ᓇᕼᐅᒥᐅᑉ ᐊᒡᓚᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᓇᑕᕐᑐᒃᓴᖁᑎᖏᑕ ᓴᐴᓗᑕᖏᑦ ᐊᐅᐸᕐᐳᑦ, ᐊᓐᓄᕌᖃᕐᓗᑎᒡᓗ ᐊᐅᐸᓪᓚᕆᒃᑐᓂᒃ. ᕿᒧᒃᓯᐅᑏᑦ ᐊᒃᓴᓗᐊᓖᑦ ᕿᓪᓛᒋᔭᕐᓂᖏᑦ ᐃᑯᐊᓚᔪᑎᑐᑦ ᑍᒤᑉᐳᑦ; ᐅᓇᑕᕆᐊᕐᓂᕐᒧᑦ ᐃᓄᒋᐊᒃᑐᕐᔪᐊᑦ ᐸᕐᓇᓕᕐᑎᓪᓗᒋᑦ; ᕿᒻᒥᕐᔪᐊᖏᑦ ᓂᒪᔮᓕᕐᐳᑦ ᕿᑲᕈᓐᓁᓪᓕᓪᓗᑎᒃ!

ᓇᕼᐅᒥᐅᑉ ᐊᒡᓚᖏᑦ 2:3 Iomraidhean Croise

ᔫᐱᐅᑉ ᐊᒡᓚᖏᑦ 39:23

ᐱᑎᒃᓯᒧᑦ ᖃᕐᔪᖃᐅᑏᑦ ᐊᕕᓗᕋᕋᓗᐊᕐᐸᑕ, ᖃᓗᒋᐊᓪᓗ ᓇᐅᒃᑯᑏᓪᓗ ᕿᓪᓛᒡᒋᔭᕋᓗᐊᕐᐸᑕ.

ᐃᓐᖏᕈᑎᑦ 80:13

ᑰᒃᑰᓰᑦ ᓄᔪᐊᕐᑐᑦ ᑖᒃᑯᓂᖓ ᑐᓪᓕᕋᕐᐳᑦ, ᐱᕈᕐᓰᕖᓪᓗ ᐆᒪᔪᖏᑦ ᓄᔪᐊᕐᑐᑦ ᑕᒪᒃᑯᓂᖓ ᓂᕆᕗᑦ.

ᐂᓮᐊᓯᐅᑉ ᐊᒡᓚᖏᑦ 14:8

ᓇᐹᕐᑐᑦ ᓮᐳᕋᓯᒥᒃ ᑍᔭᐅᔪᑦ ᐃᓕᖕᓂᒃ ᖁᕕᐊᓲᑎᖃᓕᕐᐳᑦ, ᓇᐹᕐᑐᓪᓗ ᓰᑕᕆᓂᒃ ᑍᔭᐅᔪᑦ ᓕᐸᓇᓂᐅᑉ ᓄᓇᖓᓃᑦᑐᑦ, ᐅᖃᕈᒫᕐᐳᑦ, ‘ᒥᑭᒡᓕᑎᑕᐅᓯᒪᓕᕐᑎᓪᓗᓯ, ᓇᐹᕐᑐᓂᒃ ᓇᑲᑎᕆᔭᕐᑐᕐᑐᓂᑦ ᑎᑭᑕᐅᓚᐅᕐᓯᒪᔪᓐᓃᕐᐳᒍᑦ.’

ᐃᓯᑭᐊᓕᐅᑉ ᐊᒡᓚᖏᑦ 23:24

ᐅᓇᑕᕆᐊᕈᒫᕐᐹᑎᑦ ᐅᓐᓄᐊᓪᓗᐊᑉ ᓇᓛᓂᑦ ᐅᓇᑕᕐᑎᖁᑎᒐᓴᒡᔪᐊᒥᖕᓂᒃ ᐃᓚᖃᕐᓗᑎᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᑲᓕᒐᓂᒡᓗ ᐃᓄᒐᓴᒡᔪᐊᓂᒡᓗ; ᑖᒃᑯᐊ ᐃᓕᖕᓂᒃ ᐊᑭᕋᕐᑐᓕᕈᒫᕐᐳᑦ ᐊᕙᑎᓕᒫᕐᓂᑦ ᐊᒡᕖᕋᐅᑎᖃᕐᓗᑎᒃ, ᓴᐴᓗᑕᖃᕐᓗᑎᒃ, ᓯᑎᔪᓂᒡᓗ ᓇᓴᕐᓯᒪᓗᑎᒃ, ᑖᒃᑯᐊ ᐃᖅᑲᕐᑐᐃᑎᑦᓱᒫᕐᐸᒃᑲ, ᐃᖅᑲᕐᑐᕐᑕᐅᔪᒫᕐᐳᑎᑦ ᐃᖅᑲᕐᑐᐃᑦᔪᓯᕐᒥᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 26:7

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᑍᕆ ᑎᑭᕝᕕᐅᑎᑦᓱᒫᕐᐸᕋ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒧᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᕐᔪᐊᖑᔪᒧᑦ ᐊᖓᔪᖅᑳᕐᔪᐊᓄᑦ, ᐅᓇᑕᕐᑎᖁᑎᖃᕐᓗᓂ ᐅᓄᕐᑐᕐᔪᐊᓂᒃ ᕿᒻᒥᕐᔪᐊᖃᕐᑐᓂᒃ, ᕿᒧᒃᓯᐅᑎᓂᒡᓗ ᐊᒃᓴᓗᐊᓕᖕᓂᒃ, ᕿᒻᒥᕐᔪᐊᒃᑰᕐᑐᓂᒡᓗ.

ᓇᕼᐅᒥᐅᑉ ᐊᒡᓚᖏᑦ 3:2

ᐃᐸᕋᐅᑕᐅᑉ ᓯᖅᑯᕐᑕᕐᕙᓗᖓ, ᐊᒃᓴᓗᐊᓪᓗ ᐊᒃᓴᑳᕙᓗᖕᓂᖏᑦ, ᕿᒻᒥᕐᔪᐊᑦ ᐸᖓᓕᒡᕙᓗᖏᑦ ᕿᒧᒃᓯᐅᑎᓪᓗ ᐊᒃᓴᓗᐊᓖᑦ ᐊᑦᓴᕐᑕᕐᕙᓗᖏᑦ!

ᓴᑲᕅᐊᐅᑉ ᐊᒡᓚᖏᑦ 1:8

ᐅᓐᓄᐊᒃᑯᑦ ᑕᑯᑎᑕᐅᓪᓗᖓ, ᑕᑯᕗᖓ ᐂᖏᓕᒥᒃ ᕿᒻᒥᕐᔪᐊᒥ ᐊᐅᐸᕐᑐᒥ ᐃᑭᒪᔪᒥᒃ, ᓄᖅᑲᖓᓪᓗᓂᓗ ᓇᐹᕐᑐᐃᑦ ᒨᕐᑐᓂᒃ ᐊᑎᖃᕐᑐᑦ ᓇᕐᓴᒦᑐᑦ ᐊᑯᓐᓂᖓᓐᓂ, ᑐᓄᐊᓃᑦᑐᖃᕆᕗᖅ ᕿᒻᒥᕐᔪᐊᓂᒃ ᐊᓯᖏᓐᓂᒃ, ᕿᒻᒥᕐᔪᐊᓂᒃ ᐊᐅᐸᕐᑐᓂᒃ, ᕿᒻᒥᕐᔪᐊᓂᒡᓗ ᖁᑦᔪᕐᓂᒃ, ᕿᒻᒥᕐᔪᐊᓂᒡᓗ ᐅᑭᓕᕆᐊᓂᒃ.

ᓴᑲᕅᐊᐅᑉ ᐊᒡᓚᖏᑦ 11:2

ᓂᐹᒋᑦ ᓇᐹᕐᑑᖅ ᐅᖃᐅᔭᖃᓱᐃᑦᑐᑎᑦ; ᓇᐹᕐᑐᖅ ᑐᑭᓕᐊᕐᑐᖅ ᓰᑕᕆ ᐅᕐᕈᖕᒪᑦ; ᐊᔪᖏᑦᑐᕐᔪᐊᑦ ᓱᓇᐅᔪᓁᕐᒪᑕ! ᖁᕝᕕᐅᓕᕆᑦ ᐆᒃ ᐰᓴᓃᓪᓗ ᑎᓴᒃᑍᑦ ᓇᐹᕐᑐᑦ ᐹᓴᓂᒦᑦᑐᑦ; ᓇᐹᕐᑐᒐᓴᒡᔪᐊᓕᒫᑦ ᓇᑲᑎᕐᑕᐅᖕᒪᑕ!

ᓴᑲᕅᐊᐅᑉ ᐊᒡᓚᖏᑦ 6:2

ᐊᒃᓴᓗᐊᓕᒃ ᓯᕗᓪᓕᕐᐸᖅ ᕿᒻᒥᕐᔪᐊᖃᕐᐳᖅ ᐊᐅᐸᕐᑐᓂᒃ, ᑭᖑᓂᖓᓃᑦᑐᖅ ᕿᕐᓂᕐᑕᓂᒃ ᕿᒻᒥᕐᔪᐊᖃᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:3

ᓱᓕ ᓴᖅᑭᑦᑐᖃᕆᕗᖅ ᑕᑯᓕᒪᓇᖏᑦᑐᒥᒃ ᕿᓚᖕᒥ; ᑕᑯᒋᓪᓗ ᐊᐅᐸᕐᑐᒥᒃ ᑐᕌᒎᓂᒥᒃ ᐊᖏᔪᕐᔪᐊᕐᒥᒃ ᓴᖅᑭᑦᑐᖃᕐᐳᖅ, ᓂᐊᖁᖃᕐᑐᒥᒃ 7ᓂᒃ ᖁᓕᓂᒡᓗ ᓇᒡᔪᖃᕐᑐᒥᒃ, ᐊᖓᔪᖅᑳᕐᓯᐅᑎᓂᒡᓗ ᓂᐊᖁᓕᒫᖏᑦ ᓂᐊᖂᓯᕐᓯᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:4

ᕿᒻᒥᕐᔪᐊᒥᒡᓗ ᓴᖅᑭᑦᑐᖃᕆᕗᖅ, ᐊᐅᑉᐸᕆᒃᑐᒥᒃ; ᖄᖓᓂᓗ ᐃᑭᒪᔪᖅ ᐱᔪᓐᓇᕐᓂᕐᑖᕐᑎᑕᐅᕗᖅ ᓄᓇᕐᔪᐊᕐᒥᑦ ᓮᒪᓂᕐᒥᒃ ᐲᕐᓯᖁᓪᓗᒍ, ᐃᓅᖃᑎᒌᑦ ᐃᒻᒥᖕᓄᑦ ᑐᖁᕋᐅᑎᖁᓪᓗᒋᑦ; ᓴᕕᒡᔪᐊᒥᒡᓗ ᐊᖏᔪᕐᔪᐊᒥᒃ ᑐᓂᓯᕕᐅᕗᖅ.