ᒫᑯᓯᐅᑉ ᐊᒡᓚᖏᑦ 8:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᔩᓱᓯ ᐃᓄᖕᓂᒃ ᐃᓕᓐᓂᐊᕐᑎᒥᓂᒡᓗ ᕾᖁᔨᕗᖅ ᐅᖃᐅᑎᓪᓗᒋᑦ, “ᐅᕙᓐᓂᒃ ᒪᓕᒍᒪᔪᖅ, ᐃᒻᒥᓂᒃ ᐃᓱᒪᒋᔪᒃᓴᐅᓐᖏᓚᖅ ᓴᓐᓂᖓᔪᓕᖕᒥᓂᒡᓕ ᐃᕐᓱᒡᓗᓂ ᐅᕙᓐᓂᒃ ᒪᓕᒃᑐᒃᓴᐅᕗᖅ.

Aglait Ijjurnaittut

³⁴ Jiisusi inungnik ilinniaqtiminiglu qaiqujivuq uqautillugit, “Uvannik maligumajuq, imminik isumagijuksaunngilaq sanningajulingminigli iqsugluni uvannik maliktuksauvuq.

ᒫᑯᓯᐅᑉ ᐊᒡᓚᖏᑦ 8:34 Iomraidhean Croise

ᐊᑕᓃᑦ ᓯᕗᓪᓖᑦ 14:8

ᑍᕕᑎᐅᑉ ᐊᑕᓂᐅᕕᖓ ᑭᖑᕚᖏᓐᓂᑦ ᐊᕕᒃᑎᓚᐅᕐᐸᕋ ᑐᓂᓪᓗᒍᓗ ᐃᓕᖕᓄᑦ; ᑭᓯᐊᓂᓕ ᑍᕕᑎᑑᓚᐅᓐᖏᓚᑎᑦ, ᑖᓐᓇ ᐱᖁᔭᓐᓂᒃ ᐅᕙᓐᓂᒡᓗ ᒪᓕᑦᓯᐊᓚᐅᕐᒪᑦ ᐱᔪᓐᓇᕐᓂᓕᒫᒥᓄᑦ, ᐱᓇᓱᐊᖃᑦᑕᕐᓗᓂᓗ ᐱᓇᓱᐊᕐᑕᐅᖁᔭᓐᓂᒃ ᑭᓯᐊᓂ.

ᒨᓯᓯ ᓯᑕᒪᖏᑦ 14:24

ᐱᔨᒐᓕ ᑬᓚᐱ ᐊᑦᔨᒋᓐᖏᑕᖓᓐᓂᒃ ᐊᓂᕐᓂᕐᒥᒃ ᐱᓯᒪᖕᒪᑦ ᐅᕙᓐᓂᒡᓗ ᓈᓚᑦᓯᐊᕐᓗᓂ, ᓄᓇᒧᑦ ᐅᐸᓚᐅᕐᑕᖓᓄᑦ ᑎᑭᓐᓂᐊᕐᐳᖅ, ᑭᖑᕚᖏᑕᓗ ᓄᓇᒋᔪᒫᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 10:38

ᓇᓪᓕᐊᑦ ᓴᓐᓂᖓᔪᓕᒃᓴᒥᓂᒃ ᓇᒃᓴᖏᑦᑐᖅ ᒪᓕᒡᓗᓂ ᐅᕙᓐᓂᒃ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 16:24

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 27:32

ᑕᕝᕙᓐᖓᑦ ᐊᓂᓪᓗᑎᒃ, ᐊᖑᒻᒥᒃ ᑲᑎᓯᕗᑦ ᓮᕆᓂᒥᐅᑕᕐᒥᒃ, ᓮᒨᓂᒥᒃ ᐊᑎᓕᖕᒥᒃ; ᑖᓐᓇ ᐅᓇᑕᕐᑐᒃᓴᓂᑦ ᐊᒃᓱᕉᑦᔭᐅᓪᓗᓂ ᐊᒡᔭᕐᓯᑎᑕᐅᕗᖅ ᔩᓱᓯᐅᑉ ᓴᓐᓂᖓᔪᓕᒃᓴᖓᓂᒃ.

ᒫᑯᓯᐅᑉ ᐊᒡᓚᖏᑦ 10:21

ᔩᓱᓯᐅᑉ ᑕᑯᓴᕐᓗᒍ ᓇᒡᓕᒋᓪᓗᓂᐅᒃ ᐅᖃᐅᑎᕚ, “ᐊᑕᐅᓯᕐᒥᒃ ᓱᓕ ᐱᓐᖏᓚᑎᑦ; ᐂᓗᑎᑦ ᐱᖁᑎᖕᓂᒃ ᓂᐅᕐᕈᑎᖃᕆᐊᕐᑐᕆᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᒃᓴᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

ᒫᑯᓯᐅᑉ ᐊᒡᓚᖏᑦ 7:14

ᑕᕝᕙ ᔩᓱᓯ ᐃᓄᒋᐊᒃᑐᕐᔪᐊᓂᒃ ᕾᖁᔨᒃᑲᓐᓂᕐᐳᖅ, ᐅᖃᐅᑎᓪᓗᒋᑦ, “ᑕᒪᑦᓯ ᓈᓚᒃᓯᓐᖓ, ᑐᑭᓯᓗᓯᓗ:

ᓘᑲᓯᐅᑉ ᐊᒡᓚᖏᑦ 13:24

“ᐊᒃᓱᕈᕆᑦᓯ ᐃᑎᕐᕕᑭᑦᑐᒃᑯᑦ ᐃᑎᕋᓱᐊᕐᓗᓯ; ᐊᒥᓱᑦ ᐃᑎᕋᓱᐊᕐᓂᐊᕐᒪᑕ ᐃᑎᕈᓐᓇᕐᓂᐊᕋᑎᒡᓗ.

ᓘᑲᓯᐅᑉ ᐊᒡᓚᖏᑦ 14:33

ᑍᒫᒃᑕᐅᖅ ᑕᕝᕙ, ᓇᓕᕐᓯ ᐱᒋᔭᓕᒫᒥᓂᒃ ᖁᔭᓈᕐᓯᓂᐊᖏᑦᑐᖅ ᐃᓕᓐᓂᐊᕐᑎᒋᔪᓐᓇᓐᖏᓚᕋ.”

ᓘᑲᓯᐅᑉ ᐊᒡᓚᖏᑦ 18:22

ᔩᓱᓯᐅᑉ ᑐᓴᕋᒥᐅᒃ, ᐅᖃᐅᑎᕚ, “ᓱᓕ ᐊᑕᐅᓯᕐᒥᒃ ᐱᓯᒪᓐᖏᓚᑎᑦ. ᐱᖁᑎᓕᒫᑎᑦ ᓂᐅᕐᕈᑎᒋᔭᕐᑐᒃᑭᑦ ᑮᓇᐅᔭᑖᕆᔮᑎᓪᓗ ᑐᓂᐅᖃᐅᑎᒋᓗᒋᑦ ᐊᔪᕐᓴᕐᑐᓄᑦ, ᕿᓚᖕᒥ ᑕᕝᕙ ᐱᖁᑎᖃᑦᓯᐊᕐᓂᐊᕐᐳᑎᑦ; ᕾᓗᑎᑦ ᒪᓕᓐᖓ.”

ᓘᑲᓯᐅᑉ ᐊᒡᓚᖏᑦ 20:45

ᐃᓄᓕᒫᑦ ᑐᓵᑎᓪᓗᒋᑦ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ,

ᓘᑲᓯᐅᑉ ᐊᒡᓚᖏᑦ 9:23

ᔩᓱᓯᐅᑉ ᑕᕝᕙᓃᑦᑐᓕᒫᑦ ᐅᖃᐅᑎᕔᑦ, “ᐅᕙᓐᓂᒃ ᒪᓕᒍᒪᔪᖃᕐᐸᑦ, ᐃᓱᒪᒥᓂᒃ ᐃᓅᔪᒪᔪᒃᓴᐅᓐᖏᓚᖅ, ᓴᓐᓂᖓᔪᓕᒃᓴᒥᓂᒃ ᖃᐅᑕᒫᑦ ᐊᒡᔭᕐᓯᔪᒃᓴᐅᕗᖅ ᒪᓕᒡᓗᖓᓗ.

ᔪᐊᓇᓯᐅᑉ ᐊᒡᓚᖏᑦ 10:27

ᓰᐱᖁᑎᒪ ᓂᐱᒐ ᑐᓴᕐᐹᑦ, ᖃᐅᔨᒪᒐᒃᑭᑦ, ᒪᓕᒃᐹᖓ.

ᔪᐊᓇᓯᐅᑉ ᐊᒡᓚᖏᑦ 19:17

ᔩᓱᓯ ᐊᓂᕗᖅ, ᓴᓐᓂᖓᔪᓕᒃᓴᓂᓗ ᐃᕐᓱᒃᐹ, ᓂᐊᖁᕕᓂᕐᑕᓕᖕᒧᑦ, ᐄᑉᕉᑎᑐᑦ ᐊᑎᖃᕐᑐᒧᑦ ᒎᓪᒑᑕᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᕉᒪᒥᐅᓄᑦ 6:6

ᖃᐅᔨᒪᒐᑦᑕ ᐃᓅᓯᑐᖃᕗᖅ ᙭ᔅᑑᓯᐅᑉ ᑭᑭᐊᒃᑐᕐᑕᐅᖃᑎᒋᓚᐅᕐᒪᒍ ᓴᓐᓂᖓᔪᓕᖕᒥ ᑎᒥᐅᑉ ᐊᔪᕐᑐᓕᔪᒪᓂᖓ ᓵᓚᐅᖁᓪᓗᒍ, ᕿᓚᒃᓱᕐᑕᐅᓯᒪᔪᓐᓃᖁᓪᓗᑕᓗ ᐊᔪᕐᓂᕐᒧᑦ.

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:31

ᐃᓚᒃᑳ ᓇᓗᓁᕐᓯᓕᕐᐳᖓ, ᓂᕐᑐᕈᑎᒋᒐᑦᓯ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ, ᖃᐅᑕᒫᑦ ᑐᖁᒧᑦ ᐊᑐᐃᓐᓇᐅᖏᓐᓇᕐᐳᖓ!

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:13

ᑍᒤᒻᒪᑦ, ᓂᕆᔭᓐᓄᑦ ᐅᒃᐱᕐᑑᖃᑎᒐ ᐊᔪᕐᑐᓕᑎᑕᐅᒃᐸᑦ, ᓂᕿᒥᒃ ᑕᕝᕙ ᓂᕆᒃᑲᓐᓂᕐᓂᐊᓐᖏᓚᖓ, ᖃᑕᓐᖑᑎᒐ ᑲᑕᒃᑎᑕᐅᖁᓇᒍ ᐊᔪᕐᓂᕐᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:19

ᐃᓄᖕᒧᑦ ᑭᓇᒧᓪᓘᓐᓃᑦ ᓂᐅᕕᐊᕆᔭᐅᓯᒪᓗᖓ ᐱᒋᔭᐅᓐᖏᓚᖓ, ᐅᕙᓐᓂᒡᓕ ᑕᒤᓐᓄᑦ ᐱᒋᔭᐅᑎᑉᐳᖓ, ᐃᓄᐃᑦ ᐅᓄᕐᓂᕐᓮᑦ ᐱᐅᓕᔭᐅᖁᓪᓗᒋᑦ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᒐᓔᑎᐊᒥᐅᓄᑦ 5:24

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᒐᓔᑎᐊᒥᐅᓄᑦ 6:14

ᐅᕙᓐᓄᓪᓕ, ᓂᕐᑐᕐᓇᐅᑎᒃᓴᑑᕗᖅ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᕆᓚᐅᕐᑕᖓ; ᓴᓐᓂᖓᔪᓕᖕᒥᓗ ᑐᖁᓚᐅᕐᓂᖓᓄᑦ ᓯᓚᕐᔪᐊᖅ ᑐᖁᖓᔪᑎᑐᑦ ᐅᕙᓐᓄᑦ ᑍᒤᑉᐳᖅ, ᐅᕙᖓᓗ ᑐᖁᖓᒋᓪᓗᖓ ᓯᓚᕐᔪᐊᕐᒧᑦ.

ᐱᓕᐱᒥᐅᓄᑦ 3:10

᙭ᔅᑑᓯ ᖃᐅᔨᑦᓯᐊᕈᒪᕙᕋ ᒪᑭᓐᓂᖓᑕ ᐱᔪᓐᓇᕐᓂᖓ, ᐊᒃᓱᕈᕐᑎᑕᐅᓂᖓᓗ ᐃᓚᖏᐅᑎᕕᒋᔪᒪᕙᕋ, ᑐᖁᓂᖓᓗ ᐊᑦᔨᒋᔪᒪᓪᓗᒍ,

ᐱᓕᐱᒥᐅᓄᑦ 3:7

ᑕᒪᒃᑯᐊᓕᒫᓪᓕ ᐊᔪᖏᑦᔪᑎᒋᓇᓱᓚᐅᕐᑕᒃᑲ ᒫᓐᓇ ᐊᑑᑎᒃᓴᖃᕈᓐᓃᕐᐳᑦ ᙭ᔅᑑᓯ ᐱᓪᓗᒍ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:11

ᑕᒪᑐᒥᖓᓕ ᐅᖃᕐᐳᒍᑦ ᑐᓴᓚᐅᕋᑦᑕ ᐃᓅᖃᑎᓯᒎᖅ ᐃᓚᖏᑦ ᓱᓇᓕᕆᔪᒪᖏᒻᒪᑕ, ᐃᓅᖃᑎᒥᖕᓂᒃ ᐅᖃᐅᑎᒃᓴᕈᒪᑐᐃᓐᓇᕐᑐᑦ, ᓱᓇᒥᒡᓘᓐᓃᑦ ᐱᓇᓱᐊᕈᒪᓇᑎᒃ.

ᑍᑑᓯᒧᑦ 2:12

ᑖᑦᓱᒪ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᒍᑦ ᐃᓕᓐᓂᐊᕐᑎᑉᐹᑎᒍᑦ ᕿᒤᖁᓪᓗᑕ ᒎᑎᖃᖏᑦᑐᑦ ᐃᓕᖅᑯᓯᖏᓐᓂᒃ ᓯᓚᕐᔪᐊᕐᒥᐅᓪᓗ ᐃᒃᖠᒎᕐᓂᖏᓐᓂᒃ, ᐃᓅᖁᓪᓗᑕᓗ ᐅᕙᑦᑎᓐᓂᒃ ᐱᓯᒪᑦᓯᐊᕈᓐᓇᕐᓗᑕ, ᐃᓅᑦᓯᐊᕐᓗᑕᓗ, ᒎᑎᒥᒡᓗ ᒪᓕᑦᓯᐊᕐᓗᑕ ᐃᓅᖁᓪᓗᑕ ᑕᒫᓂ ᓯᓚᕐᔪᐊᕐᒦᑎᓪᓗᑕ,

ᐄᑉᕈᐃᓄᑦ 13:13

ᑍᒤᒻᒪᑦ ᐅᐸᓚᐅᕐᓚᕗᑦ ᓄᓇᓖᑦ ᓯᓚᑖᓄᑦ, ᒥᑕᐅᑕᐅᓂᖓᓂᒃ ᐱᖃᑎᒋᓗᒍ.

ᐲᑦᑐᕉᓯ ᓯᕗᓪᓖᑦ 4:1

ᑍᒤᒻᒪᑦ ᙭ᔅᑑᓯ ᐋᓐᓂᐊᓚᐅᕐᒪᑦ ᑎᒥᒥᒍᑦ, ᐃᓕᑦᓯᑦᑕᐅᖅ ᑍᒫᒃ ᐃᓱᒪᖃᓕᕆᑦᓯ ᐱᔪᓐᓇᐅᑎᒋᓗᒍ, ᐃᓄᒃ ᑎᒥᒥᒍᑦ ᐋᓐᓂᐊᑎᑕᐅᔪᖅ ᐊᔪᕐᑐᓕᓂᖅ ᐊᑐᕈᓐᓃᕐᒪᒍ.

ᐲᑦᑐᕉᓯ ᓯᕗᓪᓖᑦ 4:13

ᖁᕕᐊᓲᑎᒋᓯᐅᒡᓕ ᙭ᔅᑑᓯᐅᑉ ᓯᕐᓕᕿᑎᑕᐅᓂᕆᓚᐅᕐᑕᖓᓂᒃ ᐃᓚᖏᐅᑎᑎᑕᐅᒐᑦᓯ ᑕᒪᑐᒧᖓ, ᖁᕕᐊᓲᑎᖃᒻᒪᕆᒍᓐᓇᖁᓪᓗᓯ ᓯᕆᓗᓯᓗ ᑖᑦᓱᒪ ᓂᕐᑐᕐᓇᕐᓂᕐᔪᐊᖓ ᓴᖅᑭᑎᑕᐅᒃᐸᑦ.

ᐲᑦᑐᕉᓯ ᐂᑉᐸᖏᑦ 1:14

ᖃᐅᔨᒪᓕᕋᒪ ᑎᒥᓐᓂ ᐃᓅᑯᑖᖕᓂᐊᕈᓐᓃᕋᒪ, ᑍᒫᒃ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑕᑯᑎᓯᒪᖕᒪᖓ.

ᔪᐊᓇᓯ ᓯᕗᓪᓖᑦ 3:16

ᑍᒫᒃ ᓇᒡᓕᖕᓂᖅ ᖃᓄᐃᑦᑑᖕᒪᖔᑦ ᖃᐅᔨᑦᔪᑎᖃᕐᐳᒍᑦ: ᑖᓐᓇ ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᐅᕙᑦᑎᓐᓄᑦ. ᐅᕙᒍᑦᑕᐅᖅ ᑍᒫᑦᓮᓐᓇᖅ ᐃᓅᓯᑦᑎᓐᓂᒃ ᑐᓂᓯᔪᒃᓴᐅᒋᕗᒍᑦ ᐅᒃᐱᕐᑑᖃᑎᕗᑦ ᐱᑦᔪᑎᒋᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.