ᓇᕼᐅᒥᐅᑉ ᐊᒡᓚᖏᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓇᕐᕈᓇᕐᓯᑎᑦᓱᒫᕐᐸᒋᑦ ᓇᖁᔭᕐᓇᕐᓯᑎᓪᓗᑎᓪᓗ, ᑕᑯᔭᒐᓐᖑᕐᑎᑦᓱᒫᕐᐸᒋᑦ, ᐃᓕᖕᓂᒡᓗ ᑕᑯᔪᑦ ᑕᑕᒥᑦᓱᒫᕐᐳᑦ.

ᓇᕼᐅᒥᐅᑉ ᐊᒡᓚᖏᑦ 3:6 Iomraidhean Croise

ᔫᐱᐅᑉ ᐊᒡᓚᖏᑦ 30:19

ᑖᑦᓱᒪ ᒪᕐᕋᕐᒧᑦ ᐃᒋᓯᒪᕚᖓ, ᒪᕐᕋᕐᑎᑐᓪᓗ ᑍᒤᓕᕐᐳᖓ ᐊᕐᔭᓕᓂᕐᑎᑐᓪᓗ.

ᔫᐱᐅᑉ ᐊᒡᓚᖏᑦ 30:8

ᓱᓇᐅᖏᑦᓯᐊᓚᐅᕐᐳᑦ ᓇᕐᕈᒋᔭᐅᔪᓪᓗ ᕿᑐᕐᖓᕆᕔᑦ, ᓄᓇᓕᖕᓂ ᓄᓇᖃᖁᔭᐅᔪᓐᓁᕐᓗᑎᒃ ᐊᐅᓪᓚᕐᑎᑕᐅᓚᐅᕐᐳᑦ.

ᔫᐱᐅᑉ ᐊᒡᓚᖏᑦ 9:31

ᓱᓕ ᐃᒋᒐᔭᕐᐸᕐᒪ ᐃᑎᕐᓴᒧᑦ ᓴᓗᒪᖏᑦᑐᒧᑦ, ᐊᓐᓄᕌᒃᑲᓗ ᐊᒡᓛᑦ ᐅᕙᓐᓂᒃ ᑲᓐᖑᓲᑦᔨᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:37

ᐹᐱᓘᓂᒥᐅᑦ ᖃᑦᑎᒃᓯᓯᒪᓕᕈᒫᕐᐳᑦ ᓄᓇᓕᕕᓂᑐᐃᓐᓇᐅᓕᕈᑎᒃ, ᑎᕆᒐᓂᐊᖓᔪᓄᑦ ᐃᓂᐅᓕᕐᓂᐊᕐᐳᖅ ᑕᑯᒥᓁᑦᑐᕐᔪᐊᖑᔪᒫᕐᐳᖅ, ᐃᓄᖃᖏᓪᓗᓂᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:16

ᑮᓇᕋ ᓄᓇᒧᑦ ᐊᐳᕐᑕᕐᑎᒻᒪᒍ ᑭᒍᑎᒃᑲ ᓱᕋᒃᑎᕐᐳᑦ ᐅᔭᖅᑲᓄᑦ, ᑐᓪᓕᕋᕐᓗᓂᖓᓗ ᐊᕐᔭᓕᓂᕐᓃᑎᑉᐹᖓ.

ᐃᓯᑭᐊᓕᐅᑉ ᐊᒡᓚᖏᑦ 16:37

ᑍᒤᒻᒪᑦ ᑕᑯᒋᑦ, ᑍᒤᑦᑐᒥᒃ ᐃᓕᖅᑯᓯᖃᕐᓂᑦᓯᓐᓄᑦ ᐅᖓᒋᔭᕐᑖᕆᖃᑦᑕᕐᑕᓯ ᑲᑎᕐᓱᕈᒫᕐᐸᒃᑲ, ᐊᓕᐊᓁᒋᖃᑦᑕᕐᓯᒪᔭᓯ, ᐱᐅᒋᖃᑦᑕᕐᓯᒪᔭᓯ ᓇᕐᕈᒋᖃᑦᑕᕐᓯᒪᔭᓯᓗ; ᑲᑎᕐᓱᕈᒫᕐᐸᒃᑲ ᐃᓕᑦᓯᓐᓂᒃ ᐊᑭᕋᕐᑐᓕᖁᓪᓗᒋᑦ ᐊᕙᑎᓕᒫᑦᓯᓐᓂᑦ ᐃᓗᒪᔭᐅᓕᕐᓗᓯ, ᑖᒃᑯᓇᓐᖓᓪᓗ ᐊᓐᓄᕅᔭᕐᑕᐅᔪᒫᕐᐳᓯ ᓱᓇᑕᖃᕈᓐᓃᕐᓗᓯ, ᑕᑯᔭᐅᖁᓪᓗᓯ.

ᓇᕼᐅᒥᐅᑉ ᐊᒡᓚᖏᑦ 1:14

ᐊᑕᓂᖅ ᐱᖁᔭᓕᐅᓚᐅᕐᐳᖅ ᐊᑭᕋᑦᓯᓐᓄᑦ: “ᑭᖑᕚᒃᓴᖃᕐᓂᐊᕈᓐᓁᕐᐳᓯ; ᒎᑎᓯᓗ ᑐᒃᓯᐊᕐᕕᑦᓯᓐᓃᑦᑐᑦ ᓴᓇᓐᖑᐊᕐᓯᒪᔪᑦ ᖄᐹᓕᕐᓯᒪᔪᓪᓗ ᓴᕕᕋᔭᖕᒥᒃ ᓄᖑᑎᓐᓂᐊᕐᐸᒃᑲ. ᒫᓐᓇ ᐃᑎᕐᓴᓕᐅᕆᓕᕐᐳᖓ ᐃᓗᕕᕐᕕᒃᓴᑦᓯᓐᓂᒃ ᐊᑑᑎᖃᕈᓐᓃᕋᑦᓯ.”

ᕼᐊᐸᑲᐅᑉ ᐊᒡᓚᖏᑦ 2:16

ᐃᕝᕕᖔᕐᓕ ᑲᓐᖑᓱᒃᑎᑕᐅᓂᕐᒥᒃ ᐃᓗᔭᐅᓂᐊᕐᐳᑎᑦ ᐅᐱᒋᔭᐅᓂᕐᒥᒃ ᐱᖏᓪᓗᑎᑦ! ᐃᒥᕐᑎᑕᐅᖔᕐᓂᐊᕐᐳᑎᑦ ᐋᖓᔮᕐᑎᑕᐅᓗᑎᑦ, ᐊᑕᓂᐅᑉ ᓇᖕᒥᓂᖅ ᐃᒥᐅᑎᒥᓂᑦ ᐃᒥᕐᑎᓐᓂᐊᕐᒪᑎᑦ ᓱᒋᐊᕐᑕᐅᑦᔪᑎᖕᓂᒃ, ᐅᐱᒋᔭᐅᓂᕆᔧᓪᓗ ᒧᒥᖕᓂᐊᕐᐳᖅ ᑲᓐᖑᓱᒃᑎᑕᐅᓂᕐᒧᑦ.

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᒪᓚᑬᑉ ᐊᒡᓚᖏᑦ 2:2

ᑐᓴᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᓪᓗ ᐱᔪᒥᒃ ᐊᑎᕋ ᐱᓐᓇᕐᓇᕐᓯᑎᓐᓂᐊᖏᒃᑯᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᕝᕙ ᓱᒋᐊᕐᑕᐅᓂᕐᒧᑦ ᑎᑭᑕᐅᑎᑦᓱᒫᕐᐸᑦᓯ, ᓮᒻᒪᕐᑕᐅᓂᒃᓴᓯᓗ ᓱᒋᐊᕐᑕᐅᓂᓐᖑᕐᑎᓪᓗᒋᑦ; ᐃᓛᒃ ᓱᒋᐊᕐᓯᒪᓕᕇᕐᐸᒃᑲ, ᐆᒻᒪᑎᑦᓯᓐᓂ ᐃᓂᖃᕐᑎᖏᓐᓇᑦᓯᐅᒃ.

ᒪᓚᑬᑉ ᐊᒡᓚᖏᑦ 2:3

ᑕᑯᒋᑦ, ᑭᖑᕚᒃᓴᓯ ᐃᓂᕐᑎᕈᒫᕐᐸᒃᑲ, ᑮᓇᓯᓗ ᐊᓇᕐᒥᒃ ᒥᖑᐊᕐᓗᒋᑦ, ᑐᓂᕐᕈᑎᓯ ᐊᓇᖏᓐᓂᒃ, ᐊᓂᑎᓪᓗᓯᓗ ᓇᔪᒐᓐᓂᑦ.

ᒪᓚᑬᑉ ᐊᒡᓚᖏᑦ 2:9

ᑍᒤᒻᒪᑦ ᓇᕐᕈᒋᔭᐅᓕᕐᑎᑉᐸᑦᓯ ᐃᓕᕋᒃᑯᓐᓇᕐᓯᑎᓪᓗᓯᓗ ᐃᓄᐃᑦ ᓯᕗᕌᓂ, ᐊᖅᑯᑎᒋᔭᐅᖁᔭᒃᑲ ᐊᑐᓚᐅᖏᓐᓇᑦᓯᐅᒃ ᐱᖁᔧᓪᓗ ᐃᓔᓐᓇᖏᓐᓂᒃ ᐊᔪᕆᕐᑐᐃᓚᐅᕋᑦᓯ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:13

ᐅᖃᕐᓂᕐᓗᒡᕕᐅᔭᕌᖓᑦᑕ, ᐱᑦᓯᐊᕐᓂᕐᒥᒃ ᑭᐅᕙᒃᐳᒍᑦ; ᒫᓐᓇᒧᑦ ᐊᒡᓛᑦ ᑎᑭᓪᓗᑕ ᓯᓚᕐᔪᐊᕐᒥᐅᑦ ᐊᒃᑕᕐᓗᑯᖏᑎᑐᑦ ᑍᒤᑉᐳᒍᑦ; ᓇᖁᔭᕐᓇᕐᑐᑎᑐᑦ ᐱᐅᖏᓐᓂᕐᐹᑎᑐᑦ ᐃᓄᓕᒫᓄᑦ ᑍᒤᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:9

ᐅᕙᓐᓄᓪᓕ ᐃᓱᒪᓇᕐᑑᕗᖅ ᒎᑎᐅᑉ ᐋᐴᓯᑕᓕᐅᔪᒍᑦ ᐃᓄᖕᓂᑦ ᑭᖑᓪᓕᕐᐹᒦᑦᑐᑎᑐᑦ ᐃᓂᖃᕐᑎᒻᒪᑎᒍᑦ, ᓲᕐᓗ ᑐᖁᑕᐅᕕᒋᓂᐊᕐᑕᑦᑎᓐᓄᑦ ᐂᑎᑕᐅᔪᑎᑐᑦ; ᓯᓚᕐᔪᐊᕐᒥᐅᓕᒫᓄᑦ ᑕᑯᕋᓐᓈᕐᑕᐅᖁᓪᓗᑕ, ᐂᖏᓕᓄᑦ ᐃᓄᖕᓄᓪᓗ.

ᐄᑉᕈᐃᓄᑦ 10:33

ᐃᓚᖓᒍᑦ ᑲᑎᒪᔪᓂ ᒥᑕᐅᑎᒋᔭᐅᖃᑦᑕᓚᐅᕋᑦᓯ ᐱᑦᓯᐊᕐᑕᐅᓇᓯᓗ, ᐃᓛᓯᒍᓪᓗ ᐃᓚᐅᓚᐅᕋᑦᓯ ᑍᒤᑦᑐᑎᒍᑦ ᐊᒃᓱᕈᕐᑎᑕᐅᔪᓄᑦ.

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.