ᓂᕼᐃᒤᐊᐅᑉ ᐊᒡᓚᖏᑦ 11:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓄᐃᑦ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᐳᑦ; ᐃᓄᒐᓴᒡᔪᐊᓪᓕ ᑭᓯᐊᓂ ᓇᓚᐅᑦᑖᕈᑎᒃᑯᑦ ᓇᓚᐅᑕᐅᔪᑦ ᑕᓪᓕᒪᐅᔪᖏᑦ ᔨᕉᓴᓕᒥ ᓄᓇᖃᕐᑎᑕᐅᔪᓐᓇᓚᐅᕐᐳᑦ, ᑕᓪᓕᒪᐅᔪᖏᑕ ᐊᒥᐊᒃᑯᖏᑦ ᐊᓯᐊᓂ ᓄᓇᒦᖏᓐᓇᕐᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 11:1 Iomraidhean Croise

ᑯᕉᓂᑲ ᓯᕗᓪᓖᑦ 26:13

ᑖᒃᑯᐊᓗ ᓇᓚᐅᑦᑖᕈᑎᒃᑯᑦ ᓇᓗᓁᕐᑕᐅᖃᑦᑕᓚᐅᕐᐳᑦ ᓯᕗᓕᖏᑕ ᐃᓚᒋᔭᖏᑦ ᒪᓕᒡᓗᒋᑦ, ᓄᑲᕐᓰᑦ ᐊᖓᔪᒃᓰᓪᓗ ᐊᑦᔨᒌᒃᑎᑕᐅᓪᓗᑎᒃ, ᐃᑎᕐᑕᕐᕕᖕᓂᒃ ᐊᑐᓂᑦ ᑲᒪᒋᔭᖃᐅᕐᓗᑎᒃ.

ᑯᕉᓂᑲ ᓯᕗᓪᓖᑦ 8:28

ᑖᒃᑯᐊ ᐊᑖᑕᖏᑕ ᐃᓚᖏᓐᓂ ᐊᖓᔪᖅᑳᖑᕗᑦ ᑭᖑᕚᕇᑦ ᒪᓕᒡᓗᒋᑦ. ᔨᕉᓴᓕᒥ ᓄᓇᓖᑦ.

ᑯᕉᓂᑲ ᓯᕗᓪᓖᑦ 9:1

ᐃᓴᕆᐊᓕᒥᐅᓕᒫᑦ ᑭᖑᕚᕇᒃᐸᓪᓕᐊᓂᖏᑎᒍᑦ ᑎᑎᕋᕐᑕᐅᓚᐅᕐᐳᑦ ᐱᒋᐊᕐᓂᖓᓂᑦ, ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖏᑕ ᑎᑎᖅᑲᖁᑎᖏᓐᓂ. ᔫᑕᒃᑯᓪᓕ ᐊᐅᓪᓚᕈᑦᔭᐅᓚᐅᕐᐳᑦ ᐹᐱᓘᓂᒧᑦ ᐱᐅᖏᑦᑐᓕᓯᒪᓂᖏᓐᓄᑦ.

ᑯᕉᓂᑲ ᓯᕗᓪᓖᑦ 9:2

ᓯᕗᓪᓕᕐᐹᑦ ᓄᓇᒥᖕᓄᑦ ᐅᑎᓚᐅᕐᑐᑦ ᓄᓇᖃᓕᕐᓗᑎᒃ ᐃᒡᓗᒐᓴᒥᖕᓂ ᐅᑯᐊ ᐃᓴᕆᐊᓕᒥᐅᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᑦ, ᑐᒃᓯᐊᕐᕕᒡᔪᐊᕐᒥᓗ ᐱᓇᓱᐊᕐᑏᑦ.

ᑯᕉᓂᑲ ᓯᕗᓪᓖᑦ 9:3

ᔫᑕᐅᑉ ᑭᖑᕚᖏᑕ ᐃᓚᖏᑦ ᔨᕉᓴᓕᒥ ᓄᓇᑖᕐᐳᑦ, ᐱᓐᔭᒥᓂᐅᓪᓗ ᑭᖑᕚᖏᑕ ᐃᓚᖏᑦ, ᐃᕗᕅᒻᓗ, ᒫᓇᓯᐅᓪᓗ ᑭᖑᕚᖏᑕ ᐃᓚᖏᑦ.

ᓂᕼᐃᒤᐊᐅᑉ ᐊᒡᓚᖏᑦ 10:34

ᐅᕙᒍᓪᓗ ᐃᓅᔪᒍᑦ, ᑐᓂᕐᕈᓯᕐᑎᑦᓯᔩᓪᓗ, ᓕᕔᑏᓪᓗ, ᓇᓚᐅᑦᑖᕈᑎᓂᒃ ᐊᑐᕐᓗᑕ ᐊᕐᕌᒍᑕᒫᑦ ᓇᓚᐅᑦᑖᖃᑦᑕᕐᓂᐊᕐᐳᒍᑦ ᓇᓪᓕᐊᑦ ᑭᖑᕚᕇᑦ ᐊᕐᕌᒍᒥ ᑐᓂᕐᕈᓯᕈᑎᒃᓴᓂᒃ ᒎᑎᐅᑉ ᐃᒡᓗᖁᑎᖓᓂ ᕿᔪᒃᓴᓂᒃ ᑐᓂᓯᖃᑦᑕᕐᓂᐊᕐᒪᖔᑕ ᓇᓗᓁᕐᓯᒪᔪᖃᖃᑦᑕᖁᓪᓗᒍ, ᓯᕗᓕᕕᓂᑦᑕ ᑭᖑᕚᕇᖑᓂᖏᑕ ᐋᖅᑭᒃᓯᒪᓂᖏᑦ ᒪᓕᒡᓗᒋᑦ, ᐊᕐᕌᒍᑕᒫᑦ ᓇᓪᓕᐅᑎᕙᒃᑐᑦ ᓇᓗᓁᕐᓯᒪᓂᖏᑦ ᒪᓕᒡᓗᒋᑦ, ᑐᓂᕐᕈᓯᕐᕕᖕᒥ ᑐᓂᕐᕈᓯᖃᑦᑕᖁᓪᓗᒋᑦ ᐊᑕᓂᑦᑎᓐᓄᑦ ᒎᑎᑦᑎᓐᓄᑦ ᐱᖁᔭᓂ ᒪᓕᒐᒃᓴᐅᖁᔭᐅᔪᑦ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 11:18

ᑖᒃᑯᐊ ᓕᕔᑎᓕᒫᑦ ᑲᑎᓪᓗᒋᑦ ᐃᒡᓗᒐᓴᖕᓂ ᐃᑦᔪᕐᓁᑦᑐᒥᐅᑕᐅᓚᐅᕐᑐᑦ ᔨᕉᓴᓕᒥ 284ᖑᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 4:22

ᑍᑦᓱᒪᓂᐅᑎᓪᓗᒍ ᐊᖑᑎᑦ ᑲᒪᔨᐅᔪᑦ ᐃᑲᔪᕐᑎᓕᒫᖏᓪᓗ ᔨᕉᓴᓕᒦᖏᓐᓇᖁᓪᓗᒋᑦ ᐅᓐᓄᒃᑯᑦ ᐅᖃᐅᑎᓚᐅᕆᕙᒃᑲ, ᐃᒡᓗᒐᓮᓪᓗ ᖃᐅᔨᓴᕐᑎᕾᓐᓇᑯᓪᓗᒋᑦ ᐅᓐᓄᒃᑯᑦ ᐅᓪᓗᒃᑯᓪᓗ ᐱᓇᓱᐊᕈᓐᓇᖁᓪᓗᒋᑦ ᑍᒤᓚᐅᕐᐳᒍᑦ.

ᐃᓐᖏᕈᑎᑦ 122:5

ᑕᕝᕙᓂ ᐊᖓᔪᖅᑳᕐᔪᐊᖏᑕ ᐃᒃᓯᕙᐅᑕᕐᔪᐊᖏᑦ ᐃᓕᓯᒪᕗᑦ ᐃᓱᐊᕐᓮᕕᖃᖁᓪᓗᒋᑦ, ᑍᕕᑎᐅᑉ ᑭᖑᕚᖏᑕ ᐃᒃᓯᕙᐅᑕᕐᔪᐊᖏᑦ.

ᐃᓐᖏᕈᑎᑦ 122:6

ᔨᕉᓴᓕᒻ ᓮᒻᒪᕐᑎᑕᐅᖁᓪᓗᒍ ᑐᒃᓯᐅᑎᓯᐅᒃ: “ᐃᓕᖕᓂᒃ ᐱᓐᓇᕈᓱᒃᑐᑦ ᒪᑭᑉᐸᓪᓕᐊᑦᓯᐊᖁᓪᓗᒋᑦ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:33

ᓄᓇᖁᑎᑖᕋᓱᐊᕐᑐᖅ ᖃᐅᔨᓇᓱᐊᕐᐳᖅ ᓇᓚᐅᑦᑖᕈᑎᒃᑯᑦ ᓵᒥᒍᑦ, ᐃᓱᒪᑖᕈᑕᐅᔪᓪᓕ ᐊᑕᓂᕐᒧᑦ ᓇᓗᓇᕈᓐᓃᕐᑎᑕᐅᓂᐊᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 48:2

ᐃᒻᒥᖕᓂᒃ ᑍᕙᒃᑐᑦ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ ᐃᓚᐅᓂᕋᕐᓗᑎᒃ, ᑕᑎᑐᐊᖃᕐᓂᕋᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ; ᑖᓐᓇ ᐊᑎᖃᕐᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 27:53

ᐃᓗᕕᕐᓂᑦ ᐊᓂᓪᓗᑎᒃ; ᔩᓱᓯᐅᑉ ᑐᖁᖓᔪᓂᑦ ᒪᑭᓐᓂᖓᑕ ᑭᖑᓂᖓᒍᑦ, ᐃᒡᓗᒐᓴᖕᓄᐊᕐᐳᑦ ᐃᑦᔪᕐᓁᑦᑐᒧᑦ; ᑕᕝᕙᓂ ᐃᓄᖕᓂᑦ ᐅᓄᕐᑐᓂᑦ ᑕᑯᔭᐅᖃᑦᑕᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 4:5

ᑕᕝᕙ ᓵᑖᓇᓯᐅᑉ ᔩᓱᓯ ᔨᕉᓴᓕᒻᒧᐊᕈᑎᕚ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ, ᖃᑉᕕᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:24

ᑖᒃᑯᐊ ᑐᒃᓯᐊᓕᕋᒥᒃ ᐅᖃᕐᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᕐᓯᕕᒋᓚᐅᕐᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᒪᖔᕐᐱᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:26

ᓇᓚᐅᑦᓵᓕᕋᒥᒃ, ᒪᑍᐊᓯ ᓇᓚᐅᑕᐅᕗᖅ; ᐃᓚᓕᐅᑎᔭᐅᓪᓗᓂᓗ ᐋᐴᓯᑕᓕᖕᓄᑦ 11ᓄᑦ.

ᔮᓱᐊᑉ ᐊᒡᓚᖏᑦ 18:10

ᔮᓱᐊᓗ ᓇᓚᐅᑦᑖᕈᑎᒃᑯᑦ ᓮᓗᐊᒥ ᐊᑕᓂᕐᒥᒃ ᖃᐅᔨᒋᐊᕐᐳᖅ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᕕᒃᑐᕐᐰᓪᓗ ᐃᓴᕆᐊᓕᒥᐅᓄᑦ ᓄᓇᑖᕆᐊᖃᕐᑐᓄᑦ ᑭᖑᕚᕇᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.