ᓂᕼᐃᒤᐊᐅᑉ ᐊᒡᓚᖏᑦ 10:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᒪᑯᐊᑦᑕᐅᖅ ᑐᒃᓯᐊᕐᕕᒡᔪᐊᕐᒥ ᐊᑐᕐᑕᐅᔪᒃᓴᑦ ᑐᓂᖃᑦᑕᕐᓂᐊᕐᐸᕗᑦ: ᓂᐊᖂᔧᑦ ᐃᑦᔪᕐᓁᑎᑕᐅᓯᒪᔪᑦ, ᐱᕈᕐᑐᕕᓃᓪᓗ ᖃᐅᑕᒫᑦ ᐊᑐᕐᑕᐅᔪᒃᓴᑦ, ᖃᐅᑕᒫᓪᓗ ᑐᓂᕐᕈᓯᕈᑎᒃᓴᑦ ᐆᑕᒃᓮᑦ, ᓴᐸᑎᒥᓗ ᑐᓂᔭᒃᓮᑦ, ᑕᖅᑭᓂᕋᑖᒥ ᓇᓪᓕᐅᓐᓂᕐᓯᐅᕈᑎᒃᓴᑦ, ᐊᓯᖏᓐᓄᓪᓗ ᓇᓪᓕᐅᓐᓂᕐᓯᐅᕈᑎᒃᓴᑦ, ᑐᓂᕐᕈᑎᒃᓴᓪᓗ ᐃᑦᔪᕐᓁᑦᑐᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓄᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᓄᑦ ᑐᓂᕐᕈᓯᕈᑎᒃᓴᑦ, ᒎᑎᐅᓪᓗ ᐃᒡᓗᖁᑎᖓᓂ ᐱᓇᓱᐊᕈᑎᒃᓴᓕᒫᓂᒃ ᑐᓂᓯᖃᑦᑕᕐᓂᐊᕐᐳᒍᑦ.

ᓂᕼᐃᒤᐊᐅᑉ ᐊᒡᓚᖏᑦ 10:33 Iomraidhean Croise

ᑯᕉᓂᑲ ᐂᑉᐸᖏᑦ 2:4

ᑕᑯᒋᑦ, ᑐᒃᓯᐊᕐᕕᒡᔪᐊᓕᐅᕈᒪᓕᕋᒪ ᐊᑕᓂᐅᑉ ᐅᐱᒋᔭᐅᓂᒃᓴᖓᓄᑦ ᒎᑎᒪ, ᑖᑦᓱᒧᖓᓗ ᑐᓂᓂᐊᕐᓗᒍ ᐃᑯᐊᓪᓔᓗᖓᓗ ᑎᐱᑦᓯᐊᕆᒃᑐᓂᒃ ᑖᑦᓱᒧᖓ ᑎᐱᑦᓯᐊᕆᒃᑑᖁᓪᓗᒋᑦ, ᑐᓂᕐᕈᓯᕐᕕᒋᖃᑦᑕᕐᓗᒍᓗ ᓂᐊᖂᔭᓂᒃ ᑕᑯᔭᒃᓴᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑕᒃᓴᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ, ᓴᐸᑎᒥ ᑕᖅᑭᓂᕋᑖᒥᓗ ᐊᑕᓂᑦᑕᓗ ᒎᑎᑦᑕ ᓇᓪᓕᐅᓐᓂᕐᓯᐅᕕᖁᑎᖏᓐᓂ, ᐊᑐᕐᑕᐅᖃᑦᑕᕐᓂᐊᓕᕐᓗᓂᓗ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᓄᑦ.

ᒨᓯᓯ ᐂᑉᐸᖏᑦ 30:16

ᑕᒪᒃᑯᐊ ᑐᓂᕐᕈᑎᐅᔪᑦ ᑮᓇᐅᔭᑦ ᐃᓅᓯᑎᒃ ᐱᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓂᑦ ᑲᑎᕐᓱᕐᑕᒃᓴᕆᕙᑎᑦ ᐊᑭᓕᐅᑎᒋᓗᒋᓪᓗ ᑐᐱᐅᑉ ᓇᔪᒐᕐᒪ ᐱᓇᓱᐊᕐᑕᐅᑦᔪᑎᒃᓴᖓᓄᑦ; ᑕᒪᓐᓇᓗ ᑖᒃᓰᔭᕈᑎᐅᔪᖅ ᐃᓅᓯᖏᓐᓄᑦ ᐊᑭᓕᐅᑎᒃᓴᐅᓂᐊᕐᐳᖅ ᐊᑕᓂᐅᑉ ᓵᖓᓂ, ᐃᓅᓯᖏᓐᓂᒡᓗ ᓴᐳᑦᔨᓯᒪᑦᔪᑎᒃᓴᓐᓄᑦ ᐃᖅᑲᐅᒪᑦᔪᑎᒃᓴᕆᓂᐊᕐᐸᕋ.”

ᑯᓘᓯᐊᒥᐅᓄᑦ 2:16

ᑍᒤᒻᒪᑦ ᒪᓕᒐᓕᐅᕐᑕᐅᓂᐊᕋᓯ ᖃᓄᐃᑦᑐᓂᒃ ᐃᒥᖃᑦᑕᕆᐊᖃᕐᒪᖔᑦᓯ ᓂᕆᖃᑦᑕᕆᐊᖃᕐᒪᖔᑦᓯᓘᓐᓃ; ᐅᓪᓗᐃᓪᓗ ᓇᓪᓕᖏᑦ ᐃᑦᔪᕐᓁᑎᑕᐅᔪᒃᓴᐅᖕᒪᖔᑕ, ᑕᖅᑭᒥᓘᓐᓃᑦ ᓇᓪᓕᐊᓐᓂ ᓇᓪᓕᐅᓐᓂᕐᓯᐅᕆᐊᖃᕐᒪᖔᑦᓯ, ᓴᐸᑎᒥᓘᓐᓃᑦ ᖃᓄᐃᑦᑐᒃᓴᐅᖕᒪᖔᑦᓯ.

ᐄᑉᕈᐃᓄᑦ 10:11

ᑕᒪᕐᒥᒡᓗ ᑐᓂᕐᕈᓯᕐᑎᑦᓯᔩᑦ ᖃᐅᑕᒫᑦ ᐱᖁᔭᐅᓚᐅᕐᐳᑦ ᐱᓇᓱᐊᕆᐊᓕᖕᒥᓂᒃ ᐱᓇᓱᐊᖁᓪᓗᒋᑦ, ᑐᓂᕐᕈᓯᕐᑎᑦᓯᓂᕐᒥᒃ ᑍᒫᑦᓮᓐᓇᖅ ᐱᓇᓱᐊᕐᓗᑎᒃ, ᑖᒃᑯᐊᓕ ᐊᔪᕐᓂᕐᓂᒃ ᐲᕐᓯᔪᓐᓇᖏᒻᒪᕆᒃᐳᑦ.