ᒫᑯᓯᐅᑉ ᐊᒡᓚᖏᑦ 8:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑕᑉᕙ ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ ᐃᓅᑉ ᐃᕐᓂᖓ ᐋᓐᓂᐊᑎᑕᐅᔭᕆᐊᖃᕐᓂᖓᓂᒃ ᐊᖏᔪᒥᒃ, ᔪᑎᑦ ᐊᖓᔪᖅᑳᖏᓐᓄᑦ ᓇᕐᕈᒋᔭᐅᒻᒪᕆᒍᒫᕐᓂᒥᓂᒃ ᑐᓂᕐᕈᓯᕐᑎᑦᓯᔨᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᓂᒥᓂᒡᓗ, ᐅᓪᓗᐃᑦ ᐱᖓᔪᐊᓐᓂ ᒪᑭᑦᓱᒫᕐᓂᒥᓂᒃ.

Aglait Ijjurnaittut

³¹ Tavva ilinniaqtini ajuriqtuqpait Inuup Irninga aanniatitaujariaqarninganik angijumik, Jutit angajuqqaanginnut narrugijaummarigumaarniminik tunirrusiqtitsijillu angajuqqaanginnut, piqujaniglu ilisaijinut, tuqutaujumaarniminiglu, ulluit pingajuanni makittumaarniminik.

ᒫᑯᓯᐅᑉ ᐊᒡᓚᖏᑦ 8:31 Iomraidhean Croise

ᐃᓐᖏᕈᑎᑦ 118:22

ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᒋᐊᕐᕕᐅᓕᕐᐳᖅ ᑐᓐᖓᕕᒋᔭᐅᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 53:3

ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.

ᕼᐆᓯᐊᑉ ᐊᒡᓚᖏᑦ 6:2

ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᐆᒻᒪᕐᑎᓐᓂᐊᕐᐹᑎᒍᑦ; ᐅᓪᓗᑦ ᐱᖓᔪᐊᓐᓂ ᒪᑭᑎᓐᓂᐊᕐᐹᑎᒍᑦ, ᐃᓅᓕᖁᓪᓗᑕ ᑖᑦᓱᒪ ᓵᖓᓂ.

ᔫᓇᐅᑉ ᐊᒡᓚᖏᑦ 1:17

ᐊᑕᓂᐅᓪᓗ ᐱᖁᔨᓂᖓᒍᑦ ᐃᒪᕐᒥᐅᑕᕐᔪᐊᖅ ᔫᓇᒥᒃ ᐄᓯᖁᕚ, ᔫᓇᓗ ᐃᒪᕐᒥᐅᑕᐅᑉ ᐊᕿᐊᕈᐊᓃᓚᐅᕐᐳᖅ ᐅᓪᓗᑦ ᐱᖓᓱᑦ ᐅᓐᓄᐊᓪᓗ ᐱᖓᓱᑦ ᓈᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 12:40

ᔫᓇ ᐃᒪᕐᒥᐅᑖᓘᑉ ᐃᓗᐊᓃᓚᐅᕐᒪᑦ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ, ᑍᒫᒃᑕᐅᖅ ᐃᓅᑉ ᐃᕐᓂᖓ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ ᓄᓇᕐᔪᐊᑉ ᐃᑎᓂᖓᑕ ᐃᓗᐊᓃᑦᓱᒫᕆᕗᖅ.

ᒫᑎᐅᓯᐅᑉ ᐊᒡᓚᖏᑦ 21:42

ᔩᓱᓯᐅᑉ ᐅᖃᐅᑎᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ? ‘ᐅᔭᕋᒃ ᑐᓐᖓᕕᒃᓴᖅ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᓪᓚᕆᐊᓗᓐᖑᕐᐳᖅ ᑎᕆᖅᑰᓕᕐᓗᓂ; ᑕᒪᓐᓇ ᐊᑕᓂᐅᑉ ᓇᖕᒥᓂᖅ ᐱᓇᓱᐊᓚᐅᕐᐹ; ᐅᕙᑦᑎᓐᓄᓪᓗ ᑲᒪᓇᕐᑐᐊᓘᕗᖅ!’

ᒫᑎᐅᓯᐅᑉ ᐊᒡᓚᖏᑦ 27:63

ᐅᖃᕐᓗᑎᒃ, “ᐊᖓᔪᖅᑳᖅ, ᐃᖅᑬᒐᑦᑕ ᑍᓐᓇ ᓴᒡᓗᑐᔪᐊᓗᒃ ᓱᓕ ᐃᓅᓪᓗᓂ ᐅᖃᓚᐅᕐᒪᑦ, ‘ᐅᓪᓗᑦ ᐱᖓᔪᐊᓐᓂ ᒪᑭᑦᓱᒫᕐᐳᖓ ᐃᓅᓕᕐᒥᓗᖓ.’

ᒫᑯᓯᐅᑉ ᐊᒡᓚᖏᑦ 12:10

ᐅᓇ ᐅᖃᓕᒫᕐᓯᒪᓐᖏᓚᓯᐅᒃ ᒎᑎᐅᑉ ᐅᖃᐅᓯᖏᓐᓂ? ‘ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ, ᑖᓐᓇ ᐱᓪᓚᕆᐅᓂᕐᐸᐅᓪᓗᓂ ᑎᕆᖅᑰᓕᕐᐳᖅ;

ᓘᑲᓯᐅᑉ ᐊᒡᓚᖏᑦ 17:25

ᑍᒤᓚᐅᖅᑳᕐᑎᓐᓇᒍ ᐃᓅᑉ ᐃᕐᓂᖓ ᐊᖏᔪᒥᒃ ᐋᓐᓂᐊᑎᑕᐅᔭᕆᐊᖃᕐᐳᖅ ᓇᕐᕈᒋᔭᐅᔭᕆᐊᖃᕐᓗᓂᓗ ᒫᓐᓇ ᐃᓅᔪᓄᑦ.

ᓘᑲᓯᐅᑉ ᐊᒡᓚᖏᑦ 24:26

ᖃᐅᔨᒪᓐᖏᓚᓰᒃ ᙭ᔅᑑᓯ ᑍᒫᒃ ᐃᓗᖏᕐᓱᕐᑎᑕᐅᓂᒃᑯᑦ ᐃᓂᖁᓇᕐᓂᕐᔪᐊᕐᒧᑦ ᐱᑎᑕᐅᔪᒃᓴᐅᓂᖓᓃᒃ?”

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 12:48

ᐅᕙᓐᓂᒃ ᓇᕐᕈᔪᖅ ᐃᓚᓕᐅᕐᓯᓇᓂᓗ ᐅᖃᐅᓯᓐᓂᒃ ᓇᔪᕐᑎᖃᓕᕐᐳᖅ ᐃᖅᑲᕐᑐᕐᑕᐅᑦᔪᑎᒃᓴᒥᓂᒃ; ᐅᖃᐅᓯᕐᓄᑦ ᐅᖃᐅᓯᕆᓚᐅᕐᑕᓐᓄᑦ ᐃᖅᑲᕐᑐᕐᑕᐅᔪᒫᕐᐳᖅ ᐅᓪᓗᐃᑦ ᓇᒡᒐᑖᓂ.

ᔪᐊᓇᓯᐅᑉ ᐊᒡᓚᖏᑦ 2:19

ᔩᓱᓯᐅᑦ ᑭᐅᕔᑦ, “ᐅᓇ ᑐᒃᓯᐊᕐᕕᒡᔪᐊᖅ ᐊᓯᕈᕈᑦᓯᐅᒃ, ᐅᓪᓗᓂᒡᓗ ᐱᖓᓱᓂᒃ ᓇᑉᐸᕐᑎᑦᑐᒫᕐᐸᕋ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:35

“ᒨᓯᓯ ᐃᓴᕆᐊᓕᒥᐅᓂᑦ ᓇᕐᕈᒋᔭᐅᓚᐅᕐᑐᖅ ᐅᖃᐅᑦᔭᐅᓪᓗᓂ ‘ᑭᐊ ᐊᐅᓚᑦᓯᔨᓐᖑᕐᑎᒻᒪᑏᑦ ᐃᖅᑲᕐᑐᐃᔨᓐᖑᕐᑎᓪᓗᑎᓪᓗ ᐅᕙᑦᑎᓐᓅᑦ?’ ᑖᓐᓇ ᑎᓕᔭᐅᓚᐅᕐᐳᖅ ᒎᑎᒧᑦ, ᐊᐅᓚᑦᓯᔨᐅᖁᓪᓗᒍ ᓴᐳᑦᔨᔨᐅᖁᓪᓗᒍᓗ, ᐂᖏᓕᒥᒃ ᐊᖅᑯᑎᖃᕐᓗᓂ ᐅᕐᐱᒐᕐᓂ ᐃᑯᐊᓚᔪᒥ ᑕᑯᓚᐅᕐᑕᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:4

ᐃᓗᕕᕐᑕᐅᓚᐅᕐᐳᖅ, ᐅᓪᓗᐃᑦ ᐱᖓᔪᐊᓐᓂ ᒪᑭᓚᐅᕐᐳᖅ, ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ,

ᓴᒧᐃᓕ ᓯᕗᓪᓖᑦ 10:19

ᑭᓯᐊᓂᓕ ᐅᓪᓗᒥ ᒎᑎᑦᓯᓐᓂᒃ ᓇᕐᕈᓕᕐᐳᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑐᒥᒃ ᐅᖁᒤᑦᑐᓂᑦ ᐊᒃᓱᕈᕐᓇᕐᑐᓂᒡᓗ; ᑖᑦᓱᒧᖓᓗ ᐅᖃᓚᐅᕐᐳᓯ, ‘ᐋᒃᑲ, ᐊᖓᔪᖅᑳᕐᔪᐊᕐᑖᕐᑎᓚᐅᕐᑎᒍᑦ.’ ᒫᓐᓇᓕ ᑍᒤᒻᒪᑦ, ᐊᑕᓂᐅᑉ ᓵᖓᓄᑦ ᑐᓂᓕᕆᑦᓯ ᑭᖑᕚᕇᑦ ᐃᓚᒌᓪᓗ ᑲᑎᓐᖓᓗᑎᒃ.”

ᓴᒧᐃᓕ ᓯᕗᓪᓖᑦ 8:7

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᒪᓕᒃᑭᑦ ᐃᓄᐃᑦ ᐅᖃᐅᓯᕆᔭᖏᑦ ᐃᓕᖕᓄᑦ; ᐃᓕᖕᓂᒃ ᓇᕐᕈᓕᖏᒻᒪᑕ; ᐅᕙᓐᓂᒡᓕ ᓇᕐᕈᓕᕐᐳᑦ ᐊᖓᔪᖅᑳᕐᔪᐊᒥᖕᓂᒃ.