ᒫᑯᓯᐅᑉ ᐊᒡᓚᖏᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᓄᐃᑦ ᐃᓚᖏᑦ ᐱᕈᕐᓯᐊᒃᓴᑎᑐᑦ ᐊᖅᑯᑎᒧᑦ ᑲᓐᖓᕐᓲᑎᒋᔭᐅᔪᑎᑐᑦ ᑍᒤᑉᐳᑦ, ᐅᖃᐅᓯᕐᓂᒃ ᑐᓴᕐᒪᑕ, ᓵᑖᓇᓯᐅᑉ ᑕᕝᕙ ᐅᐸᑦᑕᐅᑎᒋᕔᑦ ᐅᖃᐅᓰᑦ ᑖᒃᑯᓄᖓ ᑲᓐᖓᕐᓲᑎᒋᔭᐅᔪᑦ ᐲᔭᕐᐰᑦ.

Aglait Ijjurnaittut

¹⁵ Inuit ilangit piruqsiaksatitut aqqutimut kanngaqsuutigijaujutitut taimaipput, uqausirnik tusarmata, Saataanasiup tavva upattautigivait uqausit taakkununga kanngaqsuutigijaujut piijaqpait.

ᒫᑯᓯᐅᑉ ᐊᒡᓚᖏᑦ 4:15 Iomraidhean Croise

ᒨᓯᓯ ᓯᕗᓪᓖᑦ 19:14

ᑕᕝᕙ ᓘᑎ ᐊᓂᕗᖅ ᓂᖓᐅᒃᓴᓂ ᐅᖃᐅᑎᔭᕐᑐᕐᓗᒋᑦ, ᐸᓂᖏᑕ ᐅᐃᒃᓴᖏᑦ, ᐅᖃᐅᑎᓪᓗᒋᒡᓗ, “ᑐᐊᕕᕐᓗᓯᒃ ᑕᕝᕙᓐᖓᑦ ᐊᐅᓪᓚᓕᕆᑦᓯᒃ; ᐊᑕᓂᐅᑉ ᑖᒃᑯᐊ ᐃᒡᓗᒐᓮᑦ ᐊᓯᕈᕐᓂᐊᓕᕐᒪᒋᑦ.” ᓂᖓᐅᒃᓴᖏᓐᓄᓪᓕ ᓘᑎ ᐅᖃᖑᐊᑐᐃᓐᓇᕐᑑᔮᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 53:1

ᑭᒃᑯᑦ ᐅᓂᒃᑲᐅᑎᒋᔭᑦᑎᓐᓂᒃ ᐅᒃᐱᕈᓱᓚᐅᕐᐸᑦ? ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᓂᖓ ᓴᖅᑭᓯᒪᕚ?

ᓴᑲᕅᐊᐅᑉ ᐊᒡᓚᖏᑦ 3:1

ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᐊᑕᓂᐅᑉ ᑕᑯᑎᒃᑭᕚᖓ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᔮᓱᐊᒥᒃ ᓇᖏᕐᑐᒥᒃ ᐊᑕᓂᐅᑉ ᐂᖏᓕᖓᑕ ᓵᖓᓂ. ᔮᓱᐊᓪᓗ ᑕᓕᕐᐱᐊᓂ ᓵᑖᓇᓯ ᓇᖏᕆᕗᖅ, ᑖᑦᓱᒥᖓ ᐸᓯᒃᓯᕈᒪᓪᓗᓂ

ᒫᑎᐅᓯᐅᑉ ᐊᒡᓚᖏᑦ 13:19

ᑖᒃᑯᐊ ᐅᖃᐅᓯᕐᓂᒃ ᑐᓴᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᑐᑭᓯᓇᑎᒡᓗ, ᐊᑦᔨᖃᕐᐳᑦ ᐱᕈᕐᑐᒃᓴᓂᒃ ᑍᒃᑯᓄᖓ ᐊᖅᑯᓯᓂᕐᒧᑦ ᑲᑕᒃᑐᓂᒃ, ᐱᐅᖏᑦᑐᖅ ᑎᑭᓐᓇᒥ ᐲᔧᕗᖅ ᑲᓐᖓᕐᓲᑎᒋᔭᐅᔪᓂᒃ ᑖᒃᑯᓄᖓ.

ᒫᑎᐅᓯᐅᑉ ᐊᒡᓚᖏᑦ 22:5

ᕾᖁᔭᐅᓯᒪᔪᓪᓕ ᑐᓴᕐᑑᔭᓐᖏᓚᑦ ᐱᓇᓱᐊᕐᑕᒥᖕᓂᒃ ᑲᔪᓯᑐᐃᓐᓇᕐᓗᑎᒃ, ᐃᓚᖓᑦ ᐱᕈᕐᓰᕕᖁᑎᒥᓄᐊᕐᐳᖅ, ᐃᓚᖓᓪᓗ ᓂᐅᕕᕐᕕᖁᑎᒥᓄᐊᕐᓗᓂ,

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᒫᑯᓯᐅᑉ ᐊᒡᓚᖏᑦ 4:14

ᑲᓐᖓᕐᓱᐃᔨ ᑲᓐᖓᕐᓱᐃᕗᖅ ᒎᑎᐅᑉ ᐅᖃᐅᓯᖏᓐᓂᒃ.

ᒫᑯᓯᐅᑉ ᐊᒡᓚᖏᑦ 4:16

ᐃᓚᖏᑦ ᐃᓄᐃᑦ ᐱᕈᕐᓯᐊᒃᓴᑎᑐᑦ ᐅᔭᕋᓛᓄᑦ ᓄᓇᑭᑦᑐᒧᑦ ᑲᓐᖓᕐᓲᑎᒋᔭᐅᔪᑎᑐᑦ ᑍᒤᑉᐳᑦ, ᐅᖃᐅᓯᕐᓂᒃ ᑐᓴᕋᒥᒃ, ᑕᕝᕔᓐᓇᖅ ᐃᓚᓕᐅᕆᕗᑦ ᖁᕕᐊᓱᒡᓗᑎᒃ;

ᒫᑯᓯᐅᑉ ᐊᒡᓚᖏᑦ 4:4

ᑲᓐᖓᕐᓱᐃᑎᓪᓗᒍ, ᐃᓚᖏᑦ ᐱᕈᕐᓯᐊᒃᓮᑦ ᐊᖅᑯᒻᒧᑦ ᑲᑕᒃᐳᑦ, ᑎᖕᒥᐊᑦ ᑕᒪᐅᓐᖓᕋᒥᒃ ᐳᑯᓕᕐᐰᑦ.

ᓘᑲᓯᐅᑉ ᐊᒡᓚᖏᑦ 8:12

ᐱᕈᕐᓯᐊᒃᓮᑦ ᑲᓐᖓᕐᓲᑕᐅᔪᑦ ᐊᖅᑯᑎᒧ ᑲᑕᒃᑐᑦ, ᐅᑯᐊᖑᕗᑦ, ᐅᖃᐅᓯᕐᓂᒃ ᑐᓴᕐᑐᑦ; ᓵᑖᓇᓯᐅᑉ ᐅᖃᐅᓰᑦ ᐃᓱᒪᖏᓐᓂᑦ ᐲᔭᕆᐊᕐᑐᕐᐰᑦ, ᐅᒃᐱᓕᖁᓇᒋᑦ ᐱᐅᓕᔭᐅᖁᓇᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 17:32

ᑖᒃᑯᐊ ᑐᓴᕋᒥᒃ ᑐᖁᖓᔪᑦ ᒪᑭᓐᓂᒃᓴᖓᓐᓂᒃ, ᐃᓚᖏᑦ ᒥᑕᐅᑎᖃᕐᐳᑦ; ᐃᓚᖏᓪᓕ ᐅᖃᕐᐳᑦ, “ᑕᒪᑐᒥᖓ ᐅᖃᐅᓯᖃᕐᑎᓪᓗᑎᑦ ᑐᓴᒃᑲᓐᓂᕈᒪᕗᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:3

ᐲᑦᑐᕉᓯᐅᑉ ᐅᖃᐅᑎᕚ, “ᐊᓇᓁᐊᓰ, ᓲᖅ ᓵᑖᓇᓯ ᐆᒻᒪᑎᖕᓂ ᐱᕕᒃᓴᕐᑖᕐᑎᑉᐱᐅᒃ? ᓴᒡᓗᑎᒻᒪᑎᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑮᓇᐅᔧᑦ ᓂᐅᕐᕈᑎᒋᔭᕕᑦ ᐃᓚᖏᑦ ᐱᓯᒪᔪᒪᓪᓗᒌᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:11

ᓵᑖᓇᓯᒧᑦ ᓵᓚᒋᔭᐅᓕᖁᓇᑕ; ᑖᑦᓱᒪ ᖃᓄᐃᓕᐅᕋᓱᐊᕐᓂᖓ ᖃᐅᔨᒪᒐᑦᑎᒍᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:9

ᑖᑦᓱᒪ ᐱᖁᔭᖃᖏᑦᑐᕐᔪᐊᑉ ᓴᖅᑭᓐᓂᖓ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐱᔪᓐᓇᕐᑎᑕᐅᔪᒫᕐᐳᖅ, ᑲᒪᓇᕐᑐᓂᒃ ᓇᓗᓁᒃᑯᑕᕐᓂᒡᓗ ᓱᓕᖏᑦᑐᓂᒃ ᓴᖅᑭᑎᑦᓯᔪᒫᕐᐳᖅ ᓱᓇᑐᐃᓐᓈᓗᖕᓂᒃ,

ᐄᑉᕈᐃᓄᑦ 12:16

ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᐊᔪᓕᕈᑎᖃᕐᑐᖃᕐᑍᓕᓕ ᓈᒻᒪᖏᑦᑐᓂᒃᓘᓪᓃᑦ ᐃᓕᖅᑯᓯᖃᕋᓱᐊᕐᑐᖃᕐᑍᓕᓕ ᐃᑦᔪᕐᓇᕐᑐᒥᒃ ᐄᓴᑐᑦ ᑍᒤᑦᑐᒥᒃ, ᑖᑦᓱᒪ ᐊᑕᐅᓯᐊᕐᓗᓂ ᓂᕆᔭᒃᓴᒥᓄᑦ ᐃᕐᓂᐊᖑᖅᑳᕐᓯᒪᓂᓂ ᑐᓐᓂᖅᑯᑎᒋᓚᐅᕐᒪᒍ.

ᐄᑉᕈᐃᓄᑦ 2:1

ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9

ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:7

ᐊᕐᕌᒍᐃᓪᓗ 1,000 ᐊᓂᒍᕐᐸᑕ, ᓵᑖᓇᓯ ᐊᓂᑎᑕᐅᔪᒫᕐᐳᖅ ᑎᒍᔭᐅᓯᒪᕕᖕᒥᓂᑦ,