ᓂᕼᐃᒤᐊᐅᑉ ᐊᒡᓚᖏᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓯᐅᑏᒃᑭᒃ ᑐᓵᓚᐅᕐᓕᒃ, ᐃᔩᒃᑭᒡᓗ ᐅᐃᑕᓗᑎᒃ, ᑐᓴᕈᓐᓇᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂ ᒫᓐᓇ ᐃᓕᖕᓄᑦ ᑐᒃᓯᐊᕈᑎᒋᔭᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐱᔨᑎᑦ ᐃᓴᕆᐊᓕᑎᑦ ᐱᓪᓗᒋᑦ, ᐃᓕᖕᓄᑦ ᐊᔪᕐᑐᓕᓯᒪᒐᑦᑕ ᖃᕿᐊᓕᕐᐳᒍᑦ, ᐅᕙᖓᓗ ᐊᑖᑕᒪᓗ ᐃᒡᓗᒥᐅᖃᑎᖏᑦ ᐊᔪᕐᑐᓕᓯᒪᖓᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 1:6 Iomraidhean Croise

ᐊᑕᓃᑦ ᓯᕗᓪᓖᑦ 8:30

“ᐱᔨᕕᑦ ᑐᒃᓯᐊᕐᓂᖓ ᑐᓴᓚᐅᕈᒃ ᐃᓄᖁᑎᕕᓪᓗ ᐃᓴᕆᐊᓕᑏᑦ ᑐᒃᓯᐊᕐᓂᖏᑦ, ᑐᒃᓯᐊᕌᖓᑕ ᐅᕗᖓ ᓵᓐᖓᓗᑎᒃ; ᑐᓵᖃᑦᑕᕆᑦ ᕿᓚᖕᒥᑦ ᐃᓂᒋᔭᕐᓂᑦ; ᑐᓵᑐᐊᕈᕕᑦ ᐃᓱᒪᒋᔪᓐᓁᕐᕕᒋᑎᒍᑦ.

ᐊᑕᓃᑦ ᓯᕗᓪᓖᑦ 8:47

ᐃᓱᒪᑦᓯᐊᓕᕐᐸᑕ ᓄᓇᒥ ᑎᒍᔭᐅᓯᒪᕕᖕᒥᖕᓂ ᓱᖕᒪᑦ ᑕᒫᓃᒻᒪᖔᕐᒥᒃ, ᖃᕿᐊᓕᕐᓗᑎᒡᓗ ᐃᓕᖕᓄᑦ ᕿᓄᒃᐸᑕ ᓄᓇᒥ ᑎᒍᔭᐅᓯᒪᕝᕕᒋᔭᒥᖕᓂᑦ ᐅᖃᕐᓗᑎᒃ, ‘ᐊᔪᕐᑐᓕᓚᐅᕐᐳᒍᑦ, ᐱᐅᖏᑦᑐᐊᓗᖕᒥᒃ ᐱᓇᓱᐊᓚᐅᕐᐳᒍᑦ’;

ᑯᕉᓂᑲ ᐂᑉᐸᖏᑦ 28:10

ᒫᓐᓇᓗ ᐃᒤᓐᓇᓱᐊᕐᐳᓯ ᔫᑕᒥᐅᑦ ᔨᕉᓴᓕᒥᐅᓪᓗ ᐃᓄᖏᑦ ᓯᐊᓛᕐᑕᕆᔪᒪᓪᓗᒋᑦ, ᐊᖑᑏᑦ ᐊᕐᓁᓪᓗ, ᑕᕝᕙ ᐊᔪᕐᑐᓕᓐᖏᓚᓰ ᓇᖕᒥᓂᑦᓯᓐᓄᑦ ᐊᑕᓂᐅᑉ ᒎᑎᑦᓯ ᓵᖓᓂ?

ᑯᕉᓂᑲ ᐂᑉᐸᖏᑦ 29:6

ᓯᕗᓕᕗᑦ ᐱᐅᖏᑦᑐᓕᓚᐅᕐᒪᑕ ᐊᑕᓂᐅᑉ ᒎᑎᑦᑕ ᓵᖓᓂ; ᑖᑦᓱᒥᖓᓗ ᕿᒤᓚᐅᕐᒪᑕ, ᐊᑕᓂᐅᓪᓗ ᐊᓯᐊᓄᑦ ᑕᑯᓐᓇᖔᓕᓚᐅᕐᒪᑕ; ᑐᓄᐃᓪᓗᑎᒡᓗ ᑖᑦᓱᒥᖓ.

ᑯᕉᓂᑲ ᐂᑉᐸᖏᑦ 6:40

“ᒫᓐᓇᓕ ᒎᑎᒐ, ᐃᔩᒃᑭᒃ ᐅᐃᒃᑭᑦ ᓯᐅᑏᒃᑭᒡᓗ ᐊᖕᒪᕐᓕᒃ ᑐᒃᓯᐊᕐᓂᕐᓂᒃ ᐅᕙᓂ ᑐᒃᓯᐊᕐᓂᕆᔭᐅᔪᓄᑦ.

ᐄᓱᕋᐅᑉ ᐊᒡᓚᖏᑦ 10:1

ᐄᓱᕋ ᐅᑯᖓᓪᓗᓂ ᑐᒃᓯᐊᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᓯᕗᕌᓂ, ᕿᐊᓪᓗᓂᓗ ᖃᕿᐊᓕᕐᓗᓂᓗ ᑖᒃᑯᐊ ᐊᔪᕐᑐᓕᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᐅᓄᕐᑐᒻᒪᕆᐊᓗᐃᑦ ᐊᖑᑏᑦ, ᐊᕐᓁᓪᓗ, ᓱᕈᓰᓪᓗ ᑲᑎᕙᓪᓕᐊᓕᕐᐳᑦ ᑖᑦᓱᒧᖓ ᐃᓚᓕᐅᑎᕙᓪᓕᐊᓪᓗᑎᒃ; ᐊᒃᓱᐊᓗᒃ ᕿᐊᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 10:11

ᒫᓐᓇᓕ ᖃᕿᐊᓕᓕᕆᑦᓯ ᐊᔪᕐᑐᓕᓂᑦᓯᓐᓂᒃ ᐊᑕᓂᕐᒧᑦ ᓯᕗᓕᑦᓯ ᒎᑎᖓᓄᑦ, ᑖᑦᓱᒪᓗ ᖁᕕᐊᒋᔭᖓᓂᒃ ᐱᓇᓱᐊᕐᓗᓯ; ᐊᕝᕗᑎᓕᕆᑦᓯ ᐃᓅᖃᑎᒃᓴᔭᕆᓐᖏᑕᑦᓯᓐᓂᑦ ᓄᓇᖃᖃᑎᑦᓯᓐᓂᑦ ᓄᓕᐊᓯᓗ ᐃᓅᖃᑎᒃᓴᔭᕆᓐᖏᑕᓯ ᐊᕕᓪᓗᓯᐅᒃ.”

ᓂᕼᐃᒤᐊᐅᑉ ᐊᒡᓚᖏᑦ 1:11

ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᐃᓐᖏᕈᑎᑦ 102:17

ᐊᖏᕐᕋᖃᕈᓐᓃᕐᓯᒪᔪᑦ ᑐᒃᓯᐊᕐᓂᖏᑦ ᓵᕝᕕᒋᓂᐊᕐᐰᑦ, ᕿᓄᐊᕆᔭᖏᓪᓗ ᓇᕐᕈᒋᓂᐊᓐᖏᓔᑦ.

ᐃᓐᖏᕈᑎᑦ 106:6

ᐊᔪᕐᑐᓕᓚᐅᕐᐳᒍᑦ ᓯᕗᓕᕆᓚᐅᕐᑕᕗᑦ ᐃᓚᒋᓪᓗᒋᑦ; ᓈᒻᒪᖏᑦᑐᓕᒻᒪᕆᒃᓯᒪᕗᒍᑦ, ᐱᐅᖏᑦᑐᓕᓯᒪᓪᓗᑕᓗ.

ᐃᓐᖏᕈᑎᑦ 130:2

ᐊᑕᓃᖅ, ᓂᐱᒐ ᑐᓴᓚᐅᕈᒃ! ᓯᐅᑏᒃᑭᒃ ᓈᓚᓚᐅᕐᓕᒃ ᕿᓄᓂᕐᒪ ᓂᐱᖓᓂᒃ!

ᐃᓐᖏᕈᑎᑦ 32:5

ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ, ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ. ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,” ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ

ᐃᓐᖏᕈᑎᑦ 34:15

ᐊᑕᓂᐅᑉ ᐃᔨᖏᒃᑕ ᐱᓇᓱᐊᑦᓯᐊᕐᑐᑦ ᑕᑯᓐᓇᕐᐰᑦ, ᓯᐅᑎᖏᒡᓗ ᑐᓵᕗᒃ ᓂᓪᓕᐊᓂᖏᓐᓂᒃ.

ᐃᓐᖏᕈᑎᑦ 55:17

ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.

ᐃᓐᖏᕈᑎᑦ 88:1

ᐊᑕᓃᖅ ᒎᑎᒐ ᐱᐅᓕᔨᒐ, ᐅᓪᓗᒃᑯᑦ ᐃᑲᔪᕐᑕᐅᔪᒪᓪᓗᖓ ᓂᓪᓕᐊᕕᒋᕙᒋᑦ; ᐅᓐᓄᐊᒃᑯᓪᓕ ᐃᓗᖏᕐᑐᕐᓗᖓ ᓂᓪᓕᐊᕗᖓ ᐃᓕᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:7

ᓯᕗᓕᕗᑦ ᐊᔪᕐᑐᓕᓚᐅᕐᒪᑕ, ᐱᑕᖃᕈᓐᓃᕐᐳᑦ, ᐊᔪᕐᑐᓕᓂᖏᓪᓕ ᐊᒃᓱᕈᕐᓇᕐᑐᒦᑦᔪᑎᒋᕙᕗᑦ.

ᑖᓂᐊᓕᐅᑉ ᐊᒡᓚᖏᑦ 9:15

“ᒫᓐᓇᓕ ᐊᑕᓃᖅ, ᐃᓄᖁᑎᖕᓂᒃ ᐊᐅᓪᓚᕐᑎᑦᓯᓚᐅᕐᑐᑎᑦ ᐄᑦᔨᑉᑎᒥᑦ ᐊᒡᒐᕕᑦ ᐱᔪᓐᓇᕐᓂᖓᓄᑦ ᐊᑏᓪᓗ ᓱᖁᓯᕐᓂᐊᖏᒻᒪᑦ ᐅᓪᓗᒥᒧᑦ ᑎᑭᓪᓗᒍ, ᐱᐅᖏᑦᑐᓕᓯᒪᒐᑦᑕ, ᑕᒻᒪᕐᓯᒪᔪᐊᓘᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:20

ᐅᖃᓪᓚᒃᑎᓪᓗᖓ ᑐᒃᓯᐊᕐᑎᓪᓗᖓᓗ, ᖃᕿᐊᓕᕐᑎᓪᓗᖓᓗ ᐊᔪᕐᓂᓐᓂᒃ, ᐃᓅᖃᑎᒪᓗ ᐃᓴᕆᐊᐊᓕᑎᑦ ᐊᔪᕐᓂᖏᓐᓂᒃ, ᕿᓄᑎᓪᓗᖓᓗ ᐊᑕᓂᕐᒧᑦ ᒎᑎᓐᓄᑦ ᖃᖅᑲᖅ ᐃᑦᔪᕐᓁᑦᑐᖅ ᐱᒋᔭᖓ ᐱᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:8

ᐊᑕᓃᖅ, ᐅᕙᒍᑦ ᐊᖓᔪᖅᑳᕐᔪᐊᕗᑦ, ᐊᖓᔪᖅᑳᕗᓪᓗ, ᓯᕗᓕᕕᓂᕗᓪᓗ ᐅᓕᒃᓯᒪᕗᒍᑦ ᑲᓐᖑᓱᖕᓂᕐᒥᒃ, ᐊᔪᕐᑐᓕᓯᒪᒐᑦᑕ ᐃᓕᖕᓄᑦ.

ᓘᑲᓯᐅᑉ ᐊᒡᓚᖏᑦ 18:7

ᒎᑎᐅᓪᓖ ᐃᓄᖁᑎᓂ, ᕿᓄᐃᓐᓇᓕᕐᐸᑕ ᐅᓪᓗᒃᑯᑦ ᐅᓐᓄᐊᑯᓪᓗ ᐃᑲᔪᕐᑕᐅᔪᒪᓗᑎᒃ? ᐱᒋᐊᕐᓇᓵᕋᔭᕐᐹ ᐃᑲᔪᕐᑕᐅᔪᒪᑎᓪᓗᒋᑦ?

ᓘᑲᓯᐅᑉ ᐊᒡᓚᖏᑦ 2:37

ᐅᐃᒡᒐᕐᓂᐅᓕᕐᑐᖅ ᐊᕐᕌᒍᖃᓕᕐᓗᓂ 84ᓂᒃ. ᑖᓐᓇ ᖃᐅᑕᒫᑦ ᑐᒃᓯᐊᕐᕕᒡᔪᐊᕐᒦᖃᑦᑕᓚᐅᕐᐳᖅ ᑐᒃᓯᐊᕐᓗᓂ ᓂᕆᑦᑍᓕᕙᒡᓗᓂᓗ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᑎᒧᑎᒧᑦ ᓯᕗᓪᓖᑦ 5:5

ᐅᐃᒡᒐᕐᓂᕐᓕ ᐃᓄᑐᐊᖑᒃᐸᑦ ᐃᑲᔪᕐᑎᒃᓴᖃᕋᓂ, ᑍᒤᑦᑐᖅ ᒎᑎᒥᑦ ᑭᓯᐊᓂ ᓂᕆᐅᒃᐳᖅ, ᑐᒃᓯᐊᖏᓐᓇᕐᐳᕐᓗ ᐃᑲᔪᕐᑕᐅᔪᒪᓪᓗᓂ ᐅᓐᓄᐊᖑᒐᓗᐊᕐᐸᑦ ᐅᓪᓘᒐᓗᐊᕐᐸᓪᓗ;

ᑎᒧᑎᒧᑦ ᐂᑉᐸᖏᑦ 1:3

ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ.

ᔪᐊᓇᓯ ᓯᕗᓪᓖᑦ 1:9

ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ.

ᓴᒧᐃᓕ ᓯᕗᓪᓖᑦ 15:11

“ᐅᒡᒍᐊᕐᐳᖓ ᓴᐅᓕ ᐊᖓᔪᖅᑳᕐᔪᐊᕈᕐᑎᓚᐅᕋᒃᑯ; ᐅᕙᓐᓂᒃ ᕿᒤᖕᒪᑦ ᒪᓕᒍᓐᓃᕐᓗᓂ, ᐱᖁᔨᑦᔪᑎᒋᔭᒃᑲᓗ ᑲᔪᓯᑎᓚᐅᖏᒻᒪᒋᑦ.” ᑕᒪᓐᓇ ᓴᒧᐃᓕᐅᑉ ᓂᓐᖓᒍᑎᒋᕚ; ᐊᑕᓂᕐᒧᓪᓗ ᕿᓄᓪᓗᓂ ᕿᐊᕗᖅ ᐅᓐᓄᐊᓕᒫᖅ.