ᒫᑯᓯᐅᑉ ᐊᒡᓚᖏᑦ 13:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᕈᒫᕐᒪᑕ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᒫᕐᐳᑦ ᑲᒪᓇᕐᑐᓕᓂᕐᓂᒡᓗ, ᑕᒻᒪᕐᑎᑦᓯᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᓐᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

Aglait Ijjurnaittut

²² Christuusiuniraqtut sulinngittut, nalauttaijuuniraqtullu sulinngittut saqqirumaarmata nalunaikkutarnik saqqititsijumaaqput kamanaqtulinirniglu, tammaqtissilutik, aglaat niruaqtausimajut ajurnanngippata tammaqtinnasuarlugit.

ᒫᑯᓯᐅᑉ ᐊᒡᓚᖏᑦ 13:22 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᒫᑯᓯᐅᑉ ᐊᒡᓚᖏᑦ 13:21

“ᓇᓪᓕᐊᓐᓄᑦ ᐅᖃᐅᑦᔭᐅᒍᕕᑦ, ‘ᑕᑯᒋᑦ, ᐅᓇ ᑕᕝᕙ ᙭ᔅᑑᓯ!’ ᐅᕝᕙᓗ, ‘ᑕᑯᒋᑦ, ᙭ᔅᑑᓯ ᑍᑲ!’ ᐅᒃᐱᕆᓂᐊᕋᓯᒋᒃ.

ᒫᑯᓯᐅᑉ ᐊᒡᓚᖏᑦ 13:23

ᖃᐅᔨᓴᑦᓯᐊᕆᑦᓯ; ᑕᒪᒃᑯᓂᖓ ᑕᒤᓐᓂᒃ ᐅᖃᐅᑎᕙᑦᓯ ᓱᓕ ᑕᒪᒃᑯᐊ ᓇᓪᓕᐅᑎᖅᑳᕐᑎᓐᓇᒋᑦ.”

ᒫᑯᓯᐅᑉ ᐊᒡᓚᖏᑦ 13:6

ᐊᒥᓱᑦ ᐊᑎᓐᓂ ᐅᕙᖓᐅᓂᕋᕐᓗᑎᑦ ᑎᑭᑦᓱᒫᕐᒪᑕ ᐅᖃᕐᓗᑎᒃ, ‘ᑖᓐᓇᐅᕗᖓ!’ ᐊᒥᓱᑦ ᐅᐃᕖᕐᕆᔪᒫᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 4:48

ᔩᓱᓯᐅᑉ ᐅᖃᐅᑎᕚ, “ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᑕᑯᖏᒃᑯᑦᓯ ᐅᒃᐱᕈᒪᓐᖏᓚᓯ.”

ᒨᓯᓯ ᑕᓪᓕᒪᖏᑦ 13:1

“ᐱᔪᖃᓚᕐᑐᒥᒃ ᐅᖃᕐᑎᐅᓂᕋᕐᑐᒥᒃ ᓯᓐᓇᒃᑐᕐᓂᒡᓗ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᒥᒃ ᐱᑕᖃᓕᕐᐸᑦ ᐊᑯᓐᓇᑦᓯᓐᓂ, ᑲᒪᓇᕐᑐᓕᓂᕐᓂᒃ ᓇᓗᓁᒃᑯᑕᕐᓂᒡᓘᓐᓃᑦ ᐱᑎᑕᐅᓂᐊᕐᓂᕋᕐᑕᐅᒍᑦᓯ,

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᔪᐊᓇᓯ ᓯᕗᓪᓖᑦ 2:18

ᕿᑐᕐᖓᒃᑲ, ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᐳᖅ; ᑐᓴᐅᒪᒐᑦᓯᓗ ᙭ᔅᑑᓯᒥᒃ ᐊᑭᕋᕐᑐᕐᑐᖅ ᑎᑭᓐᓂᐊᕐᓂᕋᕐᑕᐅᑎᓪᓗᒍ, ᒫᓐᓇᓕ ᙭ᔅᑑᓯᒥᒃ ᐊᑭᕋᕐᑐᕐᑐᑦ ᑎᑭᓯᒪᓕᕐᐳᑦ; ᑍᒤᒻᒪᑦ ᖃᐅᔨᒪᓕᕐᐳᒍᑦ ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᒪᑦ.

ᔪᐊᓇᓯ ᓯᕗᓪᓖᑦ 2:19

ᑖᒃᑯᐊ ᐅᕙᑦᑎᓐᓂᒃ ᕿᒤᕗᑦ, ᐃᓚᒋᔭᐅᓪᓚᕆᒃᓯᒪᖏᓐᓇᒥᒃ; ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᒍᑎᒃ, ᐃᓚᐅᖏᓐᓇᕋᔭᓚᐅᕐᐳᑦ; ᕿᒤᓯᒪᕗᓪᓕ, ᓇᓗᓇᕈᓐᓁᖁᓪᓗᒋᑦ ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᖏᓐᓂᖏᓐᓂᒃ.

ᔪᐊᓇᓯ ᓯᕗᓪᓖᑦ 2:26

ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐃᓕᑦᓯᓐᓂᒃ ᑕᒻᒪᕐᑎᑦᓯᓇᓱᐊᕐᑐᑦ ᐱᑦᔪᑎᒋᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:8

ᑖᓐᓇ ᐆᒪᔪᐊᓗᒃ ᑕᑯᓚᐅᕐᑍᑦ ᐆᒪᓚᐅᕐᑑᒐᓗᐊᖅ, ᒫᓐᓇᓕ ᑐᖁᖓᓕᕐᑐᖅ, ᑖᓐᓇᓗ ᒪᑭᑦᓱᒫᕐᐳᖅ ᐃᑎᕐᓴᕐᔪᐊᒥᑦ ᓇᑎᖃᖏᑦᑐᒥᑦ ᐊᓯᕈᕐᑕᐅᔭᕐᑐᓕᕐᓗᓂ; ᓄᓇᕐᔪᐊᒥᓗ ᐃᓅᔪᑦ ᐃᓅᓯᕾᓐᓇᕐᓇᕐᑐᒥ ᐃᓅᔪᒃᓮᑦ ᐊᑎᖃᕐᕕᖏᓐᓂ ᐊᑎᖏᑦ ᑎᑎᕋᕐᑕᐅᓯᒪᖏᑦᑐᑦ ᑍᒪᓐᖓᓂᑦ ᓯᓚᕐᔪᐊᖅ ᐱᓐᖑᕐᑎᑕᐅᓂᖓᓂᑦ, ᑖᒃᑯᐊ ᐆᒪᔪᐊᓗᒃ ᑕᑯᓕᕈᓂᑦᔪᒃ ᑲᒪᓂᐊᕈᑎᒋᔪᒫᕐᐹᑦ, ᑖᓐᓇ ᐆᒪᓚᐅᕐᑑᒐᓗᐊᖅ ᒫᓐᓇᓗ ᑐᖁᖓᓕᕐᑐᖅ ᓱᓕ ᑕᑯᓕᕈᓂᑦᔪᒃ.