ᒫᑯᓯᐅᑉ ᐊᒡᓚᖏᑦ 1:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᕾᒐᓛᓕᕐᐳᖅ, “ᐅᕙᑦᑎᓐᓂᒃ ᖃᓄᐃᓕᐅᕆᐊᕐᑐᕐᐲᑦ ᔩᓱᓯ ᓈᓴᕇᑎᒥᐅᖅ? ᐅᕙᑦᑎᓐᓂᒃ ᐊᓯᕈᐃᔭᕐᑐᕐᐲᑦ? ᖃᐅᔨᒪᕗᖓ ᑭᓇᐅᖕᒪᖔᕐᐱᑦ; ᒎᑎᐅᑉ ᐃᑦᔪᕐᓁᑦᑐᖁᑎᒋᕚᑎᑦ.”

Aglait Ijjurnaittut

²⁴ Qaigalaaliqpuq, “Uvattinnik qanuiliuriaqtuqpit Jiisusi Naasariitimiuq? Uvattinnik asiruijaqtuqpit? Qaujimavunga kinaungmangaaqpit; Guutiup Ijjurnaittuqutigivaatit.”

ᒫᑯᓯᐅᑉ ᐊᒡᓚᖏᑦ 1:24 Iomraidhean Croise

ᐃᓐᖏᕈᑎᑦ 16:10

ᑕᕐᓂᕋ ᑐᖁᖓᔪᑦ ᐃᓂᖓᓃᑦᓮᓐᓇᕐᓂᐊᓐᖏᓚᖅ, ᐃᑦᔪᕐᓁᑦᑐᖁᑎᕕᓪᓗ ᑎᒥᖓ ᓱᕈᕐᓂᕐᒥᒃ ᖃᐅᔨᑎᓐᓂᐊᓐᖏᓚᑦ.

ᒨᓯᓯ ᐂᑉᐸᖏᑦ 14:12

ᐅᖃᐅᑦᔨᓚᐅᓐᖏᓚᒎᑦ ᐃᓕᖕᓂᒃ ᐊᐅᓪᓚᓚᐅᖅᑳᕋᑕ ᓱᓕ ᐄᑦᔨᑉᑎᒥᑦ ᐃᒤᑦᑐᒧᑦ ᑎᑭᑐᐃᓐᓇᕆᐊᖃᕐᓂᕋᕐᓗᑖ? ᐃᓕᖕᓄᑦ ᑲᒪᒋᔭᐅᔪᒪᓇᑕ ᐅᖃᓚᐅᕋᓗᐊᕐᐳᒍᑦ ᐄᑦᔨᑉᑎᒥᐅᓄᑦ ᓯᐊᓛᕆᔭᐅᖏᓐᓇᖔᕈᒪᓪᓗᑕ. ᓯᐊᓛᕆᔭᐅᒐᓗᐊᕐᓗᑕ ᐱᐅᓂᕐᓴᐅᓚᐅᕐᒪᑦ ᑍᑲᓂ, ᒫᓂ ᐃᓄᖃᖏᑦᑐᒥ ᑐᖁᑐᐃᓐᓇᕋᔭᕐᓂᑦᑎᓐᓂᑦ.”

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒫᑎᐅᓯᐅᑉ ᐊᒡᓚᖏᑦ 2:23

ᐃᒡᓗᒐᓴᖕᓄᑦ ᓈᓴᕇᑎᒥᒃ ᐊᑎᓕᖕᓄᑦ ᑎᑭᓐᓇᒥ, ᑕᕝᕙᓂ ᓄᓇᖃᓕᕐᐳᖅ, ᓇᓚᐅᑦᑍᔫᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᓈᓴᕇᑎᒥᐅᑕᕐᒥᒃ ᑍᔭᐅᔪᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 8:29

ᑖᒃᑯᐊᒃ ᓂᓪᓕᐊᓕᕐᐴᒃ ᕾᒐᓛᕐᓗᑎᒃ, “ᐅᕙᑦᑎᖕᓄᑦ ᖃᓄᐃᓕᐅᕆᐊᕐᑐᕐᐲᑦ ᒎᑎᐅᑉ ᐃᕐᓂᖓ? ᐋᓐᓂᐊᑎᑦᓯᔭᕐᑐᕐᐲᑦ ᓱᓕ ᐱᕕᒃᓴᖅ ᓇᓪᓕᐅᑎᓚᐅᕐᑎᓐᓇᒍ?”

ᒫᑯᓯᐅᑉ ᐊᒡᓚᖏᑦ 1:23

ᐊᔪᕆᕐᑐᐃᑎᓪᓗᒍ ᐃᑎᕐᑐᖃᕐᐳᖅ ᑲᑎᒪᕕᒋᔭᖓᓐᓄᑦ ᐊᖑᒻᒥᒃ ᐊᓂᕐᓂᕐᓗᖕᒧᑦ ᐃᓗᒻᒥᕐᑕᐅᓯᒪᔪᒥᒃ;

ᒫᑯᓯᐅᑉ ᐊᒡᓚᖏᑦ 1:25

ᔩᓱᓯᐅᑉ ᐊᓂᕐᓂᕐᓗᒃ ᐃᓂᕐᑎᕐᐹᒃ, ᐅᖃᕐᓗᓂ, “ᓂᐱᖃᓐᖏᓚᐅᕆᑦ, ᐃᓄᖕᒥᑦ ᑕᕝᕙᓐᖓᑦ ᐊᓂᒋᑦ!”

ᒫᑯᓯᐅᑉ ᐊᒡᓚᖏᑦ 10:47

ᑖᓐᓇ ᑐᓴᕋᒥ ᔩᓱᓯ ᓈᓴᕇᑎᒥᐅᒥᒃ ᐊᖅᑯᓵᓕᕐᑐᒥᒃ, ᕾᒐᓛᓕᕐᐳᖅ ᐅᖃᕐᓗᓂ, “ᔩᓱᓰ! ᑍᕕᑎᐅᑉ ᐃᕐᓂᖓ, ᓂᑲᒋᓐᖓ!”

ᒫᑯᓯᐅᑉ ᐊᒡᓚᖏᑦ 14:67

ᑖᑦᓱᒪ ᐲᑦᑐᕉᓯ ᑕᑯᒐᒥᐅᒃ ᐃᑯᒪᔫᑉ ᓴᓂᐊᓂ ᐅᖅᑰᓯᑦᑎᕐᑎᓪᓗᒍ, ᑕᑯᓐᓇᓕᕋᒥᐅᒃ ᐅᖃᕐᐳᖅ, “ᐃᕝᕕᑦᑕᐅᖅ ᔩᓱᓯ ᓈᓴᕇᑎᒥᐅᖅ ᐃᓚᒋᓚᐅᕐᐸᑦ.”

ᒫᑯᓯᐅᑉ ᐊᒡᓚᖏᑦ 16:6

ᑖᑦᓱᒪ ᐅᖃᐅᑎᕔᑦ, “ᖁᐊᕐᓵᕋᓯ; ᔩᓱᓯ ᓈᓴᕇᑎᒥᐅᖅ ᑭᑭᐊᒃᑐᕐᑕᐅᓚᐅᕐᑐᖅ ᕿᓂᕐᐱᓯᐅᒃ. ᒪᑭᓯᒪᓕᕐᐳᖅ, ᑕᒫᓃᓐᖏᓚᖅ; ᑕᑯᓕᕐᓯᐅᒃ ᑎᒥᖓᑕ ᐃᓂᒋᓚᐅᕐᑕᖓ.

ᒫᑯᓯᐅᑉ ᐊᒡᓚᖏᑦ 5:7

ᕾᒐᓛᕐᓗᓂ ᓂᐱᖁᕐᑐᓪᓗᓂ ᐅᖃᕐᐳᖅ, “ᐅᕙᓐᓅᑦ ᖃᓄᐃᓕᐅᕆᐊᕐᑐᕐᐲᑦ ᔩᓱᓰ, ᒎᑎᐅᑉ ᖁᑦᓯᖕᓂᕐᐹᑉ ᐃᕐᓂᖓ? ᒎᑎᐅᑉ ᓵᖓᓂ ᕿᓄᕕᒋᕙᒋᑦ, ᐋᓐᓂᕐᓯᕐᑍᓕᓐᖓ.”

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 24:19

ᔩᓱᓯᐅᑉ ᐊᐱᕆᕚ, “ᓱᓇᒥᒃ ᐱᔪᖃᓚᐅᕐᒪᑦ?” ᑖᒃᑯᐊᒃ ᐅᖃᕐᐴᒃ, “ᔩᓱᓯ ᓈᓴᕇᑎᒥᐅᖅ ᐱᓪᓗᒍ, ᑖᓐᓇ ᓇᓚᐅᑦᑍᔪᓚᐅᕐᐳᖅ ᐱᔪᓐᓇᕐᓂᖃᕐᓗᓂ ᐱᓂᐊᕐᓂᕐᒥᒍᑦ ᐅᖃᐅᓯᕐᒥᒍᓪᓗ ᒎᑎᐅᑉ ᐃᓄᐃᓪᓗ ᓵᖓᓂ.

ᓘᑲᓯᐅᑉ ᐊᒡᓚᖏᑦ 4:34

“ᐋᖅ! ᔩᓱᓯ ᓈᓴᕇᑎᒥᐅᖅ, ᖃᓄᐃᓕᐅᕆᐊᕐᑐᕐᐱᑎᒎᑦ, ᑐᖁᕋᕆᐊᕐᑐᕐᐱᑎᒎᑦ? ᑭᓇᐅᖕᒪᖔᕐᐱᑦ ᖃᐅᔨᒪᒐᒃᑭᑦ, ᒎᑎᐅᑉ ᐃᑦᔪᕐᓁᑦᑐᖁᑎᒋᖕᒪᑎᑦ.”

ᓘᑲᓯᐅᑉ ᐊᒡᓚᖏᑦ 8:28

ᑖᑦᓱᒪ ᔩᓱᓯ ᑕᑯᒐᒥᐅᒃ, ᕾᒐᓛᕐᐳᖅ ᓵᖓᓄᑦ ᐹᒻᒪᒡᓗᓂ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᖃᓄᐃᓕᐅᕐᓂᐊᕐᐱᖔ ᔩᓱᓯ, ᒎᑎᐅᑉ ᖁᑦᓯᖕᓂᕐᐹᑉ ᐃᕐᓂᖓ? ᕿᓄᕕᒋᕙᒋᑦ ᑲᑉᐱᐊᓱᒃᑎᓐᓂᐊᕐᓇᖓ.”

ᓘᑲᓯᐅᑉ ᐊᒡᓚᖏᑦ 8:37

ᑕᕝᕙ ᐃᓄᐃᑦ ᒋᕌᓴᐅᑉ ᖃᓂᒋᔭᖓᓃᑦᑐᓕᒫᑦ ᔩᓱᓯ ᐊᐅᓪᓚᖁᓕᕐᐹᑦ; ᐊᒃᓱᒻᒪᕆᐊᓗᒃ ᑲᑉᐱᐊᓱᓕᕋᒥᒃ; ᔩᓱᓯ ᐅᒥᐊᒧᑦ ᐃᑭᒐᒥ ᐅᑎᓕᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 6:69

ᐅᒃᐱᓕᕐᓗᑕᓗ ᖃᐅᔨᕗᒍᑦ ᒎᑎᐅᑉ ᐃᑦᔪᕐᓁᑦᑐᖁᑎᒋᖕᒪᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:27

ᑐᖁᖓᔪᑦ ᐃᓂᖓᓄᑦ ᑕᕐᓂᕋ ᕿᒪᖕᓂᐊᖏᓐᓇᕕᐅᒃ, ᐃᑦᔪᕐᓁᑦᑐᖁᑏᑦ ᐃᒍᓇᖁᓂᐊᓐᖏᓚᑦ ᐃᓗᕕᕐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 24:5

“ᐅᓇ ᐊᖑᑦ ᖃᐅᔨᔭᕗᑦ ᐃᓅᖃᑎᒌᓂᒃ ᓱᕋᒃᑎᕆᔨᐅᖕᒪᑦ, ᔫᑎᓂᒃ ᓇᓂᑐᐃᓐᓇᖅ ᐅᐃᒪᔮᕐᑎᑦᓯᕙᒃᓗᓂ, ᐊᖓᔪᖅᑳᕆᔭᐅᔪᕐᓗ ᓈᓴᕇᑎᒥᐅᓄᑦ ᐅᒃᐱᕐᑐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:14

ᑖᓐᓇ ᐃᑦᔪᕐᓁᑦᑐᖅ ᐊᑲᐅᔪᕐᓗ ᓇᕐᕈᒋᓚᐅᕐᐸᓯ, ᐃᓄᐊᕐᓯᒪᔪᒥᒃ ᐊᓂᑎᑕᐅᖁᔨᖔᓚᐅᕐᐳᓯ,

ᐋᐴᓯᑕᓖᑦ ᐱᓂᐊᕐᓂᖏᑦ 4:27

“ᓇᓗᓇᖏᒻᒪᑦ ᓄᓇᓕᖕᓂ ᐅᕙᓂ ᐃᕉᑕᓯ, ᐴᓐᑎᐅᓯ ᐰᓛᑑᓯᓗ ᔫᑎᐅᖏᑦᑐᓪᓗ, ᐃᓴᕆᐊᓕᒥᐅᓪᓗ ᑲᑐᑦᔨᓕᓚᐅᕐᒪᑕ, ᐱᔨᒋᔧᑦ ᐃᑦᔪᕐᓁᑦᑐᖅ ᔩᓱᓯ ᙭ᔅᑑᓯᖁᑎᒋᔧᑦ ᐊᑭᕋᕐᑐᕐᓗᒍ.

ᔧᒥᓯᐅᑉ ᐊᒡᓚᖏᑦ 2:19

ᐊᑕᐅᓯᕐᒥᒃ ᒎᑎᒥᒃ ᐅᒃᐱᕆᔭᖃᕐᐳᑎᑦ; ᓈᒻᒪᑦᑎᐊᕐᑐᒥᒃ ᐱᕗᑎᑦ. ᐊᓂᕐᓂᕐᓗᐃᑦᑕᐅᖅ ᑍᒫᒃ ᐅᒃᐱᕐᒥᖕᒪᑕ ᓴᔪᒡᓗᑎᒡᓗ.

ᔪᐊᓇᓯ ᓯᕗᓪᓖᑦ 2:20

ᐃᓕᑦᓯᓕ ᐃᓗᒻᒥᕐᑕᐅᓯᒪᕗᓯ ᐃᑦᔪᕐᓁᑦᑐᒧᑦ, ᑕᒪᑦᓯᓗ ᖃᐅᔨᓯᒪᓕᕐᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.