ᒤᑲᐅᑉ ᐊᒡᓚᖏᑦ 7:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒤᑲᐅᑉ ᐊᒡᓚᖏᑦ 7:18 Iomraidhean Croise

ᒨᓯᓯ ᓯᕗᓪᓖᑦ 4:7

ᐊᑲᐅᔪᒥᒃ ᐱᓐᓂᕈᕕᑦ, ᐃᓚᓕᐅᕐᑕᐅᒐᔭᓐᖏᓚᑏᑦ? ᓈᒻᒪᖏᑦᑐᒥᒡᓕ ᐱᒍᕕᑦ, ᐊᔪᕐᑐᓕᓂᐅᑉ ᐅᑕᖅᑭᕚᑎᑦ ᐃᑎᕐᑕᕐᕕᖕᒥ; ᐃᓕᖕᓂᒡᓗ ᐱᔪᒪᓪᓗᓂ, ᐃᕝᕕᓪᓕ ᓵᓚᒋᔭᕆᐊᖃᕐᐸᑦ.”

ᐊᑕᓃᑦ ᓯᕗᓪᓖᑦ 8:23

ᐅᖃᕐᓗᓂᓗ, “ᐊᑕᓃᖅ ᐃᓴᕆᐊᓕᐅᑉ ᒎᑎᖓᑦ, ᐊᑦᔨᖕᓂᒃ ᒎᑎᑕᖃᓐᖏᓚᖅ, ᐹᓂ ᕿᓚᖕᒥ ᓄᓇᐅᓪᓗ ᐊᑖᓂ, ᐊᖏᖃᑎᒌᒍᑎᒋᓯᒪᔭᑎᑦ ᑲᔪᓯᑎᒃᑲᕕᒋᑦ ᓇᒡᓕᖕᓃᓪᓗ ᓱᖁᓯᔪᐃᑦᑐᖅ ᖃᐅᔨᔭᐅᑎᓪᓗᒍ ᐱᔨᖕᓄᑦ ᓈᓚᒃᑐᓄᑦ ᐆᒻᒪᑎᓕᒫᒥᖕᓄᑦ ᐃᓕᖕᓂᒃ;

ᑯᕉᓂᑲ ᐂᑉᐸᖏᑦ 30:9

ᐊᑕᓂᕐᒧᑦ ᐅᑎᕈᑦᓯ, ᖃᑕᓐᖑᑎᓯ ᕿᑐᕐᖓᓯᓗ ᓇᒡᓕᒋᔭᐅᔪᓐᓇᕐᓯᓂᐊᕐᐳᑦ ᑎᒍᓯᓯᒪᔪᓂᑦ, ᐅᑎᕐᑎᑕᐅᓗᑎᒡᓗ ᑕᒪᐅᖓ ᓄᓇᒧᑦ. ᐊᑕᓂᖅ ᒎᑎᓯ ᐱᑦᓯᐊᕐᒪᑦ ᓂᑲᒍᓱᒡᓗᓂᓗ, ᑮᓇᒥᓄᓪᓗ ᐊᓚᕐᓂᐊᓐᖏᓛᓯ, ᑖᑦᓱᒧᖓ ᐅᑎᕐᓂᐊᕈᑦᓯ.”

ᑯᕉᓂᑲ ᐂᑉᐸᖏᑦ 6:21

ᑐᓴᖁᓪᓗᑎᓪᓗ ᐱᔨᕕᑦ ᐃᓴᕆᐊᓕᒥᐅᓪᓗ ᐃᓄᖏᑕ ᕿᓄᓂᖏᓐᓂᒃ, ᑐᒃᓯᐊᕐᑎᓪᓗᒋᑦ ᑕᕝᕙᓂ ᐃᓂᒋᓕᕐᑕᖓᓂ; ᑐᓴᕆᑦ ᐃᓂᒋᔭᕐᓂᑦ ᕿᓚᖕᒥᑦ; ᑐᓴᕈᕕᓪᓗ ᐃᓱᒪᒋᔪᓐᓁᕐᕕᒋᒃᑭᑦ.

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᐃᓐᖏᕈᑎᑦ 103:13

ᓲᕐᓗ ᐊᑖᑕᐅᑉ ᕿᑐᕐᖓᓂ ᓂᑲᒋᕙᖕᒪᒋᑦ, ᑍᒫᒃᑕᐅᖅ ᐊᑕᓂᐅᑉ ᓯᕘᕋᒋᔨᓂ ᓂᑲᒋᒋᕔᑦ.

ᐃᓐᖏᕈᑎᑦ 130:4

ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.

ᐃᓐᖏᕈᑎᑦ 35:10

ᓴᐅᓂᓕᒫᒃᑲ ᐅᖃᕈᒫᕐᐳᑦ, “ᐊᑕᓃᖅ, ᑭᓇᒥᒃ ᐊᑦᔨᖃᕐᐲᑦ? ᓴᐳᑦᔨᒐᕕᑦ ᐊᔪᓗᐊᕐᑐᒥᒃ ᓵᓚᒋᔨᒋᔭᖓᓂᑦ, ᐃᓛᒃ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᓴᐳᑎᕙᑎᑦ ᑎᒡᓕᒐᕐᕕᒋᔨᖏᓐᓂᑦ.”

ᐃᓐᖏᕈᑎᑦ 65:3

ᐱᐅᖏᑦᑐᓕᓂᕐᒧᑦ ᓵᓚᐅᓯᒪᓕᕐᑎᓪᓗᑕ, ᓈᒻᒪᖏᑦᑐᓕᓂᑦᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓂᒃ ᑐᓂᓯᕗᑎᑦ.

ᐃᓐᖏᕈᑎᑦ 65:4

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᓂᕈᐊᕐᑍᑦ, ᐊᐅᓚᑦᓯᓂᕐᓄᓪᓗ ᐃᓕᔧᑦ, ᐃᓂᖃᖁᓪᓗᒍ ᐃᒡᓗᕕᑦ ᑐᕐᓲᖓᓂ. ᑕᕝᕙ ᓈᒻᒪᒃᓯᔪᒫᕐᐳᒍᑦ ᐃᒡᓗᕕᑦ ᐱᐅᔪᐊᓘᓂᖓᓄᑦ, ᑐᒃᓯᐊᕐᕕᒡᔪᐊᒥ ᐃᑦᔪᕐᓁᑦᑐᖁᑎᖕᓂ!

ᐃᓐᖏᕈᑎᑦ 71:19

ᓱᓕᓗ ᐃᓱᐊᕐᑐᓕᓃᑦ ᖁᑦᓯᓗᐊᕐᒪᑦ ᕿᓚᖕᒥ ᒎᑏ. ᐊᖏᔪᐊᓗᖕᓂᒃ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᓯᒪᕗᑎᑦ, ᒎᑏ, ᑭᓇ ᐃᓕᖕᓂᒃ ᐊᑦᔨᖃᕐᐹ?

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐃᓐᖏᕈᑎᑦ 89:6

ᑭᓇᓖ ᕿᓚᖕᒦᑦᑐᖅ ᐊᑦᔨᖃᕈᓐᓇᕐᐸ ᐊᑕᓂᕐᒥᒃ? ᑭᓇᓘ ᕿᓚᖕᒥᐅᑕᐅᔪᓂ ᐊᑕᓂᕐᑐᑦ ᑍᒤᑦᓱᓐᓇᕐᐹ?

ᐃᓐᖏᕈᑎᑦ 89:8

ᐊᑕᓃᖅ ᒎᑏ, ᕿᓚᖕᒥᐅᒐᓴᒡᔪᐃᑦ ᒎᑎᖓᑦ, ᑭᓈ ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᕚ, ᐊᑕᓃᖅ? ᓱᖁᓯᔪᐃᑦᑑᓂᕐᓄᑦ ᐊᕙᑕᖏᕐᑕᐅᓯᒪᒐᕕᑦ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᒨᓯᓯ ᐂᑉᐸᖏᑦ 34:9

ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 33:24

ᑕᕝᕙᓂᒥᐅᑦ ᓇᓪᓕᐊᑦ ᐅᖃᕈᒫᓐᖏᓚᖅ, “ᐋᓐᓂᐊᒐᒪ,” ᐃᓄᐃᓪᓗ ᑕᕝᕙᓃᑦᑐᑦ ᐊᔪᕐᑐᓕᓂᖏᑦ ᐃᓱᒪᒋᔪᓐᓁᕐᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 38:17

ᐃᓛᒃ ᐱᕚᓪᓕᕈᓐᓇᖁᓪᓗᖓ ᓂᓐᖓᐅᒪᓂᕐᔪᐊᖃᓚᐅᕐᐳᖓ; ᓇᒡᓕᖕᓂᕐᓄᓪᓕ ᓴᐳᑎᓚᐅᕐᐸᕐᒪ ᐃᑎᕐᓴᒥᑦ ᐊᓯᕈᕐᑕᐅᕕᖕᒥᑦ.

ᐂᓮᐊᓯᐅᑉ ᐊᒡᓚᖏᑦ 40:18

ᓱᓇᒥᒡᓕ ᑍᒪ ᒎᑎ ᐊᑦᔨᖃᕐᑎᑦᓱᓐᓇᕐᐱᐅᒃ? ᓱᓇᒧᓪᓗ ᐊᑦᔨᐅᓕᕐᑎᑕᒃᓴᐅᒐᔭᕐᐹ?

ᐂᓮᐊᓯᐅᑉ ᐊᒡᓚᖏᑦ 40:25

ᑭᓇᒥᒃ ᐊᑦᔨᖃᕐᑎᑦᓱᓐᓇᕐᐱᖔ? ᓱᓇᒥᒡᓗ ᑍᒤᓪᓗᐊᖃᕐᑎᑦᓱᓐᓇᕐᐱᖔ? ᐃᑦᔪᕐᓁᑦᑐᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.

ᐂᓮᐊᓯᐅᑉ ᐊᒡᓚᖏᑦ 44:22

ᐱᐅᖏᑦᑐᓕᓂᓯ ᐊᖑᐊᓚᐅᕐᐸᒃᑲ ᓄᕗᔭᕐᓗᒃᑎᑐᑦ, ᐊᔪᕐᑐᓕᓂᓯᓗ ᓄᕗᔭᑎᑐᑦ ᐊᖑᐊᕐᓗᒋᑦ, ᐅᕙᓐᓄᑦ ᐅᑎᕆᑦᓯ, ᓴᑐᕐᑕᐅᕕᒃᓴᓕᐅᕐᓯᒪᓕᕋᑦᓯ.”

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 57:10

ᐃᓕᖅᑯᓯᕆᔭᓯ ᓯᕕᑐᓂᖓ ᑕᖃᑦᔪᑎᒋᒐᑦᓯᐅᒃ, ᓱᓕ ᐅᖃᓚᐅᓐᖏᓚᓯ, ‘ᓴᐱᕐᓇᕐᓯᕗᖅ,’ ᐱᔪᓐᓇᕐᓯᒃᑲᓐᓂᓚᐅᕋᑦᓯ, ᑍᒤᒻᒪᑦ ᐊᔪᓕᓚᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 57:16

ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 62:5

ᐃᓅᓱᒃᑑᑉ ᓄᓕᐊᓂᒃᐸᖕᓂᖓᑐᑦ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ, ᑍᒫᒃᑕᐅᖅ ᐃᕐᓂᓯ ᑲᑎᑎᑕᐅᖃᑎᒋᔪᒫᕆᕙᓯ, ᐊᖑᑎᐅᑉ ᐊᕐᓇᒧᑦ ᑲᑎᑎᑕᐅᔭᕌᖓᒥ ᖁᕕᐊᓱᖕᓂᕆᕙᒃᑕᖓᑐᑦ, ᑍᒫᒃ ᒎᑎᑦᓯ ᖁᕕᐊᓲᑎᒋᔪᒫᕆᕚᓯ.

ᐂᓮᐊᓯᐅᑉ ᐊᒡᓚᖏᑦ 64:9

ᓂᓐᖓᐅᒪᔪᐊᓘᑦᑍᓕᒋᑦ ᑕᐅᕗᖓᓕᒫᖅ, ᐊᑕᓃᖅ, ᐊᔪᕐᑐᓕᓂᕗᑦ ᐃᖅᑲᐅᒤᓐᓇᕐᓂᐊᕐᓇᒋᑦ ᐃᓱᖃᖏᑦᑐᒧᑦ; ᑕᑯᒋᑦ ᐃᓱᒪᓚᐅᕆᑦ ᐃᓕᖕᓄᑦ ᐃᓘᓐᓇᑕ ᐃᓄᖁᑎᒋᔭᐅᓂᑦᑎᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 65:19

ᔨᕉᓴᓕᒻ ᖁᕕᐊᓲᑎᒋᔪᒫᕐᐸᕋ, ᐃᓄᖏᓪᓗ ᖁᕕᐊᒋᓗᒋᑦ; ᕿᐊᕙᓗᒃᑐᑦ ᑐᓴᕐᓴᐅᓚᐅᕐᓯᒪᔪᓐᓃᕈᒫᕐᐳᑦ ᑕᕝᕙᓂ, ᑲᑉᐱᐊᓱᒡᕙᓗᒡᒥᒡᓗ ᓂᓪᓕᕐᑐᖃᓚᐅᕐᓯᒪᔪᓐᓃᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 3:12

ᐂᓕᕆᑦ, ᐅᓐᓄᐊᓪᓗᐊᑉ ᓇᓛᓃᑦᑐᓄᑦ ᐅᖃᕆᐊᕐᑐᕆᑦ. ᐃᓴᕆᐊᓕ ᐅᕙᓐᓄᑦ ᐅᑎᓚᐅᕆᑦ, ᐊᑕᓂᖅ ᐅᖃᕐᐳᖅ, ᓂᓐᖓᐅᒪᓂᕐᒧᑦ ᑕᑯᓂᐊᓐᖏᓚᒋᑦ ᓂᑲᒍᓱᒃᑐᕐᔫᒐᒪ, ᐃᓱᖃᖏᑦᑐᒧᑦ ᓂᓐᖓᐅᒪᓂᐊᓐᖏᓚᖓ.

ᔨᕆᒤᐊᐅᑉ ᐊᒡᓚᖏᑦ 3:5

ᐅᖃᕐᐸᒃᐳᑎᑦ, ᓂᓐᖓᒡᕕᒋᓯᒤᓐᓇᕐᓂᐊᕐᐱᑎᒎᑦ? ᑕᐅᕗᖓᓕᒫᖅ, ᑍᒫᒃ ᐅᖃᕋᓗᐊᕐᓗᑎᑦ ᐱᐅᖏᑦᑐᓕᐅᕈᑎᒋᔪᓐᓇᕐᑕᓕᒫᑎᑦ ᐊᑐᕋᓱᐊᖃᑦᑕᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 32:41

ᐱᐅᔪᒥᒃ ᐱᓇᓱᐊᕐᕕᒋᔭᕆᐊᖏᑕ ᖁᕕᐊᒋᕙᒃᑲ, ᓄᓇᒧᓪᓗ ᑕᒪᐅᖓ ᑲᓐᖓᕐᓲᑎᒋᔪᒫᕐᐸᒃᑲ ᐃᓄᒋᔭᐅᖏᓐᓇᖁᓪᓗᒋᑦ ᑲᔪᓯᑦᓯᐊᕐᓗᑎᒃ, ᐆᒻᒪᑎᓐᓄᑦ ᐃᓘᓐᓈᓄᑦ ᐃᓱᒪᓐᓄᓪᓗ ᐃᓘᓐᓈᓄᑦ.

ᔨᕆᒤᐊᐅᑉ ᐊᒡᓚᖏᑦ 33:8

ᓴᓗᒻᒪᕈᒫᕐᐸᒃᑲ ᐊᔪᕐᑐᓕᓂᖏᑕ ᐸᓯᔭᒃᓴᐅᓂᖏᓐᓂᑦ, ᐃᓱᒪᒋᔪᓐᓁᕐᕕᒋᓗᒋᓪᓗ ᐊᔪᕐᓂᖏᓐᓂᒃ ᐊᑭᕋᕐᑐᕐᓂᕆᓚᐅᕐᑕᖏᓐᓂᓪᓗ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 38:8

ᐃᐱᑦ-ᒥᓕᑭᐅᑉ ᐊᖓᔪᖅᑳᕐᔪᐊᖅ ᐅᐸᒃᓗᓂᐅᒃ ᐅᖃᐅᑎᕚ,

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᔨᕆᒤᐊᐅᑉ ᐊᒡᓚᖏᑦ 9:24

ᓂᕐᑐᕐᑕᐅᑦᔪᑎᖃᕈᒪᔪᕐᓕ ᓂᕐᑐᕐᑕᐅᑦᔪᑎᖃᕐᓕ ᖃᐅᔨᒪᓂᕐᒥᖕᓂᒃ ᐃᓕᓯᒪᓂᕐᒥᖕᓂᒡᓗ ᐅᕙᓐᓂᒃ, ᐊᑕᓂᐅᒐᒪ ᑍᒪᓐᖓᑦ ᓇᒡᓕᒍᓱᒃᑐᖅ ᐱᑦᓯᐊᕐᓂᕐᒥᒃ ᐱᓇᓱᐊᕈᑎᖃᕐᐸᒃᑐᖅ, ᓈᒻᒪᑦᓯᐊᕐᑐᒥᒃ ᐊᑲᐅᔪᒥᒡᓗ ᓄᓇᒥ, ᑕᒪᑦᔭ ᓂᕐᑐᐃᑦᔪᑕᐅᑎᓪᓗᒋᑦ ᖁᕕᐊᒋᔭᒃᑲ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 18:23

ᖁᕕᐊᒋᔭᖃᕋᓱᒋᕕᖓ ᐊᔪᕐᑐᓕᔪᑦ ᑐᖁᑕᐅᖃᑦᑕᕐᓂᖏᓐᓂᒃ? ᐊᑕᓂᖅ ᒎᑎ ᐅᖃᕐᐳᖅ, ᑍᒤᓐᖏᓚᖅ, ᐊᔪᕐᑐᓕᓂᕐᒥᓂᒡᓕ ᕿᒤᖔᕐᓗᓂ ᐃᓅᖁᕙᕋ.

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᐃᓯᑭᐊᓕᐅᑉ ᐊᒡᓚᖏᑦ 33:16

ᐊᔪᕐᑐᓕᓂᕆᓚᐅᕐᑕᖏᑦ ᓵᓐᖓᔭᐅᔪᑎᒋᓗᒋᑦ ᐃᖅᑲᐅᒪᔭᐅᓂᐊᕈᓐᓁᕐᐳᑦ; ᐃᓱᐊᕐᑐᒥᒃ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ, ᑖᓐᓇ ᐃᓅᓂᐊᓕᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 9:9

ᐊᑕᓂᖅ ᒎᑎᕗᑦ ᓈᒃᑭᒍᓱᖕᒪᑦ ᐃᓱᒪᒋᔪᓐᓁᕐᕕᖃᕈᓐᓇᕐᓗᓂᓗ, ᐅᕙᒍᑦ ᑖᑦᓱᒥᖓ ᐊᑭᕋᕐᑐᕐᓯᒪᒐᓗᐊᕐᑎᓪᓗᑕ;

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 14:5

ᐅᓪᓛᒃᑯᑦ ᖃᑯᐊᕐᑎᓯᒪᔪᑐᑦ ᑍᒤᓐᓂᐊᕐᐳᖓ ᐃᓴᕆᐊᓕᒧᑦ; ᐱᕈᕐᓯᐊᑎᑐᑦ ᐱᕈᕐᓂᐊᕐᐳᖅ, ᐊᒫᖏᓪᓗ ᑕᑭᒡᓕᑎᓐᓂᐊᕐᐸᒃᑲ ᓇᐹᕐᑐᑎᑐᑦ ᖃᑯᕐᑕᑎᑐᑦ ᕾᕈᓕᒃᑎᑐᑦ ᓕᐸᓇᓂᒦᑦᑐᑎᑐᑦ.

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᐂᒨᓯᐅᑉ ᐊᒡᓚᖏᑦ 7:8

ᐊᑕᓂᐅᓪᓗ ᐅᖃᐅᑎᓚᐅᕐᐹᖓ, “ᐂᒨᓰ, ᓱᓇᒥᒃ ᑕᑯᕖᑦ?” ᑭᐅᓚᐅᕐᐸᕋᓗ, “ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒥᒃ.” ᑕᕝᕙ ᐊᑕᓂᐅᑉ ᐅᖃᐅᑎᕚᖓ: “ᑕᑯᒋᑦ, ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒥᒃ ᐋᖅᑭᒃᓯᓂᐊᕐᐳᖓ ᐃᓄᖁᑎᒪ ᐃᓴᕆᐊᓕᒥᐅᑦ ᐊᑯᕐᖓᓐᓂ, ᖄᖏᑐᐃᓐᓇᕐᓂᐊᕈᓐᓃᕐᐸᒃᑲ.

ᐂᒨᓯᐅᑉ ᐊᒡᓚᖏᑦ 8:2

ᐅᖃᐅᑎᕚᖓᓗ, “ᐂᒨᓰ ᓱᓇᒥᒃ ᑕᑯᕖᑦ?” ᑭᐅᕙᕋᓗ, “ᐃᕕᐅᔭᕐᒥᒃ ᐸᐅᕐᖓᓂᒃ ᐱᕈᕇᕐᓯᒪᔪᓂᒃ ᐃᓗᓕᓕᖕᒥᒃ.” ᑕᕝᕙ ᐊᑕᓂᐅᑉ ᐅᖃᐅᑎᕚᖓ, “ᐃᓄᖁᑎᒪ ᐃᓴᕆᐊᓕᒥᐅᑦ ᐃᓱᓕᕝᕕᐊ ᓇᓪᓕᐅᑎᕗᖅ, ᖄᖏᑐᐃᓐᓇᕐᓂᐊᕈᓐᓃᕐᐸᒃᑲ.

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᒤᑲᐅᑉ ᐊᒡᓚᖏᑦ 2:12

ᓱᓕᑦᓯᐊᕐᓗᖓ ᑲᑎᕐᓱᕈᒫᕐᐸᑦᓯ, ᔧᑯᒧᑦ ᑭᖑᕚᖑᔪᓯ; ᑲᑎᕐᓱᕈᒫᕐᐸᒃᑲ ᐃᓴᕆᐊᓕᒥ ᐊᒥᐊᒃᑰᔪᑦ; ᓰᐱᑎᑐᑦ ᓰᐱᒃᑯᕕᖕᒧᑦ ᑲᑎᕐᓱᕐᑕᐅᔪᑎᑐᑦ, ᓰᐱᑎᑐᓪᓗ ᓂᕿᒃᓴᓕᖕᒦᑦᑐᑎᑐᑦ; ᑐᓴᒡᒐᕕᒃᓴᐅᓛᓐᖏᓚᕐᓗ ᐃᓄᒋᐊᓗᐊᒧᑦ.

ᒤᑲᐅᑉ ᐊᒡᓚᖏᑦ 4:7

ᑐᓯᐊᑦᑐᑦ ᐊᒥᐊᑰᑎᑦᓱᒫᕐᐸᒃᑲ, ᐊᐅᓪᓚᕈᑦᔭᐅᓯᒪᔪᓪᓗ ᓲᖑᓯᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᕐᖑᕐᑎᓪᓗᒋᑦ; ᐊᑕᓂᖅ ᐊᐅᓚᑦᓯᔪᒫᕐᒪᑦ ᑖᒃᑯᓂᖓ ᓮᐅᓂᐅᑉ ᖃᖅᑲᖓᓂᑦ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᒤᑲᐅᑉ ᐊᒡᓚᖏᑦ 5:3

ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.

ᒤᑲᐅᑉ ᐊᒡᓚᖏᑦ 7:14

ᐃᓄᖁᑎᑎᑦ ᐰᕆᒃᑭᑦ ᐊᔭᐅᑉᐱᐊᕐᓄᑦ, ᓰᐱᖁᑎᑎᑦ ᓇᖕᒥᓂᕆᒋᒐᕕᒋᑦ ᑭᖑᕚᒃᓴᓯ, ᓄᓇᖃᕐᑐᑦ ᑭᓯᒥᐅᓗᑎᒃ ᓇᐹᕐᑐᓕᖕᓂ, ᐱᕈᕐᑐᖃᑦᓯᐊᕐᑐᒥᓗ. ᓂᕆᓕᕐᓕᑦ ᐹᓴᓂᒥ ᒋᓕᐊᑎᒥᓗ ᑍᑦᓱᒪᓂ ᐱᐅᓯᐅᕙᓚᐅᕐᑐᑎᑐᑦ.

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᒨᓯᓯ ᓯᑕᒪᖏᑦ 23:21

ᔧᑰᑉ ᐱᐅᖏᑦᑐᓕᓂᖏᑦ ᑲᒪᒋᓐᖏᓔᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓂᒃ ᑕᑯᓚᐅᓐᖏᓚᖅ. ᐊᑕᓂᐅᑉ ᒎᑎᖓᑕ ᐃᓚᒋᖕᒪᒋᑦ, ᐊᖓᔪᖅᑳᕐᔪᐊᑉ ᓂᐱᕐᔪᐊᒧᑦ ᓂᓪᓕᐊᓂᖓᑕ ᐃᓚᒋᕔᑦ.

ᓘᑲᓯᐅᑉ ᐊᒡᓚᖏᑦ 15:32

ᒫᓐᓇ ᐊᑲᐅᓈᑦᓯᐊᕐᒪᑦ ᖁᕕᐊᓱᖃᑎᒌᒡᓗᑕ ᓯᕆᓗᑕᓗ, ᓄᑬᑦ ᑐᖁᖓᓚᐅᕐᑐᖅ, ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᒫᓐᓇ ᓇᓂᔭᐅᖕᒥᖕᒪᑦ.’”

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᕉᒪᒥᐅᓄᑦ 11:4

ᖃᓄᕐᓕ ᒎᑎᐅᑉ ᑭᐅᓚᐅᕐᐸᐅᒃ? “ᓴᐳᑦᔨᓯᒪᕗᖓ ᐃᓄᖕᓂᒃ 7,000ᓂᒃ ᑐᒃᓯᐊᕐᕕᖃᓚᐅᖏᑦᑐᓂᒃ ᒎᑎᓐᖑᐊᒧᑦ ᐰᓕᒧᑦ.”

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.