ᓇᕼᐅᒥᐅᑉ ᐊᒡᓚᖏᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᓇᕼᐅᒥᐅᑉ ᐊᒡᓚᖏᑦ 1:2 Iomraidhean Croise

ᔫᐱᐅᑉ ᐊᒡᓚᖏᑦ 20:23

ᓂᕆᓗᓂ ᐊᕿᐊᑦᑐᓕᕐᑎᓪᓗᒍ, ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᔪᒫᕐᐹ, ᓱᒋᐊᕈᒫᕐᐹᓗ ᓯᓚᓗᒡᕕᐅᔪᑎᑐᑦ ᓱᓕ ᓂᕆᑎᓪᓗᒍ.

ᐃᓐᖏᕈᑎᑦ 94:1

ᐊᑕᓃᖅ ᒎᑏ ᓱᒋᐊᕐᓯᓂᕐᒥᒃ ᐱᖃᕐᐳᑎᑦ, ᒎᑏ ᓱᒋᐊᕐᓯᓂᕐᒥᒃ ᐱᑕᖃᕋᕕᑦ, ᓴᖅᑭᓕᕆᑦ!

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 34:14

“ᒎᑎᒋᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐅᕙᖓ ᐊᑕᓂᐅᔪᖓ, ᐊᓯᓐᓂᒃ ᑲᒪᒋᔭᐅᖁᔨᖏᓐᓇᒪ ᓯᖕᓇᑐᔫᓪᓗᖓᓗ.

ᒨᓯᓯ ᐂᑉᐸᖏᑦ 34:7

ᐊᖏᕈᑎᒋᓯᒪᔭᓐᓂᒃ ᓇᒡᓕᖕᓂᒃᑯᑦ ᑲᔪᓯᑎᑦᓯᕙᒃᐳᖓ ᑭᖑᕚᕇᑦ 1,000ᐃᑦ ᑎᑭᓪᓗᒋᑦ ᐃᓱᒪᒋᔪᓐᓁᕐᓯᔪᓐᓇᕐᓗᖓᓗ ᓈᒻᒪᖏᑦᑐᓕᓂᕐᓂᒃ ᐱᖁᔭᓂᒃ ᓈᓚᖏᓐᓂᕐᓂᒃ ᐊᔪᕐᑐᓕᓂᕐᓂᒡᓗ, ᑭᓯᐊᓂᓕ ᐸᓯᔭᒃᓴᐅᔪᓂᒃ ᐊᔪᕐᑐᓕᔪᓂᒡᓗ ᓱᒋᐊᕐᓯᖏᑦᑑᓂᐊᓐᖏᓚᖓ ᕿᑐᕐᖓᖏᑦ ᐃᕐᖑᑕᖏᓪᓗ ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 42:13

ᐊᑕᓂᖅ ᐅᐸᒍᑎᓂᐊᕐᒪᑦ ᐊᖑᑎᑐᑦ ᐱᔪᓐᓇᕐᑐᕐᔪᐊᑐᑦ; ᐅᓇᑕᕐᑎᐅᑉ ᐅᓇᑕᕆᐊᕈᒪᓂᖓᑐᑦ ᑲᔪᖏᕐᓂᖃᕐᓗᓂ, ᓂᐱᖅᑯᕐᑐᓪᓗᓂ ᓂᓪᓕᐊᕗᖅ, ᓂᐱᕐᔪᐊᒧᑦ ᕾᒐᓛᕐᓗᓂ; ᐊᑭᕋᓂᓗ ᓵᓚᒋᓂᐊᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 51:17

ᑐᐸᓕᕆᑦ, ᑐᐸᓕᕆᑦ! ᒪᑭᓪᓗᑎᓪᓗ ᔨᕉᓴᓕᒻ. ᐃᓕᑦᓯ ᐃᒥᓚᐅᕐᑐᓯ ᐊᑕᓂᐅᑉ ᐊᑭᓂᐊᕐᓂᖓᑕ ᐃᒥᐅᑎᖓᓂᑦ ᓂᓐᖓᐅᒪᓂᖓᓂᒃ ᐃᒪᓕᖕᒥᒃ. ᐃᒤᕐᓗᒍ ᓄᖑᓚᐅᕐᐸᓯ ᐃᓗᓕᖁᑎᐅᑉ ᐃᒪᖓ ᐋᖓᔮᕈᑎᒋᓕᕐᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 51:20

ᐃᕐᓂᑎᑦ ᓄᑮᕈᑎᓯᒪᕗᑦ, ᓇᓚᓪᓗᑎᒡᓗ ᐊᖅᑯᑏᑦ ᓴᖑᒋᐊᕐᕕᖏᓐᓂ, ᑐᒃᑐᖓᔪᑎᑐᑦ ᓄᓗᐊᕐᑎᑕᐅᓯᒪᔪᑎᑐᑦ; ᑖᒃᑯᐊ ᐊᑕᓂᐅᑉ ᓂᓐᖓᐅᒪᓂᖓᓄᑦ ᐊᒃᑐᐊᔭᐅᕗᑦ, ᒎᑎᑦᓯᓗ ᐃᓂᕐᑎᕆᓂᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᔨᕆᒤᐊᐅᑉ ᐊᒡᓚᖏᑦ 25:15

ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᕙᓐᓄᑦ ᐅᖃᕐᐳᖅ, “ᖃᓪᓗᑎ ᐊᒡᒐᖕᓃᑦᑐᖅ ᓂᓐᖓᕕᒡᔪᐊᕐᓯᒪᓂᓐᓂᒃ ᐃᒪᖃᕐᑐᖅ ᑎᒍᓗᒍ ᑎᓕᓯᕕᒋᔭᓕᒫᓐᓄᑦ ᐃᓅᖃᑎᒌᒡᔪᐊᓄᑦ ᐃᒥᕐᑕᐅᑎᑦᔪᒃ.

ᔨᕆᒤᐊᐅᑉ ᐊᒡᓚᖏᑦ 28:8

ᓯᕗᓂᑦᑎᓐᓂ ᐅᕙᑦᑎᓐᓂᑦ ᒎᑎᒧᑦ ᐅᖃᕐᑎᒋᔭᐅᕙᓚᐅᕐᑐᑦ ᐅᖃᐅᓯᖃᕐᐸᓚᐅᕐᒪᑕ ᐅᓇᑕᕐᓂᕐᑕᖃᓛᕐᑐᒥᒃ, ᖁᐊᕐᓵᖓᓇᕐᑐᖃᓛᕐᑐᓂᒃ, ᐋᓐᓂᐊᓇᕐᑐᖃᓛᕐᑐᓂᒡᓗ ᓄᓇᓕᖕᓄᑦ ᐊᖓᔪᖅᑳᐅᕕᒡᔪᐊᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 3:5

ᐅᖃᕐᐸᒃᐳᑎᑦ, ᓂᓐᖓᒡᕕᒋᓯᒤᓐᓇᕐᓂᐊᕐᐱᑎᒎᑦ? ᑕᐅᕗᖓᓕᒫᖅ, ᑍᒫᒃ ᐅᖃᕋᓗᐊᕐᓗᑎᑦ ᐱᐅᖏᑦᑐᓕᐅᕈᑎᒋᔪᓐᓇᕐᑕᓕᒫᑎᑦ ᐊᑐᕋᓱᐊᖃᑦᑕᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:11

ᐊᑕᓂᐅᑉ ᓂᓐᖓᕕᒡᔪᐊᕐᓂᓂ ᓴᖅᑭᑎᒻᒪᒍ, ᓮᐅᓂ ᐃᑯᐊᓪᓚᒃᑕᐅᕗᖅ ᓄᖑᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 36:6

“ᑍᒤᒻᒪᑦ ᐱᔪᒫᕐᑐᓂᒃ ᐅᖃᐅᑎᒃᑭᑦ ᐃᓴᕆᐊᓕᐅᑉ ᓄᓇᖓ, ᖃᖅᑬᑦ ᐱᖑᐃᓪᓗ, ᑰᕈᖏᑦ ᓇᕐᓴᖏᓪᓗ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓯᖕᓇᓂᕐᒧᑦ ᓂᓐᖓᐅᒪᓪᓗᖓ ᐅᖃᐅᑎᕙᑦᓯ, ᐃᓅᖃᑎᒌᒡᔪᐊᑦ ᓱᓇᐅᒃᓴᖏᓐᓂᕐᒧᑦ ᒥᑕᐅᑎᒋᓪᓗᓯ ᐃᓗᖏᕐᓱᕐᑎᓚᐅᕐᒪᓯ;

ᐃᓯᑭᐊᓕᐅᑉ ᐊᒡᓚᖏᑦ 38:18

“ᑕᕝᕙᓂᓗ ᐅᓪᓗᒥ, ᒑᒡ ᐃᓴᕆᐊᓕᒥᐅᓂᒃ ᐅᓇᑕᕆᐊᓕᕐᐸᑦ, ᐊᑕᓂᖅ ᒎᑎ ᐅᖃᕐᐳᖅ, ᓂᓐᖓᕕᒡᔪᐊᕈᒫᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 38:19

ᓯᖕᓇᓂᕐᒧᑦ ᓂᓐᖓᕕᒡᔪᐊᓛᕐᓂᕋ ᓇᓗᓁᕐᐸᕋ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᓴᕆᐊᓕᒥᐅᑦ ᓄᓇᖓᓂ ᓴᔪᒃᐱᓗᒡᔪᐊᕐᑐᖃᕈᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 39:25

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒫᓐᓇ ᔧᑰᑉ ᑭᖑᕚᖏᑦ ᐅᑎᕐᑎᓐᓂᐊᕐᐸᒃᑲ, ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᓈᒃᑭᒋᓂᐊᕐᐸᒃᑲ; ᐊᑎᕋᓗ ᐃᑦᔪᕐᓁᑦᑐᖅ ᓯᖕᓇᒋᓂᐊᕐᐸᕋ.

ᐃᓯᑭᐊᓕᐅᑉ ᐊᒡᓚᖏᑦ 5:13

“ᑍᒫᒃ ᓂᓐᖓᐅᒪᓂᕋ ᐊᐅᓚᓂᖃᕈᒫᕐᐳᖅ, ᓂᓐᖓᕕᒡᔪᐊᕐᓂᕋᓗ ᑖᒃᑯᓄᖓ ᑐᕌᕈᒫᕐᐳᖅ ᐱᔭᕇᓚᐅᖏᓐᓂᓐᓂ; ᑖᒃᑯᐊ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᔪᖓ ᐅᖃᓪᓚᒃᓯᒪᒐᒪ ᓯᖕᓇᓂᕐᒧᑦ, ᓂᓐᖓᒡᕕᖃᕐᓯᒪᓂᕐᒧᓪᓗ ᐱᓇᓱᐊᕐᓯᒪᓂᓐᓂᒃ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 6:12

ᐅᖓᓯᒃᑐᒦᑦᑐᖅ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᖅ; ᖃᓂᑦᑐᒦᑦᑐᕐᓗ ᓴᕕᒡᔪᐊᕐᒧᑦ ᑐᖁᓗᓂ, ᐊᒥᐊᒃᑰᔪᕐᓗ ᑳᖕᓇᕐᑐᕐᔪᐊᕐᒧᑦ ᐱᕐᓕᕐᓗᓂ. ᑍᒫᒃ ᓂᓐᖓᐅᒪᕕᒡᔪᐊᕐᓂᓐᓄᑦ ᐱᓇᓱᐊᕈᒫᕐᐳᖓ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 8:18

ᑍᒤᒻᒪᑦ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᓕᕐᐸᒃᑲ; ᐊᓐᓇᒃᑎᓐᓂᐊᓐᖏᓚᒃᑲ ᓂᑲᒋᓂᐊᕐᓇᒋᓪᓗ; ᕾᒐᓛᕐᓗᑎᒃ ᓂᓪᓕᐊᒐᓗᐊᕐᐸᑕ ᐅᕙᓐᓄᑦ ᑐᓴᑦᔮᓐᖏᓚᒃᑲ.”

ᔪᐃᓕᐅᑉ ᐊᒡᓚᖏᑦ 2:18

ᑕᕝᕙ ᐊᑕᓂᐅᑉ ᓯᕐᓈᕐᓂᐊᕐᐹ ᓄᓇᖁᑎᓂ, ᐃᓄᖁᑎᓂᓗ ᐃᓚᑦᓱᒋᓕᕐᓂᐊᕐᐰᑦ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᒤᑲᐅᑉ ᐊᒡᓚᖏᑦ 5:15

ᐊᑭᓂᐊᕈᒫᕐᐳᖓ ᓂᓐᖓᐅᒪᓂᕐᒧᑦ ᑲᑉᐱᐊᓇᕐᑐᒧᑦ; ᐃᓅᖃᑎᒌᒡᔪᐊᓄᑦ ᐅᕙᓐᓂᒃ ᓈᓚᓚᐅᖏᑦᑐᓄᑦ.”

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᓴᑲᕅᐊᐅᑉ ᐊᒡᓚᖏᑦ 1:14

ᐂᖏᓕᓗ ᐅᕙᓐᓂᒃ ᐅᖃᖃᑎᖃᕐᑐᖅ ᐃᒫᒃ ᐅᖃᕐᐳᖅ, “ᐃᒫᒃ ᓂᓪᓕᐊᑦᔪᑎᖃᕆᑦ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ‘ᔨᕉᓴᓕᒻ ᓮᐅᓂᓗ ᐊᒃᓱᐊᓗᒃ ᓯᖕᓇᒋᕚᒃᑲᒃ.

ᓴᑲᕅᐊᐅᑉ ᐊᒡᓚᖏᑦ 8:2

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐊᖏᔪᐊᓗᖕᒥᒃ ᓯᕐᓈᕋᒪ ᓮᐅᓂ ᐱᑦᔪᑎᒋᓪᓗᒍ; ᐊᑭᕋᖏᑦ ᓯᕐᓈᕐᕕᒋᒐᒃᑭᑦ ᓇᒡᓕᖕᓂᕋ ᐊᖏᔪᐊᓘᖕᒪᑦ ᓮᐅᓂᒧᑦ.

ᒨᓯᓯ ᓯᑕᒪᖏᑦ 25:11

“ᐱᓂᕼᐋᓯ ᐃᓕᓯᕆᐅᑉ ᐃᕐᓂᖓᑕ, ᑐᓂᕐᕈᓯᕐᑎᑦᓯᔨᐅᑉ ᐂᕉᓂᐅᑉ ᐃᕐᖑᑕᖓᑕ, ᐃᓴᕆᐊᓕᒥᐅᓄᑦ ᓂᓐᖓᐅᒪᓂᕋ ᓄᖅᑲᕐᑎᑉᐹ, ᐊᒃᓱᕈᕐᓗᓂ ᓴᐳᑦᔨᔪᒪᓪᓚᕆᖕᒪᑦ ᐅᕙᑦᑐᑦ ᐅᐱᒋᔭᐅᓂᕋ ᐃᓄᖕᓄᑦ ᐱᓪᓗᒍ, ᐃᓴᕆᐊᓕᒥᐅᓂᒃ ᓴᐳᑦᔨᔪᒪᓪᓗᓂ ᓄᖒᑦᓯᖁᓇᖓ ᑖᒃᑯᓂᖓ ᑲᔪᓯᔪᒪᓂᓐᓄᑦ.

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᕉᒪᒥᐅᓄᑦ 13:4

ᐊᐅᓚᑦᓯᔨᐅᔪᑦ ᒎᑎᐅᑉ ᐱᔨᓯᕐᑎᒋᖕᒪᒋᑦ ᐱᕙᓪᓕᕈᑎᒃᓴᕐᓄᑦ. ᓈᒻᒪᖏᑦᑐᒥᒡᓕ ᐱᒍᕕᑦ, ᓯᕘᕋᒋᑦ, ᑕᒪᐅᖓᑐᐃᓐᓇᖅ ᓱᒋᐊᕐᓯᓂᕐᒥᒃ ᐱᔪᓐᓇᕐᓂᖃᕐᑎᑕᐅᖏᒻᒪᑕ; ᒎᑎᐅᓪᓕ ᐱᔨᑦᓯᕐᑎᒋᒪᒋᑦ ᖃᓄᐃᖏᑦᑎᐊᕐᓇᕐᑐᒥ ᐃᓅᖁᓪᓗᑎᑦ.

ᒨᓯᓯ ᑕᓪᓕᒪᖏᑦ 4:24

ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.

ᒨᓯᓯ ᑕᓪᓕᒪᖏᑦ 7:10

ᓱᒋᐊᕐᑍᓕᓂᐊᓐᖏᓔᓪᓕ ᑖᑦᓱᒥᖓ ᐆᒥᓱᒃᑐᑦ, ᓄᖑᓪᓗᒋᑦ; ᓄᖅᑲᖓᑎᑦᓯᓂᐊᓐᖏᓚᖅ ᓱᒋᐊᕐᓯᓂᒃᓴᒥᓂᒃ ᑖᑦᓱᒥᖓ ᐆᒥᓱᒃᑐᓂᒃ.

ᐄᑉᕈᐃᓄᑦ 10:30

ᖃᐅᔨᒪᒐᑦᑎᒍᑦ ᑖᓐᓇ ᐅᖃᓚᐅᕐᑐᖅ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ.” ᐊᒻᒪ ᐅᖃᕐᒥᔪᖅ, “ᐊᑕᓂᐅᑉ ᐃᓄᖁᑎᓂ ᐃᖅᑲᕐᑐᕈᒫᕐᐰᑦ.”

ᔮᓱᐊᑉ ᐊᒡᓚᖏᑦ 24:19

ᔮᓱᐊᓪᓕ ᐃᓄᐃᑦ ᐅᖃᐅᑎᕔᑦ, “ᐊᑕᓂᕐᒥᒡᓕ ᐱᔨᑦᓯᕈᓐᓇᕐᓂᐊᓐᖏᓚᓯ; ᐃᑦᔪᕐᓁᑦᑑᓪᓗᓂ ᒎᑎᐅᖕᒪᑦ; ᓯᖕᓇᑐᔫᓪᓗᓂ ᒎᑎᐅᕗᖅ; ᐃᓱᒪᒋᔪᓐᓁᕐᓂᐊᓐᖏᓛᓯᓗ ᐊᔪᕐᑐᓕᓂᑦᓯᓐᓂᑦ ᐊᔪᕐᓂᑦᓯᓐᓂᓪᓗ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;