ᓂᕼᐃᒤᐊᐅᑉ ᐊᒡᓚᖏᑦ 12:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᐃᑎᕐᑕᕐᕕᐅᑉ ᐃᕗᕅᒥᐅᑉ ᖄᖓᒍᕐᓗᑕ, ᐃᑎᕐᑕᕐᕕᐅᓪᓗ ᓄᑕᐅᖏᑦᑑᑉ ᖄᖓᒎᕆᓪᓗᑕ, ᐃᑎᕐᑕᕐᕕᒡᓗ ᐃᖃᓗᒃ ᖄᖏᕆᓪᓗᒍ ᕼᐊᓇᓂᐅᓗ ᐳᕐᑐᔪᖅ ᓇᐸᔪᕐᔪᐊᖅ ᐊᖅᑯᓵᕐᓗᒍ 100ᐃᓪᓗ ᓇᐸᔪᕐᔪᐊᖓ ᐊᖅᑯᓵᕐᓗᒍ, ᓰᐲᑦ ᐃᑎᕐᑕᕐᕕᖓ ᑎᑭᓪᓗᒍ; ᓄᖅᑲᓚᐅᕐᐳᑦ ᖃᐅᔨᓴᕐᑏᑦ ᑐᒃᓯᐊᕐᕕᒡᔪᐊᑉ ᓴᓂᐊᓃᑦᑑᑉ ᐃᑎᕐᑕᕐᕕᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 12:39 Iomraidhean Croise

ᐊᑕᓃᑦ ᐂᑉᐸᖏᑦ 14:13

ᔨᕼᐅᐊᓯᐅᓪᓗ ᐊᒪᔧᐊ ᑎᒍᕚ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᕼᐊᔧᐊᐅᑉ ᐃᕐᓂᖓ, ᐱᑦ-ᓯᒥᔅᒦᑎᓪᓗᒍ, ᔨᕉᓴᓕᒧᓪᓗ ᑲᔪᓯᓪᓗᑎᒃ ᐊᕙᓗᕐᔪᐊᖓ ᓯᖁᑦᑎᕐᐹᑦ ᐃᕗᕅᑎᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᐱᒋᐊᕐᕕᒋᓪᓗᒍ ᑎᕆᖁᕐᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᑎᑭᓪᓗᒍ, 600ᓂᒃ ᐃᑎᒐᖕᓂᒃ ᑕᑭᓂᖃᕐᑐᖅ.

ᓂᕼᐃᒤᐊᐅᑉ ᐊᒡᓚᖏᑦ 12:40

ᑕᕝᕙ ᐃᓐᖏᕐᑏᑦ ᖁᔭᓕᖃᑎᒌᒃᑐᑦ ᑲᑎᓚᐅᕐᐳᑦ ᒎᑎᐅᑉ ᐃᒡᓗᖓᓂ ᑕᕝᕙᓂᓗ ᓇᖏᓕᕐᓗᑎᒃ. ᐅᕙᖓᓗ ᐊᖓᔪᖅᑳᓪᓗ ᕿᑎᖅᑲᖏᑦ ᐅᕙᓐᓃᓚᐅᕐᐳᑦ;

ᓂᕼᐃᒤᐊᐅᑉ ᐊᒡᓚᖏᑦ 3:1

ᐃᒫᒃ ᑕᕝᕙ ᐃᒡᓗᒐᓮᑦ ᐊᕙᓗᕐᔪᐊᖓᑕ ᐋᖅᑭᒋᐊᕐᑕᐅᓂᖏᑦ ᐃᒤᓕᐅᓚᐅᕐᐳᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓ ᐃᓔᐊᓯᑉ ᑐᓂᕐᕈᓯᕐᑎᑦᓯᔨᖁᑎᖏᓪᓗ ᐋᖅᑮᒋᐊᓚᐅᕐᐳᑦ ᓰᐲᑦ ᐃᑎᕐᑕᕐᕕᖓᓂᒃ, ᑐᓂᕐᕈᑎᒋᓪᓗᒍᓗ, ᐃᑎᕐᑕᕐᕕᐅᓪᓗ ᐅᒃᑯᐊᖓ ᒪᓕᒡᓗᒍ ᐊᕙᓗᐊᓗ ᑐᓂᕐᕈᑎᒋᓚᐅᕐᐹᑦ 100ᐃᓪᓗ ᓇᐸᔪᕐᔪᐊᖓ ᕼᐊᓇᓂᐅᓪᓗ ᓇᐸᔪᕐᔪᐊᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 3:25

ᐸᓚᐅᓪ, ᐅᔧᑉ ᐃᕐᓂᖓ ᓴᓇᓚᐅᕐᐳᖅ ᓴᓂᒥᓃᑦᑐᒥᒃ, ᐱᒋᐊᕐᓗᓂ ᐋᒧᕆᐅᑉ ᓴᖑᒋᐊᕐᓂᖓᑕ ᐃᒡᓗᐊᓂᑦ ᐱᒋᐊᕐᓗᓂ, ᐊᑭᓐᓇᐅᑉ ᑎᕆᖅᑯᐊᓄᑦ ᓇᐸᔪᕐᔪᐊᒧᑦ ᐊᖓᔪᖅᑳᕐᔪᐊᑉ ᐃᒡᓗᑯᑎᖓᓂᑦ ᖁᑦᓯᖕᓂᕐᓴᒧᑦ ᖃᐅᔨᓴᕐᑏᑦ ᐃᓂᒋᕙᒃᑕᖓᓄᑦ ᑎᑭᓪᓗᒍ; ᐱᑍᐊ ᐸᕉᓯᐅᑉ ᐃᕐᓂᖓ ᓴᓇᓚᐅᕐᐳᖅ ᓴᓂᒥᓃᑦᑐᒥᒃ,

ᓂᕼᐃᒤᐊᐅᑉ ᐊᒡᓚᖏᑦ 3:3

ᕼᐊᓯᓇᐅᑉ ᑭᖑᕚᖏᑦ ᓴᓇᓚᐅᕐᐳᑦ ᐃᖃᓗᐃᑦ ᐃᑎᕐᑕᕐᕕᖓᓂᒃ, ᐃᑎᕐᑕᕐᕕᐅᑉ ᓴᐅᓂᖏᑦ ᐃᓕᔭᐅᓚᐅᕐᐳᑦ ᖁᓛᓄᑦ, ᐊᑦᓱᖏᐅᑎᖏᓪᓗ ᓴᕕᕋᔭᑯᑖᖏᓪᓗ ᐃᓕᕔᑦ ᐃᑎᕐᑕᕐᕕᖕᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 3:6

ᔪᐃᐊᑕ ᐸᓯᐊᑉ ᐃᕐᓂᖓ ᒥᓱᓚᒻᓗ ᐱᓱᑎᐊᑉ ᐃᕐᓂᖓ ᓴᓇᓚᐅᕐᐳᑦ ᔨᓴᓈᑉ ᐃᑎᕐᑕᕐᕕᖓᓂᒃ, ᕿᔪᖏᑦ ᐋᖅᑭᓚᐅᕐᐰᑦ ᐃᑎᕐᑕᕐᕕᖏᑦ ᐃᓕᓚᐅᕐᐰᑦ, ᐊᑦᓱᖏᐅᑎᖏᓪᓗ ᓴᕕᕋᔭᑯᑖᖏᓪᓗ ᐋᖅᑭᓚᐅᕐᐰᑦ.

ᓂᕼᐃᒤᐊᐅᑉ ᐊᒡᓚᖏᑦ 8:16

ᑍᒤᒻᒪᑦ ᐃᓄᐃᑦ ᐊᕙᓚᖓᔪᓂᒃ ᐱᓚᐅᕐᐳᑦ ᓴᓇᓪᓗᑎᒡᓗ ᑐᐱᕐᒥᖕᓂᒃ ᖁᓕᓯᕗᑦ ᐃᒡᓗᖏᑕ ᐊᑐᓂᑦ ᖄᖓᓂ, ᓯᓚᑎᑦᓯᐊᒥᖕᓂᓘᓐᓃᑦ, ᑐᒃᓯᐊᕐᕕᐅᓪᓗ ᐱᕕᑐᓂᖓᓂ, ᐃᓄᑐᐃᓐᓇᕐᓄᓪᓗ ᐃᓂᒋᔭᐅᕙᒃᑑᑉ ᐱᕕᑐᓂᖓᓂ, ᐃᒥᕐᑕᕐᕕᐅᓪᓗ ᐃᑎᕐᑕᕐᕕᖓᑕ ᓴᓂᐊᓂ ᐃᕗᕅᑎᐅᓪᓗ ᐃᑎᕐᑕᕐᕕᖓᑕ ᓴᓂᐊᓂ.

ᔨᕆᒤᐊᐅᑉ ᐊᒡᓚᖏᑦ 31:38

ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓇᓪᓕᐅᑦᓱᒫᕐᐳᖅ ᐃᒡᓗᒐᓴᒡᔪᐊᑦ ᓇᑉᐸᕐᑎᑕᐅᒃᑲᓐᓂᕈᒫᕐᓂᖓᑦ ᕼᐊᓇᓂᐅᑉ ᓇᐸᔪᕐᔪᐊᖓᓂᑦ ᐱᒋᐊᕐᓗᒍ ᐃᑎᕐᑕᕐᕕᒃ ᐃᓱᒥᒃ ᐊᑎᓕᒃ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 32:2

ᑍᑦᓱᒪᓂᐅᑎᓪᓗᒍ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐅᖓᓗᓯᓯᒪᓚᐅᕐᐳᑦ ᔨᕉᓴᓕᒥᒃ, ᔨᕆᒤᐊᓗ ᑎᒍᔭᐅᓯᒪᓚᐅᕐᐳᖅ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖁᑎᖓᓂ.

ᔨᐸᓁᐊᐅᑉ ᐊᒡᓚᖏᑦ 1:10

“ᐅᓪᓗᖅ ᓇᓪᓕᐅᑎᒃᐸᑦ,” ᐊᑕᓂᖅ ᐅᖃᕐᐳᖅ, “ᕿᐊᓂᖅ ᑐᓴᕐᓴᐅᔪᒫᕐᐳᖅ ᐃᑎᕐᑕᕐᕕᖕᒥᑦ ᐃᖃᓗᖕᒥᒃ ᐊᑎᓕᖕᒥᑦ, ᐅᒡᒍᐊᕐᓂᕐᒧᓪᓗ ᕿᐊᓂᖅ ᑐᓴᕐᓴᐅᔪᒫᕐᐳᖅ ᐃᒡᓗᒐᓮᑦ ᓄᑖᕕᓂᐅᓂᖓᓂᑦ, ᑲᑕᒐᕐᕙᓗᐃᓪᓗ ᐱᖑᕐᓂᑦ ᓂᐱᖅᑯᑐᔪᐊᓘᔪᒫᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 5:2

ᔨᕉᓴᓕᐅᓪᓕ ᐃᑎᕐᑕᕐᕕᖓᓂ ᑍᔭᐅᔪᒥ “ᓰᐲᑦ ᐃᑎᕐᑕᕐᕕᖓᓂᒃ” ᖃᓂᒋᔮᓂ ᑕᓯᑯᓗᒃᑕᖃᕐᐳᖅ, ᑕᓪᓕᒪᓂᒃ ᐃᒡᓗᕈᓯᓕᖕᒥᒃ; ᐄᑉᕉᑎᑐᑦ ᑍᔭᐅᔪᖅ ᐱᑎᔅᑕᒥᒃ.