ᒫᑯᓯᐅᑉ ᐊᒡᓚᖏᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᖑᑦ ᐊᒡᒐᓕᒃ ᓄᑭᖃᖏᑦᑐᓂᒃ ᐅᖃᐅᑎᕚ, “ᒪᐅᖓ ᕾᒋᑦ.”

Aglait Ijjurnaittut

³ Angut aggalik nukiqanngittunik uqautivaa, “Maunga qaigit.”

ᒫᑯᓯᐅᑉ ᐊᒡᓚᖏᑦ 3:3 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 42:4

ᑕᒪᐅᖎᓐᓈᕈᒫᓐᖏᓚᖅ ᓴᐱᓕᕋᓂᓗ, ᐊᑦᔨᒌᒃᑎᑦᓯᓂᕐᒥᒃ ᐊᑐᓕᕐᑎᑦᓯᖄᕋᓂ ᓄᓇᕐᔪᐊᕐᒥ; ᐃᒪᐅᓪᓗ ᓯᓈᓂ ᓄᓇᖃᕐᑐᑦ ᐊᔪᕆᕐᑐᐃᑦᔪᑎᖏᓐᓂᒃ ᓂᕆᐅᒍᒫᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᒫᑎᐅᓯᐅᑉ ᐊᒡᓚᖏᑦ 12:10

ᑕᑯᒋᑦ, ᑕᕝᕙᓂ ᐊᖑᑎᑕᖃᕐᐳᖅ ᓄᑭᖃᖏᑦᑐᓂᒃ ᐊᒡᒐᓕᖕᒥᒃ. ᐃᓄᐃᑦ ᐃᓚᖏᑦ ᑕᕝᕙᓃᑉᐳᑦ ᔩᓱᓯᒥᒃ ᐊᑭᕋᕐᑐᕈᑎᒃᓴᒥᖕᓂᒃ ᐱᑦᔪᑎᒃᓴᓯᐅᕈᒪᓪᓗᑎᒃ, ᑍᒤᒻᒪᑦ ᔩᓱᓯ ᐊᐱᕆᕚᑦ, “ᐱᖁᔭᑦᑎᓐᓂᒃ ᐊᑭᕋᕐᑐᕐᐹ ᓴᐸᑎᐅᑎᓪᓗᒍ ᐃᓄᖕᒥᒃ ᐋᖅᑭᒃᓯᔪᖃᕐᐸᑦ?”

ᒫᑯᓯᐅᑉ ᐊᒡᓚᖏᑦ 3:2

ᐃᓄᐃᑦ ᑕᕝᕙᓃᓚᐅᕆᕗᑦ ᖃᐅᔨᓴᕆᐊᕐᓯᒪᓪᓗᑎᒃ ᐊᖑᑦ ᓴᐸᑎᒥ ᐋᖅᑭᖕᓂᐊᕐᒪᖔᒍ, ᐸᓯᒃᖠᕈᑎᒃᓴᕐᓯᐅᕐᓗᑎᒃ.

ᒫᑯᓯᐅᑉ ᐊᒡᓚᖏᑦ 3:4

ᐃᓄᐃᑦ ᐅᖃᐅᑎᕔᑦ, “ᐱᖁᔭᕗᑦ ᓴᐸᑎᒥ ᐃᑲᔪᖁᔨᕚᑦ ᐋᓐᓂᕐᓯᖁᔨᕙᓪᓘᓐᓃᑦ? ᐃᓅᓯᕐᒥᒃ ᓴᐳᑦᔨᖁᔨᕚᑦ ᑐᖁᑦᓯᖁᔨᕙᓪᓘᓐᓃᑦ?” ᐃᓄᐃᓪᓕ ᓂᓪᓕᕐᑐᖃᓐᖏᓚᑦ.

ᓘᑲᓯᐅᑉ ᐊᒡᓚᖏᑦ 6:8

ᔩᓱᓯᐅᑉ ᐃᓱᒪᖏᑦ ᖃᐅᔨᒪᒐᒥᒋᑦ, ᐊᖑᒻᒧᑦ ᐊᒡᒐᖏᑦ ᓄᑭᖃᖏᑦᑐᒧᑦ ᐅᖃᕐᐳᖅ, “ᓂᑯᕕᓪᓗᑎᑦ ᒪᐅᖓ ᕾᒋᑦ.” ᑖᓐᓇ ᓂᑯᕕᓐᓇᒥ ᔩᓱᓯ ᐅᐸᒃᐹ.

ᔪᐊᓇᓯᐅᑉ ᐊᒡᓚᖏᑦ 9:4

ᐅᓪᓘᓂᖓᓂ ᑎᓕᔨᒪ ᐱᓂᐊᕐᓂᖏᑦ ᐱᓂᐊᒐᒃᓴᕆᕙᕗᑦ; ᐅᓐᓄᐊᖑᔪᒫᕐᒪᑦ ᑭᐊᓘᓐᓃᑦ ᐱᓇᓱᐊᕐᕕᒋᔪᓐᓇᖏᑕᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᒐᓔᑎᐊᒥᐅᓄᑦ 6:9

ᑍᒤᒻᒪᑦ ᐱᐅᔪᒥᒃ ᐱᓇᓱᐊᕐᓂᕆᔭᕗᑦ ᐃᕿᐊᓐᖒᑎᑦᑍᓕᓚᕗᑦ; ᓄᖅᑲᐅᑎᖏᒃᑯᑦᑎᒍ, ᑕᕝᕙ ᑲᑎᕐᓱᓕᕈᒫᕐᐸᕗᑦ ᑲᓐᖓᕐᓲᑎᒋᓯᒪᔭᕗᑦ.

ᐱᓕᐱᒥᐅᓄᑦ 1:14

ᑎᒍᔭᐅᓯᒪᕕᖕᒦᓐᓂᓐᓄᓪᓗ ᐅᒃᐱᕐᑑᖃᑎᕗᑦ ᖁᓚᕈᓐᓃᕐᑎᑕᐅᑲᓐᓂᕐᐳᑦ ᐊᑕᓂᕐᒥᒃ, ᒎᑎᐅᑉ ᐅᖃᐅᓯᕆᔭᐅᖁᔭᖓᓂᒃ ᐅᖃᓪᓚᖁᓪᓗᒋᑦ ᓯᕗᕋᖏᓪᓗᑎᒃ.

ᐲᑦᑐᕉᓯ ᓯᕗᓪᓖᑦ 4:1

ᑍᒤᒻᒪᑦ ᙭ᔅᑑᓯ ᐋᓐᓂᐊᓚᐅᕐᒪᑦ ᑎᒥᒥᒍᑦ, ᐃᓕᑦᓯᑦᑕᐅᖅ ᑍᒫᒃ ᐃᓱᒪᖃᓕᕆᑦᓯ ᐱᔪᓐᓇᐅᑎᒋᓗᒍ, ᐃᓄᒃ ᑎᒥᒥᒍᑦ ᐋᓐᓂᐊᑎᑕᐅᔪᖅ ᐊᔪᕐᑐᓕᓂᖅ ᐊᑐᕈᓐᓃᕐᒪᒍ.