ᓂᕼᐃᒤᐊᐅᑉ ᐊᒡᓚᖏᑦ 12:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᑕᕝᕙᓂᓗ ᐅᓪᓗᒥ ᐊᖏᔪᓂᒃ ᑐᓂᕐᕈᓯᕐᑐᖃᓚᐅᕐᐳᖅ ᖁᕕᐊᓱᒃᑐᐊᓘᓪᓗᑎᒡᓗ, ᒎᑎᐅᑉ ᖁᕕᐊᓱᖕᓂᕐᔪᐊᖃᕐᑎᓚᐅᕐᒪᒋᑦ ᐊᖏᔪᒥᒃ ᖁᕕᐊᓱᓚᐅᕐᐳᑦ; ᐊᕐᓁᓪᓗ ᓄᑕᖅᑲᓪᓗ ᖁᕕᐊᓱᖃᑕᐅᓚᐅᕆᕗᑦ. ᔨᕉᓴᓕᒥᐅᓪᓗ ᖁᕕᐊᓱᖕᓂᖓᑦ ᐅᖓᓯᒃᑐᒥᑦ ᑐᓵᔭᐅᓕᓚᐅᕐᐳᖅ.

ᓂᕼᐃᒤᐊᐅᑉ ᐊᒡᓚᖏᑦ 12:43 Iomraidhean Croise

ᑯᕉᓂᑲ ᐂᑉᐸᖏᑦ 20:13

ᔫᑕᒥᐅᓕᒫᓪᓗ ᐊᖑᑎᑦ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ ᓇᖏᓚᐅᕐᐳᑦ ᐊᑕᓂᐅᑉ ᓵᖓᓂ.

ᑯᕉᓂᑲ ᐂᑉᐸᖏᑦ 20:27

ᑭᖑᓂᖓᒍᑦ ᐅᑎᕐᐳᑦ, ᐊᖑᑎᓕᒫᑦ ᔫᑕᒧᑦ ᔨᕉᓴᓕᒧᓪᓗ, ᔨᕼᐆᓴᐸᑦᓗ ᓯᕗᓕᕐᑎᒋᔭᐅᓪᓗᓂ, ᔨᕉᓴᓕᒧᑦ ᐅᑎᕐᐳᑦ ᖁᕕᐊᓱᒡᓗᑎᒃ, ᐊᑕᓂᐅᑉ ᖁᕕᐊᓱᒃᑎᓚᐅᕐᒪᒋᑦ ᐊᑭᕋᖏᑦ ᓵᓚᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 7:10

ᑕᖅᑮᑦ 7ᖓᓂ ᐅᓪᓗᖏᑕ 23ᖓᓂ ᐃᓄᐃᑦ ᐊᖏᕐᕋᖁᓕᕐᐰᑦ ᐊᖏᕐᕋᖏᓐᓄᑦ, ᖁᕕᐊᓱᒡᓗᑎᒃ ᐆᒻᒪᑎᒥᖕᓂ ᐊᑕᓂᐅᑉ ᐱᑦᓯᐊᕐᓂᖏᑦ ᐱᓪᓗᒋᑦ ᑍᕕᑎᒧᑦ ᓲᓗᒨᓂᒧᓪᓗ ᐃᓴᕆᐊᓕᓄᓪᓗ ᐃᓄᖁᑎᒥᓄᑦ.

ᐄᓱᕋᐅᑉ ᐊᒡᓚᖏᑦ 3:13

ᑭᓇᒧᓪᓘᓐᓃᑦ ᖃᐅᔨᔭᐅᓚᐅᓐᖏᓚᖅ ᓇᓪᓕᐊᑦ ᕾᒐᓛᕐᒪᖔᑕ ᖁᕕᐊᓱᖕᓂᕐᒧᓪᓗ ᐃᓄᐃᑦ ᕿᐊᕙᓗᖏᑕ ᓂᐱᖃᓗᐊᕐᓂᖏᓐᓄᑦ, ᓂᐱᖅᑯᕐᑐᓗᐊᕐᓂᖏᓐᓄᓪᓗ ᐅᖓᓯᒃᑐᒥᑦ ᑐᓵᔭᐅᔪᓐᓇᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 12:27

ᔨᕉᓴᓕᐅᑉ ᐊᕙᓗᕐᔪᐊᖓ ᑐᒃᓯᐅᑦᔭᐅᓕᕐᑎᓪᓗᒍ ᓕᕔᑎᑦ ᓇᓂᑐᐃᓐᓇᖅ ᓄᓇᖃᕐᑐᓕᒫᑦ ᕿᓂᕐᑕᐅᓚᐅᕐᐳᑦ, ᔨᕉᓴᓕᒦᖁᔭᐅᓪᓗᑎᒃ ᑐᒃᓯᐅᑦᔨᓪᓗᑎᒃ ᐃᑦᔪᕐᓁᑎᑦᓯᑎᓪᓗᒋᑦ ᖁᕕᐊᓱᒡᓗᑎᒃ, ᖁᔭᓕᓗᑎᒃ ᐃᓐᖏᕐᓗᑎᒡᓗ, ᕿᓚᐅᑏᓪᓗ ᓯᕙᓂᕋᐅᑎᖏᓐᓄᑦ, ᑯᑭᑦᑕᐸᐅᑎᐅᔭᓄᓪᓗ ᓄᖃᕐᑎᓕᖕᓄᑦ, ᕼᐋᐲᓪᓗ ᐊᑐᕐᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 12:42

ᐊᒻᒪ ᒫ-ᐊᓯᐊ, ᓯᒤᐊ, ᐃᓕᓯᕆ, ᐅᔨ, ᔨᕼᐅᕼᐊᓇᓐ, ᒪᓪᑬᔭ, ᐃᓛᒻ, ᐃᔨᕆᓗ. ᐃᓐᖏᕐᑏᑦ ᐃᓐᖏᓚᐅᕐᐳᑦ ᓂᐱᖅᑯᕐᑐᓪᓗᑎᒃ ᔨᔭᕋᕼᐂᐊᒥᒃ ᐊᐅᓚᑦᓯᔨᖃᕐᓗᑎᒃ.

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᐃᓐᖏᕈᑎᑦ 27:6

ᒫᓐᓇᓗ ᓂᐊᖁᕋ ᐋᕐᓗᕐᓂᐊᕐᐸᕋ, ᐊᑭᕋᕐᑐᕐᑎᒪ ᐃᓗᒪᔨᒪ ᖁᓛᑦᑎᒍᑦ; ᑍᒤᒻᒪᑦ ᑐᐱᕐᔪᐊᖓᓂ ᑐᓂᕐᕈᑎᒃᓴᓂᒃ ᑐᓂᕐᕈᓯᕐᓂᐊᕐᐳᖓ ᓂᐱᖅᑯᕐᑐᓗᖓ ᖁᕕᐊᓱᖕᓂᕐᒥᒃ: ᐃᓐᖏᕐᓂᐊᕐᐳᖓ ᐃᓛᒃ, ᓂᕐᑐᕈᑎᓂᒃ ᐃᓐᖏᕐᓂᐊᕐᐳᖓ ᐊᑕᓂᕐᒧᑦ.

ᐃᓐᖏᕈᑎᑦ 28:7

ᐊᑕᓂᖅ ᓴᓐᖏᔫᑦᔪᑎᒋᕙᕋ ᓴᐴᓗᑕᕆᓪᓗᒍᓗ; ᐆᒻᒪᑎᒪ ᑕᑎᒋᖕᒪᒍ, ᐃᑲᔪᕐᐹᖓᓗ; ᑍᒤᒻᒪᑦ ᐆᒻᒪᑎᒐ ᐊᖏᔪᒥᒃ ᖁᕕᐊᓱᒃᐳᖅ, ᐃᓐᖏᕈᓯᕐᒧᓪᓗ ᖁᔭᒋᔪᒪᕙᕋ.

ᐃᓐᖏᕈᑎᑦ 9:2

ᖁᕕᐊᓱᖕᓂᐊᕐᐳᖓ ᐃᖀᕐᑐᕐᓗᖓᓗ ᐱᑦᔪᑎᒋᓗᑎᑦ; ᐃᓐᖏᕈᒪᕗᖓᓗ ᐊᑏᑦ ᐱᑦᔪᑎᒋᓗᒍ, ᖁᑦᓯᖕᓂᕐᐹᖑᔪᑎᑦ.

ᐃᓐᖏᕈᑎᑦ 92:4

ᐊᑕᓃᖅ ᐱᓇᓱᐊᕐᓂᕐᓄᑦ ᖁᕕᐊᓱᒃᑎᓐᓇᕕᖓ, ᐱᓇᓱᐊᕐᓯᒪᓃᑦ ᐱᑦᔪᑎᒋᓗᒍ ᐃᓐᖏᕐᓂᐊᕐᐳᖓ ᖁᕕᐊᓱᒡᓗᖓ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 31:13

ᐊᕐᓁᑦ ᐃᓅᓱᒃᑐᑦ ᑖᓂᓯᕈᒫᕐᐳᑦ ᖁᕕᐊᓱᖕᓂᕐᒧᑦ, ᐊᖑᑎᓪᓗ ᐃᓅᓱᒃᑐᑦ ᐃᑦᑐᐃᓪᓗ ᖁᕕᐊᓱᖃᑕᐅᔪᒫᕆᕗᑦ, ᕿᒃᓵᖕᓂᖏᑦ ᒧᒥᒃᑎᑦᓱᒫᕐᐸᒃᑲ ᖁᕕᐊᓱᖕᓂᕐᒧᑦ, ᓮᒻᒪᕐᑎᑦᓱᒫᕐᐸᒃᑲ, ᕿᒃᓵᖕᓂᕆᓚᐅᕐᑕᖏᑦ ᖁᕕᐊᓱᖕᓂᓐᖑᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᒨᓯᓯ ᓯᑕᒪᖏᑦ 10:10

ᐊᒻᒪᓗᑦᑕᐅᖅ ᐅᓪᓗᓂ ᖁᕕᐊᓇᕐᑐᓂ, ᓇᓪᓕᐅᓐᓂᕐᓯᐅᕐᕕᒋᕙᒃᑕᑦᓯᓐᓂ, ᑕᖅᑭᐅᓪᓗ ᐱᒋᐊᓕᕐᓂᖏᓐᓂ, ᑎᑦᑐᓚᐅᑎᓂᒃ ᓂᓪᓕᐊᑎᑦᓯᔭᕆᐊᖃᕐᐳᓯ ᐆᑕᒃᓮᑦ ᑐᓂᕐᕈᑕᐅᑎᓪᓗᒋᑦ ᓮᒪᓂᕐᒧᓪᓗ ᑐᓂᕐᕈᑏᑦ ᑐᓂᕐᕈᑕᐅᑎᓪᓗᒋᑦ; ᑕᒪᒃᑯᐊ ᐃᖅᑲᐅᒪᑦᔪᑎᒃᓴᐅᖕᒪᑕ ᒎᑎᑦᓯ ᓵᖓᓂ: ᐊᑕᓂᐅᒐᒪ ᒎᑎᓯ.”

ᒫᑎᐅᓯᐅᑉ ᐊᒡᓚᖏᑦ 21:15

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ ᐱᖁᔭᓂᒡᓗ ᐃᓕᓮᔩᑦ ᓂᓐᖓᐅᒪᓕᕐᐳᑦ, ᑕᑯᒐᒥᒃ ᔩᓱᓯᐅᑉ ᐱᓂᐊᕐᓂᖏᓐᓂᒃ ᑲᒪᓇᕐᑐᓂᒃ, ᓱᕈᓰᓪᓗ ᑕᕝᕙᓂ ᑐᒃᓯᐊᕐᕕᒡᔪᐊᕐᒥ ᕾᒐᓛᕐᓂᖏᓐᓄᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ!”

ᒫᑎᐅᓯᐅᑉ ᐊᒡᓚᖏᑦ 21:9

ᐃᓄᒐᓴᒡᔪᐊᑦ ᔩᓱᓯᐅᑉ ᓯᕗᓂᖓᓂ ᐱᓱᒃᑐᑦ, ᑭᖑᓂᖓᓃᑦᑐᓪᓗ ᕾᒐᓛᓕᕐᐳᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ ᓂᕐᑐᕐᑕᐅᓕ, ᒎᑎᐅᑉ ᓮᒻᒪᕐᓕᐅᒃ ᐊᑕᓂᐅᑉ ᐊᑎᖓᓂ ᑎᑭᑦᑐᖅ! ᕼᐆᓵᓇ ᓂᕐᑐᕐᑕᐅᓕ ᖁᑦᓯᖕᓂᕐᐹᖅ!”

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᐃᐱᓯᒥᐅᓄᑦ 5:19

ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᓂᒡᓗ ᐊᓂᕐᓂᒃᑯᓪᓗ ᐃᓐᖏᕐᓂᕐᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᒧᑦ ᐆᒻᒪᑎᑦᓯᒍᑦ ᓂᕐᑐᐃᓗᓯ.

ᔧᒥᓯᐅᑉ ᐊᒡᓚᖏᑦ 5:13

ᐃᓚᓯ ᐃᓗᐊᖏᑦᔪᑎᖃᕐᐹ? ᑖᓐᓇ ᑐᒃᓯᐊᕐᓕ. ᐃᓚᓯ ᖁᕕᐊᓱᒃᐹ? ᑖᓐᓇ ᐃᓐᖏᕐᓕ ᓂᕐᑐᐃᓗᓂ.

ᓴᒧᐃᓕ ᓯᕗᓪᓖᑦ 4:5

ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑎᑭᐅᑦᔭᐅᖕᒪᑦ ᑕᖕᒫᕐᓯᒪᕕᖓᓐᓄᑦ, ᐃᓴᕆᐊᓕᒥᐅᓕᒫᑦ ᖁᕕᐊᓱᖕᓂᕐᒧᑦ ᕾᒐᓛᕐᒪᑕ, ᓄᓇ ᓴᔪᒃᐳᖅ.