ᓂᕼᐃᒤᐊᐅᑉ ᐊᒡᓚᖏᑦ 10:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐊᒻᒪ ᒎᑎᐅᑉ ᐃᒡᓗᖓᓄᑦ ᐂᑎᑦᓯᖃᑦᑕᕐᓂᐊᕐᐳᒍᑦ, ᓯᕗᓪᓕᕐᐹᒥᒃ ᐃᕐᓂᕐᑖᕆᔭᑦᑎᓐᓂᒃ ᑐᓂᕐᕈᓯᕐᑎᑦᓯᔨᓄᑦ ᑐᒃᓯᐊᕐᕕᒡᔪᐊᕐᒦᑦᑐᓄᑦ ᒎᑎᒧᑦ ᑐᓂᕐᕈᑎᒋᓗᒋᑦ, ᑍᒫᒃ ᐱᖁᔭᑦᑎᓐᓂ ᐱᖁᔭᐅᓂᕗᑦ ᒪᓕᒡᓗᒍ, ᐃᒻᒧᒃᓯᐅᒐᖁᑎᑦᑕᓗ ᓰᐱᖁᑎᑦᑕᓗ ᒎᑦᓯᖁᑎᑦᑕᓗ ᓯᕗᓪᓕᕐᐹᒥᒃ ᐃᕐᓂᐊᕆᖅᑳᕐᑕᖏᓐᓂᒃ ᑐᓂᕐᕈᑎᖃᖃᑦᑕᕈᒪᓪᓗᑕ, ᒎᑎᑦᑕ ᐃᒡᓗᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 10:36 Iomraidhean Croise

ᑯᕉᓂᑲ ᐂᑉᐸᖏᑦ 31:5

ᐱᖁᔭᕐᓗ ᑕᒪᓐᓇ ᑐᓂᔭᐅᖕᒪᑦ, ᐃᓴᕆᐊᓕᒥᐅᑦ ᑐᓂᓯᕗᑦ ᐅᓄᕐᑐᕐᔪᐊᓂᒃ ᓂᐊᖂᔭᒃᓴᓂᒃ ᐱᕈᕆᐊᕐᖓᕐᑐᕕᓂᕐᓂᒃ, ᕔᓂᓂᒡᓗ, ᐅᕐᓱᓂᒃ, ᐃᒍᑦᓴᐅᔮᕐᑐᓪᓗ ᓰᕐᓇᐅᑎᖏᓐᓂᒃ, ᐱᕈᕐᓰᕕᖕᓂᓗ ᐱᕈᕐᑐᕕᓂᓕᒫᓂᒃ; ᑐᓂᓯᕗᓪᓗ ᐅᓄᕐᑐᕐᔪᐊᓂᒃ ᑕᓪᓕᒪᐅᔪᐃᕈᑎᒥᖕᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 12:44

ᐅᓪᓗᒥᓗ ᑕᕝᕙᓂ ᐊᖑᑎᑦ ᐃᓚᖏᑦ ᓇᓗᓁᕐᑕᐅᓚᐅᕐᐳᑦ ᐊᖓᔪᖅᑳᖑᖁᓪᓗᒋᑦ ᑲᒪᔨᒃᓴᐅᖁᓪᓗᒋᓪᓗ ᓱᓇᑐᐃᓐᓇᒃᑯᕕᖕᓄᑦ, ᑐᓂᕐᕈᓯᕐᕕᖕᓄᑦ, ᐱᕈᕐᑐᐃᑦ ᓯᕗᓪᓕᕐᐹᑦ ᑲᑎᑦᓯᕕᖏᓐᓄᑦ, ᑕᓪᓕᒪᐅᔪᐃᕈᑎᓄᑦ, ᑲᑎᕐᓱᐃᔨᐅᖁᓪᓗᒋᑦ ᐱᕈᕐᓰᕕᖕᓂᑦ ᐃᒡᓗᒐᓴᒡᔪᐊᓂᓪᓗ ᑐᓂᓯᖃᑦᑕᖁᔭᐅᔪᓕᒫᓂᑦ ᐱᖁᔭᑎᒍᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ; ᔫᑕ ᖁᕕᐊᓱᒃᑎᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᓂᖏᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 13:5

ᑖᓐᓇᓗ ᑐᐱᐊ ᐃᓂᒃᓴᖃᓕᕐᑎᓚᐅᕐᐹ ᓱᓇᑐᐃᓐᓇᖃᐅᑎᒥ ᐊᖏᔪᒥᒃ, ᐱᕈᕐᑐᕕᓃᑦ ᑐᓂᕐᕈᑎᐅᓯᒪᔪᑦ ᐃᓂᒃᓴᕆᖃᑦᑕᓚᐅᕐᑕᖓᓂ, ᑎᐱᑦᓯᐊᕆᒃᓴᐅᑏᓪᓗ, ᐴᒍᑍᓪᓗ, ᓂᐊᖂᔭᒃᓮᓪᓗ ᑕᓪᓕᒪᐅᔪᐃᕈᑕᐅᓯᒪᔪᑦ, ᕔᓃᑦ, ᐅᕐᓱᒃᓮᓪᓗ, ᐱᖁᔭᑎᒍᑦ ᑐᓂᔭᐅᖁᔭᐅᓯᒪᔪᑦ ᓕᕔᑎᒃᑯᓐᓄᑦ, ᐃᓐᖏᕐᑎᓄᓪᓗ, ᐃᑎᕐᑕᕐᕕᐅᓪᓗ ᑲᒪᔨᖏᓐᓄᑦ, ᑐᓂᕐᕈᑎᒃᓴᐅᓪᓗᑎᒡᓗ ᑐᓂᕐᕈᓯᕐᑎᑦᓯᔨᓄᑦ.

ᒨᓯᓯ ᐂᑉᐸᖏᑦ 13:2

“ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᐅᔪᒃᓴᐅᕗᑦ ᐅᕙᓐᓄᑦ; ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᐃᓴᕆᐊᓕᒥᐅᓂ ᐆᒪᔪᓂᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑕᒪᕐᒥᒃ ᐱᖁᑎᒋᕙᒃᑲ.”

ᒨᓯᓯ ᐂᑉᐸᖏᑦ 23:19

“ᐱᕈᕐᓰᕕᖁᑎᕕᑦ ᐱᕈᕐᑎᑕᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᔪᒃᓴᐅᕗᑎᑦ ᐊᑕᓂᕐᒧᑦ ᒎᑎᖕᓄᑦ. “ᓰᐱᐅᑉ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᐂᑉᐸᖏᑦ 34:19

“ᐊᖑᑏᑦ ᓯᕗᓪᓕᕐᐹᒥᒃ ᐊᓈᓇᒥᖕᓂᑦ ᐃᕐᓂᐊᖑᔪᑦ ᐆᒪᔪᖁᑎᑦᓯᓐᓂᓗ ᐃᕐᓂᐊᕆᔭᐅᖅᑳᕐᓯᒪᔪᑦ ᐊᖑᑎᓕᒫᑦ ᑕᒪᒃᑯᐊ ᐱᖁᑎᒋᕙᒃᑲ,

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒨᓯᓯ ᓯᑕᒪᖏᑦ 3:13

ᐃᕐᓂᐊᖑᔪᑦ ᓯᕗᓪᓕᕐᐹᒥᒃ ᐱᒋᒐᒃᑭᑦ. ᑍᑦᓱᒪᓂ ᓇᓪᓕᐅᑦᑐᒥ ᐃᕐᓂᐊᖑᖅᑳᕐᑐᑦ ᑐᖁᑎᓚᐅᕋᒃᑭᑦ ᓄᓇᒥ ᐄᑦᔨᑉᑎᒥ, ᐅᕙᓐᓂᒃ ᐃᑦᔪᕐᓁᑎᑉᐳᖓ ᐃᓴᕆᐊᓕᓂ ᐃᕐᓂᐊᖑᖅᑳᕐᑐᓄᑦ, ᐃᓄᖕᓄᓪᓗ ᓂᕐᔪᑎᓄᓪᓗ. ᑖᒃᑯᐊ ᐱᒋᓂᐊᕐᐸᒃᑲ: ᐅᕙᖓ ᐊᑕᓂᐅᒐᒪ.”

ᒐᓔᑎᐊᒥᐅᓄᑦ 6:6

ᐅᒃᐱᕐᓂᕐᒥᒃ ᐊᔪᕆᕐᑐᕐᑕᐅᔪᖅ ᐃᓕᓮᔨᒥᓂᒃ ᑲᑐᑦᔨᖃᑎᖃᕐᑐᒃᓴᐅᕗᖅ ᐱᐅᔪᓂᒃ ᐱᓯᒪᔭᓕᒫᒥᓂᒃ.

ᒨᓯᓯ ᑕᓪᓕᒪᖏᑦ 12:6

ᑕᕝᕙᓂ ᑐᓂᕐᕈᓯᕈᓐᓇᖁᓪᓗᓯ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᓯ ᑐᓂᕐᕈᑎᓯᓗ ᑮᓇᐅᔧᑦ ᑕᕝᕗᖓ ᑐᓂᖃᑦᑕᖁᓪᓗᓯᐅᒃ, ᑐᓂᕐᕈᑎᒃᓮᑦ ᐊᑕᓂᕐᒧᑦ ᑐᓂᕐᕈᑎᒋᔪᒪᓪᓗᒋᑦ ᐊᖏᕈᑎᒋᓯᒪᔭᓯ, ᐃᓱᒪᕐᓱᕐᓗᓯᓗ ᑐᓂᔪᒪᔭᑦᓯᓐᓂᒃ ᑐᓂᕐᕈᑎᒋᔪᒪᔭᓯ, ᓯᕗᓪᓕᕐᐹᒥᒡᓗ ᐃᕐᓂᐊᕆᔭᐅᓯᒪᔪᑦ ᐃᒻᒧᒃᓯᐅᒐᖁᑎᑦᓯ ᓰᐱᖁᑎᑦᓯᓗᑦᑕᐅᖅ;