ᒤᑲᐅᑉ ᐊᒡᓚᖏᑦ 7:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓚᑦᓱᒍᓱᓕᕐᓂᐊᕐᒥᔪᖅ ᐅᕙᑦᑎᓐᓂᒃ, ᐱᐅᖏᑦᑐᓕᓂᕗᑦ ᓵᓚᒋᓂᐊᕐᐰᑦ. ᐊᔪᕐᑐᓕᓂᕗᑦ ᐃᒋᓐᓂᐊᕐᐸᑎᑦ ᐃᒪᕐᕕᐅᑉ ᐃᑎᓂᕐᐹᖓᓄᑦ.

ᒤᑲᐅᑉ ᐊᒡᓚᖏᑦ 7:19 Iomraidhean Croise

ᓴᒧᐃᓕ ᐂᑉᐸᖏᑦ 24:14

ᑕᕝᕙ ᑍᕕᑎ ᑭᐅᕗᖅ ᒑᑦᒧᑦ, “ᐊᖏᔪᒥᒃ ᐊᒃᓱᕈᕐᓇᕐᑐᒦᓕᕐᐳᖓ; ᐊᑕᓂᐅᑉ ᓇᖕᒥᓂᖅ ᓱᒋᐊᓕᕐᓕᑎᒍᑦ, ᑖᓐᓇ ᓈᒃᑭᒍᓱᖕᓂᕐᔪᐊᖃᕐᒪᑦ; ᑭᓯᐊᓂᓕ ᐃᓄᖕᓄᑦ ᓱᒋᐊᕐᑕᐅᔪᒪᓐᖏᓚᖓ.”

ᐃᓐᖏᕈᑎᑦ 103:12

ᓯᕿᓂᐅᑉ ᓄᐃᕕᐊᓂᑦ ᓯᕿᓂᐅᑉ ᓂᐱᕕᐊ ᐅᖓᓯᒃᑑᖕᒪᑦ, ᑍᒫᒃᑕᐅᖅ ᐊᔪᕐᓂᕗᑦ ᐲᕐᓗᒋᑦ ᐅᖓᓯᒃᓯᑎᑉᐰᑦ ᐅᕙᑦᑎᓐᓂᑦ.

ᐃᓐᖏᕈᑎᑦ 130:8

ᑖᑦᓱᒪᓗ ᐃᓴᕆᐊᓕᑎᒃᑯᑦ ᐱᐅᓕᔪᒫᕐᐰᑦ ᐊᔪᕐᑐᓕᓂᖏᓐᓂᑦ ᑕᒤᓐᓂᑦ.

ᐃᓐᖏᕈᑎᑦ 85:3

ᓂᓐᖓᐅᒪᓃᑦ ᐃᓘᓐᓇᖓ ᓄᖅᑲᕐᑎᓚᐅᕐᐸᑦ; ᓂᓐᖓᐅᑦᔨᓯᒪᓂᕕᓪᓗ ᐋᓐᓂᐊᓇᕐᓂᖓᓂᒃ ᕿᒤᓚᐅᕐᐳᑎᑦ.

ᐂᓮᐊᓯᐅᑉ ᐊᒡᓚᖏᑦ 33:24

ᑕᕝᕙᓂᒥᐅᑦ ᓇᓪᓕᐊᑦ ᐅᖃᕈᒫᓐᖏᓚᖅ, “ᐋᓐᓂᐊᒐᒪ,” ᐃᓄᐃᓪᓗ ᑕᕝᕙᓃᑦᑐᑦ ᐊᔪᕐᑐᓕᓂᖏᑦ ᐃᓱᒪᒋᔪᓐᓁᕐᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 38:17

ᐃᓛᒃ ᐱᕚᓪᓕᕈᓐᓇᖁᓪᓗᖓ ᓂᓐᖓᐅᒪᓂᕐᔪᐊᖃᓚᐅᕐᐳᖓ; ᓇᒡᓕᖕᓂᕐᓄᓪᓕ ᓴᐳᑎᓚᐅᕐᐸᕐᒪ ᐃᑎᕐᓴᒥᑦ ᐊᓯᕈᕐᑕᐅᕕᖕᒥᑦ.

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 33:8

ᓴᓗᒻᒪᕈᒫᕐᐸᒃᑲ ᐊᔪᕐᑐᓕᓂᖏᑕ ᐸᓯᔭᒃᓴᐅᓂᖏᓐᓂᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐊᔪᕐᓂᖏᓐᓂᒃ ᐊᑭᕋᕐᑐᕐᓂᕆᓚᐅᕐᑕᖏᓐᓂᓪᓗ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:22

ᐊᑕᓂᐅᑉ ᓂᒡᓕᒍᓱᖕᓂᖓ ᑲᔪᓯᑦᓮᓐᓇᕐᐳᖅ, ᓂᑲᒍᓱᖕᓂᖓ ᓄᖅᑲᓚᐅᕐᓯᒪᓐᖏᓚᖅ,

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:32

ᕿᒃᓵᒃᑎᓚᐅᕋᓗᐊᕐᓗᓂᑎᒍᑦ, ᐃᓚᑦᓱᒍᓱᒍᒫᕐᐳᖅ ᓇᒡᓕᒍᓱᖕᓂᖓ ᐃᓱᖃᖏᑦᑑᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 18:22

ᐊᔪᕐᑐᓕᓂᕆᓚᐅᕐᑕᓕᒫᖏᑦ ᐃᖅᑲᐅᒪᔭᐅᓂᐊᓐᖏᓚᑦ; ᓈᒻᒪᓈᕐᑐᒥᒃ ᐃᓅᓯᖃᓚᐅᕐᓂᕐᒥᓄᑦ ᐃᓅᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 14:4

“ᐋᖅᑭᖕᓂᐊᕐᐸᒃᑲ ᐅᒃᐱᖏᓐᓂᖏᓐᓂᑦ; ᓇᒡᓕᒋᓂᐊᕐᐸᒃᑲ ᐃᓱᒪᕐᓱᕐᓗᖓ, ᓂᓐᖓᐅᒪᓂᕋ ᓴᖑᖕᒪᑦ ᑖᒃᑯᓇᓐᖓᑦ.

ᓴᑲᕅᐊᐅᑉ ᐊᒡᓚᖏᑦ 3:4

ᐂᖏᓕᓗ ᕿᓚᖕᒥᐅᖑᖃᑎᒥᓄᑦ ᑕᕝᕙᓃᑦᑐᓄᑦ ᐅᖃᕐᐳᖅ, “ᐆᒪ ᐊᓐᓄᕌᑦ ᓴᓗᒤᑦᑐᑦ ᐊᑐᕐᑕᖏᑦ ᐲᕐᓯᐅᒃ.” ᔮᓱᐊᒧᓪᓗ ᐅᖃᕆᕗᖅ, “ᑕᑯᒋᑦ ᐊᔪᕐᓂᑎᑦ ᐲᕐᐸᒃᑲ ᓄᑖᓂᒡᓗ ᐊᓐᓄᕌᓂᒃ ᐊᑎᓯᑎᑦᓱᒪᕙᒋᑦ.”

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.

ᕉᒪᒥᐅᓄᑦ 8:13

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᓄᒎᑦᓯ ᑐᖁᔪᒫᕐᐳᓯ, ᐊᓂᕐᓂᑯᓪᓕ ᑎᒥᐅᑉ ᐱᓂᐊᕐᓂᖏᑦ ᑐᖁᒃᑯᑦᓯᒋᑦ ᐃᓅᔪᒫᕐᐳᓯ.

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᒨᓯᓯ ᑕᓪᓕᒪᖏᑦ 32:36

ᐊᑕᓂᐅᑉ ᐃᓄᖁᑎᓂ ᓴᐳᑎᓂᐊᕐᒪᒋᑦ ᐱᔨᓂ ᓈᒃᑭᒋᓂᐊᕐᒪᒋᑦ, ᐱᔪᓐᓇᕐᓂᖃᖏᑦᑐᑦ ᑕᑯᓕᕈᓂᒋᑦ, ᓇᓪᓕᐊᓪᓘᓐᓃᑦ, ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 8:12

ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕈᒫᕋᒃᑭᑦ ᐊᔪᕐᓂᖏᓪᓗ ᐃᖅᑲᐅᒪᔪᓐᓃᕈᒫᕐᐸᒃᑲ.”

ᔪᐊᓇᓯ ᓯᕗᓪᓖᑦ 3:8

ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.