ᓂᕼᐃᒤᐊᐅᑉ ᐊᒡᓚᖏᑦ 11:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᒪᑕᓁᐊ ᑖᓐᓇ ᒤᑲᐅᑉ ᐃᕐᓂᖓ, ᑖᓐᓇ ᔭᑉᑍᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ, ᑖᓐᓇ ᐊᖓᔪᖅᑳᕆᔭᐅᓚᐅᕐᑐᖅ ᖁᔭᓕᓂᕐᒥᒃ ᑐᒃᓯᐊᕐᓂᕐᒥᒃ ᐱᒋᐊᕐᐸᓪᓕᐊᑎᓪᓗᒋᑦ. ᐸᒃᐳᒃᑭᐊᓗ ᑐᖓᓕᕆᔭᐅᓚᐅᕐᐳᖅ ᖃᑕᓐᖑᑎᓕᒫᒥᓄᑦ. ᐊᑉᑕᓗ ᑖᓐᓇ ᓵᒧᐊᑉ ᐃᕐᓂᖓ, ᑖᓐᓇ ᒐᓚᐅᑉ ᐃᕐᓂᖓ, ᑖᓐᓇ ᔨᑐᑕᓂᐅᑉ ᐃᕐᓂᖓ.

ᓂᕼᐃᒤᐊᐅᑉ ᐊᒡᓚᖏᑦ 11:17 Iomraidhean Croise

ᓴᒧᐃᓕ ᐂᑉᐸᖏᑦ 9:12

ᒥᐱᐳᓴᑎᓗ ᐃᕐᓂᖃᓚᐅᕐᐳᖅ ᓄᑲᑉᐱᐊᒥᒃ ᐊᑎᓕᖕᒥᒃ ᒤᑲᒥᒃ. ᔨᐸᐅᓪᓗ ᐃᒡᓗᒥᐅᖃᑎᓕᒫᖏᑦ ᐱᔨᑖᕆᔭᐅᓚᐅᕐᐳᑦ ᒥᐱᐳᓴᑎᒧᑦ.

ᑯᕉᓂᑲ ᓯᕗᓪᓖᑦ 16:4

ᑎᓕᓯᒋᕗᕐᓗ ᓕᕔᑏᑦ ᐃᓚᖏᓐᓂᒃ ᐱᓇᓱᐊᕐᓂᐊᕐᑐᓂᒃ ᐊᑕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓂ, ᖁᕕᐊᓱᖃᑎᒌᖁᓪᓗᒋᑦ, ᖁᔭᓕᓗᑎᒃ, ᓂᕐᑐᐃᓗᑎᒡᓗ ᐊᑕᓂᕐᒥᒃ, ᐃᓴᕆᐊᓕᒃᑯᑦ ᒎᑎᖓᓂᒃ.

ᑯᕉᓂᑲ ᓯᕗᓪᓖᑦ 16:41

ᐃᓚᖃᕐᓗᑎᒃ ᕼᐃᒪᓐᒥᒃ ᔨᑐᑕᓐᒥᒡᓗ ᐊᓯᖏᓐᓂᒡᓗ ᓂᕈᐊᕐᑕᐅᓯᒪᔪᓂᒃ, ᑎᓕᔭᐅᓯᒪᔪᑦ ᐊᑎᖏᑎᒍᑦ ᖁᔭᓕᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 9:15

ᐸᒃᐸᑲᕆ, ᕼᐃᕆᔅ, ᒐᓚᓪ, ᒪᑕᓁᐊᓗ, ᒤᑲᐅᑉ ᐃᕐᓂᖏᑦ, ᑖᓐᓇ ᔨᒃᕆᐅᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ;

ᓂᕼᐃᒤᐊᐅᑉ ᐊᒡᓚᖏᑦ 10:12

ᔭᑯᕆ, ᓯᕆᐰᐊ, ᓯᐸᓁᐊ,

ᓂᕼᐃᒤᐊᐅᑉ ᐊᒡᓚᖏᑦ 11:16

ᓴᐱᑍᓗ ᔫᓴᐸᑦᓗ, ᓕᕔᑎᒃᑯᓐᓂᑦ ᐊᖓᔪᖅᑳᕆᔭᐅᓚᐅᕐᐳᒃ, ᒎᑎᐅᑉ ᐃᒡᓗᖓᑕ ᓯᓚᑖᓂᒃ ᓴᓇᓚᐅᕐᑐᑦ.

ᓂᕼᐃᒤᐊᐅᑉ ᐊᒡᓚᖏᑦ 11:18

ᑖᒃᑯᐊ ᓕᕔᑎᓕᒫᑦ ᑲᑎᓪᓗᒋᑦ ᐃᒡᓗᒐᓴᖕᓂ ᐃᑦᔪᕐᓁᑦᑐᒥᐅᑕᐅᓚᐅᕐᑐᑦ ᔨᕉᓴᓕᒥ 284ᖑᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 12:24

ᓕᕔᑎᒃᑯᓐᓄᑦ ᐅᑯᐊ ᐊᖓᔪᖅᑳᕆᔭᐅᓚᐅᕐᐳᑦ: ᕼᐊᓴᐰᐊ, ᓯᕆᐰᐊ, ᔩᓱᐊᓗ ᑲᑦᒤ-ᓕᐅᑉ ᐃᕐᓂᖓ, ᐃᓚᒋᔭᖏᑕ ᐊᑭᐊᓃᓪᓗᑎᒃ ᐱᓇᓱᐊᖃᑕᐅᖃᑦᑕᓚᐅᕐᑐᑦ, ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ, ᐊᕕᒃᑐᕐᓯᒪᓪᓗᑎᒃ ᐊᑭᓕᕇᖑᕙᓚᐅᕐᒪᑕ, ᑖᑦᓱᒪ ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᓂᕆᓯᒪᔭᖓᓂᒃ ᒪᓕᒃᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 12:25

ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓂ ᐱᖁᑎᒃᑯᕕᖏᑕᓗ ᐃᑎᕐᑕᕐᕕᖏᓐᓂ ᑲᒪᔨᐅᕙᓚᐅᕐᑐᓄᑦ ᐊᖓᔪᖅᑳᖑᓚᐅᕐᑐᑦ ᐅᑯᐊᖑᕗᑦ: ᒪᑕᓁᐊ, ᐸᒃᐳᒃᑭᐊ, ᐅᐸᑍᐊ, ᒥᓱᓚᒻ, ᑖᓪᒪᓐ, ᐊᑯᑉᓗ.

ᓂᕼᐃᒤᐊᐅᑉ ᐊᒡᓚᖏᑦ 12:31

ᑕᕝᕙ ᔫᑕᐅᑉ ᐊᖓᔪᖅᑳᖏᑦ ᐊᕙᓗᕐᔪᐊᑉ ᖄᖓᓄᑦ ᒪᔪᐊᖁᓚᐅᕐᐸᒃᑲ, ᒪᕐᕈᐃᓕᑎᑦᓯᓚᐅᕐᐳᖓᓗ ᐃᓄᒋᐊᒃᑐᕐᔪᐊᓂᒃ ᑖᒃᑯᐊ ᐃᓐᖏᕐᓗᑎᒃ ᖁᔭᓕᖁᓪᓗᒋᑦ ᑕᒪᓐᓇ ᑲᔪᓯᒋᐊᓯᓚᐅᕐᐳᖅ. ᐂᑉᐸᖏᑦ ᐊᕙᓗᕐᔪᐊᑉ ᑕᓕᕐᐱᐊᓄᐊᓚᐅᕐᐳᑦ ᓴᓂᒃᑯᕕᓕᐊᕆᐊᑉ ᐃᑎᕐᑕᕐᕕᖓᓄᑦ ᑎᑭᓪᓗᑎᒃ;

ᓂᕼᐃᒤᐊᐅᑉ ᐊᒡᓚᖏᑦ 12:46

ᑍᕕᑎ ᐊᓴᐸᓗ ᐃᓅᑎᓪᓗᒋᒃ ᑍᑦᓱᒪᓂᐊᓗᒃ ᐃᓐᖏᕐᑎᓄᑦ ᐊᖓᔪᖅᑳᕐᑕᖃᕐᐸᓚᐅᕐᒪᑦ, ᐃᓐᖏᕐᑐᖃᕐᐸᒃᓗᓂᓗ ᓂᕐᑐᐃᔪᓂᒃ ᖁᔭᓕᑦᔪᑎᒃᓴᓂᒡᓗ ᒎᑎᒧᑦ.

ᐱᓕᐱᒥᐅᓄᑦ 4:6

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.