᓱᓯᒥᒃ ᓱᓕᔪᕐᓴᖏᓂᕐᒧᑦ ᒥᑕᐅᑎᖃᓕᕐᐳᑦ. ᐃᓘᓐᓇᓕᒫᑎᒃ ᐊᓂᑎᑉᐰᑦ, ᓂᕕᐊᕐᓯᐊᑉ ᐊᑖᑕᖓ ᐊᓈᓇᖓᓗ ᐃᓕᓐᓂᐊᕐᑎᓂᓗ ᐱᖓᓱᑦ ᐃᑎᕈᓐᓇᕐᑎᑕᑐᐊᕆᕔᑦ, ᑕᕝᕗᖓ ᓂᕕᐊᕐᓯᐊᑉ ᓇᔪᕐᑕᖓᓄᑦ ᐃᑎᕐᐳᑦ.

ᓘᑲᓯᐅᑉ ᐊᒡᓚᖏᑦ 23:2

ᔩᓱᓯᒥᒃ ᐃᖅᑲᕐᑐᒐᒃᓴᖑᕐᑎᑎᓯᒪᔪᑦ ᐅᖃᕐᐳᑦ, “ᐅᓇ ᖃᐅᔨᓚᐅᕐᐸᕗᑦ ᐃᓅᖃᑎᑦᑎᓐᓂᒃ ᑕᒻᒪᕐᓮᔪᖅ, ᐃᓂᕐᑎᓚᐅᕐᐹᑎᒍᑦ ᓰᓴᕆᒧᑦ ᑖᒃᓰᔭᖃᑦᑕᖁᓇᑕ, ᐃᒻᒥᓂᒃ ᒥᓮᐊᓯᐅᓂᕋᕐᓗᓂ ᐊᖓᔪᖅᑳᕐᔪᐊᖑᓂᕋᓗᓂᓗ.”

ᔪᐊᓇᓯᐅᑉ ᐊᒡᓚᖏᑦ 19:12

ᐰᓛᑑᓯᓕ ᕿᓂᕋᓱᐊᕋᓗᐊᕐᐳᖅ ᔩᓱᓯᐅᑉ ᐊᓂᑎᑕᐅᑦᔪᑎᒃᓴᖓᓂᒃ, ᔫᑎᓪᓕ ᕾᒐᓛᓕᕐᐳᑦ, “ᐅᓇ ᐊᓂᑎᓐᓂᐊᕈᕕᐅᒃ, ᐊᖓᔪᖅᑳᕐᔪᐊᑉ ᓰᓴᕆᐅᑉ ᐃᓚᓐᓈᕆᓂᐊᓐᖏᓛᑎᑦ; ᐃᒻᒥᓂᒃ ᐊᖓᔪᖅᑳᕐᔪᐊᖑᓂᕋᕐᑐᖅ ᐊᑭᕋᕐᑐᕐᒪᑦ ᐊᖓᔪᖅᑳᔪᐊᕐᒥᒃ ᓰᓴᕆᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:5

“ᐅᓇ ᐊᖑᑦ ᖃᐅᔨᔭᕗᑦ ᐃᓅᖃᑎᒌᓂᒃ ᓱᕋᒃᑎᕆᔨᐅᖕᒪᑦ, ᔫᑎᓂᒃ ᓇᓂᑐᐃᓐᓇᖅ ᐅᐃᒪᔮᕐᑎᑦᓯᕙᒃᓗᓂ, ᐊᖓᔪᖅᑳᕆᔭᐅᔪᕐᓗ ᓈᓴᕇᑎᒥᐅᓄᑦ ᐅᒃᐱᕐᑐᓂᑦ.

ᐄᑉᕈᐃᓄᑦ 11:36

ᐃᓚᖏᓪᓕ ᒥᑕᐅᑎᒋᔭᐅᓚᐅᕐᐳᑦ ᑏᒐᕐᑐᕐᑕᐅᓪᓗᑎᒡᓗ, ᐃᓚᖏᓪᓗ ᐊᕐᓵᕐᑑᔭᓄᑦ ᐊᑦᓱᖏᐅᓯᕐᑕᐅᓚᐅᕐᐳᑦ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒡᓗ.