ᓂᕼᐃᒤᐊᐅᑉ ᐊᒡᓚᖏᑦ 10:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᐅᕙᒍᓪᓗ ᐃᓅᔪᒍᑦ, ᑐᓂᕐᕈᓯᕐᑎᑦᓯᔩᓪᓗ, ᓕᕔᑏᓪᓗ, ᓇᓚᐅᑦᑖᕈᑎᓂᒃ ᐊᑐᕐᓗᑕ ᐊᕐᕌᒍᑕᒫᑦ ᓇᓚᐅᑦᑖᖃᑦᑕᕐᓂᐊᕐᐳᒍᑦ ᓇᓪᓕᐊᑦ ᑭᖑᕚᕇᑦ ᐊᕐᕌᒍᒥ ᑐᓂᕐᕈᓯᕈᑎᒃᓴᓂᒃ ᒎᑎᐅᑉ ᐃᒡᓗᖁᑎᖓᓂ ᕿᔪᒃᓴᓂᒃ ᑐᓂᓯᖃᑦᑕᕐᓂᐊᕐᒪᖔᑕ ᓇᓗᓁᕐᓯᒪᔪᖃᖃᑦᑕᖁᓪᓗᒍ, ᓯᕗᓕᕕᓂᑦᑕ ᑭᖑᕚᕇᖑᓂᖏᑕ ᐋᖅᑭᒃᓯᒪᓂᖏᑦ ᒪᓕᒡᓗᒋᑦ, ᐊᕐᕌᒍᑕᒫᑦ ᓇᓪᓕᐅᑎᕙᒃᑐᑦ ᓇᓗᓁᕐᓯᒪᓂᖏᑦ ᒪᓕᒡᓗᒋᑦ, ᑐᓂᕐᕈᓯᕐᕕᖕᒥ ᑐᓂᕐᕈᓯᖃᑦᑕᖁᓪᓗᒋᑦ ᐊᑕᓂᑦᑎᓐᓄᑦ ᒎᑎᑦᑎᓐᓄᑦ ᐱᖁᔭᓂ ᒪᓕᒐᒃᓴᐅᖁᔭᐅᔪᑦ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 10:34 Iomraidhean Croise

ᑯᕉᓂᑲ ᓯᕗᓪᓖᑦ 24:5

ᑖᒃᑯᐊ ᐋᖅᑭᒃᓱᕐᑕᐅᕗᑦ ᓇᓚᐅᑦᑖᕈᑎᒧᑦ, ᐊᑦᔨᒌᒃᑐᒥᒃ, ᐃᒤᓕᖓᑎᓪᓗᒋᑦ ᐃᓚᖏᑦ ᐊᖓᔪᖅᑳᓐᖑᕐᐳᑦ ᐃᑦᔪᕐᓁᑦᑐᒃᑯᕕᖕᒧᑦ, ᐃᓚᖏᓪᓗ ᐊᖓᔪᖅᑳᓐᖑᕐᐳᑦ ᒎᑎᐅᑉ ᐃᒡᓗᖓᓄᑦ ᐃᓕᓯᕆᐅᑉ ᐃᑕᒫᕆᐅᓪᓗ ᐃᕐᓂᖏᑦ.

ᑯᕉᓂᑲ ᓯᕗᓪᓖᑦ 24:7

ᓇᓚᐅᑦᑖᕈᑦ ᓯᕗᓪᓕᕐᐹᒥᒃ ᓇᓚᐅᑦᓯᕗᖅ ᔨᕼᐅᐃᐊᕆᑉᒥᒃ, ᑐᖓᓕᐊᓂ ᔨᑍᐊ,

ᑯᕉᓂᑲ ᐂᑉᐸᖏᑦ 2:3

ᓲᓗᒨᓂᓗ ᑎᑎᕋᕐᐳᖅ ᕼᐅᕋᒻᒧᑦ ᑍᕆᐅᑉ ᐊᖓᔪᖅᑳᕐᔪᐊᓄᑦ, ᐅᖃᕐᓗᓂ: “ᐊᑖᑕᒐ ᑍᕕᑎ ᐱᓇᓱᐊᖃᑎᒋᓚᐅᕋᕕᐅᒃ ᕿᔪᖕᓂᒡᓗ ᓰᑕᕆᓂᒃ ᐃᒻᒥᓄᑦ ᐃᒡᓗᓕᐅᕈᑎᒃᓴᖏᓐᓂᒃ ᑐᓂᓚᐅᕋᕕᐅᒃ, ᑍᒫᒃᑕᐅᖅ ᐱᓇᓱᐊᕐᕕᒋᓐᖓ.

ᐄᓱᕋᐅᑉ ᐊᒡᓚᖏᑦ 3:5

ᑭᖑᓂᖓᒍᓪᓗ ᑐᓂᕐᕈᓯᖃᑦᑕᓕᓚᐅᕆᕗᑦ ᑐᓂᕐᕈᓯᕈᑎᓪᓚᕆᖕᓂᒃ ᐃᑯᐊᓚᑎᑕᐅᓪᓗᑎᒃ, ᑐᓂᕐᕈᑏᓪᓗ ᑕᖅᑭᓂᕋᑖᒧᑦ ᓇᓪᓕᐅᓐᓂᕐᓯᐅᕈᑎᒧᑦ ᑐᓂᕐᕈᑎᒃᓮᑦ ᐊᓯᖏᓪᓗ ᓇᓪᓕᐅᓐᓂᑐᐃᓐᓁᑦ ᐊᑕᓂᕐᒧᑦ ᐃᑦᔪᕐᓁᑎᑕᐅᓯᒪᔪᑦ ᐊᑐᕐᑕᐅᖃᑦᑕᓚᐅᕆᕗᑦ, ᐃᓄᓕᒫᓪᓗ ᐃᓱᒪᕐᓱᕐᓗᑎᒃ ᑐᓂᕐᕈᓯᖃᑦᑕᓚᐅᕐᐳᑦ ᐊᑕᓂᕐᒧᑦ ᐱᔪᒪᓂᑎᒃ ᒪᓕᒃᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 11:1

ᐃᓄᐃᑦ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᐳᑦ; ᐃᓄᒐᓴᒡᔪᐊᓪᓕ ᑭᓯᐊᓂ ᓇᓚᐅᑦᑖᕈᑎᒃᑯᑦ ᓇᓚᐅᑕᐅᔪᑦ ᑕᓪᓕᒪᐅᔪᖏᑦ ᔨᕉᓴᓕᒥ ᓄᓇᖃᕐᑎᑕᐅᔪᓐᓇᓚᐅᕐᐳᑦ, ᑕᓪᓕᒪᐅᔪᖏᑕ ᐊᒥᐊᒃᑯᖏᑦ ᐊᓯᐊᓂ ᓄᓇᒦᖏᓐᓇᕐᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 13:31

ᕿᔪᖕᓂᒡᓗ ᐊᑐᐃᓐᓇᕈᐃᓚᐅᕐᐳᖓ ᑐᓂᕐᕈᓯᓕᕐᑎᓪᓗᒋᑦ ᐃᑯᐊᓚᒍᑎᒃᓴᓂᒃ, ᑐᓂᕐᕈᓯᕐᕕᒃᓴᖅ ᓇᓪᓕᐅᓐᓂᖅ ᓈᒻᒪᒃᓯᔭᕌᖓᑦ, ᐱᕈᕐᑐᓪᓗ ᓯᕗᓪᓕᕐᐹᑦ ᐱᕈᕐᑎᑕᐅᔪᑦ ᑐᓂᔭᐅᓂᒃᓴᖏᓐᓂ. ᒎᑎᒐ, ᐃᖅᑲᐅᒪᓐᖓ, ᐱᐅᔪᓂᒃ ᐱᓇᓱᐊᓚᐅᕐᑕᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:18

ᓇᓚᐅᑦᑖᕈᑎᒃᑯᑦ ᓂᕈᐊᕐᓂᖅ ᐂᕙᑦᔪᑕᐅᔪᓂᒃ ᓄᖅᑲᕐᑎᑦᓯᕗᖅ, ᐱᔪᓐᓇᕐᓂᖃᕐᑐᓪᓗ ᓵᓚᒌᖃᑦᑕᐅᑎᓇᓱᖕᓂᖏᓐᓂᒃ ᓄᖅᑲᕐᑎᑦᓯᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 40:16

ᓕᐸᓇᓂᐅᑉ ᓇᐹᕐᑐᒐᓴᒡᔪᐊᖏᑦ ᕿᔪᒋᓇᓱᐊᕈᓂᒋᑦ ᒥᑭᓗᐊᕋᔭᕐᐳᑦ, ᐆᒪᔪᓕᒫᖏᓪᓗ ᑐᓂᕐᕈᑎᒃᓴᐅᒍᑎᒃ ᐊᒥᒐᕋᔭᕐᓗᑎᒃ.

ᒨᓯᓯ ᐱᖓᔪᖏᑦ 24:5

“ᓂᐊᖂᔭᒥᒃ ᐅᖁᒤᓐᓂᖃᕐᑐᒥᒃ 12ᑭᓗᒍᕌᒻᒥᒃ ᓴᓇᔭᕆᐊᖃᕐᐳᓯ ᐸᓚᐅᒐᓕᐅᕐᓗᓯᓗ ᐆᓯᒪᔪᓂᒃ 12ᓂᒃ.

ᒨᓯᓯ ᐱᖓᔪᖏᑦ 24:6

ᑖᒃᑯᐊ ᐃᓕᔭᒃᓴᕆᕙᓯ ᑐᑭᓕᕇᒃᓯᑎᓪᓗᒋᑦ ᒪᕐᕉᓗᑎᒃ ᓴᓂᓕᕇᑦ ᑐᑭᒧᑦ ᐱᖓᓲᔪᕐᑑᓗᑎᒃ. ᓵᑉ ᖄᖓᓂ ᒎᓗᑦᓯᐊᕙᖕᒥᒃ ᖄᓕᕐᓯᒪᔪᒧᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 28:2

“ᐱᖁᔭᒥᒃ ᐆᒥᖓ ᐃᓴᕆᐊᓕᒥᐅᑦ ᑐᓂᓯᕕᒋᒃᑭᑦ, ᐅᖃᐅᑎᓗᒋᑦ, ‘ᑐᓂᕐᕈᓯᐊᒃᓴᕋ, ᓂᕿᒃᓴᖅ ᑐᓂᕐᕈᓯᐊᒃᓴᕋ ᐃᑯᐊᓚᑎᑕᒃᓴᖅ ᑎᐱᑦᓯᐊᕆᒃᑑᓗᓂ ᐅᕙᓐᓄᑦ, ᑲᒪᑦᓯᐊᕐᓗᓯ ᐱᕕᒃᓴᖓᓂ ᐅᕙᓐᓄᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ.’

ᐋᐴᓯᑕᓖᑦ ᐱᓂᐊᕐᓂᖏᑦ 1:26

ᓇᓚᐅᑦᓵᓕᕋᒥᒃ, ᒪᑍᐊᓯ ᓇᓚᐅᑕᐅᕗᖅ; ᐃᓚᓕᐅᑎᔭᐅᓪᓗᓂᓗ ᐋᐴᓯᑕᓕᖕᓄᑦ 11ᓄᑦ.

ᔮᓱᐊᑉ ᐊᒡᓚᖏᑦ 9:27

ᐅᓪᓗᒥ ᑖᑦᓱᒪᓂ ᔮᓱᐊᑉ ᐱᔨᓐᖑᕐᑎᓚᐅᕐᐰᑦ, ᕿᔪᖕᓂᒃ ᓇᑲᑎᕆᔨᓐᖑᕐᓗᑎᒃ ᐃᒥᕐᑕᕐᑎᐅᓕᕐᓗᑎᒡᓗ ᐃᓴᕆᐊᓕᒥᐅᓄᑦ ᐊᑕᓂᐅᓪᓗ ᑐᓂᕐᕈᓯᕐᕕᖁᑎᖓᓄᑦ, ᐅᓪᓗᒥᒧᑦ ᑎᑭᓪᓗᒍ ᓱᓕ ᑍᒤᓕᐅᕐᐳᑦ ᐊᑕᓂᐅᑉ ᑐᒃᓯᐊᕆᐊᕐᑐᕐᕕᐅᖁᔭᖓᓄᑦ, ᐱᓇᓱᐊᕐᑎᐅᓪᓗᑎᒃ.