ᓂᕼᐃᒤᐊᐅᑉ ᐊᒡᓚᖏᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᕐᐳᖓ. ᐅᓪᓗᓂᒃ ᐅᓄᕐᑐᓂᒃ ᕿᒃᓵᕕᒡᔪᐊᕈᑎᒋᓚᐅᕐᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 1:4 Iomraidhean Croise

ᓴᒧᐃᓕ ᐂᑉᐸᖏᑦ 12:16

ᑍᕕᑎᓕ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ ᓄᑕᕋᖅ ᐋᖅᑭᒃᑕᐅᖁᓪᓗᒍ; ᓂᕆᑦᑍᓕᓚᐅᕐᐳᕐᓗ, ᐅᓐᓄᑕᒫᑦ ᐃᒡᓗᕈᓯᕐᒥᓄᐊᖃᑦᑕᓚᐅᕐᐳᖅ ᐅᓐᓄᐊᓕᒫᕐᓗ ᓇᑎᕐᒥ ᓇᓚᖃᑦᑕᕐᓗᓂ.

ᐊᑕᓃᑦ ᐂᑉᐸᖏᑦ 22:19

ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᑯᕉᓂᑲ ᐂᑉᐸᖏᑦ 6:13

ᓲᓗᒨᓂ ᓴᓇᓯᒪᓚᐅᕐᐳᖅ ᓇᑎᕐᒥᑦ ᖁᕝᕙᓯᖕᓂᕐᓴᒥᒃ ᐃᓄᐃᑦ ᓯᕗᕌᓃᕝᕕᖕᒥᒃ ᑲᓐᓄᔧᓐᓇᐅᓪᓗᒍ ᓴᓂᒧᖃᕐᑐᒥᒃ ᓯᑕᒪᐅᔪᕐᑐᓂᒃ ᐃᑎᒐᖕᓂᒃ ᑐᑭᒧᖃᕆᓪᓗᓂ ᓯᑕᒪᐅᔪᕐᑐᓂᒃ, ᐳᕐᑐᓂᖃᕐᓗᓂᓗ ᑕᓪᓕᒪᓂᒃ ᐃᑎᒐᖕᓂᒃ, ᐃᓕᓯᒪᓚᐅᕐᐹᓗ ᐃᒡᓘᑉ ᐱᕕᑐᓂᐊᑕ ᕿᑎᖓᓄᑦ, ᑕᕝᕗᖓᓗ ᒪᔪᕐᐳᖅ. ᓰᖅᑯᕐᓗᓂᓗ ᐃᓴᕆᐊᓕᒥᐅᑦ ᑲᑎᒪᔪᑦ ᓵᖓᓂ, ᑕᓖᖕᓂᓗ ᐃᓵᒃᐰᒃ ᕿᓚᖕᒧᑦ;

ᐄᓱᕋᐅᑉ ᐊᒡᓚᖏᑦ 1:2

“ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᐄᓱᕋᐅᑉ ᐊᒡᓚᖏᑦ 10:1

ᐄᓱᕋ ᐅᑯᖓᓪᓗᓂ ᑐᒃᓯᐊᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᓯᕗᕌᓂ, ᕿᐊᓪᓗᓂᓗ ᖃᕿᐊᓕᕐᓗᓂᓗ ᑖᒃᑯᐊ ᐊᔪᕐᑐᓕᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᐅᓄᕐᑐᒻᒪᕆᐊᓗᐃᑦ ᐊᖑᑏᑦ, ᐊᕐᓁᓪᓗ, ᓱᕈᓰᓪᓗ ᑲᑎᕙᓪᓕᐊᓕᕐᐳᑦ ᑖᑦᓱᒧᖓ ᐃᓚᓕᐅᑎᕙᓪᓕᐊᓪᓗᑎᒃ; ᐊᒃᓱᐊᓗᒃ ᕿᐊᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 9:3

ᑕᒪᑐᒥᖓ ᑐᓴᕋᒪ, ᕿᒃᓵᖕᓂᕐᒧᑦ ᐊᓐᓄᕌᒃᑲ ᐊᓕᓚᐅᕐᐸᒃᑲ, ᓄᔮᕐᑐᓚᐅᕐᐳᖓ ᐅᒥᒃᑲᓗ ᓄᓱᓚᐅᕐᐸᒃᑲ, ᐃᖏᓪᓗᖓᓗ ᓯᖁᒥᑦᓯᐊᓚᐅᕐᐳᖓ ᕿᒃᓵᖕᓂᕐᒧᑦ.

ᐄᓱᕋᐅᑉ ᐊᒡᓚᖏᑦ 9:5

ᐅᓐᓄᒃᑯᑦ ᑐᓂᕐᕈᓯᕐᓂᖅ ᓇᓪᓕᐅᑎᖕᒪᑦ, ᒪᑭᓚᐅᕐᐳᖓ ᕿᒃᓵᒡᕕᒋᔭᓐᓂᑦ, ᓱᓕ ᐊᓐᓄᕌᑦ ᐊᓕᒃᑐᓚᐅᕐᑕᒃᑲ ᐊᑐᕐᓗᒋᑦ, ᓰᖅᑯᓚᐅᕐᐳᖓ ᑐᒃᓯᐊᕐᓗᖓ ᐊᒡᒐᒃᑲᓗ ᐃᓵᓚᐅᕐᐸᒃᑲ ᐊᑕᓂᕐᒧᑦ ᒎᑎᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 2:20

ᑕᕝᕙ ᑭᐅᓚᐅᕐᐸᒃᑲ, “ᒎᑎᐅᑉ ᕿᓚᖕᒦᑦᑑᑉ ᐱᕙᓪᓕᐊᑎᓐᓂᐊᕐᐹᑎᒍᑦ, ᐅᕙᒍᑦ ᑖᑦᓱᒧᖓ ᐱᔨᐅᔪᒍᑦ ᒪᑭᓪᓗᑕ ᓴᓇᒋᐊᕐᓂᐊᓕᕐᐳᒍᑦ; ᐃᓕᑦᓯᓕ ᐱᖃᖃᑕᐅᓂᐊᓐᖏᓚᓯ ᐃᓚᒋᔭᐅᓂᐊᓐᖏᓚᓯᓘᓐᓃᑦ ᐃᖅᑲᐅᒪᔭᐅᑦᔪᑎᒃᓴᖃᕐᓂᐊᓐᖏᓚᓯᓘᓐᓃᑦ ᔨᕉᓴᓕᒥ.”

ᓂᕼᐃᒤᐊᐅᑉ ᐊᒡᓚᖏᑦ 2:4

ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᓕᕐᐳᖅ, “ᓱᓇᒦᒃ ᐱᔪᒪᒐᕕᑦ?” ᑕᕝᕙ ᒎᑎᒧᑦ ᕿᓚᖕᒦᑦᑐᒧᑦ ᑐᒃᓯᐊᕐᐳᖓ,

ᐃᓐᖏᕈᑎᑦ 102:15

ᑕᕝᕙ ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᑎᖓᓂᒃ ᓯᕘᕋᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓄᓇᒦᑦᑐᓕᒫᑦ ᐃᓕᖕᓂᒃ ᓂᕐᑐᕐᓇᕐᑎᑦᓯᔪᒫᕐᐳᑦ;

ᐃᓐᖏᕈᑎᑦ 136:26

ᕿᓚᐅᑉ ᒎᑎᖓ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 137:1

ᐹᐱᓘᓂᐅᑉ ᑰᖓᓂ, ᐃᒃᓯᕙᕗᒍᑦ, ᐄᓛᒃ, ᕿᐊᕗᒍᑦ, ᓮᐅᓂ ᐃᖅᑲᐅᒪᓕᕋᑦᑎᒍ.

ᑖᓂᐊᓕᐅᑉ ᐊᒡᓚᖏᑦ 10:2

ᑍᑦᓱᒪᓂ ᐅᕙᖓ ᑖᓂᐊᓕ, ᐃᓔᓕᕿᔪᑎᑐᑦ ᕿᒃᓵᓚᐅᕐᐳᖓ ᐱᓇᓱᐊᕈᓯᕐᓂᒃ ᐱᖓᓱᓂᒃ.

ᑖᓂᐊᓕᐅᑉ ᐊᒡᓚᖏᑦ 2:18

ᑖᒃᑯᐊ ᒎᑎᒧᑦ ᕿᓚᖕᒦᑦᑐᒧᑦ ᓂᑲᒋᔭᐅᔪᒪᓪᓗᑎᒃ ᑐᒃᓯᐊᖁᕔᑦ ᑕᒪᓐᓇ ᓇᓗᓇᕐᑐᖅ ᐱᑦᔪᑎᒋᓪᓗᒍ; ᑖᓂᐊᓕ ᐃᓚᓐᓇᕆᔭᓂᓗ ᑐᖁᑕᐅᖃᑕᐅᔪᒪᓇᑎᒃ ᐹᐱᓘᓂᒥᐅᑦ ᓯᓚᑐᔪᖁᑎᓕᒫᖏᑦ ᐃᓚᒋᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᔫᓇᐅᑉ ᐊᒡᓚᖏᑦ 1:9

ᐅᖃᐅᑎᕔᓪᓗ: “ᐄᑉᕈᐃᖑᕗᖓ, ᓯᕘᕋᒋᕙᕋ ᐊᑕᓂᖅ ᕿᓚᐅᑉ ᒎᑎᖓ ᐃᒪᕐᒥᒃ ᓄᓇᒥᒡᓗ ᐱᓐᖑᑎᑦᓯᓯᒪᔪᖅ.”

ᔨᐸᓁᐊᐅᑉ ᐊᒡᓚᖏᑦ 3:18

ᕿᒃᓵᖕᓇᕐᑐᑦ ᓇᓪᓕᐅᕐᓂᕐᓯᐅᕐᓃᑦ ᐲᕐᑎᓐᓂᐊᕐᐸᒃᑲ, ᓯᕘᕋᓵᕈᑎᒋᔭᒃᑲ ᐲᕐᑎᓐᓂᐊᕐᐸᒃᑲ.

ᕉᒪᒥᐅᓄᑦ 12:15

ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.