ᒫᑯᓯᐅᑉ ᐊᒡᓚᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᔩᓱᓯᐅᑉ ᐊᓂᕐᓂᕐᓗᐃᑦ ᐃᓂᕐᑎᕐᐰᑦ ᐃᓄᖕᓄᑦ ᐅᖃᐅᓯᐅᔪᒪᓇᓂ ᑭᓇᐅᓂᕐᒥᓂᒃ.

Aglait Ijjurnaittut

¹² Jiisusiup anirnirluit iniqtiqpait inungnut uqausiujumanani kinaunirminik.

ᒫᑯᓯᐅᑉ ᐊᒡᓚᖏᑦ 3:12 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 12:16

ᐃᓂᕐᑎᕐᐰᑦ ᐃᓄᖕᓄᑦ ᐅᖃᐅᓯᕆᔭᐅᔪᒪᓇᓂ.

ᒫᑎᐅᓯᐅᑉ ᐊᒡᓚᖏᑦ 8:4

ᑕᕝᕙ ᔩᓱᓯᐅᑉ ᐅᖃᐅᑎᕚ, “ᐃᒃᐱᒍᓱᑦᓯᐊᕆᑦ! ᓇᓪᓕᐊᓐᓄᑐᐃᓐᓇᖅ ᐅᓂᒃᑳᕐᑍᓕᒋᑦ; ᑐᓂᕐᕈᓯᕐᑎᑦᓯᔨᒧᓪᓕ ᐂᓕᕆᑦ ᖃᐅᔨᓴᕐᑕᐅᓂᐊᕋᕕᑦ; ᐃᓄᖕᓄᑦ ᖃᐅᔨᔭᐅᑦᓯᐊᖁᓪᓗᑎᑦ ᐋᖅᑭᒃᑕᐅᓂᕐᓂᒃ, ᒨᓯᓯᐅᑉ ᑐᓂᓯᖁᔨᓂᖓ ᒪᓕᒡᓗᒍ ᑐᓂᕐᕈᓯᕆᐊᕐᑐᓕᕆᑦ.”

ᒫᑎᐅᓯᐅᑉ ᐊᒡᓚᖏᑦ 9:30

ᑖᒃᑯᐊᒃᓗ ᑕᐅᑐᓕᕐᐴᒃ. ᔩᓱᓯᐅᑉ ᐃᓂᕐᑎᒻᒪᕆᒃᓗᒋᒃ ᐅᖃᕐᐳᖅ, “ᑕᒪᓐᓇ ᑭᓇᑐᐃᓐᓇᒧᑦ ᖃᐅᔨᔭᐅᑎᑦᑍᓕᓯᒃᑯᒃ!”

ᒫᑯᓯᐅᑉ ᐊᒡᓚᖏᑦ 1:25

ᔩᓱᓯᐅᑉ ᐊᓂᕐᓂᕐᓗᒃ ᐃᓂᕐᑎᕐᐹᒃ, ᐅᖃᕐᓗᓂ, “ᓂᐱᖃᓐᖏᓚᐅᕆᑦ, ᐃᓄᖕᒥᑦ ᑕᕝᕙᓐᖓᑦ ᐊᓂᒋᑦ!”

ᒫᑯᓯᐅᑉ ᐊᒡᓚᖏᑦ 1:34

ᖃᓄᑐᐃᓐᓇᖅ ᖃᓂᒻᒪᓯᓖᑦ ᐊᒥᓱᑦ ᐋᖅᑭᒃᐰᑦ, ᐊᓂᕐᓂᕐᓗᖕᓄᓪᓗ ᐃᑎᕐᕕᐅᓯᒪᔪᑦ ᐊᒥᓱᑦ ᐊᓂᑎᑦᓯᕕᒋᕔᑦ; ᐊᓂᕐᓂᕐᓗᐃᑦ ᐅᖃᕐᕕᖃᕐᑎᓐᖏᓔᑦ, ᖃᐅᔨᒪᖕᒪᑕ ᑭᓇᐅᖕᒪᖔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:18

ᐅᓪᓗᓂᒃ ᐊᒥᓱᓂᒃ ᑖᓐᓇ ᑍᒤᓕᐅᕐᐳᖅ. ᐸᐅᓗᓯᐅᑉ ᐊᖏᔪᒥᒃ ᐊᑲᐅᒋᔪᓐᓃᕋᒥᐅᒃ, ᓵᕝᕕᒋᓪᓗᒍ ᐊᓂᕐᓂᕐᓗᒃ ᐅᖃᐅᑎᕚ, “ᔩᓱᓯ ᙭ᔅᑑᓯᐅᑉ ᐊᑎᖓᓂ ᐅᖃᐅᑎᕙᒋᑦ ᐆᒪᓐᖓᑦ ᐊᕐᓇᒥᑦ ᐊᓂᒋᑦ.” ᐊᓂᕐᓂᕐᓗᒃ ᑕᕝᕙᑦᓮᓐᓇᖅ ᑖᑦᓱᒪᖓᑦ ᐊᕐᓇᒥᑦ ᐊᓂᕗᖅ.