ᒫᑯᓯᐅᑉ ᐊᒡᓚᖏᑦ 3:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ “ᓇᓪᓕᐊᑦ ᓲᖑᔪᕐᔪᐊᑉ ᐃᒡᓗᖓᓄᑦ ᐃᑎᕐᓗᓂ ᐱᖁᑎᖏᓐᓂᒃ ᐊᕐᓵᕐᓯᔪᓐᓇᓐᖏᓚᖅ, ᑭᓯᐊᓂ ᓲᖑᔪᕐᔪᐊᖅ ᕿᓚᒃᓱᖄᕐᓗᒍ; ᑭᖑᕐᖓᒍᑦ ᐃᒡᓗᖓᑕ ᐱᖁᑎᖏᓐᓂᒃ ᐊᕐᓵᓕᕋᔭᕐᐹ.

Aglait Ijjurnaittut

²⁷ “Nalliat suungujurjuap iglunganut itirluni piqutinginnik aqsaaqsijunnanngilaq, kisiani suungujurjuaq qilaksuqaarlugu; kingurngagut iglungata piqutinginnik aqsaalirajaqpaa.

ᒫᑯᓯᐅᑉ ᐊᒡᓚᖏᑦ 3:27 Iomraidhean Croise

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᐂᓮᐊᓯᐅᑉ ᐊᒡᓚᖏᑦ 27:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓴᕕᒡᔪᐊᓂ ᐊᖏᔪᖅ ᓴᓐᖏᔫᓪᓗᓂᓗ ᑲᑉᐱᐊᓇᕐᑐᖅ ᓱᒋᐊᕐᓯᑦᔪᑎᒋᔪᒫᕐᐹ ᓕᕔᐊᑕᓐᒥᒃ ᕿᒫᓯᒪᓪᓗᓂ ᖁᒡᓗᒋᐊᖅ, ᓕᕔᐊᑕᓐ ᖃᓄᑐᐃᓐᓇᖅ ᓂᒪᒡᓗᓂ ᐊᐅᓚᔪᓐᓇᕐᑐᖅ ᓂᒥᕆᐊᕐᔪᐊᖅ, ᐆᒪᔪᕐᓗᒃ ᑐᖁᑦᓱᒫᕐᐹ ᑕᕆᐅᕐᔪᐊᒥ.

ᐂᓮᐊᓯᐅᑉ ᐊᒡᓚᖏᑦ 53:12

ᑍᒤᒻᒪᑦ ᐊᔪᖏᑦᑐᓄᑦ ᐊᕕᖃᑕᐅᑎᑦᓱᒫᕐᐸᕋ ᐱᑖᕆᔭᒃᓴᖏᓐᓂᒃ, ᐊᒡᒍᐃᖃᑕᐅᔪᒫᕐᐳᖅ ᐅᓇᑕᕐᓂᕐᒥ ᓵᓚᖃᕐᑐᑦ ᐱᑖᖏᓐᓂᒃ ᓴᓐᖏᔪᑦ ᐃᓚᒋᓗᒋᑦ; ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᑐᖁᒧᑦ, ᐊᔪᕐᑐᓕᔪᓄᑦ ᐃᓚᓕᐅᑎᓯᒪᓚᐅᕐᓂᖓᓄᑦ; ᑎᒍᒥᐊᓚᐅᕐᐳᕐᓗ ᐅᓄᕐᑐᑦ ᐊᔪᕐᓂᖏᓐᓂᒃ, ᐊᔪᕐᑐᓕᔪᓪᓗ ᑐᒃᓯᐅᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᒫᑎᐅᓯᐅᑉ ᐊᒡᓚᖏᑦ 12:29

“ᐅᕝᕙᓗ ᖃᓄᖅ ᓴᓐᖏᔪᐊᓘᑉ ᐃᒡᓗᖓᓄᑦ ᐃᑎᕐᑐᖃᕈᓐᓇᕐᐹ? ᐱᖁᑎᖏᓐᓂᒡᓗ ᐊᕐᓵᕐᓗᒍ, ᑭᓯᐊᓂ ᓴᓐᖏᔪᐊᓗᒃ ᕿᓚᒃᓱᖅᑳᕐᓗᒍ; ᑕᕝᕙ ᐃᒡᓗᖓᑕ ᐱᖁᑎᖏᓐᓂᒃ ᐊᕐᓵᕐᓯᔪᓐᓇᕐᓯᒐᔭᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 12:31

ᒫᓐᓇ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᕐᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᕐᐳᖅ;

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᑯᓘᓯᐊᒥᐅᓄᑦ 2:15

ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

ᔪᐊᓇᓯ ᓯᕗᓪᓖᑦ 3:8

ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.

ᔪᐊᓇᓯ ᓯᕗᓪᓖᑦ 4:4

ᕿᑐᕐᖔᑯᓗᒃᑲ, ᒎᑎᒧᑦ ᐱᒋᔭᐅᕗᓯ, ᑖᒃᑯᓂᖓᓗ ᓵᓚᖃᕐᐳᓯ; ᑖᓐᓇ ᐃᓗᑦᓯᓐᓃᑦᑐᖅ ᐱᔪᓐᓇᕐᓂᕐᓴᐅᖕᒪᑦ ᓯᓚᕐᔪᐊᕐᒥᑦᑐᒥᑦ.