ᒫᑯᓯᐅᑉ ᐊᒡᓚᖏᑦ 15:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᔫᓯᐱ ᐊᕆᒪᑎᐊᒥᐅᖅ ᑎᑭᑉᐳᖅ, ᑖᓐᓇ ᐱᔪᓐᓇᑦᓯᐊᕐᓂᖓᓄᑦ ᐅᐱᒋᔭᐅᑦᓯᐊᕐᑐᖅ ᐃᓚᒋᔭᐅᔪᖅ ᐃᖅᑲᕐᑐᐃᔨᐅᕙᒃᑐᓄᑦ, ᑖᓐᓇ ᓂᕆᐅᖕᓂᖃᕆᕗᖅ ᒎᑎᐅᑉ ᐊᑕᓂᐅᕕᖓᓂᒃ, ᑖᓐᓇ ᓯᕘᕋᓇᓂ ᐰᓛᑑᓯᒧᐊᓚᐅᕐᐳᖅ, ᕿᓄᕕᒋᓪᓗᒍ ᔩᓱᓯᐅᑉ ᑎᒥᖓᓂᒃ.

Aglait Ijjurnaittut

⁴³ Juusipi Arimatiamiuq tikippuq, taanna pijunnatsiarninganut upigijautsiaqtuq ilagijaujuq iqqaqtuijiuvaktunut, taanna niriungniqarivuq Guutiup Ataniuvinganik, taanna sivuuranani Pailaatuusimualauqpuq, qinuvigillugu Jiisusiup timinganik.

ᒫᑯᓯᐅᑉ ᐊᒡᓚᖏᑦ 15:43 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 19:30

ᐊᒥᓱᑦ ᓯᕗᓪᓕᐅᔪᑦ ᑭᖑᓪᓕᐅᔪᒫᕐᐳᑦ, ᐅᓄᕐᑐᓪᓗ ᑭᖑᓪᓕᐅᔪᑦ ᓯᕗᓪᓕᐅᔪᒫᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 20:16

“ᑍᒤᒻᒪᑦ ᑭᖑᓪᓖᑦ ᓯᕗᓪᓕᐅᔪᒫᕐᐳᑦ, ᓯᕗᓪᓖᓪᓗ ᑭᖑᓪᓕᐅᔪᒫᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 27:57

ᐅᓐᓄᖕᒪᑦ, ᐊᖑᑦ ᐊᔪᕐᓴᖏᑦᑐᖅ ᐊᕆᒪᑎᐊᒥᐅᑕᖅ ᑕᕝᕗᓐᖓᕐᐳᖅ; ᔫᓯᐱᒥᒃ ᐊᑎᓕᒃ, ᑖᓐᓇᑦᑕᐅᖅ ᔩᓱᓯᒥᒃ ᒪᓕᒃᑎᓄᑦ ᐃᓚᒋᔭᐅᕗᖅ.

ᒫᑯᓯᐅᑉ ᐊᒡᓚᖏᑦ 14:54

ᐲᑦᑐᕉᓯ ᒪᓕᓚᐅᕐᐳᖅ ᐅᖓᓯᒋᔮᓂᓪᓗᓂ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦᑕ ᐃᒡᓗᖓᑕ ᐊᓃᕐᕕᖓᓄᑦ ᑎᑭᓪᓗᓂ; ᑕᕝᕙᓂ ᐃᒃᓯᕚᖃᑕᐅᓕᕐᐳᖅ ᖃᐅᔨᓴᕐᑎᓄᑦ, ᑕᕝᕙᓂ ᐃᑯᒪᐅᑉ ᓴᓂᐊᓂ ᐅᖅᑰᓇᓱᐊᖃᑕᐅᕗᖅ.

ᒫᑯᓯᐅᑉ ᐊᒡᓚᖏᑦ 15:44

ᐰᓛᑑᓯ ᑐᓴᕋᒥ ᔩᓱᓯᐅᑉ ᑐᖁᔭᕇᕐᓂᖓᓂᒃ ᖁᐊᕐᓵᕐᐳᖅ; ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ ᕾᖁᔨᓪᓗᓂ ᐊᐱᕆᓪᓗᒍ, ᔩᓱᓯ ᑐᖁᔭᕇᕐᒪᖔᑦ.

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᓘᑲᓯᐅᑉ ᐊᒡᓚᖏᑦ 2:38

ᐃᑲᕐᕋᒥ ᑕᕝᕙᓂᑦᓮᓐᓇᖅ ᐃᑎᕐᐳᖅ ᒎᑎ ᓂᕐᑐᓕᕐᓗᒍ, ᓄᑕᕋᑯᓗᒃ ᐅᖃᐅᓯᕆᕚ ᐅᑕᖅᑭᔪᓕᒫᓄᑦ ᔨᕉᓴᓕᒻᒥᐅᓄᑦ ᐱᐅᓕᔭᐅᕕᒃᓴᐅᓂᖓᓂᒃ.

ᓘᑲᓯᐅᑉ ᐊᒡᓚᖏᑦ 23:50

ᐊᖑᑎᑕᖃᓚᐅᕐᐳᖅ ᔫᓯᐱᒥᒃ ᐊᑎᓕᖕᒥᒃ ᔫᑎᑦ ᓄᓇᖏᑕ ᐃᓚᖓᓐᓂᑦ ᐊᕆᒪᑎᐊᒥ ᓄᓇᖃᕐᑐᒥᒃ. ᑖᓐᓇ ᔫᑎᑦ ᑲᑎᒪᔨᕐᔪᐊᖏᓐᓄᑦ ᐃᓚᒋᔭᐅᔪᖅ, ᐃᓄᑦᓯᐊᕙᐅᕗᖅ ᓇᓛᒎᕐᑐᒥᒃ ᐃᓅᓯᖃᕐᓗᓂ,

ᓘᑲᓯᐅᑉ ᐊᒡᓚᖏᑦ 23:51

ᑖᓐᓇ ᑲᑎᒪᔨᐅᖃᑎᒥᓂᒃ ᐊᖏᖃᑎᖃᓚᐅᓐᖏᓚᖅ ᐱᑦᔪᑎᒋᔭᖏᓐᓂᒃ ᐱᓂᐊᕐᓂᖏᓐᓂᒡᓗ, ᒎᑎᐅᑉ ᐊᑕᓂᐅᕕᖓᑕ ᑎᑭᑦᓱᒫᕐᓂᖓᓂᒃ ᓂᕆᐅᒋᔭᖃᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 19:38

ᑕᒪᑐᒪᓕ ᑭᖑᕐᖓᒍᑦ ᔫᓯᐱ ᐊᕆᒪᑎᐊᒥᐅᖅ, ᔩᓱᓯᒧᑦ ᐃᓕᓐᓂᐊᕐᑎᐅᒐᒥ ᖃᐅᔨᔭᐅᑦᑍᓕᓪᓗᓂ, ᔫᑎᓂᒃ ᓯᕘᕋᒐᒥ, ᐰᓛᑑᓯᒧᑦ ᐊᐱᕆᔭᕐᑐᕐᐳᖅ ᔩᓱᓯᐅᑉ ᑎᒥᖓᓂᒃ ᐱᔪᓐᓇᕐᑎᑕᐅᔪᒪᓪᓗᓂ, ᐰᓛᑑᓯᐅᑉ ᐱᔪᓐᓇᕐᑎᑉᐹ. ᑕᕝᕙ ᔫᓯᐱᐅᑉ ᔩᓱᓯᐅᑉ ᑎᒥᖓ ᐅᐸᒃᓗᒍ ᐊᖅᑲᕐᑎᑉᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 13:50

ᔫᑎᓪᓕ ᐅᐃᒪᔮᕐᑎᑦᓯᓕᕐᐳᑦ ᐊᕐᓇᓂᒃ ᐅᒃᐱᕐᑐᓂᒃ ᐱᓪᓚᕆᐅᑎᑕᐅᔪᓂᒃ, ᐊᖑᑎᓂᒡᓗ ᐊᐅᓚᑦᓯᔨᐅᔪᓂᒃ ᓄᓇᓕᖕᓂ, ᐊᑭᕋᕐᑐᕐᑕᐅᑎᑦᓯᓕᕐᓗᑎᒃ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐊᐅᓪᓚᕐᑎᓪᓗᒋᒡᓗ ᓄᓇᓕᖕᓂᑦ:

ᐋᐴᓯᑕᓖᑦ ᐱᓂᐊᕐᓂᖏᑦ 17:12

ᑍᒤᒻᒪᑦ ᐊᒥᓱᑦ ᐅᒃᐱᓕᕐᐳᑦ, ᒍᕇᑭᑦ ᐊᕐᓁᑦ ᐱᓇᓱᐊᕐᑎᒻᒪᕆᐅᔪᑦ, ᐊᖑᑏᓪᓗ ᐅᒃᐱᓕᕆᕗᑦ.

ᐱᓕᐱᒥᐅᓄᑦ 1:14

ᑎᒍᔭᐅᓯᒪᕕᖕᒦᓐᓂᓐᓄᓪᓗ ᐅᒃᐱᕐᑑᖃᑎᕗᑦ ᖁᓚᕈᓐᓃᕐᑎᑕᐅᑲᓐᓂᕐᐳᑦ ᐊᑕᓂᕐᒥᒃ, ᒎᑎᐅᑉ ᐅᖃᐅᓯᕆᔭᐅᖁᔭᖓᓂᒃ ᐅᖃᓪᓚᖁᓪᓗᒋᑦ ᓯᕗᕋᖏᓪᓗᑎᒃ.