ᒫᑯᓯᐅᑉ ᐊᒡᓚᖏᑦ 12:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑐᖁᖓᔪᑦ ᒪᑭᑎᑕᐅᓂᖓᓂᒃ ᐅᖃᕐᓯᒪᔪᓂᒃ ᐊᒡᓚᖕᓂ ᐊᑐᐊᕐᓯᓚᐅᕐᓯᒪᓐᖏᓚᓰ ᒨᓯᓯᐅᑉ ᐊᒡᓚᖏᓐᓂ ᐅᖃᐅᓯᖃᕐᑐᓂᒃ ᐅᕐᐱᒐᕐᒥᒃ ᐃᑯᐊᓚᔪᒥᒃ, ᑕᕝᕙᓂ ᐅᓂᒃᑲᐅᓯᕐᒥ ᒎᑎᐅᑉ ᒨᓯᓯ ᐅᖃᐅᑎᓚᐅᕐᒪᒍ, ‘ᐅᕙᖓ ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ?’

Aglait Ijjurnaittut

²⁶ Tuqungajut makititauninganik uqaqsimajunik aglangni atuaqsilauqsimanngilasii Muusisiup aglanginni uqausiqaqtunik uqpigarmik ikualajumik, tavvani unikkausirmi Guutiup Muusisi uqautilaurmagu, ‘Uvanga Aiprahaam Guutinga, Aisakiullu Guutinga, Jaikuullu Guutinga?’

ᒫᑯᓯᐅᑉ ᐊᒡᓚᖏᑦ 12:26 Iomraidhean Croise

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᒨᓯᓯ ᓯᕗᓪᓖᑦ 28:13

ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᒨᓯᓯ ᓯᕗᓪᓖᑦ 31:42

ᓯᕗᓕᕐᒪᓕ ᒎᑎᖓᑕ, ᐂᑉᕋᕼᐋᒻ ᒎᑎᖓᑕ ᐂᓴᑭᐅᓪᓗ ᓯᕘᕋᒋᔭᖓᑕ, ᐃᓚᒋᓚᐅᖏᑉᐸᖓ, ᐊᐅᓪᓚᕐᑎᓯᒪᓕᕋᔭᕐᐸᕐᒪ ᓱᓇᖃᖏᑦᓯᐊᕐᓗᖓ, ᒎᑎᐅᓪᓕ ᓯᕐᓕᕿᓇᕐᑐᒃᑰᕐᓯᒪᓂᒃᑲ ᐊᒃᓱᕈᕐᓗᖓᓗ ᐱᓇᓱᐊᕐᓯᒪᓂᒃᑲ ᑕᑯᓐᓇᕋᒥᒋᑦ, ᑕᕝᕙ ᐅᓐᓄᐊᖅ ᐃᓂᕐᑎᓚᐅᕐᐹᑎᑦ.”

ᒨᓯᓯ ᓯᕗᓪᓖᑦ 32:9

ᑕᕝᕙ ᔧᑯ ᑐᒃᓯᐊᕐᐳᖅ, “ᐊᑖᑕᒪ ᐂᑉᕋᕼᐋᒻ ᒎᑎᖓ ᐊᑖᑕᒪᓗ ᐂᓴᑭᐅᑉ ᒎᑎᖓ, ᐊᑕᓃᖅ, ᐅᖃᐅᑎᓚᐅᕋᕕᖓ, ‘ᓄᓇᑐᖃᓐᓄᑦ ᐅᑎᕆᑦ ᐃᓚᖕᓄᑦ, ᐱᐅᔪᒥᒡᓗ ᐱᓂᐊᕐᕕᒋᓂᐊᕐᐸᒋᑦ.’

ᒨᓯᓯ ᓯᕗᓪᓖᑦ 33:20

ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑦᑎᕐᓱᓂᐅᒡᓗ ᐃᓪ ᐃᓗᕼᐃ-ᐃᓴᕆᐊᓪᒥᒃ.

ᒨᓯᓯ ᐂᑉᐸᖏᑦ 3:16

ᐊᑏ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᑲᑎᒪᑎᑦᓴᕐᑐᓚᐅᒃᑭᑦ ᐅᖃᐅᑎᓗᒋᓪᓗ, ᐅᕙᖓ ᐊᑕᓂᖅ ᓯᕗᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓ ᓴᖅᑭᓚᐅᕐᓂᕋᕐᓗᖑ ᐃᓕᖕᓄᑦ. ᐅᖃᐅᑎᓗᒋᓪᓗ ᑎᑭᕝᕕᒋᕙᒃᑲ ᖃᐅᔨᓪᓗᖓᓗ ᐄᑦᔨᑉᑎᒥᐅᓄᑦ ᖃᓄᐃᓕᐅᕐᑕᐅᓂᖏᓐᓂᒃ.

ᒫᑯᓯᐅᑉ ᐊᒡᓚᖏᑦ 12:10

ᐅᓇ ᐅᖃᓕᒫᕐᓯᒪᓐᖏᓚᓯᐅᒃ ᒎᑎᐅᑉ ᐅᖃᐅᓯᖏᓐᓂ? ‘ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ, ᑖᓐᓇ ᐱᓪᓚᕆᐅᓂᕐᐸᐅᓪᓗᓂ ᑎᕆᖅᑰᓕᕐᐳᖅ;

ᒫᑯᓯᐅᑉ ᐊᒡᓚᖏᑦ 12:25

ᑐᖁᖓᔪᓪᓕ ᒪᑭᒃᑯᑎᒃ, ᓄᓕᐊᓂᒃᐸᒍᒫᓐᖏᓚᑦ ᐅᐃᓂᒃᐸᖏᓪᓗᑎᒡᓗ, ᐂᖏᓖᑎᑐᑦ ᕿᓚᖕᒦᑦᑐᑎᑐᑦ ᑍᒤᑦᓱᒫᕐᐳᑦ.

ᓘᑲᓯᐅᑉ ᐊᒡᓚᖏᑦ 20:37

ᒨᓯᓯ ᓇᓗᓇᖏᑦᓯᐊᕐᑐᒥᒃ ᖃᐅᔨᑎᑦᓯᓚᐅᕐᐳᖅ ᑐᖁᖓᔪᑦ ᒪᑭᑦᓱᒫᕐᓂᖏᓐᓂᒃ, ᐅᓂᒃᑳᖑᓯᒪᔪᒥ ᐅᒃᐱᒐᕐᓂ ᐃᑯᐊᓚᔪᒥ, ᐊᑕᓂᕐᒥᒃ ᐅᖃᐅᓯᖃᕐᒪᑦ, ‘ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ.’

ᔪᐊᓇᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”

ᕉᒪᒥᐅᓄᑦ 11:2

ᒎᑎᐅᑉ ᐃᓄᖁᑎᓂ ᓇᕐᕈᒋᓕᓐᖏᓔᑦ ᐱᒋᐊᕐᓂᖓᓂᑦ ᓂᕈᐊᕐᓯᒪᒐᒥᒋᑦ. ᖃᐅᔨᒪᓐᖏᓚᑏᑦ? ᐊᒡᓔᑦ ᐅᖃᐅᓯᖃᕐᒪᑕ ᐃᓔᑦᔭᐅᑉ ᑐᒃᓯᐊᕐᓂᕆᓚᐅᕐᑕᖓᓂᒃ ᒎᑎᒧᑦ ᐃᓴᕆᐊᓕᒥᐅᑦ ᐸᓯᓪᓗᓂᒋᑦ ᐃᒤᓕᓚᐅᕐᒪᑦ: