ᓂᕼᐃᒤᐊᐅᑉ ᐊᒡᓚᖏᑦ 12:44 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁴ ᐅᓪᓗᒥᓗ ᑕᕝᕙᓂ ᐊᖑᑎᑦ ᐃᓚᖏᑦ ᓇᓗᓁᕐᑕᐅᓚᐅᕐᐳᑦ ᐊᖓᔪᖅᑳᖑᖁᓪᓗᒋᑦ ᑲᒪᔨᒃᓴᐅᖁᓪᓗᒋᓪᓗ ᓱᓇᑐᐃᓐᓇᒃᑯᕕᖕᓄᑦ, ᑐᓂᕐᕈᓯᕐᕕᖕᓄᑦ, ᐱᕈᕐᑐᐃᑦ ᓯᕗᓪᓕᕐᐹᑦ ᑲᑎᑦᓯᕕᖏᓐᓄᑦ, ᑕᓪᓕᒪᐅᔪᐃᕈᑎᓄᑦ, ᑲᑎᕐᓱᐃᔨᐅᖁᓪᓗᒋᑦ ᐱᕈᕐᓰᕕᖕᓂᑦ ᐃᒡᓗᒐᓴᒡᔪᐊᓂᓪᓗ ᑐᓂᓯᖃᑦᑕᖁᔭᐅᔪᓕᒫᓂᑦ ᐱᖁᔭᑎᒍᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ; ᔫᑕ ᖁᕕᐊᓱᒃᑎᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᓂᖏᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 12:44 Iomraidhean Croise

ᑯᕉᓂᑲ ᓯᕗᓪᓖᑦ 23:28

ᐱᔭᒃᓴᖃᕐᑐᒃᓴᐅᕗᑦ ᐃᑲᔪᕐᓗᑎᑦ ᐂᕉᓂᐅᑉ ᐃᕐᓂᖏᓐᓂᒃ ᐱᔨᑦᓯᕐᓗᑎᒃ ᐊᑕᓂᐅᑉ ᐃᒡᓗᖓᓂ, ᐱᕕᑐᓂᖓᓂ ᑲᑎᒪᕕᖓᓂᓗ, ᓴᓗᒻᒪᕐᓮᔨᐅᓗᑎᒡᓗ ᐃᑦᔪᕐᓁᑦᑐᓕᒫᓂᒃ, ᐱᓇᓱᐊᕐᑎᐅᓗᑎᒡᓗ ᖃᓄᑐᐃᓐᓇᖅ ᐱᔨᑦᓯᕐᓗᑎᒃ ᒎᑎᐅᑉ ᐃᒡᓗᖓᓂ;

ᑯᕉᓂᑲ ᓯᕗᓪᓖᑦ 26:20

ᓕᕔᑎᓂᓪᓗ, ᐊᕼᐂᔭ ᑮᓇᐅᔭᓕᕆᔨᓄᑦ ᐊᖓᔪᖅᑲᐅᕗᖅ ᒎᑎᐅᑉ ᐃᒡᓗᖓᓂ ᐱᕕᐊᕐᓇᕐᑐᓄᓪᓗ ᑐᓂᔭᐅᓯᒪᔪᓄᑦ ᐃᑦᔪᕐᓁᑦᑐᓄᑦ.

ᑯᕉᓂᑲ ᓯᕗᓪᓖᑦ 9:26

ᓯᑕᒪᓂᒃ ᐊᖓᔪᖅᑳᖃᕐᐳᑦ ᐃᑎᕐᑕᕐᕕᖕᓂ ᐊᑐᓂᑦ; ᓕᕔᑎᓂᒃ, ᐊᑕᓂᐅᑉ ᐃᒡᓗᖓᓂ ᑲᒪᔨᐅᑎᑕᐅᔪᓂᒃ ᐱᖁᑎᓂᒃ ᑮᓇᐅᔭᒃᑯᕕᖕᓂᒡᓗ ᒎᑎᐅᑉ ᐃᒡᓗᖓᓂ.

ᓂᕼᐃᒤᐊᐅᑉ ᐊᒡᓚᖏᑦ 10:36

ᐊᒻᒪ ᒎᑎᐅᑉ ᐃᒡᓗᖓᓄᑦ ᐂᑎᑦᓯᖃᑦᑕᕐᓂᐊᕐᐳᒍᑦ, ᓯᕗᓪᓕᕐᐹᒥᒃ ᐃᕐᓂᕐᑖᕆᔭᑦᑎᓐᓂᒃ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒦᑦᑐᓄᑦ ᒎᑎᒧᑦ ᑐᓂᕐᕈᑎᒋᓗᒋᑦ, ᑍᒫᒃ ᐱᖁᔭᑦᑎᓐᓂ ᐱᖁᔭᐅᓂᕗᑦ ᒪᓕᒡᓗᒍ, ᐃᒻᒧᒃᓯᐅᒐᖁᑎᑦᑕᓗ ᓰᐱᖁᑎᑦᑕᓗ ᒎᑦᓯᖁᑎᑦᑕᓗ ᓯᕗᓪᓕᕐᐹᒥᒃ ᐃᕐᓂᐊᕆᖅᑳᕐᑕᖏᓐᓂᒃ ᑐᓂᕐᕈᑎᖃᖃᑦᑕᕈᒪᓪᓗᑕ, ᒎᑎᑦᑕ ᐃᒡᓗᖓᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:34

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᐅᕙᓐᓂᒃ ᓈᓚᒃᑐᖅ; ᐃᑎᕐᑕᕐᕕᖁᑎᓐᓂ ᖃᐅᑕᒫᑦ ᖃᐅᔨᓮᓐᓇᕐᑐᖅ, ᐃᑎᕐᑕᕐᕕᖁᑎᒪ ᐅᒃᑯᐊᖓᑕ ᓴᓂᐊᓂ ᐅᑕᖅᑭᓗᓂ.

ᐂᓮᐊᓯᐅᑉ ᐊᒡᓚᖏᑦ 40:31

ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.

ᒨᓯᓯ ᓯᑕᒪᖏᑦ 3:10

ᑍᒤᒻᒪᑦ ᑎᓕᓕᑭᑦ ᐂᕉᓂᓗ ᐃᕐᓂᖏᓪᓗ, ᑐᓂᕐᕈᓯᕐᑎᐅᓂᕐᒥᒃ ᐱᔭᒃᓴᖃᕐᓂᐊᕐᒪᑕ; ᑕᒫᓐᖓᑐᐃᓐᓇᕐᓕ ᐱᓗᓂ ᑖᒃᑯᓄᖓ ᖃᒡᓕᔪᖅ ᑐᖁᑕᐅᔭᕆᐊᖃᕐᐳᖅ.”

ᕉᒪᒥᐅᓄᑦ 12:7

ᓇᓪᓕᐊᑦ ᐱᔨᑦᓯᕐᓂᕐᒥᒃ ᑐᓂᕐᕈᓯᐊᕈᓂ ᐱᔨᑦᓯᕐᓕ; ᐃᓕᓐᓂᐊᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐃᓕᓐᓂᐊᕐᑎᑦᓯᓕ;

ᒨᓯᓯ ᑕᓪᓕᒪᖏᑦ 18:8

ᑍᒫᓪᓗᐊᕐᑕᐅᖅ ᓂᕿᒃᓴᓂᒃ ᐱᑎᑕᐅᖃᑦᑕᕐᑐᒃᓴᐅᕗᖅ ᐊᓯᖏᑎᑐᑦ ᑐᓂᑦᕈᓯᕐᑎᑦᓯᔨᑎᑐᑦ, ᐱᖁᑎᖏᑕᓗ ᓂᐅᕕᕐᑕᐅᑦᔪᑎᕕᓂᖏᓐᓂᒃ ᐱᖃᑕᐅᔪᒃᓴᐅᓪᓗᓂ.”