ᓂᕼᐃᒤᐊᐅᑉ ᐊᒡᓚᖏᑦ 13:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑍᑦᓱᒪᓂᐅᑎᓪᓗᒍ ᐃᓄᖕᓂᒃ ᔫᑕᒥᐅᓂᒃ ᑕᑯᓚᐅᕐᐳᖓ ᐸᐅᕐᖓᓂᒃ ᕔᓂᒃᓴᓂᒃ ᐃᑦᑏᔧᕕᖕᒥ ᑐᓪᓕᕐᑐᓂᒃ ᓴᐸᑎᐅᑎᓪᓗᒍ, ᓂᐊᖂᔭᒃᓴᓂᒡᓗ ᓇᑲᑎᕐᓯᒪᔪᓂᒃ ᐊᒡᔭᕐᓯᓪᓗᑎᒃ ᓯᐅᑎᖅᑯᕐᑐᔪᖁᑎᒥᖕᓄᑦ ᐅᓯᓕᕐᑐᐃᔪᓂᒃ; ᕔᓂᓂᒡᓗ, ᐸᐅᕐᖓᓂᒡᓗ ᕔᓂᒃᓴᓂᒃ, ᐸᐅᕐᖓᓂᒡᓗ ᐱᒋᓕᖕᓂᒃ, ᐊᓯᖏᓐᓂᒡᓗ ᐅᖁᒤᑦᑐᓂᒃ ᐱᓕᕆᔪᓂᒃ, ᔨᕉᓴᓕᒧᐊᕈᑦᔨᖃᑦᑕᕐᑐᓂᒃ ᐅᓪᓗᖅ ᓴᐸᑎᐅᑎᓪᓗᒍ. ᐃᓂᕐᑎᓚᐅᕐᐸᒃᑲᓕ ᐅᓪᓗᒥ ᑕᕝᕙᓂ ᓂᐅᕐᕈᓯᖃᑦᑕᖁᓇᒋᑦ ᓂᕿᒃᓴᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 13:15 Iomraidhean Croise

ᑯᕉᓂᑲ ᐂᑉᐸᖏᑦ 24:19

ᑍᒤᒃᑲᓗᐊᕐᑎᓪᓗᒋᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᓂ ᑎᓕᓚᐅᕐᐰᑦ ᑖᒃᑯᓄᖓ ᐅᑎᖁᓪᓗᒋᑦ ᐊᑕᓂᕐᒧᑦ; ᐅᖃᐅᑦᔨᒋᐊᕈᑕᐅᔪᓪᓕ ᑖᒃᑯᓄᖓ, ᓈᓚᒃᑕᐅᓚᐅᓐᖏᓚᑦ ᑖᒃᑯᓇᓐᖓᑦ.

ᓂᕼᐃᒤᐊᐅᑉ ᐊᒡᓚᖏᑦ 10:31

ᔫᑎᐅᖏᑦᑐᓪᓗ ᑕᒫᓂ ᓄᓇᓖᑦ ᓱᓇᑐᐃᓐᓇᕐᓂᒃ ᕾᑦᓯᒃᐸᑕ ᐱᕈᕐᑐᕕᓂᕐᓂᒡᓘᓐᓃᑦ ᓴᐸᑎᐅᑎᓪᓗᒍ ᓂᐅᕐᕈᑎᖃᕈᒪᓗᑎᒃ, ᓂᐅᕕᕐᓂᐊᓐᖏᓚᒍᑦ ᓴᐸᑎᐅᑎᓪᓗᒍ ᐅᕝᕙᓘᓐᓃᑦ ᐅᓪᓗᐃᑦ ᐊᓯᖏᓐᓂ ᐃᑦᔪᕐᓁᑦᑑᓂᕋᕐᑕᑦᑎᓐᓂ; ᐱᒋᐊᕐᓂᖓᓂᑦ ᐊᕐᕌᒎᑉ 7ᒋᓕᕐᑕᖓᓂ ᐱᕈᕐᑎᑕᕕᓂᕐᓂᒃ ᐱᓂᐊᓐᖏᓚᒍᑦ ᐊᑭᓕᒃᓴᕆᔭᐅᔪᓕᒫᓪᓗ ᐊᑭᓕᕋᒃᓴᐅᔪᓐᓁᕐᑎᖃᑦᑕᕐᓂᐊᕐᐸᕗᑦ.

ᓂᕼᐃᒤᐊᐅᑉ ᐊᒡᓚᖏᑦ 10:32

ᐅᕙᒍᑦᑕᐅᖅ ᓇᖕᒥᓂᖅ ᒪᓕᒐᒃᓴᖃᕐᓂᐊᕆᕗᒍᑦ ᐊᕐᕌᒍᑕᒫᑦ ᑐᓂᓯᖃᑦᑕᖁᓪᓗᑕ ᒎᑎᐅᑉ ᐃᒡᓗᖁᑎᖓᓂ ᐊᑐᕐᑕᐅᔪᒃᓴᐅᖁᓪᓗᒋᑦ ᓯᐅᓪᕕᕆᐅᑉ ᐱᖓᓲᓕᓗᓂ ᐊᕕᒐᔭᕐᓂᖓᑕ ᐱᖓᔪᖓᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 13:16

ᐃᓄᐃᑦᑕᐅᖅ ᑍᕆᒥᐅᑍᑦ, ᑕᕝᕙᓂ ᐃᒡᓗᒐᓴᖕᓂ ᓄᓇᖃᓚᐅᕆᕗᑦ, ᐃᖃᓗᖕᓂᒃ ᐊᓯᖏᓐᓂᒡᓗ ᖃᓄᐃᑦᑐᑐᐃᓐᓇᓂᒃ ᓂᐅᕕᐊᒃᓴᖃᖃᑦᑕᓚᐅᕆᕗᑦ ᓴᐸᑎᐅᑎᓪᓗᒍ ᔫᑕᐅᑉ ᐃᓄᖏᓐᓄᑦ, ᔨᕉᓴᓕᒥᓗ.

ᓂᕼᐃᒤᐊᐅᑉ ᐊᒡᓚᖏᑦ 13:21

ᐃᓂᕐᑎᓚᐅᕐᐸᒃᑲᓕ ᐅᖃᐅᑎᓪᓗᒋᓪᓗ, “ᓱᖕᒪᑦ ᐊᕙᓗᕐᔪᐊᑉ ᓯᓚᑖᓂ ᓯᓂᒃᑕᕐᐱᓰ? ᑍᒤᓕᑐᐊᕐᒥᒍᑦᓯ ᑕᕝᕙ ᐱᒋᐊᓛᓕᕐᐳᖓ ᐃᓕᑦᓯᓐᓂᒃ.” ᑕᕝᕙᓐᖓᑦ ᐱᒋᐊᕐᓗᑎᒃ ᓴᐸᑎᐅᑎᓪᓗᒍ ᕾᖃᑦᑕᕈᓐᓃᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᔫᐱᐅᑉ ᐊᒡᓚᖏᑦ 39:12

ᐱᕈᕐᑐᓂᒃ ᑲᑎᕐᓯᔪᓐᓇᕐᓯᓛᓕᕐᓂᕐᓄᑦ ᑕᑎᒋᓕᕋᔭᕐᐱᐅᒃ? ᓂᐊᖂᔭᒃᓴᓂᒡᓗ ᐃᕖᔧᕕᖕᓄᑦ ᑲᑎᕐᓱᐃᓛᓕᕆᐊᒥᒃ?

ᐃᓐᖏᕈᑎᑦ 50:7

“ᑐᓵᒋᑦᓯ, ᐃᓄᖁᑎᒃᑲ, ᐅᖃᕐᓂᐊᕋᒪ, ᐆ ᐃᓴᕆᐊᓪ, ᐃᖅᑲᕐᑐᐃᓂᐊᕋᒪ ᐃᓕᖕᓂᒃ; ᒎᑎᐅᒐᒪ, ᐃᕝᕕᑦ ᒎᑏᑦ!

ᒨᓯᓯ ᐂᑉᐸᖏᑦ 31:12

ᐊᑕᓂᐅᑉ ᒨᓯᓯ ᐅᖃᐅᑎᕚ,

ᒨᓯᓯ ᐂᑉᐸᖏᑦ 31:16

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑦ ᐅᓪᓗᒥᒃ ᓴᐸᑎᒥᒃ ᑲᒪᑦᓯᐊᕐᑐᒃᓴᐅᕗᑦ, ᑭᖑᕚᕇᖑᔪᓕᒫᓪᓗ ᑲᒪᑦᓯᐊᕐᑐᒃᓴᐅᕗᑦ ᓴᐸᑎᒥᒃ, ᓇᓗᓁᒃᑯᑕᐅᖁᓪᓗᒍ ᐊᖏᖃᑎᒌᖕᓂᕐᒧᑦ.

ᒨᓯᓯ ᐂᑉᐸᖏᑦ 34:21

“ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐊᒡᓛᑦ ᓄᓇᒥᒃ ᐱᕈᕐᓰᕕᒃᓴᒥᒃ ᒪᒃᐱᑎᕆᔭᕆᐊᖃᕋᓗᐊᕈᕕᑦ ᐱᕈᕐᑐᓂᒡᓗ ᑲᑎᕐᓱᐃᒋᐊᖃᕋᓗᐊᕈᕕᑦ.

ᒨᓯᓯ ᐂᑉᐸᖏᑦ 35:2

ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:4

ᐱᖁᔭᓂᒃ ᒪᓕᖏᑦᑐᑦ ᐱᐅᖏᑦᑐᓕᔪᓂᒃ ᓂᕐᑐᐃᕗᑦ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᐅᓇᑕᖃᑎᒋᕚᑦ.

ᐂᓮᐊᓯᐅᑉ ᐊᒡᓚᖏᑦ 58:13

“ᓴᐸᑎ ᑲᒪᒋᑦᓯᐊᕐᓂᐊᕈᑦᓯᐅᒃ, ᐱᔪᒪᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ ᐅᓪᓗᖅ ᐃᑦᔪᕐᓁᑎᑕᕋ, ᓴᐸᑎᓗ ᑍᓪᓗᒍ ᖁᕕᐊᓇᕐᑐᒥᒃ, ᐊᑕᓂᐅᑉ ᐅᓪᓗᖓ ᐃᑦᔪᕐᓁᑦᑐᖅ ᐅᐱᓐᓇᕐᑑᑎᒃᑯᑦᓯᐅᒃ; ᐅᐱᒋᒍᑦᓯᐅᒡᓗ, ᐊᑐᕈᒪᔭᑐᐃᓐᓇᕐᓂᒃ ᐱᓇᓱᐊᕐᕕᒋᖏᓪᓗᒍ, ᖁᕕᐊᒋᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ, ᐅᖃᕈᓘᔭᑐᐃᓐᓇᕐᕕᒋᖏᓪᓗᒍᓗ ᐊᑐᖏᑦᑐᓂᒃ;

ᔨᕆᒤᐊᐅᑉ ᐊᒡᓚᖏᑦ 17:24

“‘ᓈᓚᑦᓯᐊᕈᑦᓯᓐᖓᓕ, ᐊᑕᓂᖅ ᐅᖃᕐᐳᖅ, ᓴᐸᑎᐅᑎᓪᓗᒍ ᐊᒡᔭᕐᓯᓗᓯ ᐊᕙᒻᒧᒐᕐᑍᓕᓗᓯ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ, ᐃᑦᔪᕐᓁᑎᒃᑯᑦᓯᐅᒡᓗ ᓴᐸᑎ ᓴᓇᕕᒋᑦᑍᓕᓗᒍ.

ᔨᕆᒤᐊᐅᑉ ᐊᒡᓚᖏᑦ 17:27

ᓈᓚᖏᒃᑯᑦᓯᓐᖓᓕ ᓴᐸᑎᓗ ᐃᑦᔪᕐᓁᑎᖏᒃᑯᑦᓯᐅᒃ, ᐊᒡᔭᕐᓯᑦᑍᓕᖏᒃᑯᑦᓯᓗ ᓴᐸᑎᐅᑎᓪᓗᒍ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ, ᑕᕝᕙ ᐃᑎᕐᑕᕐᕕᖏᑦ ᐃᑯᐊᓪᓚᒍᒫᕐᐸᒃᑲ, ᔨᕉᓴᓕᒻ ᐊᖓᔪᖅᑳᒃᑯᕕᖓ ᓄᖑᑕᐅᔪᒫᕐᐳᖅ ᖃᒥᑕᐅᔪᓐᓇᕈᒫᓐᖏᓚᕐᓗ.’”

ᔨᕆᒤᐊᐅᑉ ᐊᒡᓚᖏᑦ 42:19

“ᐃᓕᑦᓯ ᔫᑕᒥ ᐊᒥᐊᒃᑰᔪᓯ, ᐊᑕᓂᐅᑉ ᐅᖃᐅᑎᕚᓯ, ᐃᓂᕐᑎᕐᓗᓯ ᐄᑦᔨᑉᑎᒧᐊᖁᓐᖏᓚᑦᓯ. ᖃᐅᔨᓕᕆᑦᓯ ᖁᓚᕐᓇᖏᑦᑐᒥᒃ ᐅᓪᓗᒥ ᐃᓂᕐᑎᕋᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 20:13

ᐃᓴᕆᐊᓕᐅᑉ ᑭᖑᕚᖏᑕ ᐃᓄᖃᖏᑦᑐᒦᓪᓗᑎᒃ ᐊᑭᕋᕐᑐᓕᓚᐅᕐᐹᖓ; ᐱᖁᔭᒃᑲ ᓯᖁᒥᓚᐅᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓚᐅᕐᓇᒋᑦ, ᓈᓚᒃᑐᓄᑦ ᐃᓅᑦᔪᑕᐅᔪᓐᓇᕐᑎᓪᓗᒋᑦ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᓂᓐᖓᐅᒪᓂᓐᓄᑦ ᐱᒋᐊᕈᒪᓕᓚᐅᕋᓗᐊᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ᓄᖑᑦᓯᐊᒻᒪᕆᒍᒪᓪᓗᒋᓪᓗ.

ᐂᒨᓯᐅᑉ ᐊᒡᓚᖏᑦ 8:5

ᐅᖃᕐᑐᓯᓗ, “ᖃᖓᓕ ᑕᖅᑭᓂᕋᑖᑉ ᓇᓪᓕᐅᓐᓂᕐᓯᐅᕐᑕᐅᓂᖓ ᐃᓱᓕᓐᓂᐊᕐᐹ? ᓂᐅᕐᕈᑎᖃᕈᒪᒐᑦᑕ ᓂᐊᖂᔭᒃᓴᓂᒃ, ᓴᐸᑎᓗ ᖃᖓ ᐃᓱᓕᓐᓂᐊᕐᐹ? ᓂᐅᕐᕈᑎᖃᕐᓂᐊᕋᑦᑕ ᐃᕕᖕᓂᒃ, ᐆᒃᑑᑏᑦ ᐅᕿᑦᑐᕐᓯᐅᑎᓕᐊᕆᓗᒋᑦ ᑮᓇᐅᔭᕐᑖᕐᓂᕐᓴᐅᖁᓪᓗᑕ, ᐅᖁᒤᓐᓂᕐᓯᐅᑏᓪᓗ ᐱᕋᔭᖕᓂᒃᑯᑦ ᐋᖅᑭᒃᓱᕐᓗᒋᑦ ᓴᒡᓗᕿᑦᓯᓂᐊᕋᑦᑕ ᓂᐅᕕᕐᐸᒃᑐᓂᒃ.

ᒤᑲᐅᑉ ᐊᒡᓚᖏᑦ 6:3

“ᐃᓄᖁᑎᒃᑲ, ᐃᓕᑦᓯᓐᓄᑦ ᖃᓄᐃᓕᐅᕐᓯᒪᒐᒪ? ᖃᓄᕐᓗ ᐊᒃᓱᕈᕐᑎᑦᓯᓚᐅᕋᒪ ᐃᓕᑦᓯᓐᓂᒃ? ᑭᐅᓚᐅᕐᓯᓐᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 2:40

ᐲᑦᑐᕉᓯᐅᑉ ᐅᖃᕐᕕᒋᕔᑦ ᐅᖃᐅᓯᕐᓂᒃ ᐊᒥᓱᓂᒃ ᐊᑐᕐᓗᓂ ᐃᓇᕐᓱᕐᐰᑦ ᐅᖃᐅᑎᓪᓗᒋᑦ, “ᐱᐅᓕᔭᐅᓕᕆᑦᓯ ᐅᑯᐊ ᐃᓅᖃᑎᒌᒡᔪᐊᑦ ᐱᐅᖏᑦᑐᓕᔪᑦ ᐊᓯᕈᕐᑕᐅᓂᒃᓴᖏᓐᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᒐᓔᑎᐊᒥᐅᓄᑦ 5:3

ᖃᐅᔨᒪᑦᔪᑎᒃᓴᑦᓯᓐᓂᒃ ᐅᖃᐅᑎᕙᑦᓯ ᑭᐱᔭᐅᔪᖃᕐᐸᑦ ᑖᓐᓇ ᐱᖁᔭᓕᒫᓂᒃ ᒪᓕᒡᓗᓂ ᑭᓯᐊᓂᐅᓂᐊᕐᐳᖅ.

ᐃᐱᓯᒥᐅᓄᑦ 4:17

ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᒨᓯᓯ ᑕᓪᓕᒪᖏᑦ 8:19

ᐊᑕᓂᕐᒥᒃ ᒎᑎᖕᓂᒃ ᐳᐃᒍᕐᑐᒃᓴᐅᓐᖏᓚᑎᑦ ᐊᓯᐊᓂᒡᓘᓐᓂᑦ ᑐᒃᓯᐊᕐᕕᖃᖃᑦᑕᓕᕐᓗᑎᑦ ᐱᔨᑦᓯᓕᕐᓗᑎᓪᓗ ᐱᔪᒃᓴᐅᓐᖏᓚᑎᑦ. ᑍᒤᓐᓂᐊᕈᕕᑦ, ᓯᕘᕋᒋᔭᒃᓴᕐᓂᒃ ᐅᓪᓗᒥ ᐅᖃᐅᑎᕙᒋᑦ ᖁᓚᕐᓇᖏᑦᓯᐊᕐᑐᒥᒃ ᓄᖑᑕᐅᓪᓚᕆᒍᒫᕐᐳᑎᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.