ᓇᕼᐅᒥᐅᑉ ᐊᒡᓚᖏᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᓇᕼᐅᒥᐅᑉ ᐊᒡᓚᖏᑦ 1:3 Iomraidhean Croise

ᓴᒧᐃᓕ ᐂᑉᐸᖏᑦ 22:10

ᕿᓔᑦ ᐊᖕᒪᕐᓗᒋᑦ ᐊᖅᑲᓚᐅᕐᐳᖅ, ᓄᕗᔭ ᑖᕐᑐᖅ ᐃᑎᒐᖏᑕ ᐊᑖᓃᑎᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᔫᐱᐅᑉ ᐊᒡᓚᖏᑦ 10:14

ᖃᐅᔨᓮᓐᓇᕐᓯᒪᔪᑎᑦ ᓇᐅᒃᑯᑦ ᐊᔪᕐᑐᓕᓂᐊᕐᒪᖔᕐᒪ, ᐱᐅᖏᑦᑐᓕᓂᓐᓂᒡᓗ ᐃᓱᒪᒋᔪᓐᓁᕕᖃᕈᒪᓇᑎᑦ.

ᔫᐱᐅᑉ ᐊᒡᓚᖏᑦ 38:1

ᑕᕝᕙ ᐅᓚᔪᔭᕐᒥᑦ ᐊᑕᓂᖅ ᐅᖃᕐᐳᖅ ᔫᐱᒧᑦ, ᐅᖃᕐᓗᓂᓗ:

ᔫᐱᐅᑉ ᐊᒡᓚᖏᑦ 9:4

ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.

ᐃᓐᖏᕈᑎᑦ 103:8

ᐊᑕᓂᖅ ᓂᑲᒍᓱᒃᐳᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᓐᖏᓚᖅ ᓇᒡᓕᒍᓱᑦᓮᓐᓇᕐᓗᓂᓗ.

ᐃᓐᖏᕈᑎᑦ 104:3

ᐃᒪᐅᑉ ᖄᖓᓂ ᐃᑳᖓᔪᓂᒃ ᑐᓐᖓᕕᓕᐅᕐᓯᒪᕗᖅ ᐃᓂᒃᓴᕆᔭᒥᓂᒃ, ᓄᕗᔧᑦ ᓴᓇᓚᐅᕐᐰᑦ ᐊᒃᓴᓗᐊᖃᕐᑎᓪᓗᒋᑦ ᕿᒧᒃᓯᐅᑎᒋᔪᒪᓪᓗᒋᑦ, ᐃᑭᒪᖃᑦᑕᕐᐳᖅ ᐊᓄᕆᐅᑉ ᐃᓴᕈᖏᓐᓂ,

ᐃᓐᖏᕈᑎᑦ 145:8

ᐊᑕᓂᖅ ᐱᑦᓯᐊᕐᓂᖃᕐᒪᑦ ᐊᖏᔪᒥᒃ ᓂᑲᒍᓱᖕᓂᖃᕐᓗᓂᓗ, ᓂᓐᖓᒃᓴᕅᖏᑦᑐᖅ ᓇᒡᓕᖕᓂᕐᔪᐊᖃᕐᓗᓂᓗ.

ᐃᓐᖏᕈᑎᑦ 147:5

ᐊᑕᓂᕗᑦ ᐊᖏᔫᕗᖅ, ᐱᔪᓐᓇᕐᓂᖃᕐᓗᓂᓗ ᐊᖏᔪᒥᒃ; ᖃᐅᔨᒪᓂᖓᓗ ᐆᒃᑐᕋᕐᑕᐅᔪᓐᓇᓐᖏᓚᖅ.

ᐃᓐᖏᕈᑎᑦ 50:3

ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.

ᐃᓐᖏᕈᑎᑦ 62:11

ᐊᑕᐅᓯᐊᑐᐃᓐᓇᕐᓇᒍ ᒎᑎ ᐅᖃᕐᑐᖅ ᑐᓴᕐᓯᒪᕙᕋ, ᒪᕐᕈᐊᕐᑎᕐᓗᒍ ᑐᓴᓚᐅᕐᐸᕋ ᐃᒫᒃ: ᐊᔪᒐᖃᖏᓐᓂᖅ ᒎᑎᐅᑉ ᐱᒋᕚ.

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 29:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑎᑭᕝᕕᒋᔪᒫᕐᐹᓯ ᑲᓪᓕᕐᒧᑦ, ᓄᓇᐅᓪᓗ ᓴᔪᒃᐱᓗᖕᓂᖓᓄᑦ, ᓂᐱᖅᑯᕐᑐᔪᕐᔪᐊᒧᓪᓗ, ᐊᓄᕆᕐᔪᐊᒧᓪᓗ ᑬᕙᑦᑐᒧᑦ, ᐊᖅᑯᓇᕐᔪᐊᒧᓪᓗ, ᐃᑯᐊᓚᔪᕐᔪᐊᒧᓪᓗ ᓄᖒᑦᓯᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᔨᕆᒤᐊᐅᑉ ᐊᒡᓚᖏᑦ 4:13

ᑕᑯᒋᑦᓯ, ᐃᖏᕐᕋᓂᖏᑦ ᓄᕗᔭᑎᑐᑦ ᓱᒃᑲᑦᑑᑎᒋᕗᑦ, ᕿᒧᒃᓯᐅᑎᖏᓪᓗ ᐅᓚᓗᔨᕋᕐᑐᑎᑐᑦ, ᕿᒻᒥᕐᔪᐊᖏᓪᓗ ᓱᒃᑲᓂᕐᓴᐅᕗᑦ ᓇᒃᑐᕋᓕᖕᓂᑦ! ᑲᑉᐱᐊᓐᓇᒦᖑᔪᒍᑦ, ᐊᓯᕈᕐᑕᐅᕗᒍᑦ!

ᑖᓂᐊᓕᐅᑉ ᐊᒡᓚᖏᑦ 7:13

“ᑕᑯᑎᑕᐅᑎᓪᓗᖓ ᐅᓐᓄᐊᒥ ᑕᑯᕗᖓ ᐃᓅᑉ ᐃᕐᓂᖓᑕ ᐊᑦᔨᖓᓂᒃ ᓄᕗᔭᓃᑦᑐᒥᒃ, ᑍᒪᖓᑐᖃᕐᓗ ᐃᓅᔪᖅ ᐅᐸᒃᐹ, ᓇᔪᒐᖓᓄᐊᕐᑎᑕᐅᓪᓗᓂᓗ.

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᔪᐃᓕᐅᑉ ᐊᒡᓚᖏᑦ 2:13

ᐆᒻᒪᑎᓯ ᐊᓕᒃᓯᒋᑦ, ᐊᓐᓄᕌᓯ ᐱᓇᒋᑦ; ᐊᑕᓂᕐᒧᑦ ᒎᑎᑦᓯᓐᓄᑦ ᐅᑎᓕᕆᑦᓯ, ᑖᓐᓇ ᐱᑦᓯᐊᕐᓂᖃᕐᒪᑦ ᓂᑲᒍᓱᒡᓗᓂᓗ, ᓂᓐᖓᒃᓴᕅᖏᑦᑐᖅ ᓇᓪᓕᒍᓱᒃᑐᕐᔪᐊᖑᓂᕐᒥᓄᓪᓗ ᓱᒋᐊᕐᓯᔪᒪᓐᖏᓚᖅ.

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᓴᑲᕅᐊᐅᑉ ᐊᒡᓚᖏᑦ 9:14

ᐊᑕᓂᖅ ᑖᒃᑯᐊ ᖁᓛᓂ ᓴᖅᑭᕈᒫᕐᐳᖅ, ᖃᕐᔪᖓᓗ ᐃᖏᕐᕋᔪᒫᕐᐳᖅ ᖃᐅᒻᒪᓪᓚᒃᑎᑐᑦ ᑕᕝᕙᓐᖓᑦ, ᐊᑕᓂᐅᑉ ᒎᑎᐅᑉ ᑎᑦᑐᓚᐅᑦ ᓂᓪᓕᕐᑎᑦᓱᒫᕐᐹ, ᐊᓄᕆ ᓯᓚᕈᔪᒃ ᓯᕿᓂᐅᑉ ᓇᓛᓂᑦ ᐱᔪᖅ ᐊᑐᕐᓗᒍ ᐃᖏᕐᕋᔪᒫᕐᐳᖅ.

ᒨᓯᓯ ᓯᑕᒪᖏᑦ 14:18

‘ᐊᑕᓂᖅ ᓂᓐᖓᒃᓴᕅᓐᖏᓚᖅ, ᓇᒡᓕᒍᓱᖕᓂᖓᓗ ᐊᒥᒐᕋᓂ, ᐱᐅᖏᑦᑐᓕᓂᕐᒥᒃ ᑕᒻᒪᕐᓂᕐᒥᒡᓗ ᐃᓱᒪᒋᔪᓐᓁᕐᕕᖃᕐᐳᖅ; ᐸᓯᔭᒃᓴᐅᔪᓂᒡᓕ ᓱᒋᐊᕐᓯᑦᑍᓕᓐᖏᓚᖅ, ᐊᑖᑕᐅᔪᑦ ᐱᐅᖏᑦᑐᓕᓂᖏᑦ ᑎᑭᑦᓱᓐᓇᕐᒪᒋᑦ ᐃᕐᓂᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.’

ᒫᑎᐅᓯᐅᑉ ᐊᒡᓚᖏᑦ 26:64

ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕐᐳᑎᑦ. ᑕᒪᑦᓯᓕ ᐅᖃᐅᑎᕙᑦᓯ, ᑕᒪᑐᒪ ᑭᖑᕐᖓᓂ ᐃᓅᑉ ᐃᕐᓂᖓ ᑕᑯᔪᒫᕐᐸᓯ ᐱᔪᓐᓇᕐᓂᐅᑉ ᑕᓕᕐᐱᐊᓂ ᐃᒃᓯᕙᔪᖅ, ᕿᓚᐅᓪᓗ ᓄᕗᔭᖏᑎᒍᑦ ᑎᑭᓕᕐᑎᓪᓗᒍ.”

ᔧᒥᓯᐅᑉ ᐊᒡᓚᖏᑦ 1:19

᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.