ᒫᑯᓯᐅᑉ ᐊᒡᓚᖏᑦ 13:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᐃᓕᑦᓯ ᓇᖕᒥᓂᖅ ᖃᐅᔨᓴᕆᑦᓯ; ᑎᒍᔭᐅᔪᒫᕐᐳᓯ ᐃᖅᑲᕐᑐᐃᕕᖕᒧᑦ ᐱᑎᑕᐅᓗᓯ; ᐋᓐᓂᕐᓯᕐᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ; ᐋᑕᐅᔪᒫᕐᐳᓯ ᐊᐅᓚᑦᓯᔨᓄᑦ ᐊᖓᔪᖅᑳᕐᔪᐊᓄᓪᓗ ᓇᖏᖁᓪᓗᓯ ᓵᖏᓐᓂ ᐅᕙᖓ ᐱᑦᔪᑎᒋᓗᖓ, ᓇᓗᓁᕐᓯᔪᓐᓇᖁᓪᓗᓯ ᑖᒃᑯᓄᖓ.

Aglait Ijjurnaittut

⁹ “Ilissi nangminiq qaujisarissi; tigujaujumaaqpusi iqqaqtuivingmut pititaulusi; aanniqsiqtaujumaaqpusi Juutit ukpirnirmut katimavinginni; aataujumaaqpusi aulatsijinut angajuqqaarjuanullu nangiqullusi saanginni uvanga pijjutigilunga, nalunaiqsijunnaqullusi taakkununga.

ᒫᑯᓯᐅᑉ ᐊᒡᓚᖏᑦ 13:9 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 5:22

ᒫᓐᓇᓕ ᐅᖃᐅᑎᕙᑦᓯ: ᐃᓅᖃᑎᒥᓄᑦ ᓂᓐᖓᒃᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ; ᐃᓅᖃᑎᒥᓂᒡᓗ ᐊᑑᑎᒃᓴᖃᖏᓐᓂᕅᔪᖅ ᑖᓐᓇ ᔫᑎᑦ ᐃᖅᑲᕐᑐᐃᔨᖏᓐᓄᐊᕐᑕᐅᓂᐊᕐᐳᖅ, ᐃᓅᖃᑎᒥᓂᒡᓗ ᓱᓇᒃᓴᐅᖏᓐᓂᕅᔪᖅ, ᑖᓐᓇ ᐃᑯᒪᕐᔪᐊᕐᒧᑦ ᐱᑎᑕᒃᓴᐅᕗᖅ.

ᒫᑯᓯᐅᑉ ᐊᒡᓚᖏᑦ 1:44

“ᑕᒪᓐᓇ ᑭᓇᑐᐃᓐᓇᕐᒧᑦ ᐅᖃᐅᓯᕆᑦᑍᓕᒍᒃ; ᑐᒃᓯᐊᕐᕕᒡᔪᐊᒥᓕ ᑐᓂᕐᕈᓯᕐᑎᑦᓯᔨᒧᑦ ᐂᓕᕆᑦ, ᑖᑦᓱᒧᖓ ᖃᐅᔨᓴᕐᑕᐅᓂᐊᕋᕕᑦ; ᐃᓄᓕᒫᓄᑦ ᖃᐅᔨᔭᐅᖁᓪᓗᑎᑦ ᐋᖅᑭᒃᑕᐅᑦᓯᐊᕐᓂᕐᓂᒃ, ᒨᓯᓯᐅᑉ ᑐᓂᔭᐅᖁᔭᖓᓂᒃ ᑐᓂᕐᕈᓯᕐᓂᐊᕐᐳᑎ.”

ᒫᑯᓯᐅᑉ ᐊᒡᓚᖏᑦ 13:5

ᔩᓱᓯᐅᑉ ᐅᖃᐅᑎᕔᑦ, “ᖃᐅᔨᓴᑦᓯᐊᕆᑦᓯ ᐅᐃᕖᕐᕆᔭᐅᖁᓇᓯ.

ᒫᑯᓯᐅᑉ ᐊᒡᓚᖏᑦ 13:8

ᐃᓅᖃᑎᒌᒡᔪᐊᑦ ᐅᓇᑕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ, ᐊᖓᔪᖅᑲᐅᕖᑦ ᐅᓇᑕᕈᒫᕐᐳᑦ ᐊᖓᔪᖅᑲᐅᕕᖕᓄᑦ ᐊᓯᒥᖕᓄᑦ; ᓄᓇᒥ ᓇᓂᑐᐃᓐᓇᖅ ᓴᔪᒃᐱᓪᓚᖃᑦᑕᕈᒫᕐᐳᖅ, ᑳᖕᓇᕐᑐᕐᔪᐊᖃᖃᑦᑕᕐᓗᓂᓗ; ᑕᒪᒃᑯᐊ ᑕᕝᕙ ᐃᕐᓂᓱᒃᑑᑉ ᐃᒃᐱᖕᓂᐊᓕᕐᓂᖓᑐᑦ ᐱᒋᐊᕐᐸᓪᓕᐊᓕᕐᑐᑦ.

ᒫᑯᓯᐅᑉ ᐊᒡᓚᖏᑦ 6:11

ᓄᓇᓕᖕᓄᑦ ᑎᑭᒍᑦᓯ ᐃᓄᖏᓐᓂᑦ ᑐᓐᖓᓱᒃᑎᑕᐅᖏᒃᑯᑦᓯ, ᐃᓕᑦᓯᓐᓂᒡᓗ ᓈᓚᒍᒪᖏᑉᐸᑕ, ᕿᒪᓕᕈᑦᓯᒋᒃ ᐃᑎᒐᓯ ᓴᓃᔭᕐᑕᒃᓴᕆᕙᓯ ᑕᒪᓐᓇ ᓇᓗᓁᒃᑯᑕᐅᓂᐊᕐᒪᑦ ᓈᒻᒪᒋᔭᐅᖏᓐᓂᖏᓐᓂᒃ.”

ᓘᑲᓯᐅᑉ ᐊᒡᓚᖏᑦ 9:5

ᑐᓐᖓᓱᒃᑎᑕᐅᖏᒃᑯᑦᓯᓕ, ᓄᓇᓕᖕᓂᑦ ᑕᕝᕙᓐᖓᑦ ᐊᐅᓪᓚᓕᕈᑦᓯ ᓵᓃᑦ ᐃᑎᒐᑦᓯᓐᓂᑦ ᑲᑕᒐᕐᑎᓯᐅᒃ ᓈᒻᒪᒋᔭᐅᖕᒋᓐᓂᖏᓂᒃ ᓇᓗᓁᒃᑯᑕᐅᓂᐊᕐᒪᑦ.”

ᔪᐊᓇᓯᐅᑉ ᐊᒡᓚᖏᑦ 15:20

ᐃᓕᑦᓯᓐᓄᑦ ᐅᖃᐅᓯᕆᓚᐅᕐᑕᒃᑲ ᐃᖅᑲᐅᒪᓯᒋᒃ, ‘ᐱᔨ ᐊᖏᓂᕐᓴᐅᓐᖏᓚᖅ ᐊᖓᔪᖅᑳᒥᓂᑦ.’ ᐊᑭᕋᕐᑐᕈᓂᖓ, ᑕᕝᕙ ᐊᑭᕋᕐᑐᕐᓂᐊᕆᕚᓯ; ᐅᖃᐅᓯᒃᑲ ᒪᓕᒃᑯᓂᒋᑦ ᐅᖃᐅᓯᓯᑦᑕᐅᖅ ᒪᓕᖕᓂᐊᕆᕔᑦ.

ᔪᐊᓇᓯᐅᑉ ᐊᒡᓚᖏᑦ 16:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:11

ᑖᓐᓇ ᐅᕙᑦᑎᓐᓄᐊᕋᒥ ᐸᐅᓗᓯᐅᑉ ᑕᑦᓯᖓ ᑎᒍᕚ ᓇᖕᒥᓂᖅ ᐊᒡᒐᓂ ᐃᑎᒐᓂᓗ ᕿᓚᒃᓱᕐᐰᑦ, ᐅᖃᕐᓗᓂ, “ᐊᓂᕐᓂᖅ ᐃᑦᔪᕐᓁᑦᑐᖅ ᐅᖃᕐᐳᖅ, ‘ᒪᑐᒥᖓ ᑕᑦᓯᖃᕐᑐᖅ ᔨᕉᓴᓕᒻᒥ ᐃᒫᒃ ᕿᓚᒃᓱᑦᑕᐅᔪᒫᕐᐳᖅ ᔫᑎᓂᑦ, ᑐᓂᔭᐅᓗᓂ ᔫᑎᐅᖏᑦᑐᓄᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 7:54

ᑲᑎᒪᔨᕐᔪᐊᑦ ᓯᑎᐹᓇᓯᒥᒃ ᓈᓚᒃᑐᑦ ᑕᒪᑐᒥᖓ ᑐᓴᕋᒥᒃ ᓂᓐᖓᒃᑐᐊᓘᕗᑦ, ᓂᓐᖓᐅᒪᓂᕐᒧᑦ ᑮᒻᒥᓕᕐᓗᑎᒃ ᑖᑦᓱᒧᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 9:16

ᖃᐅᔨᑎᓐᓂᐊᕋᒃᑯ ᖃᓄᖅ ᐊᖏᑎᒋᔪᒥᒃ ᐊᒃᓱᕈᕐᑎᑕᐅᔭᕆᐊᖃᕐᒪᑦ ᐱᑦᔪᑎᒋᓗᖓ.”

ᐱᓕᐱᒥᐅᓄᑦ 1:29

᙭ᔅᑑᓯᒥᒃ ᐱᔨᑦᓯᕈᓐᓇᕐᑎᑕᐅᒐᑦᓯ ᐅᒃᐱᕐᕕᒋᑐᐃᓐᓇᕐᓗᒎᖏᑦᑐᖅ ᐊᒃᓱᕈᕐᑎᑕᐅᑦᔪᑎᒋᓗᒍᓕᑦᑕᐅᖅ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:5

ᑕᒪᓐᓇ ᓇᓗᓁᕐᓯᕗᖅ ᒎᑎᐅᑉ ᓇᓛᒎᑦᓯᐊᕐᑐᒥᒃ ᐃᖅᑲᕐᑐᐃᓂᖓᓂᒃ, ᑕᒪᑐᒨᓇ ᒎᑎᐅᑉ ᐊᑕᓂᐅᕕᖓᓄᑦ ᐱᔪᓐᓇᕐᓯᑎᑕᐅᓛᕋᑦᓯ, ᐊᒃᓱᕈᕐᑎᑕᐅᑦᔪᑎᒋᔭᑦᓯᓐᓄᑦ.

ᔪᐊᓇᓯᐅᑉ ᐂᑉᐸᖏᑦ 1:8

ᐃᓕᑦᓯᓐᓂᒃ ᖃᐅᔨᓴᕆᑦᓯ, ᐱᓇᓱᐊᕐᓯᒪᔭᑦᓯᓐᓂᒃ ᐊᓯᐅᔨᖁᓇᓯ, ᐊᑭᓕᕐᑕᐅᖁᓪᓗᓯᓕ ᑕᒪᒃᑭᑦᑎᐊᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9

ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.