ᓂᕼᐃᒤᐊᐅᑉ ᐊᒡᓚᖏᑦ 12:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᓚᐅᕐᐳᑦ; ᐃᓄᐃᓪᓗ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᓚᐅᕆᕔᑦ ᐃᑎᕐᑕᕐᕖᓪᓗ ᐊᕙᓗᕐᔪᐊᕐᓗ.

ᓂᕼᐃᒤᐊᐅᑉ ᐊᒡᓚᖏᑦ 12:30 Iomraidhean Croise

ᒨᓯᓯ ᓯᕗᓪᓖᑦ 35:2

ᑕᕝᕙ ᔧᑯ ᓇᖕᒥᓂᕐᒥᓄᑦ ᐃᓚᒋᔭᓕᒫᒥᓄᓪᓗ ᐅᖃᕐᐳᖅ, “ᐃᓅᖃᑎᑐᖃᕆᓐᖏᑕᑦᑕ ᒎᑎᓐᖑᐊᖏᑦ ᐱᓯᒪᔭᓯ ᐃᒋᓚᐅᕐᓯᐅᒃ; ᐃᓕᑦᓯᓐᓂᒃ ᓴᓗᒻᒪᕐᓴᕆᑦᓯ, ᐊᓯᖏᓐᓂᒡᓗ ᐊᓐᓄᕌᕐᓗᓯ.

ᑯᕉᓂᑲ ᓯᕗᓪᓖᑦ 15:14

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᐃᒻᒥᖕᓂᒃ ᐃᑦᔪᕐᓁᓕᑎᕐᐳᑦ ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑕ ᐃᒃᓯᕐᕕᖁᑎᖓᓂᒃ ᐂᒃᓯᕈᓇᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 29:34

ᑐᓂᕐᕈᓯᕐᑎᑦᓯᔩᓪᓕ ᐅᓄᓐᖏᓗᐊᕐᒪᑕ ᑐᖁᕅᔪᓐᓇᓚᐅᓐᖏᓚᑦ ᑐᓂᕐᕈᑎᒃᓴᓕᒫᓂᒃ ᐃᑯᐊᓪᓚᒋᐊᓕᖕᓂᒃ; ᑍᒤᒻᒪᑦ ᐃᓅᖃᑎᖏᑕ ᐃᓚᖏᑦ ᓕᕔᑏᑦ ᐃᑲᔪᓕᓚᐅᕐᐳᑦ ᐱᔭᕇᓚᐅᕐᑎᓐᓇᒋᑦ ᑐᓂᕐᕈᓯᕐᑎᑦᓯᔩᑦ ᐊᓯᖏᑦ ᐃᒻᒥᖕᓂᒃ ᐃᑦᔪᕐᓁᓕᑎᓚᐅᖏᓐᓂᖏᓐᓂ, ᓕᕔᑏᑦ ᐊᔪᐃᓐᓇᕐᓂᕐᓴᐅᓚᐅᕐᒪᑕ ᐃᑦᔪᕐᓁᑎᑕᐅᓯᒪᓂᕐᓴᐅᓚᐅᕐᐳᑦ ᐆᒻᒪᑎᒥᒃᑎᒍᑦ ᑐᓂᕐᕈᓯᕐᑎᑦᓯᔨᓂᑦ ᐃᒻᒥᖕᓂᒃ ᐃᑦᔪᕐᓁᓕᑎᑦᓴᕆᐊᓕᖕᓂᑦ.

ᑯᕉᓂᑲ ᐂᑉᐸᖏᑦ 29:5

ᐅᖃᐅᑎᓪᓗᒋᓪᓗ, “ᓈᓚᒃᓯᓐᖓ, ᓕᕔᑎᐅᔪᓯ! ᐃᓕᑦᓯᓐᓂᒃ ᐃᑦᔪᕐᓁᑎᓕᕆᑦᓯ, ᐊᑕᓂᐅᓪᓗ ᓯᕗᓕᑦᓯ ᒎᑎᖓᑕ ᐃᒡᓗᖓ ᐃᑦᔪᕐᓁᓯᑎᓪᓗᓯᐅᒃ, ᓴᓗᒪᖏᑦᑐᓪᓗ ᐃᒋᓪᓗᒋᑦ ᐃᑦᔪᕐᓁᑦᑐᕕᖕᒥᑦ.

ᐄᓱᕋᐅᑉ ᐊᒡᓚᖏᑦ 6:21

ᑕᕝᕙ ᑐᓂᕐᕈᑎᐅᔪᑦ ᓂᕆᔭᐅᓚᐅᕐᐳᑦ ᐃᓴᕆᐊᓕᒥᐅᓕᒫᓄᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ ᐅᑎᓚᐅᕐᑐᓕᒫᓂᒃ ᐃᓚᖃᕐᓗᑎᒃ ᐃᓅᖃᑎᒌᑦ ᐱᐅᓯᖏᓐᓂᒃ ᐊᑐᕈᓐᓃᕐᓗᑎᒃ ᒎᑎᖃᕈᒪᓕᕐᑐᓂᒃ ᐃᓴᕆᐊᓕᒥᐅᑦ ᒎᑎᖓᓂᒃ ᐊᑕᓂᕐᒥᒃ.

ᓂᕼᐃᒤᐊᐅᑉ ᐊᒡᓚᖏᑦ 12:29

ᐱᑦ-ᒋᐅᓪᒐᐅᓪᒥᑦ ᐱᓯᒪᔪᑦ, ᐱᕈᕐᓰᕕᖕᓂᓪᓗ ᒋᐸᒥᑦ ᐱᓯᒪᔪᑦ ᐊᔾᔭᒪᕕᑎᒥᓪᓗ; ᐃᓐᖏᕐᑏᑦ ᐃᒻᒥᖕᓂᒃ ᓄᓇᓕᓕᐅᓚᐅᕐᒥᖕᒪᑕ ᔨᕉᓴᓕᐅᑉ ᓯᓚᑖᓂ.

ᓂᕼᐃᒤᐊᐅᑉ ᐊᒡᓚᖏᑦ 13:22

ᑕᕝᕙ ᓕᕔᑏᑦ ᐱᖁᓚᐅᕐᐸᒃᑲ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖅᑳᕐᓗᑎᒃ, ᐃᑎᕐᑕᕐᕖᑦ ᖃᐅᔨᓴᕐᑕᐅᖃᑦᑕᖁᓪᓗᒋᑦ, ᐅᓪᓗᖅ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ. ᒎᑎᒐ ᐃᖅᑲᐅᒪᓐᖓ, ᑕᒪᓐᓇ ᐱᑦᔪᑎᒋᓗᒍᑦᑕᐅᖅ, ᓴᐳᑎᓗᖓᓗ ᓇᒡᓕᒍᓱᒃᑐᕐᔪᐊᖑᓃᑦ ᐱᑦᔪᑎᒋᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:30

ᓴᓗᒻᒪᕐᓴᓚᐅᕐᐸᒃᑲ ᐃᓚᖃᕈᓐᓁᕐᑎᓪᓗᒋᓪᓗ ᐅᖓᓯᒃᑐᒥᐅᑕᓂᒃ, ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ ᐱᓇᓱᐊᒐᒃᓴᖏᓐᓂᒃ ᓇᓗᓁᕐᓯᓚᐅᕐᐳᖓ, ᐊᑐᓂᑦ ᐱᓇᓱᐊᖃᑦᑕᕐᓂᐊᕐᑕᖏᓐᓂᒃ.

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᒨᓯᓯ ᐂᑉᐸᖏᑦ 19:10

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ ᐅᓪᓗᒥ ᖃᐅᒃᐸᓪᓗ ᐅᐸᓗᖎᔭᖁᓪᓗᒋᑦ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᓗᑎᒃ, ᐊᓐᓄᕌᒥᖕᓂᒡᓗ ᐅᐊᓴᕐᓗᑎᒃ,

ᒨᓯᓯ ᐂᑉᐸᖏᑦ 19:15

ᐃᓄᖕᓄᓪᓗ ᐅᖃᕐᐳᖅ, “ᐅᓪᓗᑦ ᐱᖓᔪᐊᓐᓂ ᐊᑐᐃᓐᓇᐅᔪᒃᓴᐅᕗᓯ; ᒫᓐᓇᒥᑦ ᐱᒋᐊᕐᓗᒍ ᐊᕐᓇᒥᒃ ᐊᒃᑐᐃᔪᒃᓴᐅᓐᖏᓚᓯ.”

ᐄᑉᕈᐃᓄᑦ 5:1

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᐊᕐᑐᑦ ᐃᓅᖃᑎᒌᓂᑦ ᓂᕈᐊᕐᑕᐅᓲᖑᕗᑦ ᑎᓕᔭᐅᓪᓗᑎᒡᓗ ᒎᑎᒥᒃ ᐱᔨᑦᓯᖁᓪᓗᒋᑦ ᐃᓄᐃᑦ ᐱᑦᔪᑎᒋᓪᓗᒋᑦ, ᑐᖁᑦᓯᓗᑎᒃ ᑐᓂᕐᕈᓯᖁᓪᓗᒋᑦ ᐊᔪᕐᓃᑦ ᐱᑦᔪᑎᒋᓗᒋᑦ ᑐᓂᕐᕈᓯᖁᓪᓗᒋᑦ.

ᐄᑉᕈᐃᓄᑦ 5:3

ᑍᒤᒻᒪᑦ ᑐᓂᕐᕈᓯᕆᐊᖃᕐᐳᑦ ᑐᖁᑕᒃᓴᒥᒃ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᔭᑐᐊᕆᓇᒋᑦ, ᓇᖕᒥᓂᕐᓕᑦᑕᐅᖅ ᐊᔪᕐᓂᑎᒃ ᐱᑦᔪᑎᒋᓗᒋᑦ.