ᒫᑯᓯᐅᑉ ᐊᒡᓚᖏᑦ 4:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᑐᐸᒐᒥ ᐊᓄᕆ ᐃᓂᕐᑎᕐᐹ, ᐃᒪᕐᒧᑦ ᐅᖃᕐᐳᖅ, “ᐃᑯᓪᓚᕐᓗᑎᑦ ᓄᖅᑲᕆᑦ!” ᐊᓄᕆ ᐃᑯᓪᓚᕐᐳᖅ, ᐃᒪᖅ ᐃᑯᓪᓕᐊᒻᒪᕆᓕᕐᓗᓂ.

Aglait Ijjurnaittut

³⁹ Tupagami anuri iniqtiqpaa, imarmut uqaqpuq, “Ikullarlutit nuqqarit!” Anuri ikullaqpuq, imaq ikulliammarilirluni.

ᒫᑯᓯᐅᑉ ᐊᒡᓚᖏᑦ 4:39 Iomraidhean Croise

ᔫᐱᐅᑉ ᐊᒡᓚᖏᑦ 38:11

ᐅᖃᐅᑎᓪᓗᒍᓗ, ‘ᑎᑭᑦᓴᕆᐊᖃᕐᑕᕕᑦ ᐅᖓᑖᓅᕆᐊᖃᓐᖏᓚᑎᑦ, ᐃᖏᐅᓕᒡᔪᐊᑎᓪᓗ ᑕᒪᐅᖓ ᓄᖅᑲᕆᐊᖃᕐᐳᑦ.’

ᐃᓐᖏᕈᑎᑦ 107:29

ᑕᕝᕙ ᐊᖅᑯᓇᕐᔪᐊᖅ ᐃᑯᓪᓚᕐᑎᑉᐹ, ᐃᖏᐅᓕᐊᓗᐃᓪᓗ ᓄᖅᑲᕐᓗᑎᒃ.

ᐃᓐᖏᕈᑎᑦ 148:8

ᐃᑯᒪᐅᑉ ᓇᑕᖅᑯᕐᓁᓪᓗ, ᐊᐳᑎᐅᑉ ᓂᓔᓪᓗ; ᐊᓄᕆᐅᑉ ᐊᖅᑯᓇᕐᔪᐊᑉ, ᑖᑦᓱᒪ ᐱᖁᔨᓂᖓᓂᒃ ᒪᓕᒃᑐᑦ!

ᐃᓐᖏᕈᑎᑦ 29:10

ᐊᑕᓂᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᕗᖅ ᐃᒪᕐᔪᐊᑦ ᖄᒥᓯᒪᔪᑦ ᖁᓛᓂ, ᐊᑕᓂᕐᓗ ᐃᒃᓯᕙᓂᐊᕐᐳᖅ ᐊᖓᔪᖅᑳᕐᔪᐊᖑᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 65:7

ᐃᒪᕐᔪᐃᑦ ᒥᕿᑦᑕᕐᕙᓗᖏᑦ ᓂᐸᖏᕐᑎᑉᐸᑎᑦ, ᐃᖏᐅᓕᖕᓂᖏᑕ ᒥᑭᑦᑕᕐᕙᓗᒡᔪᐊᖏᑦ, ᐃᓅᖃᑎᒌᓪᓗ ᐅᐃᒪᔮᕐᓂᖏᑦ ᓄᖅᑲᕐᑎᑉᐸᑎᑦ.

ᐃᓐᖏᕈᑎᑦ 89:9

ᐊᐅᓚᑦᓯᕗᑎᑦ ᐃᒪᕕᐅᑉ ᐊᐅᓚᓂᖓᓂᒃ, ᐃᖏᐅᓕᖏᑦ ᖁᒻᒧᐊᒃᑕᓕᕐᑎᓪᓗᒋᑦ, ᕿᑲᕐᓯᑎᖃᑦᑕᕐᐸᑎᑦ.

ᒨᓯᓯ ᐂᑉᐸᖏᑦ 14:16

ᐊᔭᐅᑉᐱᐊᑦ ᐃᓴᐅᑎᒍᒃ ᐃᒪᐅᑉ ᖁᓛᓄᑦ ᓄᖅᑲᖓᑎᓪᓗᒍᓗ. ᐃᒪᖅ ᑕᕝᕙ ᐊᕕᖕᓂᐊᕐᐳᖅ, ᐃᓴᕆᐊᓕᒥᐅᓪᓗ ᐃᒪᐅᖅᑲᐅᔪᒃᑰᕈᓐᓇᕐᓂᐊᕐᐳᑦ ᐸᓂᑦᓯᐊᕐᑐᒃᑯᑦ.

ᒨᓯᓯ ᐂᑉᐸᖏᑦ 14:22

ᐃᓴᕆᐊᓕᒥᐅᑦ ᐃᒪᐅᖅᑲᐅᔫᒐᓗᐊᒃᑯᑦ ᐃᑳᓕᕐᐳᑦ ᓴᓗᐊᖓᑦᓯᐊᕐᑐᒃᑰᕐᓗᑎᒃ. ᐃᒫᓗᒡᓗ ᐊᑭᓐᓇᓕᐅᑎᓯᒪᕗᖅ ᐊᕙᑖᑦᑎᒍᑦ ᐃᒡᓗᒃᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:29

ᐃᒪᕕᐅᓪᓗ ᐃᑎᓂᕆᔭᕆᐊᖃᕐᑕᖏᑦ ᓈᒻᒪᒃᓯᓕᕐᑎᓪᓗᓂᒋᑦ, ᐃᒪᕐᔪᐊᑉ ᐅᓕᖃᑦᑕᕐᓂᒃᓴᖓᑕ ᐃᓱᓕᑦᑕᕐᕕᒃᓴᖓ ᐅᖃᐅᓯᕆᑎᓪᓗᓂᐅᒃ, ᓄᓇᕐᔪᐊᑉ ᑐᓐᖓᕕᒃᓴᖓ ᐋᖅᑭᒃᓱᓕᕐᑎᓪᓗᓂᐅᒃ ᑕᕝᕙᓃᓚᐅᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 5:22

ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:31

ᐊᑕᓂᖅ ᓇᕐᕈᒋᔭᖃᓐᖏᓚᖅ ᐃᓱᖃᖏᑦᑐᒧᑦ.

ᓇᕼᐅᒥᐅᑉ ᐊᒡᓚᖏᑦ 1:4

ᐃᒪᕐᕕᒃ ᓱᐊᒃᐹ ᐸᓂᕐᑎᓪᓗᒍᓗ, ᑰᓕᒫᓪᓗ ᓴᓗᐊᕐᑎᑉᐰᑦ; ᐹᓴᓂ ᑳᕐᒥᐅᓕᓗ ᑐᖁᓕᕘᒃ, ᐱᕈᕐᓯᐊᓪᓗ ᓕᐸᓇᓂᒥ ᑐᖁᓕᒋᕗᑦ.

ᒫᑎᐅᓯᐅᑉ ᐊᒡᓚᖏᑦ 8:26

ᔩᓱᓯᐅᑉ ᑭᐅᕔᑦ, “ᓱᖕᒪᑦ ᑲᑉᐱᐊᓱᒃᑐᐊᓘᕕᓯ? ᐅᒃᐱᕐᓂᑭᓗᐊᕋᑦᓯ!” ᒪᑭᓪᖢᓂ ᐊᓄᕆ ᐃᒪᕐᓗ ᐃᓂᕐᑎᕐᐹᒃ, ᐊᓄᕌᕈᓐᓃᕐᐳᖅ ᐃᑯᓪᓚᑦᓯᐊᕐᓗᓂ.

ᒫᑯᓯᐅᑉ ᐊᒡᓚᖏᑦ 4:38

ᔩᓱᓯ ᐅᒥᐊᑉ ᐊᖁᐊᓂ ᓯᓂᒃᐳᖅ, ᐊᑭᓯᕐᓯᒪᓪᓗᓂ; ᐃᓕᓐᓂᐊᕐᑎᖏᑕ ᑐᐹᕐᓗᒍ ᐅᖃᐅᑎᕚᑦ, “ᐊᔪᕆᕐᑐᐃᔩ ᖃᓄᐃᒃᓴᓐᖏᓚᑏᑦ ᑐᖁᑐᐃᓐᓇᕋᓗᐊᕈᑦᑕ?”

ᒫᑯᓯᐅᑉ ᐊᒡᓚᖏᑦ 9:25

ᔩᓱᓯ ᖃᐅᔨᒐᒥ ᐃᓄᒐᓴᒡᔪᐊᑦ ᑐᐊᕕᕐᓗᑎᒃ ᕾᕙᓪᓕᐊᓕᕐᒪᑕ, ᐊᓂᕐᓂᕐᓗᒃ ᐃᓂᕐᑎᕐᐹ, ᐅᖃᐅᑎᓪᓗᒍ, “ᐊᓂᕐᓂᕐᓘᒃ ᑐᓵᖏᑦᑐᑎᑦ ᐅᖃᕈᓐᓇᖏᑦᑐᑎᓪᓗ, ᐱᖁᕙᒋᑦ, ᑕᕝᕙᓐᖓᑦ ᓄᑲᑉᐱᐊᒥᑦ ᐊᓂᒋᑦ, ᑕᕝᕗᖓᓗ ᐃᑎᒃᑲᓐᓂᕐᓂᐊᕈᓐᓃᕐᓗᑎᑦ.”

ᓘᑲᓯᐅᑉ ᐊᒡᓚᖏᑦ 4:35

ᔩᓱᓯᐅᑉ ᐊᓂᕐᓂᕐᓗᒃ ᐃᓂᕐᑎᕐᐹ, ᐅᖃᐅᑎᓪᓗᒍ, “ᓂᐸᖏᕐᓗᑎᑦ, ᐃᓄᖕᒥᑦ ᐆᒪᓐᖓᑦ ᐊᓂᒋᑦ!” ᐊᓂᕐᓂᕐᓘᑉ ᐃᓄᒃ ᐅᕐᕈᑎᑉᐹ ᐃᓄᐃᑦ ᓵᖏᓐᓂ, ᖃᓄᐃᓕᓇᒍ ᑖᑦᓱᒪᖓᑦ ᐊᓂᕗᖅ.

ᓘᑲᓯᐅᑉ ᐊᒡᓚᖏᑦ 4:39

ᔩᓱᓯᐅᑉ ᐅᐸᒃᑲᒥᐅᒃ ᐃᒡᓕᖓᑕ ᓴᓂᐊᓂ ᓇᖏᕐᓗᓂ, ᐋᓐᓂᐊᖓ ᐆᑎᕐᓇᕐᑐᖅ ᐊᓂᖁᕚ, ᑕᕝᕙᓐᖓᑦ ᐊᓂᕗᖅ; ᐊᕐᓇᖅ ᑕᕝᕔᓐᓇᖅ ᒪᑭᓐᓇᒥ ᑕᕝᕙᓃᑦᑐᑦ ᐱᔨᑦᓯᕋᓕᕐᐰᑦ.

ᓘᑲᓯᐅᑉ ᐊᒡᓚᖏᑦ 8:24

ᐃᓕᓐᓂᐊᕐᑎᖏᑕ ᐅᐸᒃᓗᒍ ᑐᐹᕐᐹᑦ ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᐊᔪᕆᕐᑐᐃᔩ, ᑐᖁᓂᐊᖅᑰᓕᕋᑦᑕ!” ᔩᓱᓯ ᒪᑭᓐᓇᒥ ᐊᓄᕆ ᒪᓕᐊᓗᐃᓪᓗ ᐃᓂᕐᑎᕐᐰᑦ; ᐊᓄᕌᕈᓐᓃᕐᓗᓂ ᐅᕐᓱᐊᓕᕐᐳᖅ.