ᒫᑯᓯᐅᑉ ᐊᒡᓚᖏᑦ 12:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᕈᕐᑐᓂᒃ ᐅᐂᓂᒃᓴᓂᒃ ᑲᑎᕐᓯᕕᒃ ᓇᓪᓕᐅᑎᖕᒪᑦ, ᐱᔨᒥᓂᒃ ᑎᓕᓯᕗᖅ ᐱᕈᕐᓰᕕᖕᒥᒃ ᑲᒪᔨᐅᑎᑕᒥᓄᑦ, ᑖᓐᓇ ᐂᒃᓯᖁᓪᓗᒍ ᐱᕈᕐᑐᕕᓃᑦ ᐃᓚᖏᓐᓂᒃ ᐱᑎᑕᐅᔪᒪᓪᓗᓂ.

Aglait Ijjurnaittut

² Piruqtunik uainiksanik katiqsivik nalliutingmat, pijiminik tilisivuq piruqsiivingmik kamajiutitaminut, taanna aiksiqullugu piruqtuvinit ilanginnik pititaujumalluni.

ᒫᑯᓯᐅᑉ ᐊᒡᓚᖏᑦ 12:2 Iomraidhean Croise

ᐊᑕᓃᑦ ᐂᑉᐸᖏᑦ 17:13

ᐊᑕᓂᐅᑉ ᐅᖃᕐᑎᓂ ᑎᓕᕙᓚᐅᕋᓗᐊᕐᐰ ᐃᖅᑬᑎᑦᓯᔭᕐᑐᕐᑎᓪᓗᓂᒋᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ, ᐅᖃᕐᓗᓂ, ᐃᓕᖅᑯᓯᕆᔭᓯ ᓈᒻᒪᖏᑦᑐᑦ ᕿᒪᒡᓗᒋᑦ ᐱᖁᔭᒃᑲ ᒪᓕᒐᒃᓴᕆᕙᓯ ᓯᕗᓕᕕᓂᑦᓯᓐᓄᑦ ᑐᓂᔭᐅᑎᓚᐅᕐᑕᒃᑲ ᒪᓕᒃᑕᐅᖁᓪᓗᒋᑦ ᐃᓕᑦᓯᓐᓄᑦᑕᐅᖅ ᐅᖃᐅᓯᕆᔭᐅᑎᓯᒪᔭᒃᑲ ᒪᓕᒃᑕᐅᖁᓪᓗᒋᑦ ᐱᔨᒋᔭᒃᑲ ᐅᖃᕐᑎᖁᑎᒃᑲᓗ ᐊᖅᑯᑎᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 36:15

ᑖᑦᓱᒪ ᐊᑕᓂᐅᑉ, ᓯᕗᓕᖏᑕ ᒎᑎᖓᑕ ᑎᓕᓯᕕᒋᓪᓗᒋᑦ ᐃᓂᕐᑎᖃᑦᑕᓚᐅᕐᐰᑦ ᐅᖃᕐᑎᒥᒍᑦ, ᐃᓄᖁᑎᓂ ᐃᓚᑦᓱᒋᒐᒥᒋᑦ ᐃᒡᓗᓗ ᐃᓂᒃᓴᕆᔭᓂ ᓴᐳᑎᔪᒪᓪᓗᒍ.

ᐄᓱᕋᐅᑉ ᐊᒡᓚᖏᑦ 9:11

ᑐᓂᓚᐅᕐᑕᑎᑦ ᐅᕙᑦᑎᓐᓄᑦ ᐱᔨᒃᑯᑦ, ᐅᖃᕐᑎᒃᑯᓪᓗ, ᐅᖃᐅᑦᔭᐅᓚᐅᕐᐳᒍᑦ ᓄᓇᑖᕆᓂᐊᕐᑕᕗᑦ ᐃᑦᔪᕐᓇᕐᑑᖕᒪᑦ ᑕᒫᓂ ᓄᓇᓖᑦ ᐃᓄᐃᑦ ᐃᓱᐊᓂᑦ ᐃᓱᐊᓄᑦ ᐃᓅᓯᖃᕐᒪᑕ ᐱᐅᖏᑦᑐᓂᒃ ᐃᑦᔪᕐᓇᕐᑐᓂᒡᓗ.

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 44:4

ᐅᖃᕐᑎᓐᓂᒃ ᐱᓇᓱᐊᕐᕕᐅᔭᕐᑐᕐᑎᖃᑦᑕᓚᐅᕐᐸᑦᓯ, ᐅᖃᐅᑎᓪᓗᓯ, ‘ᐱᐅᖏᑦᑐᓂᒃ ᐆᒥᒋᔭᓐᓂᒃ ᐱᓇᓱᐊᓕᖁᓇᓯ.’

ᒤᑲᐅᑉ ᐊᒡᓚᖏᑦ 7:1

ᑲᑉᐱᐊᓐᓇᒦᒃ! ᐊᐅᔭᒥ ᑲᑎᕐᓱᐃᔪᑐᑦ ᐱᕈᕐᑐᓂᒃ ᑲᑎᕐᓱᐃᓴᕇᕐᑎᓪᓗᒋᑦ ᐊᒥᐊᒃᑯᖏᓐᓂᑦ ᑲᑎᕐᓱᐃᔭᕐᑐᕋᓗᐊᕋᒪ, ᐸᐅᕐᖓᓂᒃ ᕔᓂᒃᓴᓂᒃ ᑲᑎᓐᖓᔪᓂᒃ ᓂᕆᔭᒃᓴᓂᒃ ᐱᑕᖃᓐᖏᓚᖅ, ᐸᐅᕐᖓᓂᒡᓗ ᐱᒋᓕᖕᓂᒃ ᐱᕈᕋᑖᕐᓂᑯᓂᒃ ᑕᐅᑐᓐᖑᐊᕐᑕᓐᓂᒃ ᐱᑕᖃᖏᒻᒪᑦ.

ᓴᑲᕅᐊᐅᑉ ᐊᒡᓚᖏᑦ 7:7

ᐊᑕᓂᖅ ᑍᒫᒃ ᐅᖃᖃᑦᑕᓚᐅᕐᐳᖅ ᐅᖃᕐᑎᒥᒍᑦ ᓯᕗᓪᓕᕐᑎᒍᑦ ᔨᕉᓴᓕᒻᒥᐅᑦ ᖃᓂᒋᔭᖏᓐᓃᑦᑐᓪᓗ ᓮᒻᒪᖃᑎᒌᑦᓯᐊᕐᑎᓪᓗᒋᑦ ᐊᔪᕐᓴᖏᑦᓯᐊᕐᑎᓪᓗᒋᓪᓗ, ᓂᕆᕕᒃ ᐃᓄᖃᕐᑎᓪᓗᒍ ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐱᖑᐃᑦ ᐊᑖᓂ ᓄᓇᓕᖃᕐᑎᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 21:34

ᐸᐅᕐᖓᓂᒡᓕ ᑲᑎᕐᓯᕕᒃ ᓇᓪᓕᐅᑎᓕᕐᒪᑦ, ᐱᔨᓂ ᑎᓕᕔᑦ ᐱᕈᕐᓰᕕᖕᒥᒃ ᑲᒪᔨᓄᑦ ᑲᑎᕐᓱᕐᑕᖏᓐᓂᒃ ᐸᐅᕐᖓᓂ ᐱᖃᑕᐅᔪᒪᓪᓗᓂ;

ᒫᑯᓯᐅᑉ ᐊᒡᓚᖏᑦ 12:1

ᔩᓱᓯᐅᑉ ᐊᔪᕆᕐᑐᕐᐰᑦ ᐊᑦᔨᐅᔪᑎᒍᑦ, ᐅᖃᕐᓗᓂ: “ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᐱᕈᕐᓰᕕᖕᒥᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ, ᐃᑎᕐᓴᓕᐅᕐᓗᓂ ᐅᐂᓂᑦ ᐃᑦᓯᔭᕐᑕᐅᕕᒃᓴᖓᓂᒃ, ᑕᕝᕙᓂ ᐃᒡᓗᓕᐅᕐᐳᖅ ᐳᕐᑐᔪᒥᒃ ᖃᐅᔨᓴᕐᕕᒃᓴᒥᒃ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᑲᒪᔨᐅᓂᐊᕐᑐᓄᑦ, ᐱᔭᕇᕋᒥ ᓄᓇᐅᑉ ᐊᓯᐊᓄᑦ ᐊᐅᓪᓚᕐᐳᖅ.

ᒫᑯᓯᐅᑉ ᐊᒡᓚᖏᑦ 12:3

ᐱᕈᕐᓰᕕᓕᕆᔪᑦ ᑖᓐᓇ ᑎᒍᕚᑦ ᐋᓐᓂᕐᓯᕐᓗᒍᓗ, ᐅᑎᕐᑎᑉᐹᑦ ᓱᓇᒥᒡᓘᓐᓃᑦ ᓇᒃᓴᕐᑎᓐᓇᒍ.

ᓘᑲᓯᐅᑉ ᐊᒡᓚᖏᑦ 12:48

ᐱᔨᓕ ᖃᐅᔨᒪᖏᑦᑐᖅ ᐊᖓᔪᖅᑳᒥ ᐱᖁᔭᖓᓂᒃ, ᑏᒐᕐᑐᕐᑕᐅᑦᔪᑎᒃᓴᒥᒃ ᐱᓚᐅᕋᓗᐊᕐᓗᓂ ᒥᑭᔪᒥᒃ ᑏᒐᕐᑐᕐᑕᐅᔪᒫᕐᐳᖅ. ᐊᒥᓱᓂᒃ ᑐᓂᓯᕕᐅᔪᖅ ᐊᒥᓱᓂᒃᑕᐅᖅ ᐱᔪᒪᕕᐅᔪᒫᕐᐳᖅ; ᓱᓕ ᐊᖏᓂᕐᓴᑲᓐᓂᕐᓂᒃ ᑐᓂᓯᕕᐅᔪᖅ ᓱᓕ ᐊᖏᓂᕐᓴᑲᓐᓂᕐᓂᒃ ᐱᔪᒪᕕᐅᔪᒫᕐᐳᖅ.”

ᓘᑲᓯᐅᑉ ᐊᒡᓚᖏᑦ 20:10

ᐸᐅᕐᒊᑦ ᑲᑎᑕᐅᕕᒃᓴᖓᑦ ᓇᓪᓕᐅᑎᖕᒪᑦ, ᐱᔨᒥᓂᒃ ᑎᓕᓯᕗᖅ ᐸᐅᕐᖓᓂᒃ ᐱᑖᕆᔭᕆᐊᖃᕐᑕᒥᓂᒃ ᑎᒍᓯᖁᓪᓗᒍ ᐱᕈᕐᓰᕕᖕᒥᓂᑦ; ᑖᒃᑯᐊᓕ ᑲᒪᔨᐅᑎᑕᖏᑕ ᐱᔨ ᐋᓐᓂᕐᓯᕐᐹᑦ, ᓇᒃᓴᕐᑎᓐᓇᒍ ᐅᑎᕐᑎᑉᐹᑦ.

ᐄᑉᕈᐃᓄᑦ 1:1

ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;