ᓂᕼᐃᒤᐊᐅᑉ ᐊᒡᓚᖏᑦ 2:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑭᖑᓂᖓᒍᓪᓕ ᐅᖃᐅᑎᓕᕐᐸᒃᑲ, “ᖃᐅᔨᒪᕗᓯ ᖃᓄᖅ ᐊᑲᐅᖏᑦᑐᒦᑎᒋᖕᒪᖔᑦᑕ, ᔨᕉᓴᓕᒻᓗ ᓯᖁᑦᑎᕐᑕᐅᓯᒪᓪᓗᓂ ᐃᑎᕐᑕᕐᕕᖏᓪᓗ ᐃᑯᐊᓚᓂᑰᓪᓗᑎᒃ. ᕾᓗᓯ ᔨᕉᓴᓕᐅᑉ ᐊᕙᓗᕐᔪᐊᖓ ᓴᓇᓚᐅᕐᓚᕗᑦ, ᓱᓇᐅᖏᓐᓂᕋᕐᑕᐅᓂᐊᓗᖕᒧᑦ ᐅᖁᒤᒃᓴᐅᑎᖃᕐᓂᐊᕈᓐᓁᕋᑦᑕ.”

ᓂᕼᐃᒤᐊᐅᑉ ᐊᒡᓚᖏᑦ 2:17 Iomraidhean Croise

ᐄᓱᕋᐅᑉ ᐊᒡᓚᖏᑦ 9:9

ᓯᐊᓛᖑᓚᐅᕐᐳᒍᑦ, ᑭᓯᐊᓂᓕ ᓯᐊᓛᖑᑏᓐᓇᓚᐅᓐᖏᓚᑦᑎᒍᑦ ᐴᕐᓯᐊᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᕙᑦᑎᓐᓂᒃ ᐱᐅᒃᓴᕐᑎᓚᐅᕐᐸᑎᑦ ᐱᔪᓐᓇᕐᑎᑕᐅᓚᐅᕐᐳᒍᓪᓗ ᐃᓅᖏᓐᓇᕐᓗᑕ ᑐᒃᓯᐊᕐᕕᒡᔪᐊᖅ ᐋᖅᑭᒋᐊᕈᓐᓇᕐᓗᒍ, ᓯᖁᒥᓯᒪᓚᐅᕐᑐᖅ ᑲᑉᐱᐊᓇᖏᑦᑐᒦᑦᓱᓐᓇᕐᓗᑕᓗ ᑕᒫᓂ ᔫᑎᐊᒥ ᔨᕉᓴᓕᒥᓗ.

ᓂᕼᐃᒤᐊᐅᑉ ᐊᒡᓚᖏᑦ 1:3

ᑖᒃᑯᐊ ᐅᖃᐅᑎᕚᖓ, “ᑖᒃᑯᐊ ᐅᑎᕐᓯᒪᓕᕐᑐᑦ ᑕᕝᕗᖓ ᐊᐅᓪᓚᕈᑦᔭᐅᓯᒪᓚᐅᕐᑐᓂᑦ ᐅᑯᒤᒃᓴᕐᑐᒻᒪᕆᐊᓘᕗᑦ ᑲᓐᖑᓇᕐᑐᒦᓪᓗᑎᒡᓗ; ᔨᕉᓴᓕᐅᓪᓗ ᐊᕙᓗᕐᔪᐊᖓ ᓱᕋᒃᓯᒪᓪᓗᓂ, ᐃᑎᕐᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᕗᑦ.”

ᓂᕼᐃᒤᐊᐅᑉ ᐊᒡᓚᖏᑦ 2:13

ᐅᓐᓄᐊᒃᑯᑦ ᐊᓂᒐᒪ ᓇᕐᓴᐅᑉ ᐃᑎᕐᑕᕐᕕᖓᒍᑦ ᔮᑯᐃᑦ ᕿᒻᒥᐅᔮᕐᑐᖅ ᐃᒥᕆᐊᕐᑐᕐᕕᖓᓄᐊᕐᐳᖓ ᐊᒻᒪ ᓴᓂᒃᑯᕕᓕᐊᕆᐊᑉ ᐃᑎᕐᑕᕐᕕᖓᓄᑦ ᑎᑭᓪᓗᖓ, ᔨᕉᓴᓕᐅᑉ ᐊᕙᓗᕐᔪᐊᖓ ᖃᐅᔨᓴᓚᐅᕐᐸᕋ ᓯᖁᑦᑎᕐᑕᐅᓯᒪᓚᐅᕐᒪᑦ ᐃᑎᕐᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 2:16

ᐊᖓᔪᖅᑳᓪᓕ ᖃᐅᔨᓚᐅᓐᖏᓚᑦ ᓇᓃᓚᐅᕐᒪᖔᕐᒪ ᖃᓄᐃᓕᐅᕐᒪᖔᕐᒪᓗ; ᔫᑎᓂᒃ ᓱᓕ ᐅᖃᐅᑦᔨᓚᐅᖏᓐᓇᒪ, ᑐᓂᕐᕈᓯᕐᑎᑦᓯᔨᓂᒡᓗ, ᓯᕗᓕᕐᑎᓂᒡᓗ, ᐊᖓᔪᖅᑳᓂᒡᓗ, ᐊᓯᖏᓐᓂᒡᓘᓐᓃᑦ ᐱᓇᓱᐊᕆᐊᖃᓛᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 3:15

ᓴᓗᒻ ᑯᓪ-ᕼᐅᔨᐅᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᒥᔅᐸᐅᑉ ᐊᕕᒃᑐᕐᓯᒪᓂᖓᓄᑦ, ᓴᓇᓚᐅᕐᐳᖅ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓂᒃ, ᐃᑎᕐᑕᕐᕕᒃ ᖁᓕᓚᐅᕐᐹ, ᐃᓂᖓᓅᕐᓗᒋᓪᓗ, ᑭᑭᐊᖏᓪᓗ ᓴᕕᕋᔭᖏᓪᓗ ᐋᖅᑭᓚᐅᕐᐰᑦ. ᑕᓯᓕᐊᖑᓯᒪᔫᓪᓗ ᓯᓛᒻᒥᐅᑉ ᐊᕙᓗᖏᑦ ᐋᖅᑭᓚᐅᕐᐰᑦ ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓᑕ ᓴᓂᐊᓃᑦᑐᖅ, ᒪᔪᕋᐅᑎᓄᑦ ᑕᐅᓄᖓ ᑍᕕᑎᐅᑉ ᐃᒡᓗᒐᓴᖓᓃᑦᑐᓄᑦ ᑎᑭᓪᓗᒍ.

ᐃᓐᖏᕈᑎᑦ 102:15

ᑕᕝᕙ ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᑎᖓᓂᒃ ᓯᕘᕋᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓄᓇᒦᑦᑐᓕᒫᑦ ᐃᓕᖕᓂᒃ ᓂᕐᑐᕐᓇᕐᑎᑦᓯᔪᒫᕐᐳᑦ;

ᐃᓐᖏᕈᑎᑦ 44:13

ᐃᓅᖃᑎᑦᑎᓐᓄᑦ ᓇᕐᕈᓇᕐᑎᓚᐅᕐᐸᑦᑎᒍᑦ, ᒥᑕᐅᑎᒃᓴᓐᖑᕐᓗᑕᓗ ᐊᓖᒃᑯᑎᒃᓴᓐᖑᕐᓗᑕᓗ ᐃᓄᖕᓄᑦ ᐊᕙᑎᑦᑎᓐᓃᑦᑐᓄᑦ.

ᐃᓐᖏᕈᑎᑦ 44:14

ᐃᔪᕆᔭᒃᓴᓐᖑᕐᐳᒍᑦ ᐃᓅᖃᑎᒌᒡᔪᐊᓄᑦ, ᐃᓕᕿᑕᒫᕈᑕᐅᓕᕐᓗᑕᓗ ᒥᑕᐅᑕᐅᓂᕐᒧᑦ ᐃᓄᖕᓄᑦ.

ᐃᓐᖏᕈᑎᑦ 79:12

ᐃᓅᖃᑎᕗᑦ ᐊᑭᓂᐊᕐᕕᒋᒃᑭᑦ 7ᐃᕐᑐᓪᓗᐊᕐᑐᒥᒃ ᐅᑎᕐᑎᑦᓯᕕᒋᓗᒋᑦ, ᐃᓕᖕᓂᒃ ᐊᑕᓃᖅ ᒥᑕᐅᑎᒃᓴᕐᓂᕆᓚᐅᕐᑕᖏᓐᓄᑦ ᒥᑕᐅᑎᒋᓗᒋᑦ!

ᐃᓐᖏᕈᑎᑦ 79:4

ᐃᓅᖃᑎᑦᑎᓐᓄᑦ ᐅᐱᓐᓇᕈᓐᓃᕐᐳᒍᑦ; ᐃᔪᕿᑕᐅᑎᒋᔭᐅᓪᓗᑕ ᒥᑕᐅᑎᒋᔭᐅᓕᕐᐳᒍᑦ ᖃᓂᒋᔭᑦᑎᓐᓃᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:2

ᐊᑕᓂᖅ ᓂᑲᒍᓱᖕᓂᖃᕋᓂ ᔧᑯᒃᑯᑦ ᐃᒡᓗᒐᓴᒡᔪᐊᖁᑎᖏᑦ ᐊᓯᕈᕐᑕᐅᑎᑉᐰᑦ ᓂᓐᖓᕕᒡᔪᐊᕐᓂᕐᒥᓄᑦ ᔫᑕᐅᑉ ᐸᓂᖏᑕ ᐱᔭᐅᑦᔧᕐᓯᒪᑦᔪᑎᖏᑦ ᓯᖁᒥᑉᐰᑦ ᐊᖓᔪᖅᑲᐅᕕᖏᑦ ᐊᖓᔪᖅᑳᕐᔪᐊᖏᑕᓗ ᐃᕐᓂᖏᑦ ᐅᐱᓐᓇᕈᓐᓃᕐᑎᓪᓗᒋᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:51

ᐃᔨᒪ ᕿᒃᓵᒃᑎᑉᐹᖓ ᐊᕐᓇᖁᑎᕗᑦ ᐃᒡᓗᒐᓴᒡᔪᐊᓂ ᑕᑯᔭᒃᑲ ᐱᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:14

ᓱᓇᐅᔪᓐᓃᕐᑎᑦᓱᒫᕐᐸᑦᓯ ᐃᓅᖃᑎᒌᒡᔪᐊᓪᓗ ᐊᕙᑎᑦᓯᓐᓃᑦᑐᑦ ᐃᓕᑦᓯᓐᓄᑦ ᐊᖅᑯᓵᕐᓗᑎᒃ ᑕᑯᔭᕌᖓᒥᒃ ᒥᑕᐅᑎᒃᓴᖃᑦᑕᓕᕈᒫᕐᐳᑦ.

ᒤᑲᐅᑉ ᐊᒡᓚᖏᑦ 7:11

ᐅᓪᓗᖅ ᑎᑭᑦᓱᒫᕐᐳᖅ ᐊᕙᓗᕐᔪᐊᓕᐅᕐᕕᒃᓴᓯ, ᐅᓪᓗᕐᓗ ᑎᑭᑦᓱᒫᕐᐳᖅ ᓄᓇᖁᑎᓯ ᐊᖏᒡᓕᒋᐊᕐᑕᐅᕕᒃᓴᖓ.

ᓴᒧᐃᓕ ᓯᕗᓪᓖᑦ 11:2

ᓇᕼᐊᓴᐅᓪᓕ ᐊᒧᓁᑎᒥᐅᑉ ᑭᐅᕔᑦ, “ᐊᖏᖃᑎᒋᓂᐊᕐᐸᑦᓯ ᐊᑕᐅᓯᕐᒥᒃ ᐱᑦᔪᑎᖃᕐᑐᒥᒃ: ᐃᔨᓕᒫᓯ ᑕᓕᕐᐱᓯ ᐃᑎᕐᓴᓕᐅᕈᒻᒧᑦ ᑲᐅᓗᒋᑦ ᐊᒨᕋᕐᓂᐊᕐᐸᒃᑲ, ᑕᒪᑐᒧᖓ ᐃᓴᕆᐊᓕᒥᐅᓕᒫᑦ ᑲᓐᖑᓇᕐᑐᒦᑎᑕᐅᖁᓪᓗᒋᑦ.”