ᒤᑲᐅᑉ ᐊᒡᓚᖏᑦ 7:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.

ᒤᑲᐅᑉ ᐊᒡᓚᖏᑦ 7:2 Iomraidhean Croise

ᐃᓐᖏᕈᑎᑦ 10:9

ᖃᐅᔨᔭᐅᓇᓂᓗ ᐅᑕᖅᑭᕗᖅ ᓛᔭᑎᑐᑦ ᓯᑎᒥᓂ ᐅᑕᖅᑭᔪᑎᑐᑦ, ᐅᑕᖅᑭᕗᕐᓗ ᐊᔪᕐᓴᕐᑐᖅ ᓵᓚᒋᔪᒪᓪᓗᒍ; ᐊᔪᕐᓴᑐᓪᓗ ᓵᓚᒋᕔᑦ, ᐅᓂᐊᕐᓗᒋᓪᓗ ᓄᓗᐊᒥᓄᑦ.

ᐃᓐᖏᕈᑎᑦ 12:1

ᐃᑲᔪᓚᐅᕆᑦ, ᐊᑕᓃᖅ, ᒎᑎᒥᒃ ᓈᓚᑦᓯᐊᕐᑐᑦ ᓄᖑᓕᕐᒪᑕ! ᐅᒃᐱᕐᓂᕐᒥ ᓱᖁᓯᔪᐃᑦᑐᑦ ᐊᓯᐅᓕᕐᒪᑕ ᐃᓄᖕᓂᑦ.

ᐃᓐᖏᕈᑎᑦ 12:2

ᓱᓕᖏᑦᑐᓂᒃ ᐅᖃᐅᓯᖃᕐᐳᑦ ᐃᓅᖃᑎᒥᖕᓄᑦ; ᖃᓂᕐᒥᖕᓄᑦ ᐱᐅᔪᕆᔪᒧᑦ, ᐆᒪᒻᒧᓪᓗ ᑕᒃᑯᕐᒨᕐᑐᒧᑦ ᓂᓪᓕᐊᕗᑦ.

ᐃᓐᖏᕈᑎᑦ 57:6

ᐱᓱᒡᕕᒋᓂᐊᕐᑕᓐᓄᑦ ᓄᓗᐊᓂᒃ ᐃᓕᓯᕗᑦ; ᑕᕐᓂᕋ ᐅᑯᖓᓕᕐᐳᖅ ᕿᒃᓵᓂᕐᒧᑦ. ᐃᑎᕐᓴᓕᐅᓚᐅᕐᐳᑦ ᐊᖅᑯᑎᒋᓂᐊᕐᑕᓐᓂ, ᓇᖕᒥᓂᕐᓕ ᐃᑎᕐᓴᓕᐅᓚᐅᕐᑕᒥᓄᑦ ᐃᔪᒃᑲᕐᐳᑦ. ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:11

ᐅᖃᕐᐸᑕ, “ᕾᓗᑎᑦ, ᑐᖁᑕᒃᓴᑦᑎᓐᓂᒃ ᐅᑕᖅᑭᓚᐅᕐᑕ, ᐃᓄᖕᒥᒃ ᐸᓯᔭᒃᓴᐅᖏᑦᑐᒥᒃ ᐱᕋᔭᒡᓗᑕ ᐅᐸᓗᐃᓯᓚᐅᕐᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:6

ᐱᐅᖏᑦᑐᑦ ᐅᖃᐅᓯᖏᑦ ᐅᑕᖅᑭᓂᐅᕗᑦ ᑐᖁᑦᓯᔪᒪᓂᕐᒧᑦ ᐃᓱᐊᕐᑐᓪᓕ ᐅᖃᐅᓯᖏᑦ ᐃᓄᖕᓂᒃ ᓴᐳᑦᔨᕗᑦ.

ᐂᓮᐊᓯᐅᑉ ᐊᒡᓚᖏᑦ 3:5

ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 57:1

“ᓇᓛᒎᕐᑐᑦ ᑐᖁᔭᕌᖓᑕ, ᐃᓄᐃᑦ ᐆᒻᒪᑎᒥᒍᑦ ᐃᓱᒫᓘᑎᖃᓐᖏᓚᑦ; ᐱᓇᓱᐊᑦᓯᐊᕐᑐᑦ ᐃᓅᔪᓐᓃᕋᖓᑕ, ᐃᓱᒪᒋᔭᐅᓐᖏᓚᑦ ᑲᑉᐱᐊᓇᕐᑐᒥᑦ ᓴᐳᑎᔭᐅᖁᓪᓗᒋᑦ ᐱᔭᐅᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 59:7

ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.

ᐂᓮᐊᓯᐅᑉ ᐊᒡᓚᖏᑦ 9:19

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓄᑦ ᓄᓇ ᐃᑯᐊᓪᓚᒃᑕᐅᕗᖅ, ᐃᓄᐃᓪᓗ ᐃᑯᒪᒧᑦ ᐃᑯᐊᓪᓚᖅᑯᑎᒃᓴᑎᑐᑦ ᑍᒤᓪᓗᑎᒃ; ᓇᓪᓕᐊᓪᓘᓐᓃᑦ ᖃᑕᓐᖑᑎᒥᓂᒃ ᓴᐳᑦᔨᔪᓐᓇᕐᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 16:16

“ᑕᑯᒋᑦ, ᐃᖃᓗᒃᓯᐅᕐᑎᓂᒃ ᐅᓄᕐᑐᓂᒃ ᑎᓕᓯᕕᒋᓂᐊᕐᐸᒃᑲ, ᐊᑕᓂᖅ ᐅᖃᕐᐳᖅ, ᐱᔭᕆᔭᐅᓂᐊᕐᐳᓪᓗ, ᑕᒪᑐᒪᓕ ᑭᖑᓂᖓᒍᑦ ᐆᒪᔪᕐᓯᐅᕐᑎᓂᒃ ᐅᓄᕐᑐᓂᒃ ᑎᓕᓯᓂᐊᕆᕗᖓ ᐱᔭᐅᓇᓱᐊᖁᓪᓗᒋᑦ ᖃᖅᑲᓃᕝᕕᒋᔭᖏᓐᓂᑦ, ᐱᖑᕐᒦᕝᕕᒋᔭᖏᓐᓂᓪᓗ, ᕾᕈᓱᖕᒦᕝᕕᒋᔭᖏᓐᓂᓪᓗ.

ᔨᕆᒤᐊᐅᑉ ᐊᒡᓚᖏᑦ 5:16

ᐱᑎᒃᓯᖃᐅᑎᖏᑦ ᐃᓗᕕᕐᑎᑐᑦ ᒪᑐᐃᖓᔪᑎᑐᑦ ᑍᒤᑉᐳᑦ, ᐊᔪᖏᑦᑐᕐᔪᐊᑦ.

ᔨᕆᒤᐊᐅᑉ ᐊᒡᓚᖏᑦ 5:26

ᐃᓄᖁᑎᒃᑲ ᐃᓚᖃᐅᓕᕐᐳᑦ, ᐱᐅᖏᑦᑐᓕᔪᓂᒃ, ᐅᑕᖅᑭᔪᑎᑐᑦ ᑎᖕᒥᐊᓂᒃ ᓂᒐᕐᑎᓐᓂᐊᕐᑕᒥᖕᓂᒃ, ᐃᓄᖕᓄᓪᓗ ᐊᔪᓕᕐᕕᐅᒐᔭᕐᑐᓂᒃ ᐋᖅᑭᒃᓯᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 8:6

ᑐᓵᓇᓱᑦᓯᐊᖃᑦᑕᕋᓗᐊᕐᐳᖓ, ᑭᓯᐊᓂᓕ ᐱᐅᔪᒥᒃ ᑐᓴᕐᕕᒋᓚᐅᕐᓯᒪᓐᖏᓚᒃᑲ ᖃᕿᐊᓕᕐᑐᖃᖃᑦᑕᖏᒻᒪᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᐅᖃᕐᑐᖃᕈᓐᓇᖏᒻᒪᓪᓘᓐᓃᑦ, ‘ᑕᒻᒪᕐᑐᐊᓘᕗᖓ.’ ᑕᒪᕐᒥᒃ ᐊᑐᕈᒪᔭᑐᐃᓐᓇᕐᒥᖕᓂᒃ ᐃᓅᓇᓱᑐᐃᓐᓇᓕᕐᒪᑕ ᓲᕐᓗ ᕿᒻᒥᕐᔪᐊᖅ ᐸᖓᓕᒃᓯᔪᖅ ᐅᓇᑕᕆᐊᕈᑕᐅᓕᕋᒥ ᐅᓇᑕᕐᑐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:18

ᐊᑭᕋᑦᑎᓐᓄᑦ ᓇᒧᓐᖓᕐᓂᕗᑦ ᖃᐅᔨᒪᔭᐅᓇᓱᐊᖏᓐᓇᓕᓚᐅᕐᐳᑦ, ᐊᖅᑯᑎᑎᒍᑦ ᐱᓱᑲᑕᒍᓐᓁᓪᓕᓚᐅᕐᐳᒍᑦ ᐊᒡᓛᑦ, ᐅᓪᓗᐃᑦ ᓈᓴᕐᑕᐅᓯᒪᓚᐅᕐᐳᑦ ᐃᓱᓕᕝᕕᒃᓴᕗᑦ, ᐃᓱᓕᕝᕕᒃᓴᕗᑦ ᓇᓪᓕᐅᑎᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 24:6

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑲᑉᐱᐊᓐᓇᒦᖑᕗᖅ ᐃᒡᓗᒐᓴᒡᔪᐊᕐᒥᐅᓄᑦ ᐃᓄᐊᕐᑎᓄᑦ, ᐅᒃᑯᓯᖕᒥᒃ ᒪᓐᖏᕐᑐᕆᓂᕐᒥᒃ ᓴᓗᒻᒪᕆᐊᕐᑕᐅᓚᐅᕐᓯᒪᖏᑦᑐᒥᒃ ᐊᑦᔨᖃᕐᐳᑦ, ᐆᒋᖏᑦ ᐊᑕᐅᓯᐅᓈᕐᑎᕐᓗᒋᑦ ᐲᔭᕐᑕᐅᕗᑦ, ᓂᕈᐊᕐᕕᐅᓇᑎᒃ.

ᕼᐆᓯᐊᑉ ᐊᒡᓚᖏᑦ 5:1

“ᐅᓇ ᓈᓚᒃᓯᐅᒃ, ᑐᓂᕐᕈᓯᕐᑎᑦᓯᔨᐅᔪᓯ! ᓈᓚᑦᓯᐊᓚᐅᕆᑦᓯ, ᐃᓴᕆᐊᓕᒥᐅᑦ ᑭᖑᕚᖏᑦ! ᓈᓚᒋᑦᓯ, ᐊᖓᔪᖅᑳᕐᔪᐊᑉ ᑭᖑᕚᖏᑦ! ᐋᖅᑭᒃᓱᐃᔨᐅᔪᒃᓴᐅᓪᓗᓯ ᐊᑦᔨᒌᒃᑎᑦᓯᓂᕐᒧᑦ ᐱᔭᒃᓴᖃᕋᓗᐊᕐᐳᓯ; ᒥᑭᒋᐊᖑᓕᕐᐳᓯᓕ ᒥᔅᐸᒥ, ᓄᓗᐊᑐᑦ ᐃᓯᕕᓯᒪᔪᑎᑐᑦ ᖃᖅᑲᒥ ᑍᐸᕆᒥ.

ᕼᐆᓯᐊᑉ ᐊᒡᓚᖏᑦ 6:9

ᑐᓂᕐᕈᓯᕐᑎᓯᔩᑦ ᑕᕝᕙᓂ ᑎᒡᓕᒃᑎᑐᑦ ᑍᒤᑉᐳᑦ ᐅᑕᖅᑭᕙᒃᑐᑐᑦ ᐅᐸᓗᐃᓪᓗᒋᑦ ᐃᓄᖕᒥᒃ ᓵᓚᒋᓪᓗᒍ ᑎᒡᓕᒃᐸᒃᑐᑐᑦ; ᐊᒡᓛᑦ ᐊᖅᑯᑎᒃᑯᒃ ᓯᑭᒻᒧᐊᖓᔪᒥ ᐃᓄᐊᕐᐸᒃᐳᑦ, ᑍᒫᒡᓗ ᐱᐅᖏᑦᑐᓂᒃ ᐱᓇᓱᐊᕐᐸᒃᐳᑦ.

ᒤᑲᐅᑉ ᐊᒡᓚᖏᑦ 2:8

ᒫᓐᓇᑯᓪᓕ ᐃᓄᖁᑎᒃᑲ ᐊᑭᕋᕐᑎᑐᑦ ᐱᓇᓱᐊᓕᕐᐳᑦ, ᐅᓕᒡᔪᐊᖏᓐᓂᒃ ᐊᓐᓄᕌᖏᓐᓂᒡᓗ ᐊᕐᓵᕐᓯᖕᒪᑕ, ᐃᓕᑦᓯᓐᓂᒃ ᐃᓱᒪᔮᕈᑎᖃᕋᑎᒃ ᐊᖅᑯᓵᕐᑐᑦ, ᐊᖑᑎᑎᑐᑦ ᐅᑎᕋᑖᕐᑐᑎᑐᑦ ᐅᓇᑕᕐᓂᕐᒥᑦ.

ᒤᑲᐅᑉ ᐊᒡᓚᖏᑦ 3:10

ᓴᓇᓚᐅᕐᑐᓯ ᓮᐅᓂᒥᒃ ᐊᐅᖕᒥᒃ ᐊᑭᖃᕐᓗᒍ, ᔨᕉᓴᓕᒥᒡᓗ ᓴᓇᓚᐅᕐᑐᓯ ᐱᐅᖏᑦᑐᓕᓂᒃᑯᑦ.

ᒤᑲᐅᑉ ᐊᒡᓚᖏᑦ 3:2

ᐃᓕᑦᓯ ᐱᐅᔪᒥᒃ ᓇᕐᕈᔪᓯ ᐱᐅᒃᓴᕐᓗᓯᓗ ᐱᐅᖏᑦᑐᒥᒃ; ᐃᓕᑦᓯ ᐃᓄᖁᑎᒪ ᐅᕕᓂᖏᓐᓂᒃ ᐊᓕᒃᑐᐃᔪᓯ, ᓴᐅᓂᖏᑕ ᐅᕕᓂᖏᑦ ᐲᔭᕋᑦᓯᒋᒃ.

ᓴᑲᕅᐊᐅᑉ ᐊᒡᓚᖏᑦ 11:6

ᐃᓄᐃᑦ ᑕᒫᓂ ᓄᓇᖃᕐᑐᑦ ᓂᑲᒋᓂᐊᕈᓁᕐᐸᒃᑲ, ᐊᑕᓂᖅ ᐅᖃᕐᐳᖅ: ᑕᒤᑕ ᓴᓂᓪᓕᖏᓐᓄᑦ ᑐᓂᔪᒪᕙᒃᑲ ᐊᖓᔪᖅᑳᕐᔪᐊᖓᓐᓄᓪᓗ: ᑖᒃᑯᓇᓐᖓᑦ ᓄᓇᖓᑦ ᐱᓕᕆᐊᖑᔪᒫᕐᒪᑦ, ᑖᒃᑯᓇᖓᓪᓗ ᓴᐳᑎᓂᐊᓐᖏᓚᒃᑲ.

ᐋᐴᓯᑕᓖᑦ ᐱᓂᐊᕐᓂᖏᑦ 24:9

ᔫᑎᑦ ᑕᒪᑐᒥᖓ ᐸᓯᒃᓯᕈᑎᒋᔭᒥᖕᓂᒃ ᐊᖏᖃᑎᒌᒃᓗᑎᒃ ᓱᓕᓂᕅᕗᑦ.

ᓴᒧᐃᓕ ᓯᕗᓪᓖᑦ 24:11

ᓱᓕᓗ ᐊᑕᑖᒃ, ᑕᑯᒋᑦ! ᐅᓕᒡᔪᐊᕕᑦ ᐃᓚᖓ ᑎᒍᒥᐊᕐᑕᕋ ᑕᑯᕕᐅᒃ; ᐅᓕᒡᔪᐊᕕᑦ ᓯᓇᕐᔪᐊ ᐅᑭᓚᐅᕐᐸᕋ, ᑐᖁᓐᓇᓱᓚᐅᓐᖏᓚᒋᓪᓗ, ᖃᐅᔨᒪᓕᕆᑦ ᑕᑯᓗᑎᓪᓗ ᐃᓕᖕᓂᒃ ᐊᑭᕋᕐᑐᖏᓐᓇᒪ, ᐊᔪᕐᑐᓕᓚᐅᕐᓇᖓᓗ ᐃᓕᖕᓄᑦ, ᐃᕝᕕᓪᓕ ᐅᕙᓐᓂᒃ ᐱᓇᓱᐊᕐᐳᑎᑦ ᑐᖁᓐᓇᓱᐊᕐᓗᖓ.

ᓴᒧᐃᓕ ᓯᕗᓪᓖᑦ 26:20

ᑍᒤᒻᒪᑦ, ᑐᖁᑕᐅᑎᑦᑍᓕᓐᖓ ᓄᓇᒃᓴᔭᕆᓐᖏᑕᑦᑎᓐᓂ ᐊᑕᓂᐅᑉ ᓇᔪᕐᑕᖓᑕ ᐅᖓᓯᒋᔭᖓᓂ; ᓱᖕᒪᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᑐᖁᑦᓯᓇᓱᐊᕐᐹ ᐅᕙᓐᓂᒃ, ᑎᖕᒥᐊᕋᓱᒃᑐᑎᑐᑦ ᐊᕿᒡᒋᐊᑦᓯᐊᓂᒃ ᖃᖅᑲᓃᑦᑐᓂᒃ?”