ᒫᑯᓯᐅᑉ ᐊᒡᓚᖏᑦ 7:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐱᔪᒪᕕᒡᔪᐊᕐᓃᑦ, ᐱᐅᖏᑦᑐᓕᓃᑦ, ᓴᒡᓗᕿᑦᓯᔪᒪᓃᑦ, ᑲᓐᖑᓇᕐᑐᓕᖃᑎᖃᕐᓃᑦ, ᒥᖕᓂᒍᑦᔨᓃᑦ, ᒎᑎᒥᒃ ᒥᑕᐅᑎᖃᕐᓃᑦ, ᐱᐅᔪᕆᓃᑦ, ᓯᓔᑦᑑᓃᑦ,

Aglait Ijjurnaittut

²² pijumavigjuarnit, piunngittulinit, sagluqitsijumanit, kanngunaqtuliqatiqarnit, mingnigujjinit, Guutimik mitautiqarnit, piujurinit, silaittuunit,

ᒫᑯᓯᐅᑉ ᐊᒡᓚᖏᑦ 7:22 Iomraidhean Croise

ᑯᕉᓂᑲ ᐂᑉᐸᖏᑦ 32:31

ᐹᐱᓘᓂᐅᓪᓕ ᐊᖓᔪᖅᑳᕐᔪᐊᖓᑕ ᐃᕐᓂᖏᑦ ᑎᑭᒻᒪᑕ, ᑖᑦᓱᒪ ᑎᓕᔭᖏᑦ ᖃᐅᔨᒋᐊᖁᓪᓗᒋᑦ ᑲᒪᓇᕐᑐᓂᒃ ᓄᓇᖓᓂ ᐱᓂᐊᕐᓂᐅᓯᒪᔪᓂᒃ, ᒎᑎᐅᑉ ᕿᒪᓚᐅᕐᐹ, ᖃᐅᔨᓴᕈᒪᓪᓗᒍ, ᖃᐅᔨᔪᒪᓪᓗᓂ ᐆᒻᒪᑎᒥᐅᑕᓕᒫᖓᓂᒃ.

ᐃᓐᖏᕈᑎᑦ 10:4

ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᑕᓂᐅᑉ ᑮᓇᖓᓂᒃ ᕿᓂᓐᖏᓚᑦ; ᒎᑎᓗ ᐃᓱᒪᖏᓐᓂ ᐃᓂᖃᓐᖏᓚᖅ.

ᐃᓐᖏᕈᑎᑦ 119:36

ᐃᓕᓮᑦᔪᑎᒋᔭᕐᓂᒃ ᓈᓚᒍᒪᓂᕐᒥᒃ ᐆᒻᒪᑎᓐᓄᐊᕐᓯᒋᑦ, ᐊᔪᕐᓴᕈᓐᓃᕈᒪᓂᐊᓗᑐᐃᓐᓇᕐᒥᒃ ᐱᖁᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:23

ᓯᕗᓂᒃᓴᒥᒃ ᐃᓱᒪᑦᓯᐊᕈᓐᓇᕐᑑᑉ ᖃᐅᔨᒪᑎᑕᐅᓂᓂ ᐃᔨᕐᓯᒪᕚ, ᓯᓔᑦᑐᕐᓕ ᓇᓗᓁᕐᓯᕙᒃᐳᖅ ᓯᓔᕐᕆᔭᐅᓂᕐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:15

ᓯᓔᓐᓂᖅ ᓄᑕᖅᑲᑦ ᐆᒻᒪᑎᖏᓐᓃᑉᐳᖅ, ᐊᓇᐅᑕᐅᓪᓕ ᐋᖅᑭᒋᐊᕐᓯᓂᐅᑉ ᓯᓔᓐᓂᖅ ᐊᓂᑎᓐᓂᐊᕐᐹ ᑖᑦᓱᒪᓐᖓᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:6

ᒥᖕᓂᑐᔫᑉ ᓂᐊᖂᔭᖓᓂᒃ ᓂᕆᓂᐊᕐᓇᒃ, ᒪᒪᕆᔭᖏᓐᓂᒡᓘᓐᓃᑦ ᐱᔪᒪᓂᐊᕐᓇᒃ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:9

ᐅᐃᕕᕆᒃᓯᓂᖅ ᓯᓔᓐᓂᒃᑯᑦ ᐊᔪᕐᑐᓕᓂᐅᕗᖅ, ᐃᓄᐃᑦ ᓇᕐᕈᒋᕚᑦ ᒥᑕᐅᑎᖃᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:22

ᓯᓔᑦᑐᖅ ᓯᖃᓪᓕᒐᓗᐊᕈᕕᐅᒃ ᓂᐊᖂᔭᒃᓴᑐᑦ ᓯᖃᓪᓕᔭᐅᕙᒃᑐᑐᑦ, ᓯᓔᓐᓂᖓᑕ ᕿᒪᖕᓂᐊᓐᖏᓛ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:22

ᐊᖑᑦ ᑮᓇᐅᔭᒥᒃ ᒥᖕᓂᔪᖅ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᐳᖅ, ᖃᐅᔨᒪᓐᖏᓚᕐᓗ ᐊᔪᕐᓴᕐᓂᕐᒧᑦ ᑎᑭᑕᐅᔪᒫᕐᓂᕐᒥᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:25

ᐃᓱᒪᒐ ᕿᓂᕐᑎᓚᐅᕐᐸᕋ ᖃᐅᔨᔪᒪᓪᓗᖓ, ᕿᓂᕐᓗᒍ ᓇᓂᓗᒍᓗ ᓯᓚᑐᓂᖅ, ᓱᓇᑐᐃᓐᓁᓪᓗ ᐋᖅᑭᒃᓯᒪᑦᔪᑎᒋᔭᖏᑦ ᓯᓔᑦᑐᓪᓗ ᐱᐅᖏᑦᑐᓕᑦᔪᓯᖏᑦ, ᓯᓔᑦᑐᓪᓘᓐᓂᑦ ᑐᑮᕈᑎᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 59:7

ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᒫᑎᐅᓯᐅᑉ ᐊᒡᓚᖏᑦ 20:15

ᐃᓱᒪᕐᓱᕆᐊᖃᓐᖏᓚᖔ ᓇᖕᒥᓂᖅ ᑮᓇᐅᔭᓐᓂᒃ? ᐅᕝᕙᓗ ᐊᑦᔨᒌᒃᑎᑦᓯᑐᐃᓐᓇᕐᓂᓐᓄᑦ ᐱᑦᓯᐊᕐᑕᐅᓇᓱᒋᔪᓐᓃᕐᐱᓰ?’

ᒫᑎᐅᓯᐅᑉ ᐊᒡᓚᖏᑦ 6:23

ᐃᔩᒃᑭᒡᓕ ᑕᒃᐲᑦᑑᒃᐸᑎᒃ, ᑎᒥᓕᒫᑦ ᑖᕐᑐᒦᓐᓂᐊᕐᐳᖅ. ᖃᐅᒪᔪᖅ ᐃᓕᖕᓃᑦᑐᖅ ᑖᕐᓯᒃᐸᑦ, ᑖᕐᑐᒻᒪᕆᐊᓘᓂᐊᕐᐳᖅ!”

ᒫᑯᓯᐅᑉ ᐊᒡᓚᖏᑦ 7:21

ᐃᓅᑉ ᐃᓗᐊᓂᓐᖔᕐᑐᑦ, ᐃᓅᑉ ᐆᒻᒪᑎᖓᓂᑦ, ᐱᐅᖏᑦᑐᑦ ᐊᓂᕙᒃᐳᑦ, ᓄᓕᐊᕈᒪᓃᑦ, ᑎᒡᓕᒍᒪᓃᑦ, ᑐᖁᑦᓯᔪᒪᓃᑦ, ᐊᓯᓐᓂᐊᕐᓃᑦ,

ᒫᑯᓯᐅᑉ ᐊᒡᓚᖏᑦ 7:23

ᑕᒪᒃᑯᐊ ᑕᒪᑦᔭ ᑕᒪᕐᒥᒃ ᐱᐅᖏᑦᑐᑦ ᐃᓅᑉ ᐃᓗᐊᓂᑦ ᐊᓂᔪᑦ ᐃᓄᖕᒥᒃ ᐱᐅᔪᓐᓃᕐᑎᑦᓯᕙᒃᑐᑑᕗᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:5

ᐂᕙᑦᔪᑕᐅᔪᑦ ᓄᖅᑲᕐᑎᑉᐸᕗᑦ ᒎᑎᒥᒡᓗ ᖃᐅᔨᓂᐅᒐᔭᕐᑐᒧᑦ ᐊᖏᓂᕐᓴᐅᑎᑦᓯᔪᑦ ᐱᐅᔪᕆᓃᑦ ᐊᓯᕈᕐᐸᕗᑦ, ᐃᓱᒪᓕᐅᕈᑕᐅᔪᓪᓗ ᓵᓚᒋᓪᓗᒋᑦ ᙭ᔅᑑᓯᒥᒃ ᓈᓚᓕᕐᑎᑉᐸᕗᑦ.

ᒨᓯᓯ ᑕᓪᓕᒪᖏᑦ 15:9

ᐅᑦᔨᕐᑐᑦᓯᐊᕆᑦᓯ, ᐱᐅᖏᑦᑐᒥᒃ ᐆᒻᒪᑎᑦᓯᓐᓂ ᐃᓱᒪᖁᓇᓯ, ᐅᖃᕐᓗᓯ, ‘ᐊᕐᕌᒍᑦ 7ᖓ, ᐊᑭᓕᒃᓴᓂᒃ ᓴᒃᑯᐃᕕᒃ ᖃᓂᓗᐊᓕᕐᒪᑦ,’ ᓈᒻᒪᒋᖏᓪᓗᒍᓗ ᖃᑕᓐᖑᑏᑦ ᑕᑯᓐᓇᕐᓗᒍ, ᑐᓂᓯᕕᒋᖏᒃᑯᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐱᑦᔪᑎᒋᓗᑎᑦ, ᑕᕝᕙ ᐊᔪᕐᑐᓕᓯᒪᓕᕋᔭᕐᐳᑎᑦ.

ᒨᓯᓯ ᑕᓪᓕᒪᖏᑦ 28:54

ᐊᒡᓛᑦ ᐊᖑᑎᑦ ᐃᕐᓂᐊᖑᓂᕐᒥᖕᓂᑦ ᐊᔪᕐᓴᕐᓚᐅᕐᓯᒪᖏᑦᑐᑦ ᐃᓄᑦᓯᐊᕙᐅᓯᒪᔪᓪᓗ ᓂᕆᔪᒪᓗᐊᕐᓂᕐᒧᑦ ᐊᕙᓗᔭᐅᓯᒪᓕᕐᑎᓪᓗᓯ ᓇᖕᒥᓂᖅ ᕿᑐᕐᖓᓪᓚᕆᖕᒥᖕᓂᒃ ᓂᕿᖃᓕᕈᒫᕐᐳᑦ ᐊᓯᐊᓂᒃ ᓂᕆᔭᒃᓴᖃᖏᓐᓂᕐᒧᑦ.

ᒨᓯᓯ ᑕᓪᓕᒪᖏᑦ 28:56

ᐊᒡᓛᑦᑕᐅᖅ ᐊᕐᓁᑦ ᐃᕐᓂᐊᖑᓂᕐᒥᖕᓂᑦ ᐊᔪᕐᓴᕐᓚᐅᕐᓯᒪᖏᑦᑐᑦ ᐃᓄᑦᓯᐊᕙᐅᓯᒪᔪᓪᓗ, ᐊᔪᕐᓴᖏᑦᑑᓗᐊᒧᑦ ᐊᒡᓛᑦ ᓇᒧᑐᐃᓐᓇᖅ ᐱᓱᒍᓐᓇᕐᐸᓚᐅᖏᑦᑐᑦ, ᑍᒫᑦᓮᓐᓇᕐᑕᐅᖅ ᓂᕆᖃᑦᑕᓕᕈᒫᕐᐳᑦ.

ᐲᑦᑐᕉᓯ ᓯᕗᓪᓖᑦ 2:15

ᒎᑎᐅᑉ ᐱᔪᒪᔭᕆᕚ ᐱᓂᐊᑦᓯᐊᕐᓂᑦᓯᒍᑦ ᐅᖃᐅᓯᒃᓮᕈᑦᔨᖅᑯᓪᓗᓯ ᐃᓄᖕᓂᒃ ᓯᓔᓐᓂᕐᒧᑦ ᖃᐅᔨᒪᖏᑦᑐᓂᒃ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”