ᓂᕼᐃᒤᐊᐅᑉ ᐊᒡᓚᖏᑦ 1:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 1:11 Iomraidhean Croise

ᒨᓯᓯ ᓯᕗᓪᓖᑦ 24:42

“ᐅᓪᓗᒥᓕ ᐃᒥᕐᑕᕐᕕᖕᒧᐊᕋᒪ, ᐅᖃᖅᑲᐅᕗᖓ, ‘ᐊᑕᓃᖅ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᐱᓇᓱᐊᕐᑕᓐᓂᒃ ᐊᖅᑯᒻᒥ ᑕᓯᐅᕐᓂᕈᕕᖓ.

ᒨᓯᓯ ᓯᕗᓪᓖᑦ 32:11

ᐃᓕᖕᓄᑦ ᑐᒃᓯᐊᕐᐳᖓ, ᓴᐳᑎᔭᐅᔪᒪᓪᓗᖓ, ᐊᖓᔪᓐᓂᑦ ᐄᓴᒥᑦ, ᑲᑉᐱᐊᒋᒐᒃᑯ, ᑲᑉᐱᐊᓱᒃᑲᒪ ᑎᑭᑉᐸᑦ ᐅᕙᓐᓂᒃ ᑐᖁᑦᓯᓂᐊᕋᓱᒋᓪᓗᒍ ᐊᓈᓇᐅᔪᓂᒃ ᕿᑐᕐᖓᖏᓐᓂᒡᓗ.

ᒨᓯᓯ ᓯᕗᓪᓖᑦ 32:28

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᒨᓯᓯ ᓯᕗᓪᓖᑦ 40:1

ᑕᒪᑐᒪᓕ ᑭᖑᓂᖓᒍᑦ, ᐄᑦᔨᑉᑎᐅᑉ ᐊᖓᔪᖅᑳᕐᔪᐊᖓᑕ ᐃᒥᕐᓂᐊᕐᑕᖓᓂᒃ ᐊᑐᐃᓐᓇᕈᐃᔨᐅᑉ ᓂᐊᖂᔭᓕᐅᕐᑎᖁᑎᖓᑕᓗ ᐊᖓᔪᖅᑳᑎᒃ ᓂᓐᖓᒃᑎᓚᐅᕐᐹᑦ ᐄᑦᔨᑉᑎᐅᑉ ᐊᖓᔪᖅᑳᕐᔪᐊᖓ.

ᒨᓯᓯ ᓯᕗᓪᓖᑦ 40:2

ᐰᕉᓗ ᓂᓐᖓᐅᑦᔨᓚᐅᕐᐳᖅ ᐊᖓᔪᖅᑳᖁᑎᒥᓂᒃ ᒪᕐᕉᖕᓂᒃ, ᐃᒥᕐᓂᐊᕐᑕᖏᓐᓄᑦ ᑲᒪᔨᐅᑉ ᐊᖓᔪᖅᑳᖓᓐᓂᒃ ᓂᐊᖂᔭᓕᐅᕐᑏᓪᓗ ᐊᖓᔪᖅᑳᖓᓐᓂᒃ,

ᒨᓯᓯ ᓯᕗᓪᓖᑦ 40:21

ᐃᒥᕐᑎᑦᓯᔩᓪᓗ ᑲᒪᔨᖓᑦ ᐅᑎᕐᑎᑉᐹ ᐃᒥᕐᑎᑦᓯᔨᓄᑦ ᑲᒪᔨᐅᓂᕐᒧᑦ, ᐰᕉᑉ ᐃᒥᕐᓂᐊᕐᑕᖓᓂᒃ ᑐᓂᓯᖃᑦᑕᖁᓪᓗᒍ ᑖᑦᓱᒧᖓ;

ᒨᓯᓯ ᓯᕗᓪᓖᑦ 40:23

ᐃᒥᕐᑎᑦᓯᔩᓪᓕ ᑲᒪᔨᖓᑕ ᔫᓯᐱ ᐃᖅᑲᐅᒪᓚᐅᓐᖏᓛ, ᐳᐃᒍᑦᓯᐊᕐᓗᒍᓗ.

ᒨᓯᓯ ᓯᕗᓪᓖᑦ 41:9

ᑕᕝᕙ ᐃᒥᕐᓂᐊᕐᑕᖏᓐᓂᒃ ᑲᒪᔨᖓ ᐰᕉᒧᑦ ᐅᖃᕐᐳᖅ, “ᐅᓪᓗᒥ ᐃᖅᑬᕗᖓ ᓈᒻᒪᖏᑦᑐᓕᓂᕆᓯᒪᔭᓐᓂᒃ.

ᒨᓯᓯ ᓯᕗᓪᓖᑦ 43:14

ᒎᑎᐅᑉ ᐊᔪᒐᖃᖏᑦᑑᑉ ᓂᑲᒋᔭᐅᔪᓐᓇᕐᑎᓪᓕᓯ ᑖᑦᓱᒧᖓ ᐊᖑᒻᒧᑦ, ᐅᑎᕈᓐᓇᖁᓪᓗᓯ ᖃᑕᓐᖑᑎᓯ ᐃᓚᒋᓕᕐᓗᒍ ᐱᓐᔭᒥᓂᓗ. ᐅᕙᖓᓕ ᕿᑐᕐᖓᓐᓄᑦ ᕿᒃᓵᒃᑎᑕᐅᔭᕆᐊᖃᕈᒪ, ᑕᕝᕙ ᕿᒃᓵᖕᓂᐊᕐᐳᖓ.”

ᑯᕉᓂᑲ ᐂᑉᐸᖏᑦ 6:40

“ᒫᓐᓇᓕ ᒎᑎᒐ, ᐃᔩᒃᑭᒃ ᐅᐃᒃᑭᑦ ᓯᐅᑏᒃᑭᒡᓗ ᐊᖕᒪᕐᓕᒃ ᑐᒃᓯᐊᕐᓂᕐᓂᒃ ᐅᕙᓂ ᑐᒃᓯᐊᕐᓂᕆᔭᐅᔪᓄᑦ.

ᐄᓱᕋᐅᑉ ᐊᒡᓚᖏᑦ 1:1

ᓮᕋᓯ ᓯᕗᓪᓕᕐᐹᒥ ᐊᕐᕌᒍᒥ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕐᑎᒥᒍᑦ ᔨᕆᒤᐊᒃᑯᑦ ᓇᓚᐅᑦᓯᓚᐅᕐᐳᖅ, ᓮᕋᓯ ᐊᑕᓂᐅᑉ ᐃᓱᒪᑎᓚᐅᕐᐹ ᐱᓇᓱᐊᖁᓪᓗᒍ ᑎᓕᓯᖁᓪᓗᒍᓗ ᑎᑎᕋᕐᓯᒪᔪᑎᒍᑦ ᐅᖃᓕᒫᕐᑕᐅᖁᓪᓗᒋᓪᓗ ᓂᐱᖃᕐᓗᑎᒃ ᓄᓇᓂ ᐊᖓᔪᖅᑲᐅᕕᒋᔭᓕᒫᒥᓂ ᐃᒫᒃ:

ᐄᓱᕋᐅᑉ ᐊᒡᓚᖏᑦ 7:6

ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᓂᕼᐃᒤᐊᐅᑉ ᐊᒡᓚᖏᑦ 1:6

ᓯᐅᑏᒃᑭᒃ ᑐᓵᓚᐅᕐᓕᒃ, ᐃᔩᒃᑭᒡᓗ ᐅᐃᑕᓗᑎᒃ, ᑐᓴᕈᓐᓇᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂ ᒫᓐᓇ ᐃᓕᖕᓄᑦ ᑐᒃᓯᐊᕈᑎᒋᔭᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐱᔨᑎᑦ ᐃᓴᕆᐊᓕᑎᑦ ᐱᓪᓗᒋᑦ, ᐃᓕᖕᓄᑦ ᐊᔪᕐᑐᓕᓯᒪᒐᑦᑕ ᖃᕿᐊᓕᕐᐳᒍᑦ, ᐅᕙᖓᓗ ᐊᑖᑕᒪᓗ ᐃᒡᓗᒥᐅᖃᑎᖏᑦ ᐊᔪᕐᑐᓕᓯᒪᖓᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 2:1

ᐅᓪᓗᐃᑦ ᐃᓚᖓᓐᓂ ᑕᖅᑭᒥ ᓃᓴᓂᒥ, ᑕᖅᑮᑦ ᓯᑕᒪᑦ ᓈᓯᒪᓕᕐᑎᓪᓗᒋᑦ, ᐊᖓᔪᖅᑳᕐᔪᐊᑉ ᐋᕐᑕᔮᒃᓯᐅᑉ ᐊᖓᔪᖅᑳᖑᓂᖓᑕ 20ᒋᓕᕐᑕᖓᓂ, ᕔᓂᒥᒃ ᑖᑦᓱᒧᖓ ᐊᑐᐃᓐᓇᕈᐃᔪᖃᕐᒪᑦ, ᐊᖓᔪᖅᑳᕐᔪᐊᕐᒧᑦ ᑐᓂᓯᓚᐅᕐᐳᖓ. ᑕᒪᑐᒪᓕ ᓯᕗᓂᖓᒍᑦ ᑖᑦᓱᒧᓐᖓᕌᖓᒪ ᕿᒃᓵᒃᐸᓚᐅᓐᖏᓚᖓ.

ᓂᕼᐃᒤᐊᐅᑉ ᐊᒡᓚᖏᑦ 2:8

ᐊᓴᐸᒧᓪᓗ ᑎᑎᕋᖁᒋᕙᒋᑦ, ᐊᖓᔪᖅᑳᕐᔪᐊᑉ ᓇᐹᕐᑐᓕᕆᔨᖁᑎᖓᓄᑦ, ᑖᑦᓱᒧᖓ ᕿᔪᖕᓂᒃ ᐃᑎᕐᑕᕐᕕᐅᑉ ᓴᐅᓂᒃᓴᖏᓐᓂᒃ ᑐᓂᓯᕕᐅᔪᓐᓇᖁᓪᓗᖓ ᑐᒃᓯᐊᕐᕕᒃᔪᐊᑉ ᐊᕙᓗᕐᔪᐊᖓᑕ ᑲᒪᔨᖃᕐᕕᒃᓴᖏᓐᓄᑦ, ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᓴᐅᓂᒃᓴᖏᓐᓂᒃ, ᐃᒡᓗᒋᒐᔭᕐᑕᒪᓗ ᓴᐅᓂᒃᓴᖏᓐᓂᒃ.” ᐊᖓᔪᖅᑳᕐᔪᐊᓪᓗ ᐱᔪᒪᔭᓐᓂᒃ ᑐᓂᓯᕕᒋᓚᐅᕐᐹᖓ, ᒎᑎᒪ ᐱᔪᓐᓇᕐᓂᖓᑕ ᓇᔪᓚᐅᕐᒪᖓ.

ᐃᓐᖏᕈᑎᑦ 106:46

ᓂᑲᒋᔭᐅᓕᕐᑎᓚᐅᕐᐰᓪᓗ ᑕᒤᓐᓄᑦ ᓵᓚᐅᓪᓗᑎᒃ ᐊᐅᓪᓚᕈᑦᔨᔨᒋᓚᐅᕐᑕᖏᓐᓄᑦ.

ᐃᓐᖏᕈᑎᑦ 130:2

ᐊᑕᓃᖅ, ᓂᐱᒐ ᑐᓴᓚᐅᕈᒃ! ᓯᐅᑏᒃᑭᒃ ᓈᓚᓚᐅᕐᓕᒃ ᕿᓄᓂᕐᒪ ᓂᐱᖓᓂᒃ!

ᐃᓐᖏᕈᑎᑦ 61:5

ᒎᑏ, ᐊᖏᒻᒪᕆᒍᑎᒋᓯᒪᔭᒃᑲ ᑐᓴᕋᕕᒋᑦ, ᑐᓂᓯᕕᒋᒐᕕᖓ ᐊᑎᕐᓂᒃ ᓯᕘᕋᔪᑦ ᐱᔭᒃᓴᖏᓐᓂᒃ.

ᐃᓐᖏᕈᑎᑦ 86:6

ᐊᑕᓃᖅ ᑐᒃᓯᐊᕐᓂᕋ ᑐᓴᓚᐅᕈᒃ; ᕿᓄᑦᔪᑎᒋᔭᒃᑲᓗ ᐊᐅᓚᑦᔭᒋᐊᕈᑎᒋᓚᐅᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:29

ᑐᑭᓯᐅᒪᓂᖅ ᓇᕐᕈᒋᓚᐅᕐᒪᑦᔪᒃ ᐊᑕᓂᕐᒥᒡᓗ ᐃᓕᕋᓱᒍᒪᓚᐅᕋᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.

ᔨᕆᒤᐊᐅᑉ ᐊᒡᓚᖏᑦ 42:12

ᓂᑲᒍᓱᒃᑎᐅᒐᒪ, ᓂᑲᒍᓱᒃᑎᓐᓂᐊᕆᕙᕋ ᐃᓕᑦᓯᓐᓂᒃ ᓄᓇᑦᓯᓐᓄᑦ ᐅᑎᕐᑎᑦᓱᒫᕐᐸᑦᓯ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᐄᑉᕈᐃᓄᑦ 13:18

ᑐᒃᓯᐅᑎᑎᒍᑦ, ᖁᓚᖏᓐᓇᑦᑕ ᐸᓯᔭᒃᓴᐅᖏᑦᑐᒥᒃ ᐃᓱᒪᖃᕐᓂᑦᑎᓐᓂᒃ, ᑕᒤᑎᒍᓪᓗ ᐅᐱᓐᓇᕐᑐᒥᒃ ᐱᓇᓱᐊᕈᒪᓪᓗᑕ.