ᓂᕼᐃᒤᐊᐅᑉ ᐊᒡᓚᖏᑦ 13:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑕᕝᕙ ᔫᑕᒃᑯᑦ ᐱᕈᕐᑎᑕᓕᒫᖏᑕ, ᕔᓃᓪᓗ, ᐅᕐᓱᒃᓮᓪᓗ ᑕᓪᓕᒪᐅᔪᖏᓐᓂᒃ ᑐᓂᓯᔭᕐᑐᓚᐅᕐᐳᑦ ᓱᓇᑐᐃᓐᓇᖃᐅᑎᒧᐊᕐᓗᒋᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 13:12 Iomraidhean Croise

ᑯᕉᓂᑲ ᐂᑉᐸᖏᑦ 31:4

ᑎᓕᓯᒋᕗᕐᓗ ᔨᕉᓴᓕᒥ ᓄᓇᖃᕐᑐᑦ ᐃᑲᔪᖃᑦᑕᖁᓪᓗᒋᑦ ᑐᓂᕐᕈᓯᕐᓗᑎᒃ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ ᐱᔭᐅᔪᒃᓴᓂᒃ, ᑖᒃᑯᐊ ᐃᒻᒥᖕᓂᒃ ᑐᓂᓯᒪᔪᓐᓇᖁᓪᓗᒋᑦ ᐊᑕᓂᐅᑉ ᐱᖁᔭᖏᓐᓄᑦ.

ᑯᕉᓂᑲ ᐂᑉᐸᖏᑦ 31:5

ᐱᖁᔭᕐᓗ ᑕᒪᓐᓇ ᑐᓂᔭᐅᖕᒪᑦ, ᐃᓴᕆᐊᓕᒥᐅᑦ ᑐᓂᓯᕗᑦ ᐅᓄᕐᑐᕐᔪᐊᓂᒃ ᓂᐊᖂᔭᒃᓴᓂᒃ ᐱᕈᕆᐊᕐᖓᕐᑐᕕᓂᕐᓂᒃ, ᕔᓂᓂᒡᓗ, ᐅᕐᓱᓂᒃ, ᐃᒍᑦᓴᐅᔮᕐᑐᓪᓗ ᓰᕐᓇᐅᑎᖏᓐᓂᒃ, ᐱᕈᕐᓰᕕᖕᓂᓗ ᐱᕈᕐᑐᕕᓂᓕᒫᓂᒃ; ᑐᓂᓯᕗᓪᓗ ᐅᓄᕐᑐᕐᔪᐊᓂᒃ ᑕᓪᓕᒪᐅᔪᐃᕈᑎᒥᖕᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 12:44

ᐅᓪᓗᒥᓗ ᑕᕝᕙᓂ ᐊᖑᑎᑦ ᐃᓚᖏᑦ ᓇᓗᓁᕐᑕᐅᓚᐅᕐᐳᑦ ᐊᖓᔪᖅᑳᖑᖁᓪᓗᒋᑦ ᑲᒪᔨᒃᓴᐅᖁᓪᓗᒋᓪᓗ ᓱᓇᑐᐃᓐᓇᒃᑯᕕᖕᓄᑦ, ᑐᓂᕐᕈᓯᕐᕕᖕᓄᑦ, ᐱᕈᕐᑐᐃᑦ ᓯᕗᓪᓕᕐᐹᑦ ᑲᑎᑦᓯᕕᖏᓐᓄᑦ, ᑕᓪᓕᒪᐅᔪᐃᕈᑎᓄᑦ, ᑲᑎᕐᓱᐃᔨᐅᖁᓪᓗᒋᑦ ᐱᕈᕐᓰᕕᖕᓂᑦ ᐃᒡᓗᒐᓴᒡᔪᐊᓂᓪᓗ ᑐᓂᓯᖃᑦᑕᖁᔭᐅᔪᓕᒫᓂᑦ ᐱᖁᔭᑎᒍᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ; ᔫᑕ ᖁᕕᐊᓱᒃᑎᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᓂᖏᓐᓄᑦ.

ᒨᓯᓯ ᐱᖓᔪᖏᑦ 27:30

“ᓱᓇᑐᐃᓐᓁᑦ ᓄᓇᒥᑦ ᐱᕈᕐᑐᑦ, ᓂᐊᖂᔭᒃᓮᑦ ᓱᓇᑐᐃᓐᓁᑦ, ᐸᐅᕐᖎᓪᓗ ᓇᐹᕐᑐᓂᑦ ᐱᔪᑦ ᑕᓪᓕᒪᐅᔪᖏᑦ ᐊᑕᓂᐅᑉ ᐱᒋᕔᑦ, ᑕᒪᒃᑯᐊ ᐃᑦᔪᕐᓁᑦᑑᕘᑦ ᐊᑕᓂᕐᒧᑦ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒪᓚᑬᑉ ᐊᒡᓚᖏᑦ 3:8

ᐃᓄᒃ ᒎᑎᒥᑦ ᑎᒡᓕᒍᓐᓇᕐᐹ? ᑎᒡᓕᒐᕐᕕᒋᕙᑦᓯᓐᖓᓕ. ᐅᖃᕐᐳᓯᓕ, ‘ᖃᓄᖅ ᐃᓕᖕᓂᑦ ᑎᒡᓕᒃᓯᒪᕕᑖ?’ ᑕᓪᓕᒪᐅᔪᐃᕐᓂᑦᓯᒍᑦ ᑐᓂᕐᕈᓯᕐᓂᑦᓯᒍᓪᓗ.

ᒨᓯᓯ ᑕᓪᓕᒪᖏᑦ 14:22

“ᑕᓪᓕᒪᐅᔪᐃᕐᑐᒃᓴᐅᕗᓯ ᐱᕈᕐᓯᐊᒃᓴᑦᓯ ᐃᓕᐅᕋᓚᐅᕐᑕᓯ ᐱᕈᕐᑎᑕᓕᒫᖏᓐᓂᒃ, ᐱᕈᕐᓰᕕᖕᓂᑦ ᐊᕐᕌᒍᑕᒫᑦ ᐱᕈᕐᑎᑉᐸᒃᑕᑦᓯᓐᓂᑦ.