ᓂᕼᐃᒤᐊᐅᑉ ᐊᒡᓚᖏᑦ 12:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᔨᕉᓴᓕᐅᑉ ᐊᕙᓗᕐᔪᐊᖓ ᑐᒃᓯᐅᑦᔭᐅᓕᕐᑎᓪᓗᒍ ᓕᕔᑎᑦ ᓇᓂᑐᐃᓐᓇᖅ ᓄᓇᖃᕐᑐᓕᒫᑦ ᕿᓂᕐᑕᐅᓚᐅᕐᐳᑦ, ᔨᕉᓴᓕᒦᖁᔭᐅᓪᓗᑎᒃ ᑐᒃᓯᐅᑦᔨᓪᓗᑎᒃ ᐃᑦᔪᕐᓁᑎᑦᓯᑎᓪᓗᒋᑦ ᖁᕕᐊᓱᒡᓗᑎᒃ, ᖁᔭᓕᓗᑎᒃ ᐃᓐᖏᕐᓗᑎᒡᓗ, ᕿᓚᐅᑏᓪᓗ ᓯᕙᓂᕋᐅᑎᖏᓐᓄᑦ, ᑯᑭᑦᑕᐸᐅᑎᐅᔭᓄᓪᓗ ᓄᖃᕐᑎᓕᖕᓄᑦ, ᕼᐋᐲᓪᓗ ᐊᑐᕐᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 12:27 Iomraidhean Croise

ᓴᒧᐃᓕ ᐂᑉᐸᖏᑦ 6:12

ᐊᖓᔪᖅᑳᕐᔪᐊᕐᓗ ᑍᕕᑎ ᐅᖃᐅᑦᔭᐅᕗᖅ, “ᐊᑕᓂᐅᑉ ᐅᐱᑦ-ᐄᑕᒻ ᐃᒡᓗᒥᐅᖃᑎᖏᓪᓗ ᓮᒻᒪᕐᑎᑉᐰᑦ ᐱᖁᑎᓕᒫᖏᓪᓗ, ᒎᑎᐅᑉ ᐃᒃᓯᕐᕕᖁᑎᖓ ᐱᓪᓗᒍ.” ᑍᒤᒻᒪᑦ ᑍᕕᑎᐅᑉ ᐃᒃᓯᕐᕕᒃ ᐂᓚᐅᕐᐹ ᐅᐱᑦ-ᐄᑕᒻ ᐃᒡᓗᖓᓂᑦ ᔨᕉᓴᓕᒧᐊᕈᑎᓪᓗᒍᓗ ᖁᕕᐊᓱᒃᑐᐊᓘᓪᓗᑎᒃ.

ᐊᑕᓃᑦ ᓯᕗᓪᓖᑦ 8:63

ᓲᓗᒨᓂ ᑐᓂᕐᕈᓯᕐᐳᖅ ᖃᓄᐃᓐᖏᑎᑕᐅᓂᖅ ᐱᓪᓗᒍ ᐃᒻᒧᒃᓯᐅᒐᕐᓂᒃ 22,000ᓂᒃ, ᓰᐱᓂᒡᓗ 120,000ᓂᒃ ᑐᒃᓯᐊᕐᓂᕐᒧᑦ ᑐᓂᕐᕈᑕᐅᑎᓪᓗᒋᑦ, ᑕᕝᕙ ᐊᖓᔪᖅᑳᕐᔪᐊᖅ ᐃᓄᓕᒫᓪᓗ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᐳᑦ ᐃᑦᔪᕐᓁᓕᕐᑎᓪᓗᒍ.

ᑯᕉᓂᑲ ᓯᕗᓪᓖᑦ 13:8

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᖁᕕᐊᓱᒃᑐᐊᓘᓪᓗᑎᒃ ᑖᓂᓯᓚᐅᕐᐳᑦ ᒎᑎᐅᑉ ᓵᖓᓂ ᐱᔪᓐᓇᕐᓂᓕᒫᑎᒃ ᐊᑐᕐᓗᒋᑦ, ᐃᓐᖏᕐᓗᑎᒃ ᕼᐊᕐᐱᓄᑦ ᑯᑭᑦᑕᐸᐅᑎᓄᓪᓗ ᕿᓚᐅᑎᓄᑦ ᓯᕙᓂᐅᑎᓄᓪᓗ ᑎᑦᑐᓚᐅᑎᓄᓪᓗ.

ᑯᕉᓂᑲ ᓯᕗᓪᓖᑦ 15:12

ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᖓᔪᖅᑳᖑᒐᑦᓯ ᐊᑖᑕᑦᓯ ᐃᓚᒋᔭᖏᓐᓂ ᓕᕔᑎᓂ; ᐃᑦᔪᕐᓁᓕᑎᕆᑦᓯ, ᐃᓚᒋᔭᓯᓗ, ᐂᒃᓯᕈᓐᓇᖁᓪᓗᓯ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᐃᒃᓯᕐᕕᖁᑎᖓᓂᒃ, ᐃᓕᔭᐅᖁᓪᓗᒍ ᐃᓂᒃᓴᖓᓄᑦ ᐊᑐᐃᓐᓇᕈᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 15:16

ᑍᕕᑎᐅᑉ ᓕᕔᑏᑦ ᓯᕗᓕᕐᑎᖏᑦ ᐅᖃᐅᑎᒋᕔᑦ ᐃᓚᒋᔭᒥᖕᓂᑦ ᑎᓕᓯᖁᓪᓗᒋᑦ ᐃᓐᖏᕐᑎᒃᓴᓂᒃ ᑖᒃᑯᐊ ᓂᑦᔭᐅᓯᔭᖁᓪᓗᒋᑦ ᓄᖃᕐᑎᓕᖕᓄᑦ, ᕼᐅᕐᐱᓄᑦ, ᑯᑭᑦᑕᐸᐅᑎᓄᓪᓗ ᓯᕙᓂᕋᐅᑎᓄᓪᓗ, ᓂᐱᖅᑯᕐᑐᓗᑎᒃ ᖁᕕᐊᓱᒡᓗᑎᒃ ᓂᓪᓕᐊᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 15:28

ᑕᕝᕙ ᐃᓴᕆᐊᓕᒥᐅᓕᒫᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᔨᕉᓴᓕᒧᐊᕈᑎᓕᓚᐅᕐᐹᑦ ᖁᕕᐊᓱᖕᓂᕐᒧ ᕾᒐᓛᕐᓗᑎᒃ, ᑎᑦᑐᓛᕐᓗᑎᒃ, ᓱᐴᒐᕐᓗᑎᒃ, ᓯᕙᓂᕋᐅᑎᓂᒡᓗ ᓂᓪᓕᐊᑎᑦᓯᓪᓗᑎᒃ, ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᓂᑦᔭᐅᓯᔭᕐᓗᑎᒃ ᓂᐱᖅᑯᕐᑐᓪᓗᑎᒃ.

ᑯᕉᓂᑲ ᓯᕗᓪᓖᑦ 15:4

ᑍᕕᑎᐅᓪᓗ ᐂᕉᓂᐅᑉ ᑭᖑᕚᖏᑦ ᓕᕔᑏᓪᓗ ᑲᑎᖁᕔᑦ:

ᑯᕉᓂᑲ ᓯᕗᓪᓖᑦ 16:42

ᕼᐃᒪᓐ ᔨᑐᑕᓐᓗ, ᓂᐱᖅᑯᕐᑐᓪᓗᑎᒃ ᓂᓪᓕᐊᑎᑦᓯᓚᐅᕐᐳᑦ ᑎᑦᑐᓚᐅᑎᓂᒃ ᓯᕙᓂᕋᐅᑎᓂᒡᓗ ᓂᑦᔮᑎᑦᓯᓪᓗᑎᒃ ᐃᓐᖏᕈᓯᕐᓂᒃ ᐃᑦᔪᕐᓁᑦᑐᓂᒃ. ᔨᑐᑕᐅᑉ ᐃᕐᓂᖏᑦ ᓇᐅᑦᓯᕐᑐᕐᑎᐅᑎᑕᐅᑎᓪᓗᒋᑦ ᐃᑎᕐᑕᕐᕕᖕᒥ.

ᑯᕉᓂᑲ ᓯᕗᓪᓖᑦ 16:5

ᐊᓴᐸ ᐊᖓᔪᖅᑳᖑᓚᐅᕐᐳᖅ, ᑐᖓᓕᖃᕐᓗᓂ ᓴᑲᕅᐊᒥᒃ, ᐅᑯᐊᓗ ᔨ-ᐂᓕ, ᓯᒥᕋᒫᑎ, ᔨᕼᐃᐅᓪ, ᒪᑎᑍᐊ, ᐃᓔᐊᑉ, ᐱᓁᐊ, ᐅᐱᑦ-ᐄᑕᒻᓗ, ᔨ-ᐂᓕᓗ, ᑖᒃᑯᐊ ᐊᑐᓚᐅᕐᐳᖅ ᓄᖃᕐᑎᓕᖕᓂᒃ ᕼᐊᕐᐱᓂᒡᓗ; ᐊᓴᐸ ᓯᕙᓂᕋᐅᑎᓂᒃ ᓂᓪᓕᐊᑎᑦᓯᑎᓪᓗᒍ,

ᑯᕉᓂᑲ ᓯᕗᓪᓖᑦ 23:5

4,000 ᑲᒪᔨᐅᔪᒃᓴᐅᕗᑦ ᐃᑎᕐᑕᕐᕕᖕᒥᒃ, 4,000ᓪᓗ ᓂᕐᑐᐃᔨᐅᔪᒃᓴᐅᕗᑦ ᐊᑕᓂᕐᒥᒃ ᓂᑦᔭᐅᑎᓄᑦ, ᓂᕐᑐᐃᑦᔪᑎᒃᓴᓕᐊᕆᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 26:31

ᕼᐃᐸᕋᓁᑎᑯᓐᓂ, ᔨᕅᐊ ᐊᖓᔪᖅᑳᖑᕗᖅ ᕼᐃᐸᕋᓁᑎᓄᑦ ᐊᑖᑕᖏᑕ ᑭᖑᕚᖏᑦ ᓇᓪᓕᐊᓐᓂᑐᐃᓐᓇᕐᓗ ᐱᓯᒪᔪᓕᒫᓄᑦ. ᑍᕕᑎ ᐊᕐᕌᒍᓂᒃ 40ᓂᒃ ᐊᐅᓚᑦᓯᔨᐅᓕᕐᑎᓪᓗᒍ ᕿᓂᕐᑐᖃᓕᓚᐅᕐᒪᑦ ᐊᖑᑎᓂᒃ ᐊᔪᖏᑦᓯᐊᕐᑐᓂᒃ ᓇᓂᓯᔪᖃᓚᐅᕐᐳᖅ ᔧᔨᕆᒥ ᒋᓕᐊᑎᒦᑦᑐᒥᑦ.

ᑯᕉᓂᑲ ᐂᑉᐸᖏᑦ 29:25

ᓕᕔᑏᓪᓗ ᐃᓂᖃᕐᑎᑉᐰᑉ ᐊᑕᓂᐅᑉ ᐃᒡᓗᖓᓂ ᓯᕙᓂᕋᐅᓯᔭᕐᑏᑦ, ᕼᐊᕐᐱᓖᑦ, ᓄᖃᕐᑎᓕᖕᓄᑦ ᓂᑦᔭᐅᑎᓖᑦ, ᑍᕕᑎᐅᑉ ᐱᖁᔭᖏᑦ ᒪᓕᒡᓗᒋᑦ ᒑᑦᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᔪᖁᑎᖓᑕ, ᓁᑕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ; ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᐅᖃᕐᑎᒥᒍᑦ ᐅᖃᕐᓯᒪᔭᖏᑦ.

ᑯᕉᓂᑲ ᐂᑉᐸᖏᑦ 29:30

ᐊᖓᔪᖅᑳᕐᔪᐊᕐᓗ ᕼᐃᓯᑬᐊ ᐊᖓᔪᖅᑳᓪᓗ ᑎᓕᓯᕗᑦ ᓕᕔᑎᓂᒃ ᐃᓐᖏᕐᓗᑎᒃ ᓂᕐᑐᐃᖁᓪᓗᒋᑦ ᐊᑕᓂᕐᒥᒃ ᑍᕕᑎᐅᑉ ᐊᓴᐸᐅᓪᓗ ᓇᓚᐅᑦᑍᔫᑉ ᐅᖃᐅᓯᖏᖅ ᒪᓕᒡᓗᒋᑦ. ᐃᓐᖏᓚᐅᕐᐳᓪᓗ ᓂᕐᑐᐃᓪᓗᑎᒃ ᖁᕕᐊᓱᒡᓗᑎᒃ, ᐅᑯᓪᓗᑎᒡᓗ ᑐᒃᓯᐊᕐᐳᑦ.

ᑯᕉᓂᑲ ᐂᑉᐸᖏᑦ 5:13

ᑎᑦᑐᓚᐅᓯᔭᕐᑏᑦ ᐃᓐᖏᕐᑏᓪᓗ ᐊᑕᐅᓯᐅᖃᑎᒌᒡᓗᑎᒃ ᑐᓴᕐᓴᐅᑎᑦᓯᔭᕆᐊᖃᓚᐅᕐᒪᑕ ᓂᐱᖃᕐᓗᑎᒃ ᐊᑕᐅᓯᒃᑯᑦ ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ ᐊᑕᓂᕐᒧᑦ), ᓂᐱᖅᑯᕐᑐᓪᓗᑎᒃ ᓂᓪᓕᐊᓕᕐᒪᑕ, ᑎᑦᑐᓚᐅᑎᓄᑦ ᓯᕙᓂᕋᐅᑎᓄᓪᓗ ᐊᓯᖏᓐᓄᓪᓗ ᓂᑦᔭᐅᑎᓄᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐅᖃᕐᓗᑎᒃ: “ᐊᑕᓂᖅ ᐱᐅᔫᕗᖅ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑑᕗᖅ ᐃᓱᖃᖏᑦᑐᒧᑦ.” ᑕᕝᕙ ᐃᒡᓗ, ᐊᑕᓂᐅᑉ ᐃᒡᓗᖓ ᑕᑕᑕᐅᕗᖅ ᓄᕗᔭᒧᑦ,

ᑯᕉᓂᑲ ᐂᑉᐸᖏᑦ 7:6

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 6:16

ᐊᒻᒪ ᐃᓴᕆᐊᓕᒥᐅᑦ ᐃᓄᖁᑎᖏᑦ ᑐᓂᕐᕈᓯᕐᑎᑦᓯᔩᑦ, ᓕᕔᑏᑦ, ᐊᓯᓕᒫᖏᓪᓗ ᐊᐅᓪᓚᕈᑦᔭᐅᓯᒪᕕᖕᒥᓂᑦ ᐅᑎᓚᐅᕐᑐᑦ ᑐᒃᓯᐊᕐᕕᒡᔪᐊᑉ ᐃᑦᔪᕐᓁᑎᑕᐅᓂᖓᓂᒃ ᓇᓪᓕᐅᓐᓂᕐᓯᐅᓚᐅᕐᐳᑦ ᖁᕕᐊᓱᒃᑐᐊᓘᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 11:20

ᐃᓄᐃᓪᓗ ᐃᓴᕆᐊᓕᒥᐅᑦ ᑖᒃᑯᐊ ᐊᓯᖏᑦ, ᑐᓂᕐᕈᓯᕐᑎᑦᓯᔩᓪᓗ ᓕᕔᑎᒃᑯᓪᓗ, ᓄᓇᖃᓚᐅᕐᐳᑦ ᔫᑕᒥ, ᓇᖕᒥᓂᖅ ᓄᓇᖁᑎᒋᔭᒥᖕᓂ.

ᓂᕼᐃᒤᐊᐅᑉ ᐊᒡᓚᖏᑦ 12:43

ᑕᕝᕙᓂᓗ ᐅᓪᓗᒥ ᐊᖏᔪᓂᒃ ᑐᓂᕐᕈᓯᕐᑐᖃᓚᐅᕐᐳᖅ ᖁᕕᐊᓱᒃᑐᐊᓘᓪᓗᑎᒡᓗ, ᒎᑎᐅᑉ ᖁᕕᐊᓱᖕᓂᕐᔪᐊᖃᕐᑎᓚᐅᕐᒪᒋᑦ ᐊᖏᔪᒥᒃ ᖁᕕᐊᓱᓚᐅᕐᐳᑦ; ᐊᕐᓁᓪᓗ ᓄᑕᖅᑲᓪᓗ ᖁᕕᐊᓱᖃᑕᐅᓚᐅᕆᕗᑦ. ᔨᕉᓴᓕᒥᐅᓪᓗ ᖁᕕᐊᓱᖕᓂᖓᑦ ᐅᖓᓯᒃᑐᒥᑦ ᑐᓵᔭᐅᓕᓚᐅᕐᐳᖅ.

ᓂᕼᐃᒤᐊᐅᑉ ᐊᒡᓚᖏᑦ 8:17

ᐃᓄᓕᒫᑦ ᑎᒍᔭᐅᓯᒪᕕᖕᒥᑦ ᐅᑎᓚᐅᕐᑐᑦ ᓴᓇᓚᐅᕐᐳᑦ ᖁᓕᓯᒪᔪᓂᒃ ᓯᓂᒃᑕᕐᕕᒃᓴᓂᒃ ᐊᖏᕐᕋᕆᓕᕐᓗᒍᓗ. ᑕᒪᓐᓇ ᐊᑐᕐᑕᐅᓕᑍᓐᓇᓚᐅᕐᐳᖅ ᓯᕗᓪᓕᕐᐹᒥᒃ ᑍᑦᓱᒪᓂ ᐊᑐᕐᑕᐅᕙᓚᐅᕐᓯᒪᖕᒪᑦ ᔩᓱᐊᑉ ᓈᓂᐅᑉ ᐃᕐᓂᖓᑕ ᐅᓪᓗᖏᓐᓂ. ᐊᖏᔪᒥᒃ ᖁᕕᐊᓱᒡᓗᑎᒃ ᐊᓕᐊᓁᒍᓱᒃᑐᐊᓘᓚᐅᕐᐳᑦ.

ᐃᓐᖏᕈᑎᑦ 149:3

ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.

ᐃᓐᖏᕈᑎᑦ 30:1

ᐊᖏᔪᕈᕐᑎᑦᓱᒪᕙᒋᑦ, ᐊᑕᓃᖅ, ᐅᓇᓐᖓᑦ ᖃᑭᑎᓯᒪᒐᕕᖓ, ᐆᒥᒋᔨᒃᑲᓗ ᐅᕙᓐᓂᒃ ᖁᕕᐊᓱᒍᑎᖃᕐᑎᖏᓐᓇᕕᒋᑦ.

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 20:5

“ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖏᑦ ᐅᓇᑕᕐᑐᒃᓴᓄᑦ ᐅᖃᕐᑐᒃᓴᐅᕗᑦ, ‘ᐅᕙᓃᑦᑐᖃᕐᐹ ᐃᒡᓗᓕᐅᕋᑖᕐᓯᒪᔪᒥᒃ, ᓱᓕᓕ ᑐᒃᓯᐊᕐᓂᒃᑯᑦ ᑐᓂᔭᐅᓯᒪᖏᑦᑐᒥᒃ? ᑍᒤᓯᒪᔪᖃᕐᐸᑦ ᑖᓐᓇ ᐊᖏᕐᕋᕐᑐᒃᓴᐅᕗᖅ, ᐊᖏᕐᕋᖏᒃᑯᓂ, ᐅᓇᑕᕐᑐᓂᓗ ᑐᖁᑕᐅᒃᐸᑦ, ᑕᕝᕙ ᐊᓯᐊᓄᑦ ᐃᒡᓗᒃᓴᖓ ᑐᒃᓯᐊᕐᓂᒃᑯᑦ ᑐᓂᔭᐅᓕᕋᔭᕐᐳᖅ.

ᐱᓕᐱᒥᐅᓄᑦ 4:4

ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;