ᒫᑯᓯᐅᑉ ᐊᒡᓚᖏᑦ 16:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓇᓪᓕᐊᑦ ᐅᒃᐱᕐᑐᖅ ᐹᑉᑎᑕᐅᓗᓂ ᑖᓐᓇ ᐱᐅᓕᔭᐅᔪᒫᕐᐳᖅ; ᓇᓪᓕᐊᓪᓕ ᐅᒃᐱᖏᑉᐸᑦ ᑖᓐᓇ ᐃᖅᑲᕐᑐᕐᑕᐅᔪᒫᕐᐳᖅ.

Aglait Ijjurnaittut

¹⁶ Nalliat ukpiqtuq paaptitauluni taanna piulijaujumaaqpuq; nallialli ukpinngippat taanna iqqaqtuqtaujumaaqpuq.

ᒫᑯᓯᐅᑉ ᐊᒡᓚᖏᑦ 16:16 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᒫᑯᓯᐅᑉ ᐊᒡᓚᖏᑦ 1:15

ᐅᖃᕐᓗᓂ, “ᒫᓐᓇ ᓇᓪᓕᐅᑎᕗᖅ, ᒎᑎᐅᑉ ᐊᑕᓂᐅᕕᖓ ᖃᒡᓕᕗᖅ; ᖃᕿᐊᓕᕆᑦᓯ, ᐅᖃᐅᓰᑦ ᑐᓴᕈᒥᓇᕐᑐᑦ ᐅᒃᐱᕆᓯᒋᑦ.”

ᓘᑲᓯᐅᑉ ᐊᒡᓚᖏᑦ 8:12

ᐱᕈᕐᓯᐊᒃᓮᑦ ᑲᓐᖓᕐᓲᑕᐅᔪᑦ ᐊᖅᑯᑎᒧ ᑲᑕᒃᑐᑦ, ᐅᑯᐊᖑᕗᑦ, ᐅᖃᐅᓯᕐᓂᒃ ᑐᓴᕐᑐᑦ; ᓵᑖᓇᓯᐅᑉ ᐅᖃᐅᓰᑦ ᐃᓱᒪᖏᓐᓂᑦ ᐲᔭᕆᐊᕐᑐᕐᐰᑦ, ᐅᒃᐱᓕᖁᓇᒋᑦ ᐱᐅᓕᔭᐅᖁᓇᒋᓪᓗ.

ᔪᐊᓇᓯᐅᑉ ᐊᒡᓚᖏᑦ 20:31

ᑖᒃᑯᐊ ᑎᑎᕋᕐᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᓂᖓ. ᐅᒃᐱᕐᓂᑦᓯᒍᑦ ᐃᓅᓯᖃᖁᓪᓗᓯ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 3:36

ᓇᓪᓕᐊᑦ ᑖᑦᓱᒪ ᐃᕐᓂᖓᓄᑦ ᐅᒃᐱᕐᑐᖅ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᕐᐳᖅ; ᓇᓪᓕᐊᓪᓕ ᑖᑦᓱᒪ ᐃᕐᓂᖓᓂᒃ ᐃᓚᓕᐅᕐᓯᖏᑦᑐᖅ ᐃᓅᓯᕐᒥᒃ ᑕᑯᓂᐊᓐᖏᓚᖅ, ᒎᑎᐅᓪᓕ ᓂᓐᖓᐅᓯᖓᑕ ᖁᓚᖏᐊᖏᓐᓇᕐᐹ.

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 6:29

ᔩᓱᓯᐅᑉ ᑭᐅᕔᑦ, “ᑕᕝᕙ ᒎᑎᐅᑉ ᐃᒫᒃ ᐱᖁᕚᓯ; ᐅᒃᐱᖁᓪᓗᓯ ᑎᓕᔭᖓᓄᑦ.”

ᔪᐊᓇᓯᐅᑉ ᐊᒡᓚᖏᑦ 6:35

ᔩᓱᓯᐅᑉ ᐅᖃᐅᑎᕔᑦ, “ᐅᕙᖓ ᓂᐊᖂᔭᐅᕗᖓ ᐃᓅᓯᖃᕐᓇᕐᑐᖅ; ᐅᕙᓐᓄᑦ ᕾᔪᖅ ᑳᓕᕐᓂᐊᓐᖏᓚᖅ, ᐅᕙᓐᓄᓪᓗ ᐅᒃᐱᕐᑐᖅ ᐃᒥᕈᓚᐅᕐᓯᒪᓂᐊᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 6:40

ᑕᒪᑦᔭ ᐊᑖᑕᒪ ᐱᔪᒪᔭᖓ, ᐃᕐᓂᖓᓂᒃ ᑕᑯᔪᓕᒫᑦ ᐅᒃᐱᓕᕐᓗᑎᒡᓗ ᑖᑦᓱᒧᖓ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᖁᓪᓗᒋᑦ; ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.”

ᔪᐊᓇᓯᐅᑉ ᐊᒡᓚᖏᑦ 8:24

ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᓂᕋᕐᓗᓯ ᐊᔪᕐᓂᑦᓯᓐᓃᓪᓗᓯ, ᑐᖁᔪᒫᕐᐳᓯ ᐊᔪᕐᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:43

ᓇᓚᐅᑦᑍᔪᑦ ᑕᒪᕐᒥᒃ ᑖᑦᓱᒥᖓ ᓇᓗᓁᕐᓯᕗᑦ, ᐅᖃᕐᓗᑎᒃ ᑖᑦᓱᒧᖓ ᐅᒃᐱᕐᑐᑦ ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᐅᓂᕐᒥᒃ ᐱᑎᑕᐅᕗᑦ, ᑖᑦᓱᒪ ᐊᑎᖓᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:39

ᑖᑦᓱᒨᓇ ᑕᒪᕐᒥᑦᓯᐊᑦ ᐅᒃᐱᕐᑐᑦ ᕿᓚᕈᑦᔮᕐᑕᐅᕗᑦ ᕿᓚᒃᓱᕐᑕᐅᕕᒋᓯᒪᔭᓕᒫᒥᖕᓂᑦ, ᒨᓯᓯᐅᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᕕᒋᔪᓐᓇᓐᖏᑕᒥᖕᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 2:41

ᑕᕝᕙ ᐊᒥᓱᑦ ᐅᖃᐅᓯᖏᓐᓂᒃ ᐅᒃᐱᓕᕐᑐᑦ ᐹᑉᑎᑕᐅᕗᑦ, ᐅᓪᓗᒥ ᑕᕝᕙᓂ ᐅᒃᐱᕐᑐᓄᑦ ᐃᓚᓕᐅᑎᔪᑦ 3,000 ᖃᓂᒋᔮᓃᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:16

ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”

ᕉᒪᒥᐅᓄᑦ 3:6

ᑍᒤᑦᓱᓐᓇᓐᖏᓚᖅ! ᖃᓄᕐᓕ ᒎᑎᐅᑉ ᓯᓚᕐᔪᐊᕐᒥᐅᑦ ᐃᖅᑲᕐᑐᕋᔭᕐᐰᑦ?

ᕉᒪᒥᐅᓄᑦ 4:24

ᐅᕙᒍᓪᓕᑦᑕᐅᖅ ᐱᑦᔪᑎᒋᓪᓗᑕ. ᒎᑎᒧᑦ ᐃᓗᐊᕐᑑᓂᕋᕐᑕᐅᖁᓪᓗᑕ ᑖᑦᓱᒧᖓ ᐅᒃᐱᕐᑐᒍᑦ ᑐᖁᒥᑦ ᒪᑭᑎᑦᓯᓯᒪᓂᖓᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:12

ᑕᒪᓐᓇ ᑍᒤᑦᓱᒫᕐᐳᖅ ᑕᒤᓐᓄᑦ ᓱᓕᓂᕐᒥᒃ ᐅᒃᐱᖏᑦᑐᓄᑦ, ᐱᐅᖏᑦᑐᓕᓂᕐᒥᒡᓕ ᖁᕕᐊᒋᔭᖃᕐᑐᓄᑦ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:15

ᓇᓪᓕᐊᓪᓗ ᑎᑎᕋᕐᕕᒃᓴᓂ ᐃᓅᓯᕾᓐᓇᕐᓇᕐᑐᓂ ᐊᑎᖓ ᑎᑎᕋᕐᑕᐅᓯᒪᖏᑦᑐᖅ, ᑖᓐᓇ ᐃᒋᑕᐅᕗᖅ ᑕᓯᕐᒧᑦ ᐃᑯᒪᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”