ᓇᕼᐅᒥᐅᑉ ᐊᒡᓚᖏᑦ 3:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᐰᕐᓯᔨᖁᑎᑎᑦ ᓯᓂᒃᐳᑦ, ᐊᖓᔪᖅᑳᖁᑎᑎᑦ ᓯᓐᓇᕆᒃᐳᑦ. ᐃᓄᖁᑎᑎᓪᓗ ᖃᖅᑲᓂ ᓇᓂᑐᐃᓐᓇᖅ ᓯᐊᒻᒪᕐᓯᒪᕗᑦ, ᑭᓇᒧᓪᓘᓐᓃᑦ ᑲᑎᕐᓱᕐᑕᐅᔪᓐᓇᕋᑎᒃ.

ᓇᕼᐅᒥᐅᑉ ᐊᒡᓚᖏᑦ 3:18 Iomraidhean Croise

ᐊᑕᓃᑦ ᓯᕗᓪᓖᑦ 22:17

ᐅᖃᐅᑎᕚ, “ᐃᓴᕆᐊᓕᒥᐅᓕᒫᑦ ᑕᑯᕙᒃᑲ ᐊᕕᒃᑐᕐᓯᒪᑎᓪᓗᒋᑦ ᖃᖅᑲᐅ ᖄᖏᓐᓂ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ; ᐊᑕᓂᕐᓗ ᐅᖃᕐᐳᖅ, ‘ᐅᑯᐊ ᐊᖓᔪᖅᑳᖃᖏᑦᑐᑦ; ᐊᑐᓂᑦ ᐊᖏᕐᕋᒥᖕᓄᑦ ᐊᖏᕐᕋᐅᓕᕐᓕᑦ ᐅᓇᑕᕈᓐᓃᕐᓗᑎᒃ.’”

ᔨᕆᒤᐊᐅᑉ ᐊᒡᓚᖏᑦ 51:57

ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ ᐋᖓᔮᓕᕐᑎᓐᓂᐊᕐᐸᒃᑲ, ᐊᐅᓚᑦᓯᔨᖏᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐱᖃᓯᐅᑎᓗᒋᑦ, ᓯᓂᓕᕈᑎᒃ ᑐᐸᒍᒫᓐᖏᓚᑦ; ᐊᖓᔪᖅᑳᖑᓂᕐᐹᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ ᑕᒪᑐᒥᖓ, ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:18

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: ᑕᑯᒋᑦ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓ ᓱᒋᐊᕐᓂᐊᕐᐸᕋ ᓄᓇᖁᑎᖓᓗ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 13:14

“ᕿᒫᔪᒫᕐᐳᑦ ᒐᔨᐊᓕᑎᑐᑦ ᐆᒪᔪᕐᓯᐅᕐᑐᒥᑦ ᕿᒫᔪᑎᑐᑦ, ᓰᐱᑎᑐᓪᓗ ᐰᕐᓯᔨᖃᖏᑦᑐᑎᑐᑦ; ᐃᓄᓕᒫᑦ ᓵᓐᖓᓕᕈᒫᕐᐳᑦ ᐃᓅᖃᑎᒥᖕᓄᑦ, ᐃᓄᓕᒫᓪᓗ ᓇᖕᒥᓂᖅ ᓄᓇᒥᖕᓄᑦ ᕿᒫᔪᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:15

ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᔪᖏᑦᑐᖁᑕᐅᔪᓪᓗ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐊᔪᕐᓴᓐᖏᑦᑐᓪᓗ ᓴᓐᖏᔪᓪᓗ, ᐃᓄᑐᐃᓐᓇᓕᒫᓪᓗ, ᓯᐊᓛᑦ ᓯᐊᓛᖑᖏᑦᑐᓪᓗ, ᐃᔨᕆᐊᕐᑐᕐᐳᑦ ᕾᕈᓱᖕᓄᑦ ᖃᖅᑳᓗᐃᓪᓗ ᐅᔭᕋᓱᒃᔪᖏᑦᑕ ᐊᖁᕐᖓᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 51:39

ᐆᒻᒪᕆᒃᓴᕐᓂᖏᓐᓂ ᓂᕆᕕᒃᔪᐊᕐᑎᑦᓱᒪᕙᒃᑲ, ᐋᖓᔮᓕᕐᑎᓪᓗᒋᓪᓗ, ᐃᒡᓚᒪᔭᖁᓪᓗᒋᑦ ᑍᒤᑦᑑᓕᕐᓗᑎᒃ ᓯᓂᓕᕈᑎᒃ ᐃᖅᑯᒻᒪᓐᖏᓮᓐᓇᖁᓪᓗᖏᑦ, ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 47:1

“ᐊᖅᑲᕐᓗᑎᑦ ᒪᓂᖅᑲᒥ ᐃᒃᓯᕚᓕᕆᑦ, ᐹᐱᓘᓂᐅᑉ ᐸᓂᖓ ᐅᐃᒡᒐᓱᒃ; ᒪᓂᖅᑲᒥ ᐃᒃᓯᕚᓕᕆᑦ ᐃᒃᓯᕙᐅᑕᕐᔪᐊᕐᒥᐅᖏᑦᑐᖅ, ᑲᐅᓪᑎᐊᒥᐅᑦ ᐸᓂᖓ! ᑍᔭᐅᓂᐊᕈᓐᓃᕋᕕᑦ ᐋᓐᓂᕐᓴᕅᑦᑐᒥᒃ ᓂᑲᓇᕐᑐᒥᒡᓗ.

ᒨᓯᓯ ᐂᑉᐸᖏᑦ 15:16

ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.